Issuu on Google+


PAGINA 32

DIARIO

DIAMARS 17 DECEMBER 2013

Pasaheronan Venezolano disgusta cu Tiara Air dialuna marduga

ORANJESTAD(AAN):Falta di comunicacion y splicacion ta pone pasaheronan cuminsa rebeldia y cu nan razon hopi biaha. Un pasahero no por wordo laga atras di transito sin e speranza cu e lo sali cu un siguiente vuelo. Dialuna marduga algo pasa di 4or polis a bai duna asistencia na aeropuerto. Na yegada a topa cu un grupo di alrededor di 24 Venezolano cu a bula cu Tiara Air for di Maiquetia pa sigui pa Bonaire of Fort Lauderdale. Pasaheronan a splica cu nan mester a sali for di Venezuela diadomingo 3or di atardi. Esey nifica cu for di trempan a sali for di nan cas pa asina evita cualkier contra tiempo na caminda pa aeropuerto di Venezuela. Pa 9or nan a yega aeropuerto pa pa chek in y asina bin Aruba cu Tiara. Ora 3or a bati a bin tende cu e vuelo ta sali

awor 5or. Mientrastanto a cambia esaki pa 7or. Na dado momento e pasaheronan a bin tende cu pa 7or no por sali pasobra mirando cu tin problema cu permiso pa Tiara. E pasaheronan a bin tende cu e lo tin di haber cu e orario. Asina mes a logra pa e vuelo sali finalmente pa Aruba. Ora a yega Aruba ata otro problema. Entre e pasaheronan tin cu mester a sali pa Bonaire y e grupo aki a keda pega. E grupo mas grandi di alrededor 15 pasahero mester bai Fort Lauderdale y mirando cu nan a perde e vuelo di diadomingo awor no tin lugar riba e vuelo di dialuna. E lo ta completo parce. Mientrastanto e pasaheronan a pasa henter e anochi na aeropuerto sin un asistencia di Tiara Air. Ora cu a cuminsa rezona nan voz mas fuerte polis a wordo yama. Tin cantidad di menor

Himalaya a caba di ricibi tur producto pa spirito di Navidad…. Himalaya a hanja hopi regalo pa Pasco… Himalaya ta ricibiendo e revista di Alfonso Leon…. Himalaya ta hanja agenda , calender, buki y productonan cu Alfonso Leon ta recomenda… Himalaya tin un sra. cu ta prepara bo cartera pa 2014 Himalaya tin tur cos pa bo banjo di pa dispidi 2013 y pa habri un super 2014 prospero… Himalaya tin tur sorto di sensia na palito y pa carbon…..

Himalaya ta wardabo..

Jama pa mas info 583-1728

Afl.

50,-

tambe den e grupo y tabata un situacion fastioso. A wordo bisa na e grupo pa Merca cu kizas lo regla pa nan bai via Curacao pero esaki no ta oficial. A tende cu lo busca un espacio na Cruz Cora pero 5or di marduga a bati y nada. E pasaheronan di Venezuela tin mas problema. Nan no ta bin cu placa suficiente pa por gasta na Aruba of otro pais cu no ta e destinacion. E pasaheronan mes a splica cu na Venezuela ta activa nan tarheta di credito pa e destinacion final cu nan ta bai. Pesey esnan cu ta pega na Aruba y cu mester bai Merca of Bonaire no por haci nada. Nan a keda di warda mainta habri pa mira kiko ta bai pasa cu nan. E ta un disgusta grandi pa e famianan aki cu atrobe pa motibo di mesun aerolinea ta perhudicando mas pasahero cu ta keda pega na Aruba.


DIAMARS 17 DECEMBER 2013

Martijn Clarijs (TNO):

E sistema SOBEK pa prome biaha a wordo aplica den awanan exotico e ta detecta loke tin den lama a base di zonido

PAGINA 43

DIARIO

Ciere di fin di aña na Biblioteca ORANJESTAD (AAN): Anteriormente Biblioteca Nacional Aruba a publica un comunicado encuanto cambio di orario pa fin di aña. Esaki no ta corecto. Biblioteca Nacional Aruba ta habri dia 20 di december te 4or. Dialuna dia 23 di december segun orario regular. Biblioteca Nacional Aruba ta cera pa e dianan

di Pasco, dia 24 te cu 26 di december. Biblioteca ta habri diabierna dia 27 di december, orario normal. Dialuna dia 30 di december biblioteca ta habri te 8or di anochi. Dia 31 di december te cu dia 2 di januari biblioteca ta cera. Porta ta habri back diabierna dia 3 di december segun orario normal. Esaki ta mescos pa

Dept. Arubiana. Riba e dianan menciona cu biblioteca ta habri, Mediateca escolar tambe ta habri pero te 5or di atardi. Ta pidi dispensa pa cualkier confusion. Gerente y staf di Biblioteca Nacional Aruba ta desea henter pueblo di Aruba dushi dianan di fiesta y un bon cambio di aña.

