Page 1

http://www.24ora.com/politica-mainmenu-18/73717-drs-marisol-lopez-tromp-presidente-diparlamento-a-hiba-palabra-den-ridderzaal


DIAHUEBS 05 DECEMBER , 2013

Den Dialogo Social

SIMAR a tuma un decision consciente, bon informa y responsabel

Sindicato di Maestronan di Aruba (SIMAR) ta entre e participantenan di Dialogo Social cu ya a firma e protocol pa cambionan den ley di AOV. Segun su President, sr. Igmar

Davelaar, nan posicion a bin despues cu e miembronan tabatin suficiente informacion y basa riba esey a tuma e decision mas responsabel no solamente pa nan, pero pa henter

pueblo di Aruba. “Nos a organisa un reunion cu miembronan cu a bay net despues di un di e prome Dialogonan Social y p’esey nos por a trece cierto asuntonan

dilanti cu a wordo discuti y di eynan caba a cuminsa forma un idea of rumbo cu nos miembronan kier pa nos bay,” asina e President a splica. Tabata despues di un di dos encuentro di Dialogo Social cu a pidi Director di Sociale Verzekeringsbank, ir. Edwin Jacobs si e mes por bin duna e miembronan di SIMAR un presentacion pa asina nan por tin un bista mas cla y detaya di e situacion, loke el a haci tambe y esaki tabata di gran ayudo. Tabata un di 10 presentacion individual cu e director di SVb a haci cu diferente sindicato y gremio. Despues di e di dos reunion ey, nan por a tuma un decision. Pa directiva di SIMAR tabata importante pa su miembronan tin mas tanto informacion posibel prome cu nan bay vota. “Nan a mira cu no por otro y mayoria a dicidi cu sindicato SIMAR lo firma pa e AOV hunto cu algun condicion pa gobierno

10

tene su mes na dje.” Entre e condicionnan a figura pa Ministernan tambe hisa nan edad di pensioen cual Gobierno a cumpli sin ningun obhecion. Otro di e peticionnan di parti di SIMAR tabata pa revisa y ahusta e cantidad di personal den aparato publico. Di e manera aki SIMAR ta mustra cu e ta asumi e responsabilidad di participa activamente den e formato di Dialogo Social dunando su apoyo na e cambionan necesario den Ley di AOV pa salvaguardia futuro di e fondo. Di otro banda, Sr. Davelaar ta enfantisa cu nan ta respeta decision di otro sindicatonan cu no a haya prudente pa firma e protocol ainda. “Nos ta respeta e otronan y si nan no kier a firma e protocol, e ta nan decision y nos ta respeta esey 100%, no ta pasobra cu SIMAR a wak esaki asina, esey ta significa cu tur otro mester wak’e asina tambe.”


DIAHUEBS 05 DECEMBER , 2013

4

Segun Parlamentario, sr. Chris Dammers

Cambionan den ley di pensioen lo garantisa cu fondo di AOV lo ta safe pa añanan nos dilanti E solucion ta uno basta social y aceptabel, segun Dammers Vice-presidente di Parlamento y miembro di fraccion di AVP, sr. Chris Dammers a informa cu tres concepto di lei lo ser trata prome cu fin di aña den Parlamento, entre nan e cambionan den e lei di pensioen (AOV). Parlamentario Dammers a bisa cu despues cu a ser firma un protocol entre gobierno y algun di e partnernan presente den Dialogo Social, e concepto di lei di pensioen a haya su aprobacion den Conseho di Minister, y el a ser manda pa Raad van Advies pa eventualmente mas tarda e siman aki e ley aki lo drenta Parlamento pa ser trata debidamente. “E ta un lei cu nos tin cu trate e aña aki ainda, si por...”, el a bisa. Cambionan, ahustenan of “medidanan” cu e lei di pensioen lo conoce pa garantisa e existencia di e fondo di AOV, ta un topico cu ta generando hopi reaccion den nos comunidad. Sr. Dammers kende ta presidi e comision fiho di Finansa den Parlamento a bisa cu e asunto aki a ser trata y studia te hasta nan a haya diferente escenario dor di Banco di Seguro Social (SVb), caminda e conclusion tabata uno masha cla: Si no ta wordo haci nada pa salvaguardia e fondo aki, e deficit cu nos ta bay haya entrante November 2014, gobierno no por carge mas. Pues Parlamentario Dammers a declara cu actualmente nos pueblo ta sinta den un problema cu si no ta wordo haci nada pa fortalece e fondo di pensioen, otro aña pa luna di november gobierno mester pone 3 miyon den e fondo aki, y pa december mester pone 16

