Issuu on Google+

DIALUNA 16 DECEMBER , 2013

3

Welga na KIA innecesario

Sindicato a hunga cu bida di hende cu accion di trahadonan Mientras cu minister di husticia Arthur Dowers tabata cu biahe di trabou na Merca, bishitando algun prizon, e mandatario a wordo informa di e paro di trabou cu a tuma luga na KIA. Ta un situacion di lamenta segun e mandatario ora cu personal ta welga sin base. E accion aki apesar di a costa pais Aruba riba shen mil florin na gasto a pone bida di coleganan na peliger. E welga orkestra pa sindicato TOPA a bin di sorpresa y tabata completamente innecesario ya cu no tabata tin ningun conflicto laboral, no tabata tin ningun problema entre sindicato y dunado di trabou y mas ainda no tabata tin ningun peticion concreto di sindicato. E diabierna prome cu a paro di trabou ainda tabata tin combersacion cu e sindicato caminda a indica cu cosnan ta canando y lamentablemente, apesar cu e sindicato tabata na haltura cu e asuntonan di personal ta canando, a dicidi sin avisa di pone trabou abou.

Minister Dowers ta bisa cu e ta respeta e derecho di cada trahado pa protesta, pero cu tin proceso cu ta determina bou di ki situacion trahadonan por protesta y sali bandona pia di trabou. Na varios ocasion personanan cu ta carga un responsabilidad specifico pa loke ta siguridad y/of bida di hende ta bay den protesta, pero na momento di haci esaki ta hasi’e di un forma responsabel, teniendo cuenta cu siguridad di esunnan cu ta wordo yama pa protege bida di hende. Den e caso di e welga dia dialuna esaki no a tuma luga. E accion aki ta di lamenta profundamente, principalmente si mira cu despues cu TOPA a reuni cu departamento di recurso humano y ministerio di Husticia e diaranson despues di e welga, a nota claramente cu no tabata tin ningun rason pa tene e protesta aki. E realidad di e situacion ta cu

tin un grupo di personal di KIA cu nan bevordering a tarda. For di inicio a informa e sindicato y e personanan en cuestion cu e bevordering lo tarda comokiera cu pa añas e gobierno anterior no a traha riba e bevordering di e trahadonan cu e consecuencia cu tin un stagnacion sumamente grandi na KIA. Bou di mandato anterior e personal di KIA no a ricibi e opleiding necesario pa nan por haña nan bevordering. Na momento cu a cambia di gobierno y cu minister Dowers a tuma e cartera di husticia mester a skirbi e opleiding di nobo. E proceso aki a tuma su tempo ya cu e no ta algo cu den un par di dia por pone riba papel. Despues a pone hendenan adicional den KIA pa percura pa e landsbesluitnan cana nan caminda. E proceso aki ta uno complica pero a sigura e personal na KIA y e sindicato cu e proceso di regla bevordering lo termina aproximadamente den juni 2014.

Segun e mandatario e sindicato a laga sa cu ta pa motibo cu e rechtspositieregeling di e personal no ta regla nan a bay protesta. Riba esaki e mandatario ta reacciona bisando cu tur hende a haña loke nan tabata tin derecho riba dje conforme e reglanan stipula. Si apesar di esaki tog e sindicato ta di opinion cu ta necesario pa protesta mester a haci esaki den un forma responsabel. Ta inaceptabel cu ta orkestra un welga sin previo aviso, bandonando un prizon y lagando 2 dama so na pia di trabou pa cuida tur e presonan, poniendo e bida di e dos damanan aki na peliger. Ta di lamenta mas ainda cu tin algun politiconan ta cu malu-

za e situacion aki pa beneficio politico y hasta ta aproba e accion iresponsabel aki. Minister Dowers Dowers a pidi reunion cu sindicato TOPA y ta sperando contesta ki dia e sindicato por sinta na mesa. Tambe lo inicia un investigacion profundo riba tur loke a tuma luga prome y durante e welga pa asina yega na bon palabracionnan pa futuro. E situacion aki a pone bida di por lo menos dos hende na peliger y a crea consecuencia sumamente negativo riba e relacion di trabou den e institucion comokiera cu tin varios personal cu a sinti cu nan bida a wordo poni na peliger innecesariamente.

