Issuu on Google+

DIAMARS 17 DECEMBER , 2013

13

Oficina encarga cu mantencion di centro di Oranjestad kedando cla Un ehempel grandi di esaki ta e creacion di BID, cu ta e oficina di ‘Business Improvement District’ cual ta e organisacion cu mester maneha henter e desaroyo den Oranjestad, incluyendo su limpieza, promocion, siguridad y mantencion. Minister Sevinger a bisa cu e fundacion legal di e organismo aki ta riba e agenda den e proximo dianan pa completa paso e mester ta cla pa cuminsa eherce su funcionnan lo mas pronto posibel.

Net prome cu a haci recorido pa supervisa e ultimo avancenan den e renobacion di Caya Principal, Minister di Infrastructura Benny Sevinger a dirigi su mes na prensa pa, entre otro, anuncia kico ta e proximo pasonan den e renobacion total

di centro di Oranjestad. “Nos a drenta den e fase di oplevering caminda Gobierno hunto cu Fondo Desaroyo Aruba y DOW ta wak kico ta falta den e proyecto pa traha un rapport y sinta cu e contratista pa asina e proyecto ta completa.”

Segun e mandatario encarga pa supervisa tur e proyectonan di infrastructura no solamente na Playa, como tambe riba henter e isla, a indica cu tin varios cos cu mester sosode ainda, cu no ta trata mas e construccion di infrastructura.

Tambe Minister Sevinger a comunica cu awo cu gran parti di e trabou den Caya G.F. Betico Croes ta culminando y tambe Plasa, InfraTeam ta sigui traha riba otro proyectonan manera ta e Welcome Plaza cu ta bin dilanti di waf, e Plasa Padu cu ta bin mey di e edificionan di gobierno y historico. Tambe ta trahando riba e embeyece-

mento di Schelpstraat y Wilhelminastraat como tambe tur e cayanan entre L.G. Smith Boulevard y De La Sallestraat. “Poco poco ta bay ehecuta esakinan. Nos ta contento cu Caya Grandi ta yegando su final y cu nos a siña hopi di dje. Tabatin hopi reto y tin retonan ainda. Pero nos ta traha cu determinacion pa yega na final,” Minister Sevinger a bisa. Tambe el probecha e oportunidad pa, pa medio di e medionan di comunicacion, duna un pabien na pueblo di Aruba y invita nan pa bin haci nan compra di fin di aña. “Ban pone ambiente y sostene e comerciantenan cu durante añanan a pasa dor di e renobacionnan aki, pero nos ta kere cu e miho temponan ta bini awo. Awe nos por ta orguyoso di un proyecto cu ta un joya pa nos pais, pero tambe pa region di Caribe.”


DIAMARS 17 DECEMBER , 2013

Hyatt Place ta bira operador di hotel ehecutivo den Caya Grandi Hotel cu lo contribui grandemente na desaroyo di Caya Grandi

Den luna di april ultimo representante di e cadena hotelero prestigioso Hyatt a bishita Aruba pa evalua posibel operacion di un hotel den Caya Grandi. Siman pasa a keda confirma na Gabinete Mike Eman II cu Hyatt, ta bira e operador di e hotel ehecutivo den Caya G.F. Betico Croes. E hotel aki ta bay cay bou di e un di e marcanan mas exitoso di e corporacion, esta ‘Hyatt Place’. Prome Minister Mike Eman a haci e anuncio aki diahuebs ultimo durante un conferencia di prensa caminda a menciona e hotel aki como un di e proyectonan cu ta biniendo den centro di ciudad pa eleva su nivel como atraccion turistico y comercial. “Un hotel cu lo contribui grandemente na e desaroyo y cantidad di persona cu ta cana den caya. Un hotel bon ocupa ta garantisa caba un cantidad di hende cu lo ta activo comercial y den parti di entretenimento,” Premier Eman a bisa. E marca ‘Hyatt Place’ ta un concepto caminda e gigante di hoteleria ta combina estilo, innovacion y convenciencia 24 ora pa 7 dia pa siman pa crea un estadia perfectamente consistente cu cada comodidad moderno cu e cliente merece. E cadena ta merecedo di vari-

