Page 1


PAGINA 16

Fiscal Mayor Peter Blanken:

Casonan sin solucion no ta wordo lubida of poni un banda ORANJESTAD(AAN):Nos ta den un seramento di 2013 y ainda tin casonan cu no a wordo soluciona dor di autoridad. E casonan aki no ta wordo lubida. Tin asesinato y desparacion di hende cu ainda autoridad tin atencion pe y nan kier soluciona. Nan lo keda mira den direccion di e biba di e comunidad y sentimentonan di cada famia y conocirnan. Asina mes tin mas caso cu ta bin acerca. Ta importante pa e comunidad wordo informa pero tambe ora e comunidad bin cu informacion e ta wordo tuma masha na serio. Peter Blanken fiscal mayor di ministerio publico a splica den un entrevista na Ministrerio Publico cu CID cu ta e departamento di inlichting dienst di polis ta haci un trabou pa traha riba e tip protegiendo e informante. Tambe fiscal mayor a splica cu e caso di Poentje Castro no a wordo soluciona pero no a wordo lubida. Nan ta haya informacion na CID y ta traha riba e informacion cu ta drenta. E capacidad di polis mester wordo reparti. Cosnan ta keda drenta na polis riba casonan cu mester wordo soluciona y e stuurgroep di autoridad di Aruba ta analiza e informacionnan cu ta drenta. Asina ta keda mira con ta traha riba e casonan pero nan ta hopi dependiente di informacion di e comunidad. Mescos ta e caso di Club 21. E caso di Club 21 nan tin idea cu e sospechoso no ta na

DIAHUEBS 19 DECEMBER 2013

DIARIO

Aruba mas pero ta buscando e persona aki ainda. Un hende cu ta sospechoso na Aruba y a huy ta buske a base di un acuerdo di coperacion. E pais unda el a bai nan di Aruba tin contacto of peticion haci pero no a haya contesta ainda. Nan tin diferente aspecto pakiko no kier duna masha informacion ainda mas riba e caso aki. Tin e caso di e Colombiano di Oro Cash cu tampoco a pone man riba e sospechoso mescos cu e caso di Poentje Castro. Fiscal Mayor Peter Blanken a splica cu e momento cu drenta informacion serio dilanti no ta tur informacion ta confiable. Ora nan haya un indicacion di un sospechoso den un caso nan ta investiga esaki. Tin hopi cos cu por t speculacion y nan no por traha riba speculacion.

Nataly Simmons di Aruba Bank:

Negociacion di CAO a bai constructivo y profesional ORANJESTAD(AAN): Nataly Simmons ta un ehecutivo di gerencia na Aruba Bank. Ora di firma e CAO nobo el a splica cu negociacion a bai den forma constructivo y profesional. Ta un gran logro pa sinta y firma un CAO cu cosnan beneficioso pa e empleadonan. Aruba Bank kier sigui promove un ambiente di trabou hopi sano yen di progreso. Pa management ta cosnan importante pa mantene e forma sano di traha y recompensanan pa esaki tambe. Gerencia di banco ta gradici e shopstewartnan tambe pa e forma cu nan a sinta y negocia hopi bon pa nan coleganan. Awe nan por firma y cuminsa e anja caminda empleadonan por habri anja gozando di e beneficionan.

Telefonnan di DIARIO 582-6747 Fax 582-8551


PAGINA 2

DIARIO

A confisca plantacion grandi di Marihuana den Dakota

DIAHUEBS 19 DECEMBER 2013

Polis a dal baho mundo un sla duro

ORANJESTAD(AAN)* Den cuadro di un investigacion andando pa algun tempo caba, Polis a dicidi pa haci un entrada hudicial na e cas situa na Grenadaweg # 4 na Dakota. Tabata sospecha cu eynan tabata cultiva marihuana. Na yegada di e unidadnan di Polis di Bario, Departamento di Droga y Polisnan di Oranjestad, a confirma e sospecho. Durante investigacion den e cas, Polis a confisca no menos di 722 mata di marihuana den e cas. Na mes momento a bay over na detencion di un sospechoso tambe, di inicial E.S., sospecha di ta maneha varios hardin den e cas cu ta cultiva mata di marihuana exclusivamente. Lito Lacle, Vocero di Polis a adverti cu lo sigui cu e tipo di control riguroso asina, specialmente den barionan. “Nos tin varios cas na bista y hunto cu coleganan di departamentonan di droga, Polis di Bario, K9 y varios mas, ta haciendo tur lo posibel pa por kita mas droga for di caya�. Ta pidi comunidad tambe pa aporta cu suministra informacion di casnan sospechoso.

The Perfect Holiday Gift Awaits... Royal Plaza Mall, Paseo Herencia Mall The Westin, Occidental Grand & Holiday Inn


Diahuebs December 19 2013

Pagina 16

Como embahadornan clave di nos turismo

Aruba Tourism Authority ta expresa su aprecio na personal di Inmigracion --Na cuminsamento di un otro “high season”, o sea e temporada di mas druk den turismo na nos isla, Aruba Tourism Authority (ATA) a dicidi di duna un poco atencion extra na servicio di Inmigracion den forma di un “appreciation moment”. Ronella Tjin AsjoeCroes a duna un presentation tocante desaroyonan di turismo di Aruba y kico por spera den e aña venidero. E CEO di Aruba Tourism Authority a celebra e momento di aprecio cu Inmigracion cu e mensahe pa nan sigui duna bon servicio, cu no ta solamente bon, pero cu ta sobresali cu seguramente lo tin un impresion positivo y ta contribui na e experiencia total di nos turistanan. El’a reconoce cu semper lo keda retonan, manera den cualquier organizacion, pero cu e importancia di turismo pa nos isla ta exigi di nos tur pa duna algo ‘extra’ y sobresali pa asina hunto Aruba por sobresali compara cu otro destinonan cu cual nos ta competi. Manager di e departamento di Strategy, Research and Planning di ATA, Melanie Kelly, a splica cu su departamento tin un relacion di trabao hopi extenso cu servicio di inmigracion, como cu inmigracion ta e organo encarga den provee data clave cu ATA ta utiliza. E celebracion di aprecio ta un idea di Kelly su

team, cual a haya apoyo di tur colega na ATA. Inmigracion ta haci un trabao grandi den procesamento di datonan di nos turistanan, pero tambe nan ta e prome pa duna nos bishitantenan un cordial bonbini, Kelly a elabora. E enfoke riba Inmigracion cu e reconocimento y “appreciation moment” special di parti di ATA, tabata ta pa expresa nan balor como embahadornan clave, e prome sonrisa y e prome impresion pa cu nos turistanan. ATA ta conta cu diferente socio hopi importante

pa yega na e metanan pa cu turismo di Pais Aruba; Inmigracion ta seguramente un di e socionan aki. Henter aña ATA ta conta cu esnan cu ta labora na inmigracion, cu tin un compromiso pa cu seguridad di nos isla, pa cu mantencion y crecemento di nos turismo y kende cu por haci cu nan actitud positivo y cordial di e prome “bon dia”y “bonbini na Aruba” te na e ultimo “bon viahe”, por impacta e bishitante y haci un diferencia den su experiencia total na Aruba.


191213  
Advertisement
Read more
Read more
Similar to
Popular now
Just for you