Page 1


DIASABRA 14 DECEMBER , 2013

Instalacion di palo di luz y hefboom ta tumando luga Relaciona cu tram Pronto e proyecto di Streetcar pa Caya Grandi ta bay conoce su fase culminante. Departamento di Obranan Publico hunto cu Cuerpo Policial ta

trahando riba instalacion di e luznan, borchi y bareranan cu ta forma parti di e siguridad di e tram. Hefe di Maneho y Supervision

Fraccion di AVP a inicia tradicion nobo cu Minister Schwengle

Durante tratamento di presupuesto suplementario 2013 awe, ariba e presupuesto di pais Aruba 2013, Sr. Chris Dammers a haci uzo di e reunion aki pa pidi un punto di ordo, caminda a pidi pa schors e reunion aki pa un minuut, pa entrega un regalo den nomber di fracion di AVP na dr. Alex Schwengle. Esaki den relacion cu e prome intervencion cu dr. Alex Schwengle mester a haci durante tratamento di e ley aki, contestando e preguntanan cu Staten a haci pa e minister aki, ariba tereno di salubridad y deporte. Esaki ta un custumber caba den Reino, muy en especial Tweede Kamer, cu ta duna un Parlamentario of Minister, despues cu e caba di hiba palabra pa di prome biaha den Parlamento, tur e honor y ta tuma un rato e tempo pa duna e reconocimento den un funcion asina importante, den representacion di su pais. Su contestanan tabata hopi al caso y e por a demostra cu su profesionalismo ariba e tereno di salubridad y su contestanan duna durante di e reunion aki cu sigur e lo bay tin e atencion necesario pa cu nos salubridad. Nos ta desea dr. Alex Schwen-

gle hopi forsa y sabiduria den un funcion nobo aki.

na DOW, ing. Marlon Croes a splica kico tur ta bay wordo introduci den e proximo simannan for di waf te Plaza Nicky Habibe y e cayanan anexo na Caya Grandi. “Nos a introduci un vehiculo nobo riba nos cayanan. Nos a cambia e ley pa haci esey posibel. Aworaki e ta coriendo y Polis ta riba e tram pa yuda guia den e proceso.” Ta pa prome biaha cu Aruba ta implementa un sistema di streetcar y esaki a tuma su tempo pa cubri tur e rekisito y plannan necesario. Vision di Gabinete Mike Eman I y II ta pa duna centro di ciudad un renobacion completo y un encanto pa medio di e streetcar, cu na su luga tambe ta yuda move e fluho di local y turista den tur parti di Caya G.F. Betico Croes. “A construi e tramband, a busca e tramnan, a cambia ley, a traha remise pa haci mantencion rutinario y e otro aspecto cu tambe nos mester haci ta e trambandbeveiliging,” ing. Croes a splica. Pa medio di hef-

boom ta guia e trafico. E ta bay funciona di e siguiente manera: Ora e tram yega na un crusada, e tram mes ta manda un señal pa e automaat. E automaat ta avisa e trafico cu e tram ta biniendo y ta para e trafico na banda pa e tram pasa trankilo. Ora cu e tram caba di pasa y sali for di e zona cu ta activa e luznan, e luznan ta duna permiso bek pa trafico por sigui core normal y hende por sigui cana. E aparato di automaat tin un receiver riba dje. E tram tin un sender riba dje y ta manda un señal y ora esaki yega na e radius di e receiver ey cu ta busca e señal, e ta activa e automaat cu suficiente tempo pa cera e crusada. E ta un Passive Radio Frequency System. E palo di luz tin dos luz oranje. Ora e tram ta yegando, e ta cuminsa flash mas lihe y ora nan bira oranje completo trafico mester para pa duna e tram preferencia. Manera ta para den ley, te hasta den caso cu luz no ta trahando, e tram tin preferencia. Segun ing. Croes di DOW, tur esaki ta wordo introduci e siman aki. “Nos ta trahando basta duro, poniendo e palo, armatuur y cashinan. Nos tin e

7

proximo dianan pa programa e instalacionnan pa den fin di siman testnan y implementa tur cos den curso di otro siman.” Ta bon pa publico en general tuma nota y ta na altura precisamente na ki puntonan den e ruta di e tram ta bay tin luz y hefboom. E luznan ta wordo instala na altura di cruzada di L.G. Smith Boulevard caminda e tram ta sali di waf, Weststraat/ Schelpstraat, Emmastraat/ Schelpstraat, Waterweg, Oudeschoolstraat y den e bocht di Ooststraat/Nieuwstraat patras di Nicky Habibe. E hefboomnan ta dos y ta ubica na Emmastraat y Schelpstraat pa preveni trafico di drenta den caya grandi,pues na inicio di caya.