os premio y reconocemento, incluyendo e “Highest in Guest Satisfaction Among Upscale Hotel Chains” segun J.D. Power e aña aki. Adicionalmente Hyatt Place ta figura como #1 Select-Service Brand dor di Business Travel News 2013 Hotel Chain Survey pa e di dos aña consecutivo. Na april ultimo e representantenan di Hyatt a evalua e tereno cu e inversionistanan a propone y tambe a determina cu e diseñonan ta na nan satisfaccion. Nan a bay cu e informacion aki bek na nan oficina principal corporativo pa tuma un decision. Nan a gusta e plan aki asina hopi cu hunto cu e renobacion di henter Caya Grandi y centro di Oranjestad ta priminti un potencial enorme pa laga Oranjestad bira un localidad excelente pa un hotel ehecutivo. Mientras tanto, durante ultimo e lunanan despues di e bishita di parti di Hyatt, e desaroyadonan di e proyecto a continua cu e prome fasenan di e ehecucion di e proyecto cu ta, entre otro midimento y test di e tereno. Manera Prome Minister Eman a menciona dia cu el a topa cu e delegacion di Hyatt, “Aruba ta logra un otro ‘milestone’ importante cu un hotel di cinco strea situa den centro di ciudad.”

It’s the most wonderful time of the year, the season to be jolly! The Star Hair Styling is ready for you with some new offers and packages for all those wanting a new look for Xmas & New Year! BASIC PACKAGE: Wash, Cut, Blow + Moroccan Oil Treatment! -Short hair at Awg 45,-Medium at Awg 55,-Long at Awg 65,PREMIUM PACKAGES: #1 Mani & Pedi + Wash, Cut, Blow + Morroccan Oil Treatment! -Short hair at Awg 100,-Medium at Awg 110,-Long at Awg 120,#2 Wash, Cut, Blow, Full Hair Color (OR) Full Hair Highlights & Moroccan Oil Treatment! -Short hair Awg 100,-

-Medium Awg 120,-Long Awg 140,#3 Wash, Cut, Blow, Full Hair Highlights + Full Hair Color & Moroccan Oil Treatment only: -Short hair at Awg 180,-Medium at Awg 200,Long at Awg 225,HOLIDAY ULTRA PREMIUM PACKAGE: Full Hair Color + Highlights + Wash, Cut, Blow + Moroccan Oil Treatment + Mani & Pedi! -Short hair at Awg 245,-Medium at Awg 265,-Long at Awg 285,*Offer valid for the whole month of December 2013. *Price excludes 1.5% BBO. *For appointments please call 582-0600 or 582-0002 *Afterhours 593-9000

6


PAGINA 16

DIARIO

DIAMARS 17 DECEMBER 2013

Prome Minister Mike Eman:

Tur plaza den Caya Grandi ta habri prome cu fin di aña

ORANJESTAD (AAN): Ministernan di Gabinete Mike Eman, semper a tipifica nan mes como ministernan "hands on", specialmente ora ta trata di proyectonan grandi manera esun den centro di Oranjestad. Cu nan mes wowo nan kier wak progreso y confirma e status di e trabaonan. Diahuebs mainta Ministernan Mike Eman y Benny Sevinger a cana hunto cu directiva di Departamento di Obranan Publico, representante di contratista y infra-team pa personalmente wak e trabao riba e tres plasanan cu ta kedando cla; Plaza Daniel Leo, Plaza Chipi Chipi y Plaza Nicky Habibe. Nan a haya un splicacion detaya di e status di e tres plasanan aki. Premier Eman ta reconoce cu e renobacion di centro di ciudad tabata un meta hopi ambicioso, pero e resultado ta premiando tur e sacrificio. “Den e proyecto di Caya Grandi nos tabatin un trabao grandi. Nos a pone pa crea un ambiente placentero y nos a pone como parti di e diseño pa crea oportunidad pa nos ciudadano y bishitante bini hunto,” e mandatario a expresa añadiendo cu en berdad “nos

a bringa cu tempo.” Pa tur e trabao y esfuerzonan haci el a gradici su colega di Infrastructura, Benny Sevinger como tambe Jossy Figaroa, Marlon Croes y henter e departamento di DOW, InfraTeam y e contratista como tambe tur esnan envolvi. “E proyectonan un pa un ta biniendo cla y ta formando e imagen total di e pais renoba cu nos a bin ta trahando riba dje,”