Chauffeur ta scapa milagrosamente den accidente

Diasabra mainta algo despues di 9’or, chauffeur di un Hyundai Accent cu number A-13727, tabata bahando den e rooit di Barcadera riba caminda principal, ora cu den un maniobra pa pasa un auto, el a perde control riba e vehiculo. Pa evita cu e lo a dal frontal contra di un auto Mitsubishi bayendo direccion contrario, e auto a sigui na su man robes,

baha for di caminda y cay den e bahada cu tin net dilanti di Young Fellow Bar & Restaurant, caminda e auto a sigui bolter y bay para den e mondi mas pazuid di e luga. Mirando con e auto a desintegra mientras cu e tabata bolter y con destrui e auto tabata, a teme algo serio pa chauffeur di e vehiculo pero a bin resulta cu el a sufri sla y herida serio pero

no tabatin peliger pa su bida. Personal di cuerpo di bombero mester a presenta na e sitio pa saca e homber y ambulance a transporte pa hospital pa tratamento. E auto a keda total loss mientras c’un señora y su yiu a wordo trata pa personal di ambulance ya cu nan mester a brake di repente pa evita cu e auto lo a dal den nan.


DIALUNA 16 DECEMBER , 2013

8

Indjan Wayuu Manuel Uriana un “itamae” di taya internacional Aunke Manuel Uriana no ta carga e fam Aoyama, ni Matsuyama, e ta un berdadero “itamae” di taya internacional, kiermen un chef di cuminda Hapones of “sushi”. Ademas e ta un digno representante di su rasa indjan Wayuu. Manuel ta un habil y artistico chef di sushi na GariWasabi situa na Palm Beach, un prestigioso restaurant specialisa den sushi of kaiten zushi. Pero prome cu Manuel a bira un “itamae”, e mester a cana un proceso largo como “wakiita” of aprendis cu hopi dedicacion, sacrificio y perseverancia. Manuel a nace 55 aña pasa na na Sinamaica un localidad Guajiro di e comunidad indjan Wayuu cerca di e frontera entre Venezuela y Colombia. Manuel su fam “Uriana” ta nifica “wowonan vigilante” den nan dialecto Wayunaiki, y nan simbolo representativo of totem ta e tiger, pushi y coneu. Tempo cu e tabata mucha, Manuel a wordo lanta cu e custumber y tradicion di su cultura indjan. Despues cu el a bira un teenager y su tata a dicidi di bay Caracas pa busca un miho futuro como trahando den mundo di construccion, e cambio radical aki tabata clave pa Manuel su bida y pa su profesion como chef di sushi. “Danki na Dios mi a ser conoci cu mi prome hefenan di trabou. Nan tabata hendenan Koreano, Hapones y Taiwanes den un restaurant cu nan tabatin”, asina Manuel relata durante un entrevista cu ArubAwe. E tempo aya Manuel tabata un hoben di 18 aña cu a cuminsa traha den restaurant Seul na Caracas. El a traha cu hopi humildad y responsabilidad locual tabata dos ingredientenan fundamental pa e doñonan di e restaurant Seul a sinti aprecio y cariño pa e hoben Wayuu. Ora cu Manuel a observa e chefnan Koreano, Hapones y Taiwanes traha cumindanan Asiatico en general, el a keda

encanta cu e arte gastronomico y antiguo di origen Hapones, esta sushi. E ora ey el a cuminsa su proceso di siñamento hunto cu e grupo di chef Asiatico cu basta experiencia cu a ser treci for di Merca. El a cuminsa siña decoracion y variedad di cuminda Asiatico, y tambe cushina internacional. E proceso di siñamento a tarda mas cu 12 aña durante e temporada cu Manuel a traha den restaurant Seul. Tabata asina cu Manuel Uriana a bira e prome indjan Wayuu chef y experto den cushina Hapones y Asiatico. E cambio aki personalmente no tabata uno facil p’e, ya cu como indjan Wayuu e tabata custumbra na su propio cuminda tipico a base di pisca y bestia chikito, manera “friche” y bestia chikito seco. “E tabata un cambio total pero mi a custumbra. Aunke mi no a laga un banda mi cuminda tipico Wayuu”, asina el a bisa. Te hasta el a yega di comparti su cuminda tipico cu su prome doñonan di trabou di origen Asiatico. “Nan a come bestia chikito ya sea hasa of stoba, y mi mes tabata cushina pa nan al style di indjan Guajiro”.

riba tereno di sushi, ya cu e ta haya cu e tipo di cuminda aki ta exigi mas decoracion cu cuminda mes: Traha sushi ta un arte. E tin cuater aña caba trahando na GariWasabi, y e ta masha contento pa e aceptacion y aprecio cu su arte tin cerca e clientenan. Na final di e entrevista aki, Manuel Uriana ta recorda un anecdota chistoso. E ta haya cu su aspecto fisico y etnico di indjan Guajiro a contribui hopi pa e por desaroya su mes riba e tereno aki, ya cu e mes tin rasgonan Asiatico. “Izaira a dicidi pa mi para dilanti di e clientenan, ya cu segun e, ami ta mustra pinto un Hapones”, asina den forma di humor Manuel ta relata. Nos ta finalisa e entrevista aki bisando cu Manuel Uriana ta un digno representante di su rasa indjan Guajiro, y e ta masha orguyoso di su origen Wayuu, y sin duda e ta un bunita ehempel di perseverancia y superacion.