WWW SENTENCIA

Huez a manda mensahe bon cla pa tur nightclub riba strip

Pregunta tocante bo cobransa? Yama Customer Service na 5237100

CELEBRANDO 33 AÑA CU PUEBLO Aña 35 ▪ No. 9883 • 1,50 Florin

DIASABRA 14 DECEMBER 2013

Drs. Marisol Tromp a laga lider di MEP sin palabra den boca ayera

MEDIO AMBIENTE

Landfill Gavilan tin vecindario y varios bario, te na Noord, harta

Renobacion di Plaza Willem de Zwijger na Januari

WAYACA SUPERCENTER WAYACA # 31 (BANDA DI E CARWASH) TEL: 583-8828

  

ORANJESTAD(AAN)-- Dilanti edificio di Corte den John G. Emanstraat, ta situa Willem de Zwijger Plein y e tabata conoci tambe como Alameda.

Henter e area aki lo wordo renoba y e trabaonan ta cuminza den luna di januari y e contrato pa esaki a wordo firma ayera. Tame ayera tabata dia

cu Prome Ministro Mike Eman y Ministro Benny Sevinger, hunto cu director di DOW Sr. Jossy figaroa y Sr. Marlon Croes director interino a haci un recorido den Caya Grandi pa mira progreso di e trabaonan y nan a bishita tambe Plaza Daniel Leo, Plaza Chipi Chipi y plaza Nicky Habibe. Riba e fotonan por mira dibuho di con e Plaza Willem de Zwijger lo bira y ademas momento cu Sres. Figaroa y Croes ta observando e trabaonan riba Plaza Daniel Leo. Por lesa mas di esakinan den e edicion aki. Diadomingo Telearuba

December 15 pa 6.30 PM Diadomingo December 15 pa 7.00 PM

Sintonisa e programa special cu tur informacion di e proposicion riba mesa pa cambio den areglo di pensioen di biehes (AOV).

Diadomingo December 15 pa 7.00 PM

Seguridad pa Aruba su comunidad


DIASABRA 14 DECEMBER 2013

Parlamento tratando Presupuesto Supletorio

ORANJESTAD(AAN): Gobierno di Aruba a entrega un presupuesto di 1.350.000.000,=

(1.35 biyon Florin) na luna di Juni ultimo y a haya aprobacion. E tempo ey tabatin un

PAGINA 11

DIARIO

deficit di 270 miyon Florin, cu Gobierno a logra yena via un fianza. Awor aki Gobierno ta pidiendo un aprobacion pa 60 miyon Florin mas, den forma di un presupuesto supletorio. Pa diferente motibo, Gobierno a haya menos placa na entrada. Un di e retonan tambe tabata cu Gobierno no a logra alcansa e nivel di interes pa e fianzanan haci, pa cual mester a paga mas. Na tur e deficit awor lo bira 340 miyon Florin, toch un suma halto. Gobierno a menciona di lo traha duro pa baha e deficit den e añanan nos dilanti. Controla Presupuesto di Gobierno ta un

di e podernan mas importante. E reunion ta bayendo cu su debido discusionnan y debatenan politico den Parlamento. Ta discutiendo gastonan haci caba durante aña, pa cual awor ta buscando aprobacion. Tur esaki, mientras cu e Presupuesto di aña 2014 no a ni yega Parla-

mento ainda. Normalmente ta entrega dicho presupuesto dia 1 di september di e aña prome, pa asina trata e presupuesto prome cu fin di aña. Dicho tradicion a caba na nada durante e ultimo añanan, tanto bou maneho di MEP pero tambe bou di e ultimo periodo di AVP!