Prome Minister a bisa cu satisfaccion mirando con un fase mas di Gabinete Mike Eman ta birando un realidad. “Esaki ta duna un aspecto adicional na un fin di aña positivo.” E prome mandatario di nos pais a bisa den mesun rosea cu e trabao no ta caba aki, pero ta continua di otro forma. Awor cu centro di ciudad di un cara nobo y mas bunita, ta bin e parti caminda ta pone tur esaki traha na fabor di nos isla y su hendenan. “E trabao importante cu Gobierno ta bay tin ta pa inspira inversionistanan pa capitalisa riba e centro di ciudad nobo pasobra tin hopi posibilidad pa renobacion di edificio, di tienda y centronan nobo.” Un ehempel hopi importante di esey ta e proyecto pa un hotel den caya principal. E siman aki Prome Minister a papia cu e desaroyador, kende a confirma cu e hotel cu ta bin caminda ta aworaki parkeerplaats pariba di Bon Bini, lo carga bandera di ‘Hyatt Place.’ E hotel aki sigur lo contribui na e cantidad di persona cu ta bay haci uzo caya, creando mas actividad comercial. Pa loke ta e plasanan, tur tres ta bay habri di manera oficial prome cu ciere di 2013 y pa 2014 ta inicia e construccion di Plaza Padu cu ta cera e centro historico y di gobernacion di Aruba. E mandatario a menciona caba cu, aunke e trabaonan ta sigui, ya caba Aruba ta hayando premio y elogio rond mundo. Henter e plan di diseño y infrastructura di tram a caba di

E & E TRADING

Pasa serca nos awe mes pa bo Alum. Strip/Frame pa Bentana “Sun Sash”. Nos tin den e tamañonan: 18-½”, 25-½”, 29”, 36”, 46-½”, 53-½” y 60-½”. Tin operator / weather strip tambe!! Sabana Blanco # 1-B (ex-lumber yard di Brenchie’s Dakota na Rondweg) Tel: 588-2828 Dialuna - Diabierna na: 8:30 - 1:00 / 2:30 - 6:00 • Diasabra: 9:00 - 1:00 “Servicio V.I.P. cu un toke personal”

ricibi un premio na New York for di un asociacion nacional Mericano, na Hulanda Aruba ta menciona como ehempel y periodista importante di Merca a bin exclusivamente pa haci reportahe riba e renacemento di nos capital for di e angulo turistico. “E resultado final ta un miho producto pa nos hendenan cu

tambe ta un producto mas atractivo pa nos bishitantenan y na final ta conduci pa Aruba haya mas entrada, pa nos trahadonnan ta haya mas, tin mas inversion y pa Aruba por sigui crece y trece un ambiente no solamente di crecemento economico pero tambe di bienestar general,” Prome Minister Eman a splica.


PAGINA 2

DIARIO

Secretario Estado di Finanza Frans Weekers entusiama cu proyecto di pre-clearance

O R A N J E S TA D ( A A N ) : Esaki ta expresion cu e Secretario di Estado di Finanza Hulandes a haci na final di su bishita na Aruba fin di siman ultimo. Despues di un bishita pa Corsou, Frans Weekers a yega Aruba principalmente pa cera conoci cu Minister nobo di Finansa di Aruba, tabata tin un reunion extenso cu e Minister, tambe tabata tin un encuentro cu Prome Minister Mike Eman y na final a haci un bishita na e Pre-Clearance Mericano na Aeropuerto Internacional Reina Beatrix.Na final di dia Secretario di Estado Weekers a keda hopi satisfecho di e bishita di trabou, pero tambe a mustra hopi entusiasma cu e proyecto di pre-clearance cu sigur di su banda tin e apoyo. El a expresa cu e bishita pa cera conoci cu e Minister di Finansa, Juan David Yrausquin, a resulta uno fructifero. A logra papia riba e economia y diferente forma di cooperacion entre Hulanda y Aruba. Pero na mesun momento el a sigura cu no tabatin ningun keho riba e cooperacion cu Aruba e ultimo añanan. “E ultimo añanan nos a bin ta traha hopi bon cu Aruba, pero a identifica algun elemento nobo y den e areanan ey por profundisa e formanan di cooperacion,” Weekers a comenta, prome cu su biahe di regreso pa Hulanda. Ademas di e punto menciona, a intercambia di pensamento riba e areglo nobo di belasting entre Aruba y Hulanda. E ta algo cu e Secretario di Estado lo kier mira keda concretisa den algun luna di tempo, pa di e manera ey tur aspecto fiscal ta cla pa ambos pais.

