Issuu on Google+

DIAHUEBS 19 DECEMBER , 2013

3

Minister Juan David Yrausquin

“Mi ta haci un compromiso cu gastonan personal di Oficinanan di Minister no ta surpasa esun di 2013” Minister di Finanza Juan David Yrausquin diaranson mainta den Parlamento a sigura na Parlamento cu e ta bini di un partido cu loke e palabra cu pueblo, nan ta cumpli cu ne tambe. El a papia specificamente pa loke ta su cartera di Finanza riba cual tabatin pregunta cu a wordo haci door di oposicion. Durante e reunion publico di Parlamento riba “Instelling Ministeries” diaranson mainta a bini un cantidad grandi di pregunta dilanti di cual remarcabel tabata cu mayoria no tabatin di haber cu tema di e reunion. E diferente ministernan presente a dicidi pa toch

contesta preguntanan, a pesar di cu e tema di e reunion tabata diferente. Den e reunion aki e mandatario den un forma trankil a splica oposicion y publico presente cu “nos a bay congreso cu un programa pa gobernacion cu a wordo acepta den nomber di e mas di 25 mil miembronan di nos partido. Y ora cu nos a bay eleccion cu e programa di congreso, el a wordo aproba pa mas di 33 mil votado ...,” Minister Yrausquin a splica den Parlamento. Ta den e mesun proceso di eleccion aki, e mandatario a splica, a bisa pueblo cu “nos no

ta bin cu lista di 15 medidanan pa atende cu e retonan financiero”. E motibo ta pasobra tin diferente forma con por logra yega na drecha finansa publico. Den cuadro di su presentacion den Parlamento, e mandatario a menciona cu a yega na un acuerdo internamente cu e plafon di gastonan a wordo poni na 1350 miyon florin. “Mas cu esey e no por subi,” el a sigura. Di otro banda, e Gobierno aki ta bay enfoca pa logra un miho cumplimento cu pago di impuesto y crecemento economico, pa di e manera aki subi e entradanan di Gobierno. Alabes Minister Yrausquin a haci un compromiso den Par-

lamento cu e personal di Oficinanan di Minister, a pesar cu a bay di 7 pa 9 Minister, lo no trece cu ne gastonan extra, pues cu e lo no surpasa e gastonan aki di aña 2013. Hasta el a duna e cifranan di 2009 cu tabata 57.4

miyon y na 2013 esaki tabata 68 miyon. “Mi ta haci un compromiso cu e gastonan di personal di Oficinanan di Minister lo no surpasa e 68 miyon florin cu esaki tabata den 2013,” Minister Yrausquin a enfatisa.

Mama ta hiba cosnan Deepak y Satish Kalpoe a perde caso horta bek pa doño di demanda contra perhudica Dr. Phil cu e tape tabata manipula. E persona cu a graba e dos rumannan den forma secreto Jaimy Skeeters, a muri mesora despues cu esaki a sali na cla. No por a prueba ken a manipula e video, si tabata e productornan di Dr. Phil of Skeeters mes. Den e caso aki, e productornan di Dr. Phil a bisa cu nan a haya e video di Skeeters y a pas’e manera cu nan a ricibi’e.

Manera ta conoci e dos rumannan pa medio di abogadonan na Merca a demanda Dr.Phil 10 miyon dollar di compensacion pa daño na reputacion pa motibo cu a pasa un video unda nan lo ta admiti di a tene relacion sexual cu Natalee Hollway. E tape a pasa na 2005. Sinembargo, mesora despues a resulta

Hues na Los Angeles asina mes a rechasa e demanda di e dos rumannan basa riba un ley cu ta bisa cu prome cu por exigi compensacion pa daño sufri, mester a exigi un rectificacion di Dr. Phil. A uza como argumento un ley cu ta proteha noticieronan pa trece asina yama ‘breaking news.’ E hues a bisa cu e ley aki ta conta pa tur produccion di television cu keda manda den aire tambe. Mirando cu no a exigi un rectificacion prome cu a cuminsa cu e caso di demanda di compensacion no a keda e hues nada otro pa rechasa e peticion.

