Issuu on Google+

DIALUNA 09 DECEMBER , 2013

23

Shete dia special pa haci compras den Caya Grandi Cu musica, alegria y hopi bon oferta pa tur hende

Gobierno di Aruba hunto cu asociacion di comercianenan di caya principal, MAMBO ta organisa pa e luna aki di December, un fabuloso programa di Dianan di Compras cuminsando diasabra awo 7 di December. Musica, alegria y mas importante, hopi oferta special ta spera pueblo di Aruba den e proximo simannan ora nan haci nan compras den Caya G.F. Bet-

ico Croes. Tiendanan lo extende nan ora di habri tanto den anochi como tambe riba diadomingo pa tur hende haya oportunidad di busca loke nan mester. Tur cos ta cuminsa e diasabra aki mes 7 di december cu un Christmas Shopping Night caminda tiendanan lo keda habri te ora mas laat den anochi. Na diferente punto di Caya Principal completamente renoba y

bunita, ta bay tin presentacion en bibo di gruponan tradicional di fin di aña, Grupo Sabroso, Grupo Autentiko, Katumbo y Gaita Sensacionales. E siman despues lo ta un diasabra ainda mas special, pasobra den oranan di atardi lo tin Cendemento di Luz den Caya Grandi. Trabounan ya caba ta andando y por mira e skina pariba di Aruba Bank caminda a pone e bellnan grandi cu logo di Aruba. Esaki rapidamente a bira un spot pa turista y localnan saca potret. Riba e anochi aki ta bay tin animación musical di parti di agrupacionnan Swing Gaitero, Gosa Gaita, Paranda Ta Nos, Grupo Autentiko y Las Unicas Fabulosas. Diadomingo 15 di december lo ta e prome Christmas Shopping Sunday caminda tiendanan lo ta habri entre 10or di mainta y 2or di merdia. Un biaha mas por

conta riba e dushi ambiente di gaita y aguinaldo for di nos talentonan local manera Grupo Autentiko, Gaita Los Paranderos, Paranda Ta Nos y e treat special na estilo wapa cu e muchanan di Rincon Boys. E siguiente fin di siman di compras riba e programa di fin di aña aki den Caya Principal, ta uno mas largo cu normal. Riba diasabra 21 tin Christmas Shopping Night cu presentacion di Grupo Autentiko, Sparkle, Grupo Sensacionales, Gosa Gaita y Las Unicas Fabulosas. Riba diadomingo 22 ta ripiti e Christmas Shopping Sunday pero e biaha aki ta extende e orario di e tiendanan entre 10or di mainta te 6or di atardi. Atrobe tur hen-

de por haci nan compras di un manera comodo, den un ambiente dushi. Riba e atardi aki ta baya gosa di e presentacionnan di Katatumbo, Maruba, Gaita Los Paranderos, Gaita Autentiko y tambe e popular Robert Maduro cu su grupo. Su siguiente dialuna y faltando solamente dos dia pa Pasco yega lo ta un oportunidad excelente pa bay haci compras den Caya Grandi ya cu ta bay tin otro Christmas Shopping Night. E agrupacionnan Gaita Sabroso, Las Unicas Fabulosas, Gaita Autentiko, Gaita Sensacionales y Paranada Ta Nos lo ta esnan encarga pa pone e dushi ambiente di fin di aña cu nan musica.

Presentacion di buki tocante Caribe y e Islanan ABC na IPA

Durante e Conferencia di “16th Eastern Caribbean Islands Cultures Conference” Prof. dr. Ronald Zevering, director di Fundacion pa Planifikashon di Idioma (FPI), a presenta nan publicacion mas nobo di e serie di buki conoci como “Languages and Cultures of the ABC Islands and of the Caribbean.” E publicacion ta consisti di dos volumen cu ta enfoca riba cultura, idioma y literatura di Caribe en general y specificamente tocante e islanan di Caribe Hulandes. Fundashon pa Planifikashon di Idioma FPI, Universidad de Puerto Rico Rio Piedras, University of the West Indies, Barbados y Universidad di Corsou cu ayudo financiero di Prins Bernard Cultuur Fonds ta pu-