Frans Weekers ta e politico cu a cuminsa cu simplificacion di e sistema di impuesto di Hulanda, logrando cu esaki ta bira mas solido y fuerte contra fraude. Tambe e ta trahando pa haci e sistema uno mas moderno, cual ta cuadra perfectamente cu e pensamento di su colega aki na Aruba, Juan David Yrausquin. Den cuadro di esaki a papia tambe di e ayudo tecnico cu Hulanda lo por brinda Aruba, mirando e experticio cu nan tin, riba tereno di finansa publico. Pre-clearance ta un di e temanan cu a bini dilanti den e

reunionnan. Prome Minister Mike Eman a bin ta promoviendo creacion di un seccion di Pre-Clearance di Union Europeo na Aeropuerto Internacional Reina Beatrix. E ta nifica cu personanan cu biaha pa un pais di Union Europeo, via di Aruba, na final di su biahe ta simplemente recoge maleta y bay cas. Tur control, tanto di Inmigracion como Douane ta wordo haci na Aruba, mescos cu e sistema Mericano. E mandatario Hulandes a sigura di ta mira e proyecto aki como uno hopi constructivo, pa cual el a bishita e area Mericano pa e mira con esaki ta funciona. Tin algun aspecto huridico cu ta e comision di Union Europeo mester duna su aprobacion pa esaki. Y falta pa haya contesta riba e preguntanan riba e area organisatorio y cuanto e lo bay costa, el a splica. Pero e no ta kita cu e ta hay'e sumamente interesante. “Nos no ta asina leu cu mi por bisa si nos ta bay haci'e, pero si mi por bisa cu mi ta hopi interesa, pasobra pa ambos pais e lo ta un proyecto hopi bunita.”

Dump di Gavilan ta sera te proximo aviso O R A N J E S TA D ( A A N ) - Dump di Gavilan ta sera te cu proximo aviso. Den fin di siman e tabata masha den noticia. E candela cu a cuminsa diabierna a bira asina grandi diasabra cu bomberonan y Serlimar mester a cay aden mesora. Ademas di bomberonan cu a duna un bon man pa e situacion tabata e personal di Serlimar cu a logra te caminda cu tabata por dump santo riba e candela. E yamadanan cu Serlimar a haya tabata bastante segun e vocero di Serlimar Lionel Croes. El a splica kehonan tabata hopi for di habitantenan pero tambe di esnan den e area di hotel caminda e molester di huma tabata afecta. Ta investigando kende a comete e acto aki. Pa haci esaki a sera e Dump di Gavilan te cu proximo aviso. No por subi e tereno di Dump. Aki solamente por

a tira sushi cu ta resto di construccion pero tambe matanan cu ta wordo corta. Asina cu e investigacion termina y dump di Gavilan habri bek nan Serlimar lo notifica. Lionel Croes a splica cu e Dump aki ta hopi usa. Mientrastanto por keda tira sushi na e dump di Parkietenbos.

DIAMARS 17 DECEMBER 2013


DIAMARS 17 DECEMBER 2013

Cu N.V. nobo, gobierno lo cumpra, renoba, y huur/bende edificionan den cuadro di desaroyo nobo pa centro di ciudad

O R A N J E S TA D ( A A N ) : “Nos ta mira hopi desaroyonan positivo den renobacion di diferente edificionan den centro di ciudad. Esaki ta loke nos kier propaganda tambe,” asina Minister di Infrastructura Benny Sevinger a bisa refiriendo na e tendencia di empresario y propietarionan di inmobiliario na Playa cu ta renobando nan propiedad pa inclui e faceta di vivienda. Minister Sevinger a haci e comentario aki durante e conferencia di prensa cu a duna

previo na un recorido cu a haci den Caya G.F. Betico Croes pa inspeccion e avance di ultimo trabounan riba plazanan y henter renobacion di caya principal. Tambe e mandatario a elabora brevemente

riba e plannan di Gabinete Mike Eman ta implementa un sistema den cual sector publico y priva ta uni forsa pa revitalisa e centro di ciudad dor di pone edificionan bieu bek den funcion. “Gobierno a bay Parlamento y pasa ley unda nos ta bay participa den un N.V. pa cumpra, renoba y huur/bende edificionan. Asina nos por sigui cu e desaroyo positivo den centro di ciudad,” Sevinger a splica, añadiendo cu mesun cos ta bay sosode na San Nicolas.