Prome Minister di Aruba sr. Mike Eman hunto cu Manuel Uriana durante un actividad na Museo Arkeologico di Aruba. E mandatario Arubiano tin un aprecio grandi pa e comunidad indjan Wayuu residencia na Aruba.

Unabes cu e team di chef specialisa den cuminda Asiatico a bay bek Merca, Manuel cu 31 aña a haya su oportunidad di bida como “itamae”. Naturalmente el a yega di haya diferente curso pa su curriculum. Nan ta cursonan cu a yuda Manuel por a conkista su titulo profesional como Chef di Sushi. ARUBA For di aña 2004, Manuel Uriana a bin traha na Aruba, ya cu e doño di un restaurant local tabatin mester di un chef di caliber y conocemento riba cuminda Asiatico y internacional. Actualmente Manuel Uriana ta masha agradecido cu e doño di GariWasabi, Izaira Mansur kende a sa di aprecia su arte

E “itamae” di GariWasabi, Manuel Uriana hunto cu su coleganan di trabou exhibiendo un obra di e indjan Wayuu.


DIALUNA 16 DECEMBER , 2013

2

SEÑOR TA BISA:“STIMA SEÑOR, BOSO, SU AMIGONAN; SEÑOR TA WARDA ESNAN CU TA FIEL NA E, MA ESNAN CU TA ACTUA CU SOBERBIA E TA LAGA NAN HAYA NAN PAGO!. TUMA CURASHI, SIN TEMOR DEN CURASON, BOSO TUR CU TA SPERA DEN SEÑOR”, SALMO 31:23,24

Aruba tin mester di un prizon nobo

Lo tin cu evalua si regimen mas rigido lo ta necesario Relaciona cu e welga di dialuna anterior minister di Husticia Arthur Dowers ta comenta cu e edificio di KIA, cu a costa varios miyon, no a ser construi segun normanan pa nos region. [ Hopi di e defectonan cu a ser constata na e edificio no por wordo resolvi den un forma facil. Ya pa algun tempo caba continuamente ta haci trabounan pa “patch-up” e edificio pa asina duna tempo pa yega na construccion di un prizon nobo. Banda di esaki e edificio no ta adecua pa e cantidad y e tipo di prizonero di awendia. Ministerio di husticia ta den combersacion cu varios grupo en conexion cu construccion di un prizon nobo. Durante un recien biahe di trabou e mandatario a bishita diferente prizon na Merca y e tabata tin diferente combersacion cu exper-

tonan pa mira con lo construi un prizon nobo pa Aruba. E retonan cu e mandatario ta ser confronta cune ta hopi. i tene cuenta cu a construi in prizon basta aña pasa na Aruba pa varios miyon, y a renob’e tambe pa varios miyon, y ainda e prizon ta keda tog den un situacion deplorabel, ta haci cu mester sondea debidamente kico lo ta e formula adecuado pa construi un prizon nobo pa Aruba y kico ta e regimen cu mester uza tambe den e prizon pa loke ta mantene ordo. Durante bishita di trabou na prizonnan na Merca por a constata cu tur prizonero no tin mucho cos den nan cel, solamente nan cama di metal y un corchon y algun articulo personal. Tambe tur prizonero ta uniforma den varios color, identificando nan grado di delito y peliger.

