Page 1

DIAMARS 17 DECEMBER , 2013

8

Durante “Airline Appreciation Party” organisa pa AAA:

Delta Airlines ta ricibi Airline Marketing Award 2013

Durante e evento anual “Airline Appreciation Party” teni na Cellar 23, Aruba Airport Authority N.V. (AAA) a haci entrega di un premio special na e aerolinea Delta Airlines. Tur anja e departamento Airline Marketing di AAA ta tene un anochi special pa gradici tur e aerolineanan pa e trabou cu cada un ta haci pa asina percura pa e anja cu ta tras di lomba ta uno exitoso. AAA ta reconose cu e exito di e compania ta depende di e esfuerso di cada un di e aerolineanan cu ta opera na nos aeropuerto. Esaki CEO di AAA Sr. Peter Steinmetz a pone enfasis riba dje ora cu el a dirigi su mes na tur e representantenan di e aerolineanan cu tabata presente e anochi aki. Na mes momento Sr. Steinmetz a repasa anja

2013 y tambe a menciona e plannan pa 2014. Tur aerolinea ta haci nan maximo esfuerso pa keda mehora nan prestacion constantemente, pero semper tin un cu ta destaca mas cu otro. Ya el a bira tradicion cu tur anja AAA ta otorga un premio special na e aerolinea cu mas a destaca y e anja aki e premio a bai pa Delta Airlines cu durante 2013 a agrega mas capacidad di asiento. Srta. Roxanne Romnit a keda sumamente contento di por a ricibi e award aki for di Sr. Steinmetz y tambe Sra. Jo-Anne Arends cu ta encarga cu e departamento di Airline Marketing. E potretnan ta ilustra e momentonan grato cu e invitadonan a disfruta di dje. Pabien na Delta Airlines.


PAGINA 32

DIARIO

DIAMARS 17 DECEMBER 2013

Pasaheronan Venezolano disgusta cu Tiara Air dialuna marduga

ORANJESTAD(AAN):Falta di comunicacion y splicacion ta pone pasaheronan cuminsa rebeldia y cu nan razon hopi biaha. Un pasahero no por wordo laga atras di transito sin e speranza cu e lo sali cu un siguiente vuelo. Dialuna marduga algo pasa di 4or polis a bai duna asistencia na aeropuerto. Na yegada a topa cu un grupo di alrededor di 24 Venezolano cu a bula cu Tiara Air for di Maiquetia pa sigui pa Bonaire of Fort Lauderdale. Pasaheronan a splica cu nan mester a sali for di Venezuela diadomingo 3or di atardi. Esey nifica cu for di trempan a sali for di nan cas pa asina evita cualkier contra tiempo na caminda pa aeropuerto di Venezuela. Pa 9or nan a yega aeropuerto pa pa chek in y asina bin Aruba cu Tiara. Ora 3or a bati a bin tende cu e vuelo ta sali

awor 5or. Mientrastanto a cambia esaki pa 7or. Na dado momento e pasaheronan a bin tende cu pa 7or no por sali pasobra mirando cu tin problema cu permiso pa Tiara. E pasaheronan a bin tende cu e lo tin di haber cu e orario. Asina mes a logra pa e vuelo sali finalmente pa Aruba. Ora a yega Aruba ata otro problema. Entre e pasaheronan tin cu mester a sali pa Bonaire y e grupo aki a keda pega. E grupo mas grandi di alrededor 15 pasahero mester bai Fort Lauderdale y mirando cu nan a perde e vuelo di diadomingo awor no tin lugar riba e vuelo di dialuna. E lo ta completo parce. Mientrastanto e pasaheronan a pasa henter e anochi na aeropuerto sin un asistencia di Tiara Air. Ora cu a cuminsa rezona nan voz mas fuerte polis a wordo yama. Tin cantidad di menor

Himalaya a caba di ricibi tur producto pa spirito di Navidad…. Himalaya a hanja hopi regalo pa Pasco… Himalaya ta ricibiendo e revista di Alfonso Leon…. Himalaya ta hanja agenda , calender, buki y productonan cu Alfonso Leon ta recomenda… Himalaya tin un sra. cu ta prepara bo cartera pa 2014 Himalaya tin tur cos pa bo banjo di pa dispidi 2013 y pa habri un super 2014 prospero… Himalaya tin tur sorto di sensia na palito y pa carbon…..

Himalaya ta wardabo..

Jama pa mas info 583-1728

Afl.

50,-

tambe den e grupo y tabata un situacion fastioso. A wordo bisa na e grupo pa Merca cu kizas lo regla pa nan bai via Curacao pero esaki no ta oficial. A tende cu lo busca un espacio na Cruz Cora pero 5or di marduga a bati y nada. E pasaheronan di Venezuela tin mas problema. Nan no ta bin cu placa suficiente pa por gasta na Aruba of otro pais cu no ta e destinacion. E pasaheronan mes a splica cu na Venezuela ta activa nan tarheta di credito pa e destinacion final cu nan ta bai. Pesey esnan cu ta pega na Aruba y cu mester bai Merca of Bonaire no por haci nada. Nan a keda di warda mainta habri pa mira kiko ta bai pasa cu nan. E ta un disgusta grandi pa e famianan aki cu atrobe pa motibo di mesun aerolinea ta perhudicando mas pasahero cu ta keda pega na Aruba.


171213  
171213  
Advertisement