Issuu on Google+

DIAMARS 17 DECEMBER , 2013

2

SEÑOR TA BISA:“MA AMI, MANERA OLEIFI BERDE DEN CAS DI DIOS, MI TA CONFIA DEN DIOS SU BONDAD TUR ORA, PA SEMPER”, SALMO 52:8

I Love My Body ta presenta educacion sexual pa mayornan

Ainda taboe bou mayornan pa papia ariba sexualidad ta grandi Ayera Fundacion Famia Planea a organisa un conferencia di prensa, caminda Rigmar Kock kende ta coordinado di proyecto di e fundacion menciona a referi na diferente investigacion cu a wordo realisa cu ta revela cu un mayoria di mayornan no ta papiando cu nan yiunan riba e topico di sexualidad. Via organisacion of scolnan na Aruba hobennan por ricibi informacion over di e topico di salud sexual y sexualidad den su totalidad. Awendia hobennan por alabes busca varios informacion via internet y literatura cu tin disponibel. A pesar di tur e informacionnan disponibel pafo di cas, paden di cas mes ta keda falta segun e hobennan, asina Kock a indica. Esaki a inclui cu e team di I Love My Body di Fundacion Famia Plania a inclui un strategia extra pa atende cu e asunto aki. Pa ehecuta e strategia aki nan ta conta cu sosten di tres studiante di Hulanda, Janiek Meijer, Eugenie Davelaar y Doetie Bakker pa bin cu un proyecto pa ofrece informacion pa e mayornan riba diferente topico relaciona cu sexualidad y salud sexual. INVESTIGACION Na comienso di juni Famia Planea a laga conduci un investigacion cu a mustra con envolvi e mayornan tabata pa menciona e organisacion na e hobennan. E resultado tabata indica cu un 22% mayor so tabata haci esaki. Bou di e miembronan cu tabata bin busca anticonceptivo, esaki a resulta un 11%. Ariba e topico general di sexualidad, mas di 50% di mayornan no ta papia cu nan yiu over di e topico, se-

gun e contestanan di e studiantenan cu a wordo investiga door di Directie Volksgezondheid (Youth Health Survey 2012). Asina por mira cu ainda e ta taboe bou di e mayornan pa papia ariba e topico di sexualidad ta grandi. Mirando e estadisticanan aki, e team di I Love My Body - cu ta constiti di varios organisacion cu ta uni nan mes durante e periodo di carnaval - a laga 3 stagiaire di Hulanda (Academie Verloskunde) haci nan minor over e interes di mayornan ariba un curso di educacion sexual. Di e 148 encuestanan cu a ricibi di mayornan cu yiunan na voortgezet onderwijs, un mayoria di 80% a indica di ta interesa pa ricibi un workshop over di educacion sexual. E topiconan cu mas e mayornan ta interesa aden ta: malesanan sexualmente transmiti y puberteit. Alabes a saca afo cu di e encuestadonan cu 28.4% a haya yiu entre 21 pa 25 aña y 14.2% entre 15 pa 20 aña. Lo mayoria (56%) a haya yiu despues di nan 25 aña. Aunke cu investigacionnan ta indica cu mas di 50% di mayor NO ta papia ariba sexualidad, nan mes ta bisa cu nan SI ta papia over di e topico (96%). Hasta 93.3% ta hay’e importante pa papia cu nan yiunan. Mayoria ta bisa cu nan ta cuminsa papia over di e topico na un edad di 10 pa 14 aña. Mayoria biaha un mayor ta papia cu su yiu over di puberteit, malesanan sexualmente transmiti y relacion/ bida amoroso. Nan a indica cu nan ta papia menos - compara cu e otro topiconan - over di seks y anticonceptivo. WORKSHOP