Criminalnan hoben den ehercito E hefe maximo di Ehercito Real di Hulanda, General Mart de Kruif kier pa hobennan criminal bira parti di e institucion. E General ta kere cu di e forma aki por yuda e criminalnan hoben riba e bon caminda, door di laga nan traha den ehercito. E ta mira esaki como un obligacion di defensa pa duna un contribucion na sociedad. Y particularmente algun hoben merece un di dos oportunidad, segun de Kruif. E ehercito Hulandes ta trahando riba e plan y lo presenta esaki pronto na e Minister di Defense Hennis-Plasschaert. E intencion ta pa hobennan criminal keda integra a base individual na e diferente areanan di e ehercito. Segun de Kruif, e ehercito lo por yuda nan hopi bon. E General ta kere den e caracter di formacion di e ehercito cu ta brinda structura, claridad y hasta calor humano. “Algun hoben merece un di dos oportunidad,” de Kruif a bisa “No ta e intencion pa tuma henter e grupo como un unidad, sino pa parti e hobennan den e diferente gruponan y seccionnan di e ehercito. Y kizas hasta cu un soldat banda di nan.” En todo caso, investigado di Criminalidad Hubenil di e Hogeschool Leiden Peer van der Helm ta kere cu un luga den ehercito ta hopi miho pa e hobennan cu un prison, unda nan bida ta yega na un paro. Van der Helm ta kere cu e ehercito Hulandes lo por yuda como 2000 hoben a base annual.

E prizonnan cu a wordo bishita ta sumamente ordena, cu masha poco personal ya cu varios proceso ta wordo monitoria dor di sistema di automatisacion. mandatario ta di opinion cu Aruba mester cuminsa tuma e direccion di e tipo di prizon moderno aki. E privilegionan di e pri-

zoneronan na Aruba ta hopi mas grandi cu loke a wordo constata den prizonnan na Merca. Lo mester evalua tambe si un regimen mas rigido lo ta necesario na Aruba. E mandatario ta culmina bisando cu e forma cu husticia ta bin ta trahando e ultimo añanan aki ta sumamente atento.

Husticia a haci un cantidad grandi di detencion cu ta pone tambe cu e prizon ta yegando un record halto di hendenan deteni y esey ta pone tambe un presion adicional riba e infrastructura imita y debil cu a wordo construi varios aña pasa.

Ansiedad di mama ta influencia desaroyo cerebro di baby Mas ansha un hende muhe na estado ta, mas fuerte e cerebronan di e baby lo reacciona durante e prome aña riba e zonidonan cu el a scucha hopi mientras cu e tabata den e bariga di su mama. Esey ta resultado di un investigacion di Renee Otte di Universidad di Tilburg. Otte a investiga como 150 baby den nan prome aña. Y nan mamanan ya caba a yena un cuestionario durante nan embarazo, pa indica con nan tabata sinti e momentonan ey. Zonido Tur e babynan a haya zonidonan pa tende y e investigadonan a registra nan actividadnan cerebral. E babynan a haya cada biaha un zonido fini cu tabata ripiti, pero tambe zonidonan di ambiente. Y tabata depende con ansha nan mamanan tabata durante e embarazo, mas lihe cu e cerebronan di e babynan taaata reacciona riba e zonidonan standard. “E cerebronan di e babynan aki ta mustra di ta custumbra menos lihe na zonidonan cu nan ta scucha regularmente,”

Otte a bisa. “Nan ta keda reacciona na un forma alerta.” Problema comportacion E resultadonan aki no ta duna un bista si kico nan ta nifica pa nan desaroyo den futuro, segun Otte. “Nos investigacion a dirigi particularmente riba e cerebronan, pero probablemente e resultadonan tin corelacion cu algun problema di idioma y comportacion mas despues. Estudionan anterior por ehempel a mustra cu muchanan di mamanan hopi ansioso, ta desaroya nan mes diferente riba nivel di idioma. Kizas e resultadonan di nos analisis di cerebro ta e base pa e conclusion aki.” E investigado a enfatisa cu hende muhe na estado no mester haya miedo di e resultado di e estudio aki. Locual si e ta conseha profesionalnan den e cuido di embarazo pa sigui e proceso di ansiedad di hende muhe tanto durante y despues di nan embarazo.


DIALUNA 16 DECEMBER , 2013

30

Castro Perez di Aruba Reef Care Foundation:

Sistema di “waterside security” por contribui na preservacion di bida marino

Tanto Aruba Reef Care Foundation y Aruba Marine Park Foundation ta cooperando cu e proyecto pa test un sistema pa “waterside security” desaroya pa TNO. E organisacion Hulandes, cu tin un oficina na Aruba, a pidi cooperacion di Aruba Ports Authority (APA) pa test e sistema cu nan ta desaroyando cu yama SOBEK cu a wordo getest caba na Hulanda. E sistema aki tin como

meta principal pa brinda extra siguridad na wafnan pa loke ta e banda di lama, tanto riba e superficie como den lama. Un di dos beneficio ta pa uz’e pa provee datonan tocante movecion y ubicacion di bida marino y asina contribui na e preservacion di e flora e fauna marino. Na Aruba a envolve e dos fundacionnan, cu tin como meta e proteccion y preservacion di

bida marino y na medio ambiente, pa nan asistencia tecnico y cu experticio. Castro Perez di Aruba Reef Care Foundation a gradici APA y TNO pa envolve e fundacionnan y e gerencia di DLVV/Santa Rosa pa nan cooperacion y a splica cu ta pa basta tempo nan ta bezig ta asisti cu tur preparacion pa cu e testnan cu lo tuma luga dialuna merdia.