miyon, y e deficit lo sigui crece keto bay. PRIMA Y EDAD DI PENSIOEN SVb a yega di presenta diferente escenario pa busca un solucion pa atende e deficit di e fondo aki debi entre otro cu nos poblacion su promedio di bida a aumenta. Un escenario ta di laga e edad manera e ta actualmente, esta 60 aña y hisa e prima pa cu aña 2020 sigur ariba porcentahenan ariba di 20%, y actualmente e ta 12.5%. Otro scenario ta esun di hisa edad di pensioen na 62 o 65 aña. Of un combinacion di esaki caminda ta ser hisa tanto e prima un tiki y aumenta e edad ya sea na 62 of 65. Mirando tur e posibilidad aki, y evaluando e resultado obteni den Dialogo Social, e partnernan den dje a eligi un escenario cu pa 1 di Januari 2014 ta subi e prima di 12.5% pa 13.5%, y pa 1 di januari 2015, e prima di AOV ta ser hiba pa 14.5%, caminda e ora ey tanto dunado di trabou y trahado cada un ta paga 1% entrante 2015. E aumento aki ta ser combina cu edad di pensioen cu lo subi tambe entrante 1 di januari 2015, caminda pa 10 aña largo te aña 2024 lo mester yega na 65 aña. Pues den e periodo aki di 10 aña, cada aña lo subi edad di pensioen cu un mita aña. El a bisa cu e proceso aki no ta uno nobo ya cu estudio y rapport cu a ser traha den pasado tabata indica cu nos mester sanea nos pensioen di behes. E resultado di esaki producto di loke a ser discuti den Dia-

logo Social ta locual ta wordo poni actualmente den un lei cu denter di poco lo ser trata den Parlamento. Memey di e discusion cu a wordo crea cu e aumento di e prima combina cu aumento di edad di pensioen di un forma gradual poco poco ta un solucion basta social y aceptabel pa no crea un situacion financiero pisa pa nos comunidad y pa rescata e fondo aki, segun Parlamentario Dammers Parlamentario Dammers a

Telefon: 588-1500 Fax: 582-4937 UN CORANT OTRO

Director

Editor-in-Chief Hareld Faro

laga sa cu e concepto di lei tin aspecto di su contenido cu nan ta desconoce ainda, y cu no tur loke a ser trata den Dialogo Social ta para den e lei di pensioen aki. Sinembargo el a indica cu ta existi un interes di parti di tur gremio y instancia participante den Dialogo Social pa sigura existencia di e fondo di pensioen, y cu e cambionan cu lo ser introduci lo garantisa cu e fondo aki lo ta safe pa e añanan nos dilanti. Parlamentario Dammers aten-

Assistant Editors Maritza Maduro Benjamin Romero Elizabeth Guanipa

diendo preguntanan di prensa riba posibel solucion pa genera entrada na e fondo di AOV, a laga sa cu no mester mescla p.e. aumento di entrada indirecto dor di BBO pa canalisa esaki na e fondo di AOV. El a bisa cu BBO y fondo di AOV tin un destinacion y uzo diferente, y nan ta ser atendi di forma diferente tambe. “Nan ta diferente fondonan cu bo no por hinca un den otro”, asina el a bisa.

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com


DIAHUEBS 05 DECEMBER , 2013

7

Herbert Diaz, ex ehecutivo di SVb

Consenso na 2000 lo a evita discusion riba reforma di sistema di AOV Na inicio di añanan 2000, International Labour Organization (ILO) a traha un rapport pa Aruba riba e tema di Pensioen di Behez (AOV). Den dicho rapport, den cual tin recomendacionnan cu a wordo haci na Sociale Verzekeringsbank (SVb), ta papia di aumento edad di pensioen y e prima na 16.5%. Si e tempo ey a logra e consenso cu tin awe, e problema di e fondo di AOV tabata soluciona dia bieu caba, segun Herbert Diaz, ex-waarnemend directeur di SVb for di final di añanan 90 te cu 2005. Gabinete Mike Eman ta consciente cu restructuracion di e sistema di AOV ta algo cu mester wordo realisa mas lihe posibel pa cual e tema aki a wordo trata den e prome Dialogo Social despues di eleccionnan di september ultimo. Den diferente sesion y presentacionnan, ya caba pafo di Dialogo Social, entre otro na Parlamento, SVb a mustra riba e problema serio cu e fondo aki ta confrontando si e no wordo restructura. E cifranan ta mustra cu pa final di november 2014 e reservanan ta caba y Gobierno mester cuminsa hinca placa den e fondo. E alarma bati aki ta loke cu Diaz a yega di tende den pasado caba. E ta corda cu for di 1997 caba e terminologia