blica e bukinan aki tur aña. E revisadonan di e buki ta Prof. dr. Nicholas Faraclas, Prof. dr. Ronald Zevering, Prof. dr. Wim Rutgers, dr. Elisabeth Echteld, Marsha Hinds-Layne MA. y drs. Christa Weijer. Esaki ta e di di 5 edicion di e bukinan aki y por a conta mas cu 50 articulo skirbi pa e autornan di Aruba tocante topico di Aruba. Esaki ta un logro grandi, pasobra ta nifica cu ta haci investigacion na Aruba y ta produci literatura, contrario na e percepcion cu hopi biaha tin. E titulo di e publicacion di e aña aki ta Researching the Rhizome; Studies of Transcultural Language, Literature, Learning, and Life on the ABC Islands and Beyond y Transcultural

Roots Uprising; The Rhizomatic Languages, Literatures, and Cultures of the Caribbean. Stan Kuiperi MEd, e conocido artista Arubano, a diseña e ilustracion cu ta riba e portada di e bukinan. Ambos ilustracion ta representa algun di e pinturanan traha pa e indiginonan cu a biba na Aruba hopi siglo pasa. E siguiente personanan di Aruba a publica den e buki: Clementia Eugene MA “The search for truth about child sexual abuse”, drs. Joe Fortin “Caribbean Gothic: Imagology and reality in The afternoon wind”, Gregory Goedgedrag MSc “De effectiviteit van de voorspellende leesstrategie in combinatie met andere leesstrategieën in begrijpend lezen”, drs. Dimitri Halley “The observation problem and thinking about development: Toward a paradoxical view”, sr. Quito Nicolaas Caribbean literature from the ABC-Islands in the European Netherlands”, Prof. dr. Wim Rutgers “Michael Joannes Alexius Schabel S.J. Missionary on Curaçao from 1704 to 1713: A rare account (1705) and a dia-

ry (1701-1708)”, Jessica Maduro MSc “Effectieve woordenschatuitbreiding voor vreemde-taalonderwijs”, Rudolph P. Simon MSc “Rapportage van een vervolgonderzoek naar de effectiviteit van de determinanten op de BMI en fitheid van kinderen”, Berthson Boekhoudt MSc “De moedertaal als instructietaal in het rekenonderwijs”, Cheryda Gemin MSc “Is het aanbieden van leesstrategieën van invloed op de schrijfvaardigheid van leraren in opleiding?” , Roke Hoen MSc “Heeft ‘Character Education’ een positieve invloed op een gezonde ontwikkeling van jongeren op Aruba?”, drs. Mervine Kock “Gender and Education in Aruba: Are our schools failing to recognize gender-specific needs?”, drs. Emy Maduro “Culture, health and Aruban women’s perception of beauty” y drs. Gregory Richardson “Calypso music and a critical reflection on the self in Aruba and Trinidad”. E articulonan ta trata investigacionnan y observacionnan recien riba tereno di enseñan-

sa, idioma y cultura na Aruba. Den e siguiente lunanan lo publica e resumen di tur e publicacionnan aki. IPA ta agradecido na tur persona y instancia cu a yuda cu e publicacion aki y alabes ta encurasha tur persona cu ta interesa pa publica pa manda nan articulo pa e siguiente “call for papers” na november otro aña. IPA lo informa e comunidad di Aruba di esaki. E bukinan ta obtenibel na biblioteca di IPA y pronto na Biblioteca Nacional Aruba y na tur libreria.