No lubida pa busca cedula ORANJESTAD (AAN): Censo ta informa na tur persona cu a laga traha un cedula/ ID durante di e lunanan di juni te cu november 2013 pa sea asina bon di pasa busca esaki na oficina di CENSO den Schoolstraat 2. Tambe ta suplica tur esnan cu riba dia di eleccion ultimo cu por a lubida nan cedula na un di e stembureaunan, pa por averigua na Censo si stembureau por a entrega esaki na Censo. Por pasa durante ora di trabao di dialuna pa diabierna, cu excepcion di diaranson merdia.


DIASABRA 14 DECEMBER 2013

PAGINA 13

DIARIO

Evelyn y Schotte

Ta dificil pa bisa awo caba cu e politico Schotte di Curaçao ta culpabel di crimennan serio manera ta worde bisa pasobra na su cas y oficinanan fiscal y polis a tene “huiszoeking” buscando pruebanan di su culpabilidad. En todo caso ta un hecho si cu Evelyn Wever Croes ta amigo intimo di Schotte y a mustra esaki hopi cla ora e a bay vota hunto cu e amigo aki dia di eleccion. Schotte

tabata na Aruba pa compaña su amiga den campaña y Evelyn a mustra e dianan ey cu e ta sumamente contento cu e aprecio cu e a haya di Schotte. Awe mester pone e caso aki banda di e ofensanan cu Evelyn a bin cune cu Mike Eman lo ta amigo di un gobernador Colombiano cu a bin oficialmente Aruba hunto cu un cantidad di otronan for di tur parti di mundo

pa asisiti na un congreso oficial di Aruba. Scupi na laira ta bin back den bo cara awe ta conta un biaha mas pa Evelyn. Schotte simplemente a bin Aruba como amigo intimo di Evelyn manera e mes a splica. Schotte a bin un paar di dia pa pasa cu Evelyn pa campaña pe y compañe durante e dianan pisa cu Evelyn tabata pasa aden. Ta di spera cu esnan rond di Evelyn por splike cu aki por mira e diferencia di hende drechi y hende cu un mentalidad troci, sushi y maligno. Pasobra den caso di Evelyn si tin laso intimo di amistad cu un hende cu seriamente ta bao di investigacion di autoridadnan hudicial. Nos no sa si Evelyn ta bay baha como lider manera gran parti di

su partido ta desea. E daño cu e ta haci partido tur dia mas y mas casi no por worde drecha mas. E a bira lider na e manera di mas sushi cu politica a yega di conoce na Aruba. Lanza un cantidad di mentira tras di otro. Ofende nos Cas Real na un manera grocero. Keda sostene hortamente di miyones di pueblo door di su famianan. Lanza un falsedad di un waya di coriente di Colombia pa Aruba primintiendo nos pueblo cu e lo baha prijs di coriente cu 50%. A pone Glenbert ariba lista y te awe no a bin duna cuenta cuanto placa Bouterse a pone den campaña di MEP. Di Schotte

no por bisa nada ainda pasobra e ta un sospechoso cu por sali liber di tur acusacion pero di Desi y Dino ta conoci rond mundo cu nan tur dos a worde condena pa crimennan serio. Desi Bouterse a worde condena na Hulanda pa 15 aña di prison y Dino Bouterse a worde condena pa 8 aña di prison na Surinam mes. Esaki Evelyn tabata sa y esaki Glenbert tabata sa. Pa carga hendenan asina ariba un teblachi y acepta placa di nan pa campaña ta prueba di un mentalidad di shouru cu aparerentemente ta cuminza habri wowo di e nucleo di MEP. Esnan cu kier pa Evelyn bay ta mira kico tur hende na Aruba sa di Evelyn pero nan mes sa mucho mas y nan a yega na e conclusion cu Evelyn no por keda lider mas pasobra esaki ta bay ta fin di e partido den corto tempo. Cosnan no ta sosode por nada. Evelyn tin simannan ta grita contra un hende drechi manera nos ministro presidente Mike Eman cu Mike lo tin amistad cu un gobernador di Venezuela sabiendo bon bon cu esaki no ta berdad. Awo Evelyn mester wak su mes actuacion intimo cu un amigo politico di Curaçao na television pa tur hende aprecia cu e ta amigo di Schotte. Mescos cu Glenbert cu ariba su facebook tabatin un cantidad di potret cu e Boutersenan pa mustra mundo con bon amigo y socio e ta di hendenan conoci rond mundo como criminalnan grandi. Glenbert a haya su mes ta bin splica despues cu e a gaña di no ta den negoshi cu e Boutersenan cu e tabata diep diep den negoshi cu e Boutersenan pero no den droga y arma solamente den negoshi di oro y petroleo. Ser socio di criminalnan grandi, biaha pariba pabao den private jet, core den autonan di centenares di mil Florin y biba manera e grandinan den crimen anto bin ofende hende drechi manera Mike Eman no ta keda sin buelto.