di ‘vergrijzing’ (enbehecimento) tabata wordo menciona cu preocupacion. “Pero no tabatin ningun rapport ni estudio cuantitativo di e ‘vergrijzing’ di Aruba e tempo ey. Ni na CBS.” Esey ta e motibo cu SVb a tuma riba su mes pa haci dos estudio, un den cooperacion cu ILO, di cual un a keda cla na aña 2000 y un na 2002. E conclusionnan tabata igual: Aruba ta confrontando un ‘vergrijzing’ cu lo bay afecta e fondo di AOV severamente den futuro. Pero pa un periodo largo e tema aki a keda drumi, ya cu den e periodo di 2000 pa 2009 no por a yega na un consenso nacional pa reforma e sistema di AOV. ILO ta un instancia cu ta haci calculo di diferente scenario y ta duna varios opcion pa scoge for di nan. E tempo ey a conclui pa hisa edad di pensioen na 62 aña, hisa e prima gradualmente na 16.5%, y individualisa e pensioen. Si e tempo ey e recomendacionnan a wordo ehecuta, e fondo lo no tin e problema cu e tin awe. Diaz, como ex-waarnemend directeur di SVb, tabata hopi envolvi den e proceso y ta corda bon cla ainda con e negociacionnan a pega. “No por a yega na un consenso total pa ehecuta e conseho di e estudio haci door di ILO. Tabatin un consenso pa bay

“E DIFERENCIA DEN RADIO”

Variashon den Programashon Musical, Informativo, Noticiero y Entretenimiento.

te 62 aña, pero e gremionan a pone como condicion cu si subi edad, mester bin cu un Areglo General di Pensioen. Mi ta corda cu e tempo ey, Aruba no tabata prepara p’e. Riba e punto ey no a logra yega na un consenso.” El a agrega cu tur grupo tabata di acuerdo pa hisa e edad te 62 aña, pero no por a bin cu e areglo general di pensioen pasobra no tabatin ningun estudio haci. Mientras cu di un banda tabata kier pa SVb y APFA handle e seguro nobo aki, gremionan tabata kier pa e bay completamente den man di sector priva. E falta di decision of consenso den e prome decada di añanan 2000, a causa cu no a subi e edad, e problemanan a

sigui crece y e fondo na 2005 a cuminsa core cu deficit. Entrada den e fondo no tabata cubri

e pago di pensionnan pa cual mester a cuminsa haci uzo di e reservanan.


DIAHUEBS 5 DECEMBER 2013

PAGINA 3

DIARIO

Prome Minister Eman satisfecho despues di encuentro cu Euro Comisario Neelie Kroes “Nos a brainstorm riba e oportunidadnan cu Aruba cu su posicion strategico ta brinda” O R A N J E S TA D ( A A N ) : D e n edificio Berlaymont cu ta e sede di e organo ehecutivo di Union Europeo Prome Minister Mike Eman hunto cu su delegacion a topa cu dos miembro di e Comision Europeo. Sra. Neelie Kroes Euro-commissaris di Digitale Agenda y adjunct-kabinetschef di sra.Kroes, Prins Constantijn van Oranje Nassau. Despues di e reunion aki Prome Minister a bisa di ta satisfecho di e encuentro cu comisario Kroes pa loke ta trata e relacionnan di Aruba cu Union Europeo. “Comisario Kroes tin un funcion special den Union Europeo. E ta encarga cu e portfolio digitalisa y mercado liber di tur locual tin di haci cu IT. Pa nos esaki ta importante pasobra cu den desaroyo di pais Aruba pa locual ta trata telecomunicacion e aspectonan Europeo semper ta hunga un rol”. Eman ta haya cu e desaroyo di Aruba como un centro di conocemento y innovacion ta bay hunga un rol mucho mas grandi. Eman: “Den Union Europeo a bin fondonan nobo basa riba e vision cu nos a bin ta articula pa duna e LGO un curpa nobo, unda ta bay tin

mas enfoke kico nos como paisnan cerca di mercadonan emergente por nifica pa Union Europeo. E concepto ‘Centers of Excellence’ (centronnan di inteligencia) tambe ta desaroyando su mes dentro di e perspectiva cu Union Europeo tin riba nos paisnan cu ta forma parti di e regimen di LGO”. E formato nobo di LGO, e asina yama LGO-hybrid ta un avance grandi. Gabinete Mike Eman a bin ta dunando su punto di bista riba dje ya for di tempo di oposicion caba. “Nos ta mira cu e status di paisnan ultraperiferico tabatin un rol mucho mas strategico den e relacion cu Europa cu e paisnan LGO tabatin y nos a logra durante e ultimo añanan di poco poco bay cambiando e perspectiva tambe di Union Europeo