DIALUNA 09 DECEMBER , 2013

4

Un despedida ‘Real’ pa e Secretaria di Gobernado

Philomena Perez Lopez pa añanan tabata bon na altura ken tur lo ricibi condecoracion real. Pero e no a spera nunca cu su propio reconocimento real, otorga pa Rey Willem-Alexander a bin di e forma con el a bin. Na momento di su despedida oficial, su hefe of miho dicho, su ex hefe stima a presenta e prome Secretaria di Goberna-

do di Aruba su condecoracion real. Un gesto cu a emociona Philomena Perez Lopez, e dama fuerte di Gabinete di Gobernado y sigur su famia y amigonan cu e mes tabata kier pa tabata presente na e celebracion di su despedida. Philomena Perez Lopez ta reconoci como un dama di caracter cu tabata sa tur locual

tabata pasa, tabata dirigi den su opinion, pero extremadamente discreto. Su reputacion tabata bay te na Den Haag, segun Gobernado Fredis Refunjol y Director di Gabinete di Gobernado Martijn Boelen. Tanto Ministernan na Den Haag como ehecutivonan publico di Den Haag conoce of conoce di Philomena y a manda hopi palabra di felicitacion pa su trabou impeccable durante tur e añanan den servicio di Gabinete di Gobernado. E decision di Philomena Perez Lopez pa bay cu pensioen tin di haber cu e areglo di pensioen pa personal cu ta cay bou e areglo Hulandes. Y en realidad e mester a baha cu pensioen for di September caba, pero a crea espacio pa e por a keda pa experencia y hasta dirigi e Bishita Real di Rey Willem-Alexander y Reina Maxima. Pero su discurso di despedida tabata dirigi na su Goberna-

Telefon: 588-1500 Fax: 582-4937 UN CORANT OTRO

Director

Editor-in-Chief Hareld Faro

donan y e Gobernadonan adhunto. El a corda Sr. Felipe Tromp cu hopi amor, y cu duele pa e malesa cu a horta e personalidad di e prome Gobernado di Aruba, algun aña prome cu su fayecimento. Olindo Koolman tabata un inspiracion pa Philomena Perez Lopez, el a bisa, y su casa Dora Koolman tabata un motivado pa duna un man na comunidad pa medio di trabounan social. Pero, Fredis Refunjol ta goza di un apodo special. Cu permiso di Sra. Clarette Refunjol, Philomena Perez Lopez

Assistant Editors Maritza Maduro Benjamin Romero Elizabeth Guanipa

a gradici Gobernado Refunjol pa e almuersonan hunto, prepara varios biaha pa Sr. Refunjol mes. “E ta un amor,” Philomena Perez Lopez a bisa den su tono melodioso di custumber. Tambe e tabata gradecido na e sosten y ayudo cu el a ricibi for di tur e Gobernadonan adhunto, difunto Max Croes, pero tambe Christina van den Berg y Ella Tromp Yarzagaray. E celebracion di despedida tabata bunita y emotive y aunke cu Philomena Perez Lopez ya no ta forma parti di e personal di Gabinete di Gobernado, el a marca su paso y el a traha un luga cu ta dificil pa reemplaza.

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com


WWW POLIS

Suplica dramatico pa ta mas atento den trafico

Pa evita di haña cobransa halto yama Customer Service pa nos lesa bo meterstand CELEBRANDO 33 AÑA CU PUEBLO Aña 35 ▪ No. 9878 • 1,50 Florin

Prome Minister Eman a papia cu empresa Shell riba proyecto di LNG

Aki ta trata di provision di LNG pa Aruba mes y pa e region Caribense pa medio di un hub

DIALUNA 9 DECEMBER 2013

AGRICULTURA

Remodelacion di molinanan di biento ta continua

Militar a muri accidenta cu brommer diasabra marduga

NOW AVAILABLE ORANJESTAD (AAN): Un accidente fatal a tuma lugar Diasabra marduga riba e caminda di L.G. Smith Boulevard na altura di ex Super Food. E motociclista y militar Gernee Geerman di 25 aña a accidenta y a perde su bida na e sitio. Ta haci un apelacion pa bai poco poco riba caminda y controla e uso di alcohol. Paz na su restonan y forza na e famia.

15% Discount on all

Dutch Boy Paints Pa tempo limita.