“Remodelacion di molinanan di biento ta continua”

Proyecto di Departamento di Agricultura, Cria y Pesca (Santa Rosa) na bienestar di e sector primario

ORANJESTAD (AAN): Tur cos cu ta biba y move riba y bao di awa ta produci zonido y cada zonido tin un “signature” cual ta forma e base pa detecta kico nan ta. Sea ta un hende cu ta sambuya of landa, un pisca, un boto, of hasta coral, tur tin un “acoustic signature”, cual ta wordo midi, interpreta y ta wordo programa pa e sistema yama SOBEK por detecta y distingui nan, Martijn Clarijs di TNO a splica. Clarijs, como e persona encarga na TNO cu desaroyo di solucionnan pa cu “waterside security”, ta na Aruba cu un ekipo pa midi zonidonan rond di e waf di crucero y instala un sistema SOBEK cu lo wordo getest na Aruba dialuna proximo. A test e sistema aki caba na Hulanda, pero ta pa prome biaha cu e ta wordo aplica den “awanan exotico”, Martijn Clarijs a bisa. E tecnologia no t’ey ainda, pero ta den desaroyo completo, Martijn Clarijs a bisa. TNO ta e institucion pa ciencia aplica di Hulanda, cual tin un oficina na Aruba. TNO ta desaroya sistemanan cu ta funciona, ta test esaki, pero no ta produci esakinan pa benta. Pa cu comercialisacion di e sistema SOBEK, TNO ta den contacto cu partnernan industrial cu ta interesa pa produci esaki ora cu e proyecto keda cla, Clarijs a elabora. El a añadi cu dentro di algun aña SOBEK lo por ta riba mercado. TNO ta contento di por conta cu e envolvimento di Aruba Ports Authority (APA) y e interes di e organisacion

pa cu siguridad di e waf pa banda di awa. Clarijs a subraya cu actualmente loke tin internacionalmente pa cu siguridad pa banda di awa den wafnan ta solamente un lista di recomendacion, no tin obligacion manera ta e caso di “landside”. Pa cu e parti di “na tera” APA tin tur opcion di siguridad cubri, cual ta encera entre otro heki y muraya, badge special pa esunnan cu ta cualifica y permiti pa ta den e area protegi y agentenan di siguridad na puntonan strategico. Esakinan tur ta wordo regula pa ISPS. Aruba kier bay un paso mas leu y manera Director Interino di APA, Humphrey Tromp a bisa, no tin menasa actualmente, pero ta bon pa pensa delanta, prome cu tin cualkier problema. Clarijs ta añadi cu no tin incentivo ni obligacion legal, pero por tin den futuro y APA a mustra e interes pa ta proactivo, traha riba “waterside security” y no warda pa ora algo mester pasa internacionalmente pa autoridadnan bin cu regulacion. Actualmente tin solucionnan pa “waterside security” riba mercado, pero tur ta dirigi na “wafnan di defensa”, o sea e industria di defensa y aplicacionnan di defensa. Esakinan ta sumamente caro, nan no ta atractivo pa uzo den wafnan comercial y aki ta unda cu TNO a wak un oportunidad pa desaroya un sistema nobo, cu lo por tin un prijs mas rasonabel, pa detecta intrusonan den waf for di banda di lama.

ORANJESTAD (AAN): Departamento di Agricultura, Cria y Pesca a encabesa diferente proyectonan durante aña 2013 na vigor di e Sector Primario di nos isla, manera tabata e remodelacion y installacion di molina di biento na Pos di Pavia. E remodelacion y instalacion di molina di biento na e posnan aki ta sumamente importante pa e Agricultor y Criadornan local kende ta depende riba awa dushi pa mantene nan plantacion y bestianan, specialmente mirando e temporada di secura cu Aruba a pasa aden durante aña 2013. Pa aña 2014 meteorologonan di e “Caribbean Institute for Meteorology and Hydrology” a publica diferente estudionan cu ta indica cu e region di Zuid y Centro America ta particularmente vulnerabel pa e peligro di secura, esaki pa motibo di geografia y topografia di e paisnan aki. Mirando e situcacion alarmante cu ta worde premira, Minister Otmar Oduber, Minister encarga cu e Sector Primario di Aruba, mediante e Departamento di Agricultura, Cria y Pesca (Santa Rosa), lo siguie enfoca riba diferente proyectonan pa subsidia e Cunukeronan local cu awa dushi cu ta asina valioso pa nan cosecha y cria.