Un caso cu sin duda merece publicacion ta di un mama na Noord kende dialuna ultimo a dicidi di atende cu su yiu di 17 aña, pa colmo un mucha homber cu ta atende Colegio Arubano y tin bon resultado, riba algun aparato electronico cu el a haya den su camber. ArubAwe a wordo informa cu e mama a haya un television flat screen, un laptop y tambe un ipad den camber di su yiu y cual e ta sigui cu ni su persona y no tata di e hoben a cumpra pa e mucha homber. Inicialmente e hoben a informa e mama cu e articulonan di un amigo di dje pero e mama no a confia e asunto y ora cu e mama lesa un noticia di polis di un ladronicia cu a tuma luga na Palmbeach y caminda nan a bay cu entre otro aparatonan cu el a haya den camber di su yiu, e mama a dicidi di actua. Mientras cu e mucha homber a bay scol, e mama a hinca e aparatonan den su auto y a base di informacion cu el a lesa den corant a bay na e cas na Palmbeach y a papia cu un señora y a splica e señora di su inquietud riba e aparatonan cu su yiu homber tin den su poder na cas. Ora cu e señora a bay na e auto pa mira e aparatonan, el a reconoce cu nan ta aparatonan cu a ser horta algun

dia prome na su cas y mesora a baha e aparatonan bek. E aprecio pa e gesto aki tabata asina grandi cu e señora victima a gradici mama di e hoben y a informe cu e lo no avisa polis di e situacion aki ya cu el a haya cu cosnan horta bek. Anochi ora cu a confronta e hoben cu e desaroyo aki el a admiti cu dos amigo di dje a keda insisti pa nan bay horta na e cas ya cu un di nan conoce e famia aki. E mesun anochi e mama a bay cu su yiu homber pa ofrece su disculpa na e famia aki mientras cu tambe a bishita mayornan di e otro dos hobennan envolvi den e situacion aki y asina e famia a bin haya tur nan pertenencianan debi na e bon reaccion di mama di un di e hobennan aki. Loke ta resalta den e caso aki ta e hecho cu e hoben studiante aki tin un flatscreen den su camber, e tin un laptop y tambe tin su propio ipad, pues realmente no tin motibo pa e hoben comete e tipo di fechoria aki. Ta di spera cu otro mayornan tambe por yuda den esaki y hasta bisiñanan of otro hendenan cu mira cualkier maniobra straño pa avisa autoridadnan pa evita cu e hendenan aki ta sigui comete nan abuso contra comunidad.


WWW POLIS

Plantacion gigantesco di marihuana descubri

Bo ta interesa den Solar panels? Manda nos un mail na solar@elmar.aw CELEBRANDO 33 AÑA CU PUEBLO Aña 35 ▪ No. 9886 • 1,50 Florin

Pensioen:

Sindicatonan y gobierno a yega na acuerdo Carta di 2002 tocante pensioen di AOV a trece controversia momento cu Minister Juan David Irausquin a presente, na unda cu Evelyn Wever Croes como directora di Belasting di e tempo ey, a conseha pa hisa edad na 65 aña, mientras como lider di MEP actual e kier hunga politica di avestruz den parlamento, bisando e nunca ela tabata pro hisamento di edad di pensioen AOV na 65 aña. Den su declaracion Evelyn Wever ta bisa cu a usa e carta pa desvia atencion den parlamento pa e hecho cu gobierno a hisa e cantidad di ministernan di 7 pa 9.

DIAHUEBS 19 DECEMBER 2013

SINDICATO

FTA ta logra otro CAO beneficioso pa trahadornan di Aruba Bank


DIAHUEBS 19 DECEMBER 2013

PAGINA 3

DIARIO

Gobierno y sindicatonan a yega na un declaracion diaranson anochi

Lo sigui traha hunto riba Ley di AOV despues cu e pasa Parlamento

ORANJESTAD:(AAN) Gobierno di Gabinete Mike Eman II tin e meta pa yega na un solucion pa e problemanan cu fondo di pensioen AOV ta confronta. Pesey despues di constata e preocupacion cu ta existi cerca un grupo grandi di sindicato, a dicidi di tene un reunion urgente diaranson den oranan di atardi. Na final, e partidonan a logra haya otro den un declaracion pa sigui traha hunto riba tur aspectonan rond di e reforma di Ley di AOV, despues cu esaki wordo trata den Parla-

mento. Sindicatonan presente na e reunion tabata: ABV; TOPA; STT; SADA; SIMAR; STA; SCCA; SPA y UEA. Ambos partido tabata consciente y di acuerdo cu mester busca un solucion pa haci e fondo di pensioen di behes (AOV) mas sostenibel y duradero y cu hunto mester percura pa un base hopi mas amplio den comunidad cu ta aproba e cambionan. Gobierno kier trata e reforma di pensioen AOV ainda e aña’ki, mientras cu e cam-