Danki na e investigacion aki haci door di Doetie Bakker, Eugenie Davelaar y Janiek Meijer e team di I Love My Body a logra haya un miho bista over di e mayornan cu tin yiu na voortgezet onderwijs. Esaki, conhuntamente cu otro investigacionnan haci, a conduci cu e team di I Love My Body ta bay brinda educacion sexual p’e mayornan (adultonan). E team di I Love My Body kier di e forma aki influencia e mayornan positivamente pa tin mas comunicacion over di e topico aki. Nos lo haci esaki via nan trabou cu nos workshop dirigi

ariba mayornan. Semper e companianan ta dedica mas tempo na e P di Profit y awor e P di Planet. Nos ta di opinion cu pa completa e tres P (People, Planet, Profit) e companianan mester inverti tambe den nan ‘asset’ di mas impo-

rante, esta nan trahadornan. Y di e forma aki completa e ultimo P di People. Tur compania cu ta interesa por tuma contacto di awor caba cu nos na 588-9591 pa haya mas informacion tocante e workshop pa mayornan.

Dos ganado di campaña exitoso “Bay Colombia Sin Paga” Manera a ser anuncia, ayera ArubAwe a realisa e sorteo di dos pasashi pa Colombia. E campaña exitoso aki “Bay Colombia Sin Paga” ta posibel danki na e compania aereo Avianca-Taca cu durante henter aña 2013 a rifa 6 pasashi pa Colombia via e prestigioso corant aki. E dos ganadonan di ayera tabata Annie Cannegiefer, bibando na Guyabastraat 25; y Dora Perez Henao, bibando na Boxmeerstraat 3. E anuncio di e dos ganadonan a ser transmiti via e emisoranan Latina y Caliente. Ademas si e ganadonan ta abonado di ArubAwe e lo ricibi 250 dollar cash, si e no ta abonado solamente e pasashi so. Di e forma aki ArubAwe ta sigui premia su lesadonan. Nos ta extende nos palabra di pabien na e dos feliz ganadonan!


ELMAR kier corda su clientenan pa entrega e meterstand via customerservice@elmar.aw

CELEBRANDO 33 AÑA CU PUEBLO Aña 35 ▪ No. 9885 • 1,50 Florin

Tur empleado cu derecho riba reparatietoeslag ta bai haya aumento! A inaugura luznan di Rotonde na Essoville ayera anochi

ORANJESTAD(AAN)Ayera anochi tabata tin interes grandi pa inauguracion di luznan na rotonde na Essoville. Aki por mira dos foto di con e rotonde a keda despues di su decoracion.

DIAMARS 17 DECEMBER 2013

LABOR

Minister drs. Paul Croes ta desmenti informe di retiro di 150 trahador na Ritz Carlton


DIAMARS 17 DECEMBER 2013

Cu N.V. nobo, gobierno lo cumpra, renoba, y huur/bende edificionan den cuadro di desaroyo nobo pa centro di ciudad

O R A N J E S TA D ( A A N ) : “Nos ta mira hopi desaroyonan positivo den renobacion di diferente edificionan den centro di ciudad. Esaki ta loke nos kier propaganda tambe,” asina Minister di Infrastructura Benny Sevinger a bisa refiriendo na e tendencia di empresario y propietarionan di inmobiliario na Playa cu ta renobando nan propiedad pa inclui e faceta di vivienda. Minister Sevinger a haci e comentario aki durante e conferencia di prensa cu a duna

previo na un recorido cu a haci den Caya G.F. Betico Croes pa inspeccion e avance di ultimo trabounan riba plazanan y henter renobacion di caya principal. Tambe e mandatario a elabora brevemente

riba e plannan di Gabinete Mike Eman ta implementa un sistema den cual sector publico y priva ta uni forsa pa revitalisa e centro di ciudad dor di pone edificionan bieu bek den funcion. “Gobierno a bay Parlamento y pasa ley unda nos ta bay participa den un N.V. pa cumpra, renoba y huur/bende edificionan. Asina nos por sigui cu e desaroyo positivo den centro di ciudad,” Sevinger a splica, añadiendo cu mesun cos ta bay sosode na San Nicolas.