PAGINA 2

DIASABRA 14 DECEMBER 2013

DIARIO

Prome Minister Mike Eman:

Gobierno a desvia cu cinco porciento so di e presupuesto anual di 2013 Presupuesto supletorio ta coregi e suma total

ORANJESTAD (AAN) – Prome Minister mr. Mike Eman tabata presente den Parlamento, durante e tratamento di presupuesto supletorio. Durante un entrevista cu Matutino DIARIO, Premier Eman a expresa cu pa gobierno ta algo importante cu nan ta aportando esaki, den e forma di haci e administracion financiero di nos pais. El a indica cu naturalmente di parti di oposicion tin critica cu nan ta presentando un presupuesto supletorio cu tin un suma adicional na e presupuesto anual. Gobierno ta desea pa e suma aki ta mas chikito posible, pero esaki ta un renovacion di nan administracion financiero, un mehoracion na e consulta y informacion na Parlamento, pasobra anteriormente durante añanan, gobierno a presenta presupuestonan na Parlamento cu ta wordo aproba, y nunca a bin back na final di aña pa duna cuenta cuanto e ta realmente, y pa haci ahustenan riba locual a wordo realiza.

Prome Minister a subraya cu por a mira cu for di e cuentanan anual riba presupuestonan den pasado, a resulta cu un suma hopi grandi a sobrepasa e presupuesto y nunca Parlamento a wordo informa ni discuti riba esaki. E dignatario a menciona cu e aña pasa e presupuesto supletorio tabata minimal, e aña aki ta 60 sesenta miyon florin, cu ta parce grandi pero ora di pone den contexto di un presupuesto di 1350 miyon florin, e ta manera ta bay gasta 135 florin na un producto of gasto y cu nan final a costa 145 florin, cu ta mas

of menos cinco porciento na desviacion, di locual a wordo presupuesta, na gasto extra. Gobierno a bin duna cuenta na Parlamento riba esaki y nan ta kere cu esaki ta e forma corecto pa hacie, y despues nan lo haya un cuenta anual pa reconfirma si locual a pone riba presupuesto supletorio tambe ta corecto. E dignatario a remarca cu esaki ta un forma grandi y ordena di duna cuenta na Parlamento y gobierno ta contento di a duna e stap aki, y otro aña lo sigui mehora e forma di duna participacion na Parlamento, y pa 2016 nan kier

bin cu un presupuesto balansa, unda lo fiha leynan na kico gobierno mester atene su mes pa un administracion financiero. Premier Eman a indica cu locual por a mira den cuater

aña ta un gobierno cu a inverti grandemente den mehoracion di e poder di compra, a bin cu hopi recuperacion na personanan cu pa añanan largo a keda sin haya nan promocion y hasta tabata tin ponemento abao di trabao. Mester a inverti hopi den esaki pero ta nan derecho di ambtenaar y mester a cumpli cune. Tabata tin tambe nombramentonan cu no a wordo premira, pero den e contexto total hopi tin di haber cu e gastonan cu gobierno no a premira, cu cambionan cu tabata tin den scaling, promocion, y riba esaki mester duna cuenta na Parlamento tambe.