Minister drs. Paul Croes ta desmenti informe di retiro di 150 trahador na Ritz Carlton. O R A N J E S TA D ( A A N ) - Durante fin di siman Minister di Labor drs Paul Croes a wordo informa cu tin trahadornan cu a wordo retira for di hotel Ritz Carlton. E presidente di STA sr Diego De Cuba a acerca Minister di Labor pa asina informe locual ta pasando na hotel Ritz Carlton. Minister Croes di Labor a enfatisa cu e contacto cu STA ta keda uno positivo, como cu hunto nan ta monitor e situacion cu ta adando den e campo laboral. Mesora minister a encarga su ministerio pa tuma contacto cu Gerencia di e hotel na unda a wordo informa na su persona kico ta locual ta e motibonan y e cantidad real di esnan cu a wordo retira for di trabao. Ritz Carlton ta un compania di renombre y cu tin su standard den su sistema di maneho y servicio y ta aki ta na unda a pone e enfasis riba e trahadornan cu ta wordo emplea. For di dia 22 di November cu Ritz Carlton a habri y un periodo prome cu nan tabata recruta persona, nan a emplea 500 trahador y te cu dia 16 di December ta 44 persona, nan contract a wordo termina. Durante e periodo aki esnan cu a wordo acepta pa trabao ta haya e oportunidad pa climatisa y conoce e producto Ritz Carlton. Automaticamente ta keda na e gerencia di e hotel si durante e periodo aki no cumpli cu nan peticionnan y standard di trabao, di kibra

PAGINA 3

DIARIO

E rumbo aki ta basa riba estudionan cu a demostra cu un di e factornan cu ta perhudica centro di Oranjestad, ta cu tur actividad ta muri despues di 6’or di atardi. Minister Sevinger a comenta cu na otro capitalnan, ta mantene e movecion aki dor cu hendenan ta biba den e propio centro y esey tambe ta loke nan kier promov’e. “Ora bo tin mas hende ta biba den centro di ciudad, esey ta nifica cu bo por tin un ora mas largo cu comercio ta keda habri pasobra tin actividad economico. E ta trece seguridad dor cu tanten tin hende ta cana, esnan cu kier haci malo

no ta tuma e riesgo paso tin hende ta vigila; y ta trece tambe e ambiente familiar cu nos kier,” e mandatario a señala. El a conta cu ya pa varios aña Minister President a sinta cu comerciantenan pa splica nan di e vision aki y wak su potencial. Minister Sevinger a duna ehempel di comerciantenan cu tin nan deposito na un di dos piso, por cambia esaki den un vivienda tanto pa studiante of pa pareha cu ya no kier biba den un cas grandi. “Tur esaki ta den promocion pa drecha y hisa e nivel di bida den centro di ciudad y ta un di e puntonan cu nos ta trahando riba dje.”

Tur empleado cu derecho riba reparatietoeslag ta bai haya aumento! Aumento lo cubri ahustacion di prima di AOV

contract of no. A wordo anuncia cu tin un total di 150 persona cu a wordo retira for di trabao den e fin di siman tras di lomba. Minister di Labor drs Paul Croes a ricibi e informacion cu e cifra aki no ta cuadra cu berdad sino cu ta trata di un total di 44 trahador, nan contract a wordo termina den nan temporada di prueba. Esaki ta e dos lunanan di “proeftijd”. Motibonan ta di entre otro, no presenta na trabao pa algun dia of no a pasa e drug test rekeri positivamente. Tambe tabatin otro motibonan cu ta entre otro di no tin e conocemento di e producto cu ta wordo rekeri den e standard cu Ritz Carlton ta exigi. Tabata tin speculacionan cu lo tabata tin100 pa 120 permiso cu lo mester a wordo otorga na Ritz Carlton di locual nan a ricibi caba, door di Minister. Aki Minister Croes a desmenti esaki categoricamente y a

duna di conoce,”cu Ritz Carlton, mescos cu cualkier inversionista grandi cu ta na interes di nos pais mester bay igual tambe na e interes di e mercado Local, for di su Ministerio ningun permiso a wordo duna na persona di afo manera a wordo specula”. Si a duna permisonan pero ta pa Gerente General di Ritz Carlton y tambe algun persona den gerencia cu a bini pa cera Arubianonan trahador conoci cu e producto aki y su standard. Logicamente banda di un stranhero tin un Arubiano elaborando den un periodo cortico pa asina guia e Arubiano den e trabao pa despues e por sigui cu e tarea. E speculacion aki di e cantidad di permiso of trahadornan no ta cuadra cu berdad y a wordo confirma tambe door di gerencia di Ritz Carlton. Minister Croes a ricibi e informacionnan aki por escrito.