Minister drs. Paul Croes ta desmenti informe di retiro di 150 trahador na Ritz Carlton. O R A N J E S TA D ( A A N ) - Durante fin di siman Minister di Labor drs Paul Croes a wordo informa cu tin trahadornan cu a wordo retira for di hotel Ritz Carlton. E presidente di STA sr Diego De Cuba a acerca Minister di Labor pa asina informe locual ta pasando na hotel Ritz Carlton. Minister Croes di Labor a enfatisa cu e contacto cu STA ta keda uno positivo, como cu hunto nan ta monitor e situacion cu ta adando den e campo laboral. Mesora minister a encarga su ministerio pa tuma contacto cu Gerencia di e hotel na unda a wordo informa na su persona kico ta locual ta e motibonan y e cantidad real di esnan cu a wordo retira for di trabao. Ritz Carlton ta un compania di renombre y cu tin su standard den su sistema di maneho y servicio y ta aki ta na unda a pone e enfasis riba e trahadornan cu ta wordo emplea. For di dia 22 di November cu Ritz Carlton a habri y un periodo prome cu nan tabata recruta persona, nan a emplea 500 trahador y te cu dia 16 di December ta 44 persona, nan contract a wordo termina. Durante e periodo aki esnan cu a wordo acepta pa trabao ta haya e oportunidad pa climatisa y conoce e producto Ritz Carlton. Automaticamente ta keda na e gerencia di e hotel si durante e periodo aki no cumpli cu nan peticionnan y standard di trabao, di kibra

PAGINA 3

DIARIO

E rumbo aki ta basa riba estudionan cu a demostra cu un di e factornan cu ta perhudica centro di Oranjestad, ta cu tur actividad ta muri despues di 6’or di atardi. Minister Sevinger a comenta cu na otro capitalnan, ta mantene e movecion aki dor cu hendenan ta biba den e propio centro y esey tambe ta loke nan kier promov’e. “Ora bo tin mas hende ta biba den centro di ciudad, esey ta nifica cu bo por tin un ora mas largo cu comercio ta keda habri pasobra tin actividad economico. E ta trece seguridad dor cu tanten tin hende ta cana, esnan cu kier haci malo

no ta tuma e riesgo paso tin hende ta vigila; y ta trece tambe e ambiente familiar cu nos kier,” e mandatario a señala. El a conta cu ya pa varios aña Minister President a sinta cu comerciantenan pa splica nan di e vision aki y wak su potencial. Minister Sevinger a duna ehempel di comerciantenan cu tin nan deposito na un di dos piso, por cambia esaki den un vivienda tanto pa studiante of pa pareha cu ya no kier biba den un cas grandi. “Tur esaki ta den promocion pa drecha y hisa e nivel di bida den centro di ciudad y ta un di e puntonan cu nos ta trahando riba dje.”

Tur empleado cu derecho riba reparatietoeslag ta bai haya aumento! Aumento lo cubri ahustacion di prima di AOV

contract of no. A wordo anuncia cu tin un total di 150 persona cu a wordo retira for di trabao den e fin di siman tras di lomba. Minister di Labor drs Paul Croes a ricibi e informacion cu e cifra aki no ta cuadra cu berdad sino cu ta trata di un total di 44 trahador, nan contract a wordo termina den nan temporada di prueba. Esaki ta e dos lunanan di “proeftijd”. Motibonan ta di entre otro, no presenta na trabao pa algun dia of no a pasa e drug test rekeri positivamente. Tambe tabatin otro motibonan cu ta entre otro di no tin e conocemento di e producto cu ta wordo rekeri den e standard cu Ritz Carlton ta exigi. Tabata tin speculacionan cu lo tabata tin100 pa 120 permiso cu lo mester a wordo otorga na Ritz Carlton di locual nan a ricibi caba, door di Minister. Aki Minister Croes a desmenti esaki categoricamente y a