Bushiri 26 H • Tel: 582 2771 • Email: salesaua@katranv.com

WIN TUNG HOME CENTER

RUDOLF ARENDSSTRAAT # 4 • TEL: 588-9991 • 588-9992 Mon.-Sat. 9AM NONSTOP 7PM • Sun. 9AM-1PM

NOVEMBER SPECIAL MUEBLES

Sale 20% Off 20% Off

Nos ta bende kashi cushina full palo y nos ta instala top di marmer of graniet.


PAGINA 29

DIARIO

DIALUNA 9 DECEMBER 2013

E lo haci su presentacion dia 21 di december hunto cu Dirty Dutch

Nutzbeatz di Aruba lo toca na "Mysteryland" na Chile

ORANJESTAD (AAN): "Semper cu mi biaha mi ta haci mi maximo esfuerso pa

promove Aruba y e biaha aki lo no ta un excepcion. Tin masha atencion pa e evento, pues mi

ta kere cu mi lo toca dilanti un publico hopi grandi", asina Eldrick Boekhoudt, conoci

cu DJ Nutzbeatz, a duna di conoce ora di anuncia su participacion na e evento Mysteryland na Chile. E evento ta cuminsa diabierna 20 y lo sigui te cu diadomingo 22 di december proximo, na Picarquin, na Chile. Ta trata aki di unlugar grandi di campamento, den cual ta spera mas o menos 70 mil fanatico cu lo atende, campa y gosa durante henter un weekend.

Durante "Mysteryland 2013" lo tin varios escenario di cual e publico lo por gosa di un variedad di musica, na mes momento. Nutzbeatz mes lo presenta diasabra dia 21 di december hunto cu e grupo "Dirty Dutch", kende lo presenta un elenco pisa consistiendo di DJ Chuckie, Mitchel Niemeyer, Deorro, Betatraxx, Hiio y Nutzbeatz. Eldrick Boekhoudt, naci na Aruba, a crece y bira e DJ di musica electronico mas grandi den Caribe Hulandes, cu varios presentacion haci den paisnan Latino Americano (specialmente Venezuela), na Merca y hasta na Hulanda. Despues di a cuminsa chikito, tocando na fiestanan di cas, e DJ Arubiano a sa di traha su nomber y a toca na e eventonan di mas grandi riba nos isla. Na aña 2013 el a firma cu Dirty Dutch y awor ta forma parti integral di e grupo aki, haciendo presentacion den region Latino Americano. Ya caba el a toca cu DJ nan grandi manera DJ Chuckie, Sunnery James, Ryan Marciano, Nero, Erick Morillo, Hardwell, Fatboy Slim, Dimitri Vegas, Sidney Samson, Afrojack, Shermanology, Nicky Romero y asina por sigui menciona. Cu un nomber bon solido internacionalmente, DJ Nutzbeatz awor ta cla pa e siguiente nivel den su carera. E mes ta bisa "let the ball keep rolling". Pa por a logra realisa e biahe, e DJ di Aruba ta ricibiendo sosten di Aruba Airport Authority N.V. y Aruba Tourism Authority. Ambos ta haciendo posibel cu Aruba lo tin visibilidad durante “Mysteryland” na Chile, un mercado nobo y importante pa turismo di nos pais. No tin ningun duda cu Nutzbeatz, atraves di su musica electronico, lo sa di demostra lo miho di Aruba na tur e Chilenonan y e participantenan cu ta yega for di rond mundo.


DIALUNA 9 DECEMBER 2013

PAGINA 3

DIARIO

Prome Minister Eman a papia cu empresa Shell riba proyecto di LNG

Aki ta trata di provision di LNG pa Aruba mes y pa e region Caribense pa medio di un hub