bionan mes lo bay traha riba nan den 2014 pa e cambionan den fase cuminsa te na 2015. E partidonan na final a yega na un acuerdo unda ambos ta bisa di mira e urgencia pa atende e tema di sostenibilidad di AOV pero Gobierno ta reconoce tambe cu e sindicatonan kier tin e espacio pa evalua alternativanan despues di cualkier cambio aproba den Parlamento. Tambe den e reunion di algun ora, a yega na e palabracion cu den e concepto di cambio di ley

di AOV, cu ta den Parlamento, Gobierno lo agrega un provision cu e alternativanan cu ta wordo legisla na e momentonan aki lo wordo re-evalua y tambe evalua otro opcionnan. Tur e aspectonan aki e partidonan a convivi cu otro mester sosode den un periodo di 6 luna cu e cambio wordo pasa den Parlamento. Na final a keda palabra cu e

prome reunion riba e tema aki lo tuma luga dia 10 di januari, 2014. Prome Minister Mike Eman a gradici tur e sindicatonan presente, nan disponibilidad pa yega na un solucion pa e impase cu nan tabata aden, demostrando asina cu interes di Aruba y principalmente garantia di pensioen di nos grandinan ta bay na prome luga.

Minister di Labor, drs. Paul Croes:

“DAO ta bay haya un edificio ekipa pa brinda miho servicio na comunidad”

O R A N J E S TA D ( A A N ) : Como Minister di Labor, drs. Paul Croes tabata entusiasma di por mira e espacio cu e departamento mas importante di e cartera aki, ta bay ocupa pronto den edificio rescata, restaura y renoba di ex Belastingsdienst na Paardenbaaistraat. Na su opinion, e proyecto aki no solamente ta percura pa un miho espacio di trabou y comunicacion DIMAS y DAO, pero tambe ta eleva e calidad di Aruba como producto pa nos bishitantenan y como pais pa nos ciudadananonan. “E ta otro proyecto di infrastructura cu ta kedando cla, pero e ta parti di un vision cu awe ta wordo

realisa,” e Minister a expresa. Minister Croes a haci un recorido di e structura hunto cu Prome Minister Mike Eman y Minister di Stranheria, Benny Sevinger. Ing. Iris Giel di Departamento di Obranan Publico encarga cu e proyecto, a dirigi e bishita y a contesta pregunta di Minister Croes riba diferente aspecto. E tabata hopi interesa den conoce e dimensionnan di e edificio, con e oficinan ta reparti y con ambos departamento ariba menciona ta bay comparti y comunica eyden. Tambe e mandatario a referi na e locacion clave di e edificio dilanti di waf, cu pronto tambe Gabinete Eman ta bay desaroyo. “E 800 mil hende cu ta bishita nos isla anualmente no ta mira pa di prome un edificio den ruina cu adicto, pero un edificio ‘state of the art’. E inversion cu Gobierno ta haci sigur ta conta cu e sosten di nos comunidad, segun e manda-

tario, “paso nan ta wak unda nan placa di belasting ta bay. Esaki poco poco ta crea e Aruba cu nos tur ta desea.” Pa Minister Croes, esaki ta otro muestra di determinacion, vision y esfuerzo. E ta un trabou en conhunto pa cual el a gradici Minister di Infrastructura y su departamento

di DOW, como tambe e contratista Van Kessel, sin laga afo Fondo Desaroyo Aruba kende a percura pa e fondonan necesario y financiamento di e proyecto. E trabou tin un presupuesto di rond di 12 miyon Florin y manera representante di DOW mes a indica, trabou ta bayendo

na tempo y den su costo na caminda pa wordo entrega na fin di mei 2014. E rescate di e edificio aki ta complace Minister di Labor personalmente como cu “e ta bay acomoda un departamento cu na e momento aki mester di un acomodacion nobo. Nan lo tin un edificio y oficinanan ekipa pa por brinda e miho servicio na nos comunidad.” Adicionalmente e Minister ta haya importante pa recorda e situacion cu e tabata antes compar’e cu esun y awor paso e recuperacion di otro edificio bandona y laga den ruina pa e gobierno di cinco aña pasa, ta “parti di un plan grandi, un plan integral di renoba henter nos pais.” Fuera di esey, Minister drs. Paul Croes ta sostene e pensamento di Gabinete Mike Eman caminda cu cada edificio cu restaura ta cancela un contract miyonario di huur y asina ta aporta na e finanzas di pais Aruba.


191213