duna di conoce,”cu Ritz Carlton, mescos cu cualkier inversionista grandi cu ta na interes di nos pais mester bay igual tambe na e interes di e mercado Local, for di su Ministerio ningun permiso a wordo duna na persona di afo manera a wordo specula”. Si a duna permisonan pero ta pa Gerente General di Ritz Carlton y tambe algun persona den gerencia cu a bini pa cera Arubianonan trahador conoci cu e producto aki y su standard. Logicamente banda di un stranhero tin un Arubiano elaborando den un periodo cortico pa asina guia e Arubiano den e trabao pa despues e por sigui cu e tarea. E speculacion aki di e cantidad di permiso of trahadornan no ta cuadra cu berdad y a wordo confirma tambe door di gerencia di Ritz Carlton. Minister Croes a ricibi e informacionnan aki por escrito.

ORANJESTAD(AAN): Cu fin di re-enforza e poder di compra di nos ciudadanonan y duna stabilidad na e desaroyo salarial, Gobierno di Aruba a introduci e asina yama raparatietoeslag na anja 2011. Como compensacion adicional pa e perdida di poder di compra e sumanan aki a ser aumenta na anja 2013. "Awor na anja 2014 tur empleado cu derecho riba reparatietoeslag lo ricibi un aumento," Prome Minister Mike Eman a declara. "E aumento aki lo cubri e ahustacion den e prima di AOV, manera refleha den e protocol di Dialogo Social riba reformanan den e fondonan publico. Na 2009 a bin encontra no solamente un deterioro fisico di nos infrastructura, ciudad y barionan, pero tambe un deterioro nacional causa pa un perdida di poder di compra substancial di e anjanan anterior. Gabinete Mike Eman I a tuma accion y a cuminsa ehecuta un plan di estimulo economico cu fin di mehora poder di compra y tambe pa recupera economia cu ta contene inversionnan amplio riba tereno di infrastructura, urbanisacion y tambe energia alternativo. “Gabinete Mike Eman II ta sigui cu e maneho aki y ta marcando pasonan concreto riba mehoracion di e calidad di bida di e habitantenan di nos isla," Prome Minister Mike Eman a declara. For di anja 2011, tur empleado den sector priva cu un entrada menos cu Afl. 2500 pa luna a ricibi un reparatietoeslag te cu Afl. 900 pa anja. Di mes manera, pensionadonan a ricibi un reparatietoeslag di Afl. 600 pa anja. E reparatietoeslag pa empleadonan den sector priva a ser aumenta te Afl. 1200 y e reparatietoeslag pa pensionadonan a wordo redobla. E reparatietoeslag pa empleadonan den sector priva y tambe pensionadonan ta wordo paga mensualmente. E reparatietoeslag di empleadonan den sector priva cu un entrada mas abou cu Afl.2500 ta aumenta gradualmente te cu Afl.1200 ora cu e entrada mensual ta yega mas serca di e salario minimo. E reparatietoeslag ta totalmente liber di impuesto. Den luna di november y december ultimo, participantenan di e Dialogo Social a enfatisa e necesidad pa sigui garantiza e sostenibilidad di e fondo di pensioen di AOV. Na anja 2015 lo inicia cu e aumento gradual di edad di pensioen te cu 65 anja na anja 2024. For di prome di januari 2014 lo introduci tambe un ahuste di e prima di pensioen cu 1% reparti di forma igual entre empleado y dunador di trabow. "Pa cubri e ahuste di prima aki, lo ahusta tambe e reparatietoeslag di igual manera," Prome Minister Mike Eman a indica. "Di es manera aki por sigui garantiza e sostenibilidad di e fondo di pensioen di AOV y lo sigui sostenee poder di compra di e grupo aki." 40% di e empleadonan di sector priva ta conta cu un entrada di Afl. 2500 of menos y e ahuste aki lo nifica un aumento.