E preparacionnan tabata encera diferente sesion di video conferencing pa comparti informacion, pero tambe aspectonan audiovisual cu e fundacionnan tin acceso na dje of a traha riba dje manera video y potret di bao awa. Tambe a comparti diferente Google map cu indicacionnan di areanan importante pa tambe marca unda ekiponan mester bay y asina prepara pa tur hende sa kico nan mester haci na momento cu TNO a bin Aruba cu e sistema. Aruba Reef Care ta wak sigur beneficio den e proyecto aki. E midimento di zonidonan bao di lama na diferente nivel y na su superficie lo provee Aruba Reef Care cu datonan pa yuda determina e situacion di e rif dilanti di waf. Castro Perez a splica cu den e area aki tin parrotfish (gutu), kreeft y otro animalnan marino cu ta haci zonido bao awa y uzando e tecnologia y cu bon calculacionnan lo por determina unda tin rif saludabel y unda e rif no ta sa-

ludabel. Perez a añadi cu unda cu tin mas zonido, tin mas bida marino presente y pues e rif ta saludabel y unda tin menos zonido, tin menos bida marino y e rif ta menos saludabel. Castro Perez a bisa cu tambe a pidi pa nan asistencia pa cu sambuyamento, conocemento di nos rifnan y cu dos boto pa midimento di e zonido cu sambuyadonan ta haci, pa weita ora nan ta crusa cierto areanan con e instrumentonan ta midi nan zonido, etc. Castro Perez ta contento cu e envolvimento di Aruba Reef Care y Aruba Marine Park cu ta hopi activo e dianan aki, yudando den e parti tecnico, pa baha ekiponan y pone nan bao awa y ta asistiendo cu tur trabao pa midi y prepara pa e test dialuna. E dos organisacionnan ta entusiasma pa e test cu lo tuma luga dialuna, specialmente pa cu e contribucionnan positivo cu esaki lo tin riba coleccion di informacion tocante e bida marino na Aruba.

Gabinete Mike Eman siguiendo cu proyectonan di renobacion di edificionan historico y di balor cultural

Mantencion y renobacion di Censo y Cas di Gobernador ta cuminsa na januari awo nan tin mannan yen cu tur e trabounan cu nan a wordo encarga cune. Awor nan ta finalisando e ultimo parti di un proyecto di cinco fase, cu ta Corte di Husticia, pero na mesun momento ta trahando riba varios otro mas cu ta cay bou Ministerio di Infrastructura di Minister Benny Sevinger y Prome Minister Mike Eman. Tin dos proyecto cu a cuminsa algun luna atras y ta mirando avance caba riba nan. E prome ta e ex-Havenkantoor net banda pabou di Bestuurskantoor, cu ta un proyecto cu a wordo desaroya pa Serge Thijsen, cual trabounan inclusive ta adelanta riba schema. Algun shen meter mas leu, e proyecto di edificio di Zoutmanstraat ta moviendo hopi lihe. E proyecto aki ta bou encargo di arkitecto Jouel Croes. ORANJESTAD – Gabinete Mike Eman I y II ta balora e herencia cultural di Aruba. Preservacion di nos monumentonan a wordo incorpora den e maneho total di e dos Gobiernonan aki. E ultimo 4 añanan Gobierno di Aruba a confia diferente proyecto di restauracion den e expertonan di cas, esta Oficina di Monumento. Yvonne Webb, directora di e Oficina aki, a expresa cu