PAGINA 26

DIARIO

DIASABRA 14 DECEMBER 2013

Informacion di maneho presenta den presupuesto di pais Aruba no ta suficiente pa Parlamento por tuma decisionnan funda ORANJESTAD (AAN): Algemene Rekenkamer a haci un investigacion tocante e balor informativo di presupuesto di pais Aruba. Den e investigacion aki informacion di maneho di e diferente ministerionan tabata e tema central. Informacion di maneho ta segun Algemene Rekenkamer, e presentacion den un forma structura y ordena di loke un minister kier logra cu su maneho; cual ta inclui e consecuencianan financiero di e actividadnan planea pa logra e metanan di e minister. Esaki ta worde presenta door di un minister den e paragraf dedica na maneho, e asina yama Memorie van Toelichting riba e presupuesto. Den su investigacion, Algemene Rekenkamer kier ilustra, cu e forma actual di presenta informacion di maneho den presupuesto por marginalisa su balor informativo. E investigacion aki mester a forma parti di un investigacion mas grandi, cual ta esun di e cuenta anual pa aña 2012 di pais Aruba. Tumando na cuenta, cu no a entrega e cuenta anual aki na Algemene Rekenkamer, a dicidi di publica un rapport separa encuanto e balor informativo di presupuesto, manteniendo asina e relevancia di e resultadonan di e investigacion. E balor informativo ta relata directamente na e calidad y cantidad di informacion di maneho cu ta worde presenta den e presupuesto. Informacion di maneho tin un rol central den e relacion entre gobierno y Parlamento y ta parti cardinal pa loke ta trata e derecho presupuestario di Parlamento. Esaki ta keda ilustra door cu entre otro, e aprobacion di e presupuesto, e dunamento di decharge y/ of e entrega di amiendanan door di Parlamentarionan, no por pasa sin intercambio di informacion entre gobierno y Parlamento. P’esey mes Algemene Rekenkamer ta di opinion cu pa tuma decisionnan funda, Parlamento mester

haya informacion relevante y structura. Esaki ta encera informacion tocante e meta di maneho, e efectonan desea, e actividadnan concreto pa logra e metanan aki y e gastonan relata na e maneho. Informacion di maneho adecua, ta un exigencia esencial pa un gobierno por funciona debidamente. Pa tuma decisionnan funda, un gobierno mester tin informacion disponibel cu ta relevante, corecto y na tempo. A base di e informacion aki, e maneho y e ehecucion di esaki por worde monitorea y adapta na tempo, si acaso esaki ta necesario. Ademas ta existi e deber di un gobierno pa duna, no solamente informacion na ciudadanonan tocante di plannan, pero tambe responsabilisa su mes y presenta e resultadonan di su maneho y e gastonan envolvi pa cu esaki. Duna responsabilisacion pa ehecucion di maneho ta un parti esencial di bon gobernacion. Algemene Rekenkamer a haci investigacion riba tres tereno, un di nan ta e proceso con e informacion di maneho ta worde produci, e di dos ta un analisis di e disponibilidad di informacion di maneho den presupuesto y di tres parti ta concerni e uzo di e informacion di maneho door di Parlamentarionan. E investigacion di Algemene Rekenkamer ta duna como resultado, cu e informacion di maneho den presupuesto di e diferente ministerionan no ta suficiente pa haya un bista completo di e relacion di metanan, actividadnan y gastonan. E disponibilidad di informacion di maneho ta limita. Motibonan di esaki por worde haya entre otro den e proceso di con e informacion ta worde produci. E contexto den cua e Memorie van Toelichting ta worde produci, ta uno complica pa motibo di entre otro e cantidad di partidonan envolvi y e falta di regulacion skirbi pa cu e normanan di calidad y cantidad di e contenido di