ORANJESTAD (AAN): Un di e bishitanan importante cu Prome Minister a haci na Hulanda ta esun cerca e compania Shell. Despues di e reunion cu el a tene cu ehecutivonan eynan, Eman a bisa cu nan a papia riba e posibilidad pa establece un transshipment di LNG na Aruba pa propio uso y un hub di LNG pa e region Caribense. Prome Minister Mike Eman

a splica cu durante e conferencia hopi exitoso ‘Europe Meets The Americas’ gobierno di Aruba a firma un MOU cu Shell pa evalua kico e posibilidad ta pa establece na Aruba un transshipment y un hub pa loke ta trata provision di LNG tanto pa necesidad di Aruba mes como tambe pa e region Caribense. Eman: “E posibilidad tey cu na Aruba nos por haya un estableci-

mento caminda ta bay tin un gran cantidad di LNG. Esaki ta sea den un tankero cu ta worde mara na e piernan na Valero of un tanki riba tera. Estudionan ta worde haci pa evalua tur posibilidad y alternativanan ainda”. Aruba di e forma aki por bira un hub di LNG pa e region Caribense. Cu esaki e prijs di fuel oil cu ta worde usa pa produci energia ta baha tambe. LNG, cu ta

hopi mas limpi cu fuel oil, ta un tipo di gas cu ta haci emision di CO2 ora produci coriente baha considerablemente. “E ta un bon energia alternativa pa loke ta trata emision di CO2. E por worde usa como transicion prome cu Aruba bay over na bira completamente berde. Su prijs ta mucho mas barata tambe cu fuel oil. Esaki ta crea espacio pa mas reduccion di prijs di energia y awa den futuro”, Eman a bisa. E proyecto aki ta bay tuma su tempo prome cu e por worde realisa. Tur detaye mester worde studia pa mira su factibilidad. E echo cu GasUnie, Shell y Anthony Veder, cu ta empresanan di renombre mundial cu hopi experticio, ta envolvi ta muestra di e seriedad cu cual e factibilidad y posibilidad di un establecimento asina na Aruba tin. “E

lo tin un efecto economico grandi pa Aruba, entre otro pa loke ta cuponan di trabao y movecionnan cu lo yuda e otro partinan di e pilarnan economico cu nos kier crea pa Aruba. Nos ta masha contento cu e interes di Shell y e avancenan cu nan a haci den estudionan pre-eliminar realisa”. Eman a bisa cu pronto Shell ta bay manda gobierno di Aruba un concepto di un contract cu ta bay worde studia pa expertonan na Aruba. Pa cuminsamento di otro aña ta bay mira si por firma e acuerdo aki. “Den dje ta skirbi tambe den ki periodo eventualmente e hub por worde realisa na Aruba”. Eman a bisa si cu te ainda e proyecto ta den un fase pre-eliminar, pero si e ta factibel, anto e empresnan envolvi sigur lo logra ehecuta e proyecto aki.

tanto cu brommer y auto y esnan herida den pasado tambe tabata grave. Aparentemente e biaha aki velocidad halto a hunga un rol grandi pasobra ora cu Gernee Geerman a dal cu e brommer ademas di herida su mes gravemente e brommer a bai slip keda riba un distancia hopi leu for di e sitio di impacto. No tabata tin ningun otro hende of vehiculo envolvi. Na e sitio mes dokter a constata morto di e hoben aki.

Segun informacion e ta un militar trahando den Kazerne na Savaneta y tin adres registra na Paradera pero no ta sigur cu e ta biba eynan. Un taxista cu a mira algo a notifica central di polis pa 2:50 AM diasabra marduga. Esaki ta temporada cu hopi hende ta move riba caya pa un of otro celebracion di fin di aña. Ta haci un apelacion pa bai poco poco riba caminda y controla e uso di alcohol. Pas na su restonan y forza na e famia.

Militar Gernee Geerman di 25 aña a muri accidenta cu brommer diasabra marduga

ORANJESTAD (AAN): Diasabra marduga un accidente fatal a tuma lugar. Esaki ta net riba e caminda di L.G. Smith Boulevard na altura di ex Super Food. E motociclista Gernee Geerman di 25 aña ta esun cu a accidenta y a keda gravemente herida. E golpinan na cabez tabata

fatal pe. E tabata coriendo riba e caminda menciona y tabata bayendo direccion Sasaki. Ora cu el a pasa Kong Hing Super Center el a sigui bai dal den e berm cu baranca cu ta parti e caminda di ambos direccion. Esaki ta un reparticion di caminda cu a exigi basta accidente serio


09 12 13