Proyectonan manera esun di RWZI, limpiesa y mantencion di damnan y como tambe e remodelacion y installacion di molinanan di biento rond di nos isla. Pa aña 2014 Departamento di Agricultura, Cria y Pesca tin riba planesnan pa termina e remodelacion y installacion di molina di biento na Babijn, Calabas, Sero Preto y Cadushi Largo. Esakinan a worde escohi strategicamente pa asegura cu agricultor y criadornan di tur districto di Aruba por yega facilmente na e posnan aki. Otro control extenso cu a worde haci, ta un control via Lands Laboratorium pa determina si e calidad di awa ta bon y tur a Sali negativo di salo y otro bacterianan peligroso manera Ecoli. E meta principal pa cu e remodelacion y installacion di molinanan di biento ta pa genera awa pa nos Agricultor y Criadornan, sinenbargo nos sector primario no ta e unico cu ta benificia di e proyecto aki ya cu parti grandi di nos historia y cultura ta worde salvaguardia por medio di e remodelacion di e posnan cu sigur tin nan balornan sentimental pa hopi. Pa 2014, lo por spera hopi cambionan grandi pa loke ta e parti legislativo di nos Sector

Primario den cual Minister Oduber lo instala diferente commission consistiendo di stakeholdersnan importante, entre nan Santa Rosa mes, cu por traha conhuntamente pa bin por implementa leynan nobo cu lo sostene y aporta na e desaroyo di agricultura, cria y pesca na Aruba. Santa Rosa no solamente lo enfoca ariba produccion di cuminda y e educacion na e hobennan di Aruba, pero tambe lo concentra ariba locual ta e productonan cu ta worde huza durante e proceso cu tin impacto negativo ariba nos medio ambiente, como tambe e importacion di cierto productonan di consume geneticamente modifica cu ta trece un risico grandi pa cu e salud di nos hendenan na Aruba. Minister Otmar Oduber ta sumamente orguyoso di por wak con su visionan poco poco ta bay concretisando nan mes mediante e esfuerzo y dedicacion cu ta ser desplega door di e Santa Rosa. Minister Oduber ta sumamente orguyoso di e proyectonan aki cu ta forma parti essencial di e sobrevivencia di e ofishinan di Agricultura y Cria riba nos isla como tambe ta proteha e hostoria di nos sector primario.

Toyota Tercel a somenta ORANJESTAD (AAN): Ladron a probecha di a bay cu auto di e homber denunciante inicial K. y pa cual K. diabierna despues di merdia a presenta na warda di polis temporalmente situa den Pinda straat pa entrega keho di su Toyota Tercel color blanco A 24155. E homber K. a presenta y a declara di a fia e auto en cuestion pa e bay haci respondi. Pa alrededor di 11’or

y 50 K a bay na un direccion den Sorsaca straat pa e haci diligencia y a staciona Toyota Tercel riba acera y a laga e auto habri cu yabi den dje. Cinco minuut despues K

di 65 aña a caba di haci su diligencia y a regresa na e sitio na unda el a staciona, el a ripara cu e Tercel no ta na e lugar mas, desconocinan a bay cu e auto.


PAGINA 62

DIARIO

Yvonne Webb-Kock, Directora Monumentenbureau

Mantencion grandi di Stadhuis ta e promer proyecto cu nan mes a pinta ORANJESTAD (AAN): Yvonne Webb-Kock, Directora di Monumentenbureau tabata presente y a firma tambe e acuerdo pa un mantencion grandi cu lo worde duna na edificio di Stadhuis, acto cu a tuma lugar dialuna atardi na e monumento mes y cu a conta cu presencia di Minister Otmar Oduber. El a indica cu esaki ta un proyecto cu tin basta aña cerca Monumentenbureau y ta e promer proyecto cu nan mes a pinta, pasobra normalmente nan tabata duna e proyectonan na arkitectonan, pero awor Monumentenbureau mes ta pinta. El a agrega cu ta un orguyo cu Monumentenfonds tin e confianza pa traha hunto cu nan. Ta trata di un proyecto basta grandi y un mantencion hopi grandi cual a worde otorga na Van Kessel en Havenbouw NV pa e suma di 672 mil Florin cu tabata bou di nan raming y a cumplli cu tur e rekisitonan di e bestek. Yvonne Webb-Kock a expresa cu Van Kessel conoce e edificio aki, mirando cu mr. Van Kessel a traha riba e edificio aki na 2006 caba ora el a haci un mantencion grandi, pero cu lamentablemente e tempo ey placa no a alcanza y e palo no a worde haci. Pa tal motibo awe por wak un deterioro hopi grandi na e palo, mirando cu ultimo biaha cu el a haya mantencion tabata na 1998. E edificio aki ta data di 1925 y esun di Zoutmanstraat ta di 1918 y hopi aña pasa e edificio aki tabata un ruina. Directora di Monumentenbureau ta contento cu e edificio a worde rescata, el a worde cumpra door di Gobierno y a worde restaura. Esaki ta e promer proyecto cu su departamento a restaura pa e Gobierno di e tempo ey. “Bo por bisa e ta mi promer baby, pero manera nan ta bisa ora babynan ta bira grandi bo ta laganan cana bay, pero tin biaha ora bo tin yiunan cu no ta scucha, wie niet horen wil moet voelen, nos ta halanan na orea back y bisa

bo tin cu worde drecha be. Esey ta nos meta awe, dus cu nos ta bay drecha e edificio aki”, Yvonne Webb-Kock a duna di conoce. Finalizando el a pidi comprension di publico en general pa e incoveniencianan cu e periodo di construccion por trece cune, pero e ta algo cu despues tur hende lo por aprecia.

DIAMARS 17 DECEMBER 2013


171213