informacion di maneho. Un balor informativo limita tin un consecuencia negativo riba e uzo di e presupuesto. Un presupuesto cu tin limitacion den su uzo, ta engrandece e posibildad cu derecho presupuestario di Parlamento no por worde eherce optimalmente. Algemene Rekenkamer ta considera limitacionnan di e uzo di derecho presupuestario di Parlamento algo preocupante. Teniendo cuenta cu e nivel di autorisacion actual di e presupuesto, Algemene Rekenkamer ta conclui cu falta un convenio entre gobierno y Parlamento tocante normanan di contenido y uzo di informacion di maneho, manera presenta den presupuesto. Cu nivel di autorisacion di presupuesto Algemene Rekenkamer ta referi na e nivel presupuestario riba cua e presupuesto ta worde aproba. Cu normanan ta referi na combenionan por escrito cu ta worde carga door di ambos partido, encuanto e contenido y e uzo di e informacion di maneho presenta den e Memorie van Toelichting cu ta forma parti esencial di e presupuesto. Algemene Rekenkamer ta di opinion cu ta necesario pa pone e punto aki riba agenda politico pa asina hisa e nivel di contenido y uzo di e presupuesto. E balor informativo y uzo di e presupuesto mester ta mara na e derecho presupuestario di Parlamento. Esaki ta nifica tambe un cambio di perspectiva di e personanan cu ta responsabel pa e produccion di e informacion di maneho ya cu mester bay tene mas cuenta cu e punto di bista di e usuario di e informacion aki. Algemene Rekenkamer ta recomenda minister di Finanzas pa tuma initiativa pa pone e tema di balor informativo di tanto presupuesto como e cuenta anual, riba e agenda politico. Ta necesario pa involucra Parlamento y gobierno den esaki. Como prome paso ta importante pa haci un evaluacion di e forma di trata

e presupuesto. Algemene Rekenkamer ta recomenda pa laga e normanan pa e contenido di informacion di maneho, forma parti di e ley di comptabilidad nobo. Lagando e normanan bira parti di e ley nobo di comptabildad lo contribui na produccion adecuado di informacion di maneho y na crea normanan cu gobierno y Parlamento ta comparti, pa loke ta exigencianan di calidad di informacion di maneho, den documentonan manera presupuesto y cuentanan anual. Den tur esaki e derecho presupuestario di Parlamento tin un rol central. E derecho aki ta un instrumento importante pa controla e funcionamento di gobierno. E control aki por ta efectivo solamente si e informacion relevante ta disponibel na tempo tambe. Gobierno tambe tin beneficio na un control eficaz, door di un Parlamento cu ta activo den eherce su derecho presupuestario. Di e forma aki gobierno tin cu keda alerto. P’esey Algemene Rekenkamer kier enfoca riba e importancia di cumplimento cu fechanan legal pa entrega di presupuesto manera stipula den ley di Comptabilidad 1989. Pa medio di un carta, minister di Finanzas, Comunicacion, Utilidad y Energia a reacciona riba investigacion di Algemene Rekenkamer. E minister ta comparti opinion di Algemene Rekenkamer cu e uzo di presupuesto tin

cu worde mehora door di entre otro presenta na un forma structura y ordena den presupuesto, loke un minister kier logra cu su maneho, incluyendo e consecuencianan financiero di e actividadnan planea pa logra e metanan di e minister en cuestion. Minister ta indica cu gobierno tin intencion pa presenta e presupuesto di aña 2015 den forma mehora. Algemene Rekenkamer ta apoya e intencion aki. Esaki ta significa si cu minister lo mester tuma pasonan concreto riba termino corto pa por realisa esaki como cu e proceso di presupuesto 2015 lo inicia den luna di april 2014. Minister ta di acuerdo cu Algemene Rekenkamer cu e uzo di presupesto mester tin relacion directo cu e derecho presupuestario di Parlamento. P’esey Algemene Rekenkamer ta desea di ripiti e importancia di envolvimiento di Parlamento den e proceso aki. Esaki lo tin cu contribui na formacion di normanan pa loke ta trata calidad di informacion di maneho, cu tanto gobierno y Parlamento ta carga. Algemene Rekenkamer ta dispuesto pa comparti su conocimento existente riba e tereno aki cu esnan envolvi den e proceso. E carta conteniendo resultadonan di investigacion, conhunto cu e reaccion di minister y e palabra final di Algemene Rekenkamer ta publica integralmente riba website di gobierno, esta: www.gobierno.aw.

141213  
Read more
Read more
Similar to
Popular now
Just for you