ORANJESTAD(AAN): Cu fin di re-enforza e poder di compra di nos ciudadanonan y duna stabilidad na e desaroyo salarial, Gobierno di Aruba a introduci e asina yama raparatietoeslag na anja 2011. Como compensacion adicional pa e perdida di poder di compra e sumanan aki a ser aumenta na anja 2013. "Awor na anja 2014 tur empleado cu derecho riba reparatietoeslag lo ricibi un aumento," Prome Minister Mike Eman a declara. "E aumento aki lo cubri e ahustacion den e prima di AOV, manera refleha den e protocol di Dialogo Social riba reformanan den e fondonan publico. Na 2009 a bin encontra no solamente un deterioro fisico di nos infrastructura, ciudad y barionan, pero tambe un deterioro nacional causa pa un perdida di poder di compra substancial di e anjanan anterior. Gabinete Mike Eman I a tuma accion y a cuminsa ehecuta un plan di estimulo economico cu fin di mehora poder di compra y tambe pa recupera economia cu ta contene inversionnan amplio riba tereno di infrastructura, urbanisacion y tambe energia alternativo. “Gabinete Mike Eman II ta sigui cu e maneho aki y ta marcando pasonan concreto riba mehoracion di e calidad di bida di e habitantenan di nos isla," Prome Minister Mike Eman a declara. For di anja 2011, tur empleado den sector priva cu un entrada menos cu Afl. 2500 pa luna a ricibi un reparatietoeslag te cu Afl. 900 pa anja. Di mes manera, pensionadonan a ricibi un reparatietoeslag di Afl. 600 pa anja. E reparatietoeslag pa empleadonan den sector priva a ser aumenta te Afl. 1200 y e reparatietoeslag pa pensionadonan a wordo redobla. E reparatietoeslag pa empleadonan den sector priva y tambe pensionadonan ta wordo paga mensualmente. E reparatietoeslag di empleadonan den sector priva cu un entrada mas abou cu Afl.2500 ta aumenta gradualmente te cu Afl.1200 ora cu e entrada mensual ta yega mas serca di e salario minimo. E reparatietoeslag ta totalmente liber di impuesto. Den luna di november y december ultimo, participantenan di e Dialogo Social a enfatisa e necesidad pa sigui garantiza e sostenibilidad di e fondo di pensioen di AOV. Na anja 2015 lo inicia cu e aumento gradual di edad di pensioen te cu 65 anja na anja 2024. For di prome di januari 2014 lo introduci tambe un ahuste di e prima di pensioen cu 1% reparti di forma igual entre empleado y dunador di trabow. "Pa cubri e ahuste di prima aki, lo ahusta tambe e reparatietoeslag di igual manera," Prome Minister Mike Eman a indica. "Di es manera aki por sigui garantiza e sostenibilidad di e fondo di pensioen di AOV y lo sigui sostenee poder di compra di e grupo aki." 40% di e empleadonan di sector priva ta conta cu un entrada di Afl. 2500 of menos y e ahuste aki lo nifica un aumento.


DIAMARS 17 DECEMBER 2013

PAGINA 5

DIARIO

Autoridad ta ciego pa un situacion mahos y penoso bisto pa pueblo y turistanan

ORANJESTAD(AAN)-Ainda por corda con batayon di polis y demas departamentonan a atende cu un situacion na Moko. Esaki tabata un mama cu tabata bibando cu e yiunan menor di edad bou di un mata. Obligatoriamente a kita e muchanan for di e mama y ademas e forma di biba bou palo sin cu ta desea yudanza no tabata bon. E caso aki a pasa pero tin mas caso cu tambe mester di atencion. E ta un situacion den wowo di tur hende pero parce cu e instancianan y tambe autoridad ta sea ciego of ta hunga ciego pa e situacion. E ta e homber fam Young biba bou palo na Noord. E no