DIAMARS 17 DECEMBER 2013

PAGINA 33

DIARIO

CEDE Aruba ta contento cu Minister drs. Paul Croes ta cla pa traha hunto cu nan

O R A N J E S TA D ( A A N ) - Cede Aruba ta cla pa sigui cu nan trabao pa comunidad na unda cu ta buscando e forma mas sostenible pa eherce nan plannan. “Organisacionnan ta traha caba riba proyectonan cu hopi animo pero e problemanan ta bira mas complica y cada situacion ta birando mas serio y awor aki mester yuda organisacionnan cu ta traha ariba e mesun tereno pa nan no traha separa di otro y sera tur hunto pa atende e problemanan.” tabata palabranan di sra Amy

Lasten. Hopi por wordo hasi pa mehora e situacion social di esnan cu mester di e atencion aki, mester mira con ta cuminsa cu iniciativanan nobo busca e kern di e problemanan sea di hubentud, famia, personanan cu limitacion of grupo di esnan mas vulnerable. Tin hopi reto cu mester traha ariba pero mester hasi esaki hunto cu tur NGO’s, gobierno y otro instancianan cu mester cera cabez y tur hunto move den e mesun direccion. Algun sondeo a wordo hasi

caba, pa asina mira cua ta esnan cu tin mester di mas atencion pa asina wordo yuda. Cada tereno tin su problemanan mas grandi cu otro entre otro hubentud, famia, esnan cu limitacion, adicto y gruponan mas vulnerable. Den cada sector lo bai escohe temanan pa cuminsa yuda y traha den esaki, aki ta unda cu Minister Croes a aplaudi e iniciativa cu CEDE Aruba a tuma di presenta un programa mas sostenible y ta bai traha den un forma mas estrecho cu CEDE y tur NGO’s pa asina

mehora e calidad di bida pa nos ciudadanonan. Sr Daniel Tacklenborg a presenta e topiconan cu ta complementa e plan di maneho di CEDE Aruba na unda cu Minister di Asuntonan Social, Maneho pa Hubentud y Labor ta duna tur su sosten y a bisa cu e lo bay traha banda di tur cu ta cla pa traha pa mehora e situacion social na Aruba. 6 topico a wordo presenta cu ta entre otro e desaroyo di bario, e desaroyo familiar, di mucha y hobennan, desaroyo di nos hende grandinan, nos hendenan cu limitacion y tambe gruponan di personanan mas vulnerable cual ta inclui entre otro mayornan hoben, persona cu adiccion, violencia domestico, hendenan cu mester di un segundo oportunidad den bida. Awendia tin hendenan cu ta traha pero mester cuminsa na busca y stimula hendenan den bario pa yuda cu trabao voluntario cual no ta facil. E famia cu mester di e sosten y guia den diferente tereno, yudanan cu informacion pa un bon guia den e situacion economico y hasi’e mas stabil. Stimula nos famianan pa nan yuda cu nos grandinan mes den famia pasobra no tin fondonan pa cuida tur esnan cu ta ariba di 60 y mester yuda crea un mihor condicion

pa nan na cas. Nos mester stimula un desaroyo hopi mas tempran den nos hobennan, e prome aña di e muchanan ta hopi importante. Presenta programanan cu ta hasi nos hobennan mas fuerte den stabilidad y cuido. Nos grandinan lo por yuda den nos comunidad unda por sigi eherce trabaonan. Presenta un sistema di cuido mihor laga e 60 plussers keda participa y contribui cu comunidad. Permiti personanan cu limitacion integra mas den comunidad. Tambe duna un segundo oportunidad na esnan cu a cai sera of a cai den adiccion etc. yudanan integra bek den sociedad. Durante diferente añanan a presenta raportnan y ta for aki a saca informacion kico ta e prioridadnan pa asina traha e plan di maneho aki. CEDE Aruba ta financia proyectonan como try out y ora cu ta exitoso ta involucra gobierno basa ariba pruebanan. Cada tema lo wordo midi den tur organisacionnan concerni y pa asina mira con ta financia proyectonan y kende ta esnan cu ta hanja e prioridad. CEDE kier traha mas di cerca cu Gobierno y ta contento cu Minister di asuntonan Social Drs Paul Croes ta dispuesto pa traha banda di tur esnan envolvi pa asina e participacion den e plan di maneho aki ta mas alinea.


171213