pa e areanan cu ta cay bou e regimen di LGO”, Eman a comenta. Eman ta contento cu e encuentro cu Kroes, pasobra cu el a logra haya atencion pa locual Aruba tin di ofrece Union Europeo den cuadro di e desaroyo di centronan di inteligencia, di innovacion y di conocemento pa un area cu ta exigi mas conocemento riba hopi sector cu cual nos tin contacto na Hulanda y cu Union Europeo. Aruba por provee e conocemento den e sectornan aki y crea asina un di tres pilar economico pa Aruba. “Esaki tabata e tema importante durante e reunion aki y nos ta masha contento cu nos a haya atencion tanto di e comisario mes como tambe di su chef di Gabinete Prins Constantijn. Nos a sinta basta largo cu ne y brainstorm riba e oportunidadnan cu Aruba cu su posicion strategico y su hendenan ta ofrece Reino y Union Europeo. Nos hendenan cu a caba of ta terminando nan estudio den un variedad di ramo por wordo utilisa den buskeda di e di tres pilar economico basa riba un cooperacion strategico di win-win entre Europa, Hulanda y Aruba”.

Vicepresidente di MAMBO:

Ainda e consumidornan no ta yegando te area di Plaza Habibe Pa tres aña cu e proyecto a tarda el a bira un skina yena cu tera, lodo y buraco y mientras e consumidornan a cuminza bin cumpra te na mas of menos mitad di Caya, na e area di Plaza Habibe ainda

nan no a yega. Señor Tieleman ta haci un yamada na comunidad pa bin te akinan pasobra den fin di siman Dios mediante, tin un programa cu gaita y entretenimento na skina pariba di su negoshi y ta bay tin actividad

den fin di siman te fin di December. Señor Tieleman a subraya cu esaki ta wordo teni cu cooperacion di gobierno. El a bisa cu parti patras tin parkeo y pa esnan cu ta uza tram por baha y subi eynan tambe.

24 y 31 di December lo traha te laat:

Algun dunador di trabao cu represalia cu trahadornan cu a haya 4 ora pa bay vota! ORANJESTAD (AAN) – Matutino DIARIO a haci un entrevista cortico cu señor Frank Tieleman, vicepresidente di MAMBO. Nos a puntre tocante e edificio cu practicamente tin dilanti su negoshi, cu a bira un ruina y ta hole masha malo mes, y ta trece un contraste cu no ta pas cu e bunita trabao di renovacion y embeyecimento di Caya Grandi. Señor Tieleman a mustra su preocupacion pa esaki, pa

motibo cu no solamente e ta un ruina y un fuente di sushedad, sino cu e ta un chollerhouse cu tur e molesternan cu esaki ta trece cune. Otro preocupacion ta cu e tardanza cu Plaza Nikki Habibe, por cierto ainda no completamente ta cla, tin su efecto tambe pa comercio eybanda cu no ta mucho alentador, e consumidor no ta yega na e punta aki di Caya Grandi, pasobra nan a descustumbra cu e area aki.

ORANJESTAD (AAN) – Ta parce cu tin cierto doñonan di trabao na Aruba cu ta sigui kere den esclavitud di trahadornan.Tin fuerte indicacion cu tin un par di empresario cu pa motibo di e cuater oranan cu ta stipula pa ley cu tur trahador tin derecho riba dje, durante e dia di eleccion, nan a pone nan trahadornan na haltura cu dia 24 y 31 di December, nan lo traha nan oranan normal y no manera otro añan-

an cu nan a bay cas despues di 12’ or di merdia. DIARIO tin entendi esaki ta pa motibo di e cuater oranan cu e empleadonan a haya dia 27 di September pa bay vota, y cu diferente negoshi mester a traha te cu 1’ or di atardi, cu excepcion di esnan cu e mesun doñonan di e lugar a sigui duna servicio. Mayoria di tienda den ciudad mes ta cera pa 12.30’ or di merdia tanto dia 24 como 31 di December pa-

sobra e trahadornan aki cu ta traha di dialuna pa diasabra henter dia, tambe tin derecho di prepara nan actividad cu nan tin den famia. No obstante, tin algun dunador di trabao cu mas bien como represalia pasobra ley a gana nan durante e dia di eleccion, awor ta nenga nan trahadornan bay cas mas tempran den e fechanan ya menciona. Esclavitud moderno, simplemente, esaki ta!

05 12 13  
Read more
Read more
Similar to
Popular now
Just for you