ta bon di cabez aunke e no ta molestia ningun hende. Sinembargo e forma di biba no ta esun adecua pa un ser humano. E tabata biba riba dump y eynan a core cune. El a cruza caya biba pafor di dump pero cu tempo a cuminsa mire te banda panort di Centro di Bario Noord. Despues a cuminsa mire poco pabou di Botica Santa Ana. Riba e caminda grandi tur hende ta mira e persona aki. Cu tempo el a cuminsa acumula un cantidad di cos mahos pa e area. E ta sinta abou ta come riba vloer y gali単a cu gai ta cana rond di dje y come for di su cuminda. E no ta comunica cu hende. Berdad

e no ta un adicto pero e no ta bon. Ademas e manera di sinta eybou tur sushi y rondona pa cosnan bieu mester wordo atendi. E persona aki mester di yudanza. E tabata famia di ex casa di un ex minister di e gabinete anterior di AVP. Ningun dia nan a saca un man pa yude. Tur hende ta mira e situacion eybou pero tur hende ta bira cara pa e problema. Turistanan ta pasa na cantidad den e area. E pregunta ta ki dia ta haci algo cu e situacion aki? E persona aki mester wordo kita di eynan y atendi pa su problema y haci un limpieza na e sitio. Laga nos mira cual mandatario lo actua.


PAGINA 6

DIARIO

Prome Minister Mike Eman:

“Nos ta wak, reconoce y elogia e señal di con centro di ciudad por wordo rebiba cu cambio”

O R A N J E S TA D ( A A N ) : Prome mandatario di nos pais a expresa, e satisfaccion cu e ta sinti di wak con empresarionan local manera famia Habibe/Amundary, entre otro, ta renovando nan edificionan pa inclui den nan e capacidad di fungi como residencianan. E ta admiti di ta expresa esaki cu un tiki reservacion pasobra e kier wak e tendencia aki desaroya di un manera mas amplio y lihe. E desaroyo aki ta habri un mercado nobo, cu solamente ta busca pa beneficia e sector comercial di centro di ciudad, pero tambe hisa e nivel di calidad di bida di e residentenan ya existente. Durante e conferencia di prensa ofreci algun dia atras cu motivo di e inspeccion cu a haci den Caya Grandi, Premier Eman a duna reconocemento na e famia cu ta renobando edificio Nicky Habibe, mescos cu Sr. Bincho Mansur kende a cumpra ex-Acme Store y a haci un renobacion hopi atractivo cune. Awo, e edificio aki ta mantene abou su espacio comercial, mientras cu na e di dos piso ta ofrece dos pa tres luga di residencia. “Esey sigur ta bay trece mas actividad den un grupo di edad cu ta importante pa actividad comercial den Caya Grandi,” Eman a bisa.

Di mesun manera Sr. Serge Mansur a cumpra un di e casnan mas bieu den Oranjestad, di famia Hart, banda di Fort Zoutman y ta ehecutando actualmente un renobacion di dje. “Ta e tipo di desaroyonan aki nos ta haya importante,” tabata e palabra di Premier Eman. Personalmente el a papia cu tur e comerciantenan den Caya Grandi y e cayanan anexo pa explora e posibilidad di diversifica nan propiedad den luga di residencia. Ademas di trece un entrada extra, e ta yuda revitalisa centro di ciudad den oranan di anochi di un manera sano. Pa complementa e iniciativanan di sector priva, Gobierno ta trahando riba e fundacion di un compania cu ta bay yama Renobacion Aruba N.V. E compania aki ta sigui e exito cu a conoce na Hulanda caminda rebiba Amsterdam, Utrecht y Rotterdam pa medio di ‘Stadherstel Amsterdam N.V.’ E concepto ta uni forsa cu sector priva pa acumula suficiente fondo pa compra, renobacion y benta of huur di

SE VENDE

Kia Picanto 2006 Price Afl.6.500,- As is CALL: 594-9925

edificio. Esaki ta cana hunto cu Monumentenbureau. “Esaki ta algo cu sigur nos kier haci rond di Aruba, p'esey nos a yam’e Renobacion Aruba N.V. pasobra nos ta mira edificionan monumental na otro bario y na San Nicolas tambe,” Prome Minister a bisa.

DIAMARS 17 DECEMBER 2013



171213