Sra. Webb a señala cu recientemente a firma un acuerdo pa un mantencion elabora di Stadhuis. E trabou di mantencion aki ta wordo financia door di Stichting Monumenten Fonds y e tabata e prome proyecto cu Oficina di Monumento a prepara completamente, inclusive e diseñonan, na aña 2008. E mantencion ta encera cambio di e material di palo

y e murayanan, cu ta den un estado hopi deteriora, ya cu e ultimo restauracion ta data di 1998. E dak ta wordo cambia, tegelnan lo wordo limpia y lo haci un “her-indeling” di e edificio. Apesar cu ta un trabou basta grandi, personal di Censo lo no muda den e periodo aki. Solamente e ceremonianan di casamento lo tuma luga den Fort Zoutman pa mas o menos dos luna, cuminsando dia 20 di januari awor. E proyecto total lo mester finalisa meymey di 2014. Directora di Oficina di Monumento a pidi comprension pa e situacion cu lo bay surgi, pero esaki ta pa crea un bista mas bunita di e area ey, cual ta deseo di Gobierno pa crea un miho ‘Producto Aruba’. Gobierno di Aruba por medio Ministerio di Asuntonan General a pidi Oficina di Monumento pa haci e preparacionnan necesario pa cuminsa cu renobacion di Cas di Gobierno situa den Lagoenweg. Destaho a tuma luga caba y e conseho a wordo manda caba pa aprobacion cerca Prome Minister Mike Eman. E intencion ta pa e trabou di renobacion cuminsa na inicio di 2014.


ELMAR kier corda su clientenan cu awe ta ultimo dia pa paga cobransa CELEBRANDO 33 AÑA CU PUEBLO Aña 35 ▪ No. 9884 • 1,50 Florin

Hyatt Place ta bira operador di hotel ehecutivo den Caya Grandi WIN TUNG HOME CENTER

RUDOLF ARENDSSTRAAT # 4 • TEL: 588-9991 • 588-9992 Mon.-Sat. 9AM NONSTOP 7PM • Sun. 9AM-1PM

DECEMBER SPECIAL MUEBLES

Sale 20% Off 20% Off

Nos ta bende kashi cushina full palo y nos ta instala top di marmer of graniet.

Shoe Tel: 588-7800

ORANJESTAD (AAN): E asesino Eligio Guerrero cu tabata sintando un castigo den KIA a horca su curpa. E ta envolvi den e caso di atraco riba e truck di Papilon na Postkantoor caminda e homber Frans a perde su bida cruelmente. E asesino aki tabata sera su so den cel na KIA. Tempo cu el a comete e atraco aki e tabata envolvi cu mas hende. Ta un grupo cu a yega Aruba riba un barco como polizon y logra baha tambe. Nan a subi un barco clandestinamente na Santo Domingo e tempo ey sin

STATEN

Parlamento a aproba Presupuesto Supletorio di Gobierno

NOW AVAILABLE

15% Discount on all

Dutch Boy Paints Pa tempo limita.

Bushiri 26 H • Tel: 582 2771 • Email: salesaua@katranv.com

Sigui lesa pag. 3

COLLECTION NOBO DI PASCO PA HENDE HOMBER

o o l a B Steenweg #10

Asesino di atraco riba truck Papilon ta horca curpa den KIA

DIALUNA 16 DECEMBER 2013

Nos a ricibi un collection grandi di sapato y paña pa hende homber pa dia di fiesta di Fin di Aña!! Nos tin marca: Dockers, Perry Ellis, Rockport, Kenneth Cole, Hush Puppies, Ralph Polo e hopi mas.......

Better every day


DIALUNA 16 DECEMBER 2013

PAGINA 3

DIARIO

Cu speranza pa futuro!

Awor cu aña ta yegando su fin, ta tempo atrobe pa reflexiona y saca conclusionnan cu por sirbi di sustento pa e temporada cu ta dilanti di porta. No tin nada mas malo cu ta para riba e umbral di un aña nobo cu bo curpa yen di desaliento, di desesperanza, di un falta di animo o di creencia den loke di positivo e por tin pa bo, y pa bo isla. Aunke cosnan no ta pinta mucho bon pa motibo di e gastonan excesivo cu a pone nos isla den un percance financiero serio, nada ta bisa nos cu no tin remedi pe. Si pa tur otro cos, sin excepcion, por logra solucionnan practico, mi no ta mira pakico nos no por cifra nos confianza den Gobierno y kere cu e ta bay na encuentro di e mal tempo cu cara na laira y algun solucion bao di e manganan di su camisa. E no ta un mago, y masha poco di nos ta kere den magia como un posible solucion, pero si e ta componi di un ekipo di hende cu no ta ria pa mal tempo. Mi tin e confianza cu nan lo sa di enfrenta e problemanan valiendo nan mes di solucionnan cu di antemano nan lo a studia detenidamente y den cual nan ta kere, y cu por resulta beneficioso pa nos isla. Awor, semper tin esnan entre nos cu ta mas interesa den partido cu den patria, y no ta spar palabra pa caba cu un of otro ministro, hasta cu cosnan mega ridiculo. Tin tambe otronan cu ta biba cu e temor di perde cualke patrimonio cu nan por tin, y fuera di esey, ta biba cu e ausencia absoluto di un balor civil cu por permiti nan e creencia o speranza di un recuperacion di loke sea nan ta sinti cu nan lo por perde. Ta e temor ey ta trece e desaliento definitivo, no esun cu no ta kere

den ningun clase di solucion. Ami ta convenci cu ta bay tin solucion pa nos problemanan financiero, y cu e Gobierno actual ta esun cu ta den e posicion ideal di haci loke ta necesario pa e solucionnan bira realidad. E paseo na Europa no a laga di tin su banda positivo, y e lazonan cu Hulanda cu a bira mas fuerte cu nunca, por ta e prinicipio di e caminda cu ta conduci na e solucionnan cu nos tin mester. No cu mi ta partidario di entrega mas di nos autonomia na Madre Patria, sino cu mi ta kere cu como parti integral di Reino Hulandes, nos merece e apoyo di kende a duna nos tanto cos positivo durante e ultimo siglonan. Ya nos a yega caba na e extremo di loke nos por o ta dispuesto di entrega na Hulanda; e pasaporte tabata suficiente, pero awor a bin acerca cu nos rijbewijsnan tambe mester bin di Hulanda? Pakico? Nan conoce e trafico di Aruba miho cu nos expertonan di e ramo? Mi no ta kere cu tin hopi hende cu ta mira cu bon wowo e entrega di mas asunto cu ta forma parti di nos autonomia na Hulanda. Loke si nos tin mester di Hulanda ta algun Huez cu ta dispuesto di respeta nos idiosincracia, o ta dispuesto di por menos studie pa prome cu dicta sentencia claridad drenta nan cerebronan, y nan respeta nos manera di pensa y nos forma di biba. Lo ultimo, o sea e sentencianan ridiculo cu algun a dicta encuanto abuso di menornan, ta suficiente pa pone nan den e proximo KLM pa Schiphol. Ningun hende ta contento cu nan, y ta sigui perde confianza den nan constantemente. Di kico nan ta sirbi nos anto?

Hyatt Place ta bira operador di hotel ehecutivo den Caya Grandi “Un hotel cu lo contribui grandemente na desaroyo di Caya Grandi”

ORANJESTAD (AAN): Den luna di april ultimo representante di e cadena hotelero prestigioso Hyatt a bishita Aruba pa evalua posibel operacion di un hotel den Caya Grandi. Siman pasa a keda confirma na Gabinete Mike Eman II cu Hyatt, ta bira e operador di e hotel ehecutivo den Caya G.F. Betico Croes. E hotel aki ta bay cay bou di e un di e marcanan mas exitoso di  e corporacion, esta ‘Hyatt Place’. Prome Minister Mike Eman a haci e anuncio aki diahuebs ultimo durante un conferencia di prensa caminda a menciona e hotel aki como un di e proyectonan cu ta biniendo den centro di ciudad pa eleva su nivel como atraccion turistico y comercial.

“Un hotel cu lo contribui grandemente na e desaroyo y cantidad di persona cu ta cana den caya. Un hotel bon ocupa ta garantisa caba un cantidad di hende cu lo ta activo comercial y den parti di entretenimento,” Premier Eman a bisa. E marca ‘Hyatt Place’ ta un concepto caminda e gigante di hoteleria ta combina estilo, innovacion y convenciencia 24 ora pa 7 dia pa siman pa crea un estadia perfectamente consistente cu cada comodidad moderno cu e cliente merece. E cadena ta merecedo di varios premio y reconocemento, incluyendo e “Highest in Guest Satisfaction Among Upscale Hotel Chains” segun J.D. Power e aña aki. Adicionalmente Hyatt Place ta figura como #1

cu hunto cu e renobacion di henter Caya Grandi y centro di Oranjestad ta priminti un potencial enorme pa laga Oranjestad bira un localidad excelente pa un hotel ehecutivo. Mientras tanto, durante ultimo e lunanan despues di e bishita di parti di Hyatt, e desaroyadonan di e proyecto Select-Service Brand dor di Business Travel News 2013 Hotel Chain Survey pa e di dos aña consecutivo. Na april ultimo e representantenan di Hyatt a evalua e tereno cu e inversionistanan a propone y  tambe a determina cu e diseñonan ta na nan satisfaccion. Nan a bay cu e informacion aki bek na nan oficina principal corporativo pa tuma un decision. Nan a gusta e plan aki asina hopi

a continua cu e prome fasenan di e ehecucion di e proyecto cu ta, entre otro midimento y test di e tereno. Manera Prome Minister Eman a menciona dia cu el a topa cu e delegacion di Hyatt, “Aruba ta logra un otro ‘milestone’ importante cu un hotel di cinco strea situa den centro di ciudad.” 

Continuacion Frontpage sa nan destino keriendo cu ta Merca nan ta bay. E barco a pasa Aruba unda nan a logra subi tera. A comete e atraco y mata e yiu di e doño den truck. Awor aki Guerrero tin 40 aña y ta sintando un castigo te na 2025. Ta un castigo pisa el a haya pa e acto cu el a comete. Diasabra marduga durante control a bin topa cune colga of horca den su cel. E so tabata den su cel pues a haya

e espacio necesario pa comete suicidio. Autoridadnan a wordo notifica di e caso aki y ta investigando. E preso aki parce su cabez no tabata 100% tampoco. Pues den algun aña sigur e lo mester a wordo manda bek su pais ora cu e caba di sinta su castigo. Awor lo bay haci e tramitenan pa notifica e famia di e sucedido y mira con lo haci pa manda e curpa Santo Domingo sino mester dera aki mes.


PAGINA 28

DIALUNA 16 DECEMBER 2013

DIARIO

Segun Minister Oduber:

Mientras Gabinete Mike Eman ta inverti den pueblo y pais MEP ta purba sembra discordia y division ORANJESTAD (AAN): Den apenas 4 aña di gobernacion di Gabinete Mike Eman ta hopi cambio por a wordo mira y sinti. No solamente cambionan cu ta mehora Producto Aruba, tanto pa nos localnan como nos turistanan, pero tambe nos hendenan por a sintiun mehoracion di nan calidad di bida. A mira con esnan mas vulnerabel a haya un ayudo di parti di Gobierno, por a mira con nos hobennan ta hayando e atencion necesario y ta tumando un mihor rumbo pa asina den futuro nan por ta esnan cu ta carga nos pais y por ta un guia pa e futuro generacion. Esey ta cambionan cu a wordo logra den un tempo hopi cortico, pero Gabinete Mike Eman ta conciente cu ainda falta mas pa wordo haci y logra. Pueblo a sinti esey tambe y a dune un

sosten masal cu mas di 33 mil voto. Tur integrante di Gabinete Mike Eman II ta comprometi pa realiza tur e metanan y obhetivonan cu a wordo poni nan dilanti pa un y tur riba e pida baranca aki por tin un mihor porvenir. Pero mientras cu esaki ta wordo haci pa nos hendenan, e partido den oposicion, MEP ta purbando di sembra discordia y division entre nos mesun hendenan. Nan a demostra cu a pesar cu nan ta un team relativamente nobo, e mala mañanan di pasado ta sigui prevalece, pasobra nan no por acepta cu un partido y den e caso aki un Gobierno ta traha pa nos hendenan, pa henter nos comunidad y no solamente pa un grupito di famia y amigonan. Nan a yega di demostra esaki na varios ocasion y awor nan a concentra riba e aspecto

di aumento di edad di pension. Nan ta bisa cu esaki ta un medida contra pueblo, cu no por acepta cu ta aumenta edad di pension; diferente di su satelitenan ta purbando di lanta pueblo, lubidando cu nan ta purbando di lantanan contra nan mes. Aumento di edad di pension no ta un posibilidad, e ta un necesidad, de lo contrario aki algun aña e pension di cada un di nos cu ta trahando pa algun dia disfruta di dje, no lo por conta cune. Lamentablemente nos ta conociendo un vergrijzing, no solamente na Aruba,

pero na mundo henter y si no tuma e paso aki, ningun di nos lo por conta cu un entrada na momento cu nos yega na edad di pension. Awor MEP ta bisa cu no ta acepte, pero ta e mesun partido aki a yega di bisa cu mester busca un solucion pa loke ta e problema di pension, Gabinete Mike Eman II a tuma e decision

pa salvaguardia e futuro di pension di cada un di nos cu ta biba na Aruba y ta spera cu partido MEP laga un banda e sentimento di sembra discordia y division y mas bien mira cu e ahustacion aki ta necesario pa bienestar di un y tur di nos ciudadanonan, incluyendo nan mes.

Ata bo oportunidad pa Siña Baila

Salsa, Bachata y Son Montuno Les ta cuminsa 7 Jan. ‘14 Pa mas info. yama Frencil na 737-9310

Reserva bo luga na tempo!!!


161213