Page 1

http://www.24ora.com/politica-mainmenu-18/73627-mot-a-organisa-congreso-dia-di-propiedadinmobil


DIARANSON 04 DECEMBER , 2013

3

PDVSA a pidi Valero pa pone den operacion unidadnan pa procesa crudo Venezolano na Aruba Nan lo huur instalacion di refineria y nan lo paga Valero cu petroleo E compania petrolero di estado Venezolano, esta PDVSA y Valero Energy ta realisando algun ehercicio pa evalua e reinicio di e proceso di operacion di cinco unidad cu e refineria Valero tin na Aruba. Asina e agencia internacional di noticia Reuters a informa ayera. Nan a informa cu e refineria a ser cera na luna di september 2012 debi na e prijs halto di costo di produccion di 235 mil bari pa dia. E noticia aki cu a ser produci na Houston ta indica cu e informacion aki a ser facilita pa tres fuente cercano na e negociacion aki, pero nan no a divulga mas detaye. Informacion cu ArubAwe a obtene for di un fuente digno di credibilidad ta indica cu den e ultimo simannan a ser renoba shete tanki di e refineria. E fuente cu

e corant aki a consulta a bisa cu no ta ser papia di haci limpi e tankinan, sino di un trabou di mas magnitud relaciona cu e renobacion di shete tankinan grandi. E fuentenan cu Reuters a consulta a bisa cu e compania di Petroleo di Venezuela (PDVSA) lo huur e unidadnan disponibel di Valero, y nan lo paga Valero cu petroleo pa e uzo di su instalacion na Aruba. No ta cuestion cu PDVSA ta interesa di cumpra e refineria di Valero na Aruba, sino cu nan lo huur Valero su instalacion pa realisa su operacionnan. Ta ser indica cu PDVSA ta interesa den dos unidad di crudo di Valero, un di hidro-tratamento y otro di craket y di cokefaccion. PDVSA a pidi Valero pa pone den operacion e unidadnan aki

Uzo XTC hopi grandi na Hulanda Mas di mita di hobennan entre 20 pa 24 aña a uza XTC ora di sali y busca entretenimento e aña aki. esaki ta locual e investigacion di e Instituto Trimbos riba Entretenimento a na Hulanda a saca afo. Mas di un riba cada seis hoben ta tuma 2.5 pilder di XTC pa anochi, y casi mita a bisa di a sufri un black-out e aña aki, esta cu nan a perde consciencia.E programa Een Vandaag a papia e siman aki cu Ferry Goossen di e Instituto Trimbos riba e investigacion. Goossen a bisa cu nan tin e impresion cu e uzo di XTC a bira algo mucho mas comun. “Antes tabata asina cu cierto scenario tabata determina e uzo, pero awor e ta mustra cu e drempel pa uza XTC a baha y mas hende ta consumi XTC.”Segun Goossens, e consumo halto di XTC ta particularmente debi na e cantidad di festivalnan na Hulanda cu ta atrae un publico hopi amplio. E ta argumenta pa miho informacion, consientisacion, mas provision di prome auxilio y miho transporte publico. E investigacion a keda ehecuta pa medio di un encuesto riba internet cu a conta como 3000 participante. Ya caba tabata conoci cu XTC ta hopi popular memey di studiantenan di Amsterdam.

pa procesa crudo Venezolano. Igualmente agencia Reuters a bin cu informacion complementario caminda nan ta bisa cu Valero ta uzando su instalacion na Aruba pa almacena su propio crudo refina. Y tambe algun sub-productonan deriva di PDVSA, principalmente nefta pisa cu ta bini di PDVSA su Centro di Refinacion na Paraguana di 995 mil bari pa dia di capacidad. A ser informa cu e refineria di Valero na Aruba a ofrece combustibel pisa na PDVSA pa mescla cu su propio crudo pisa. Ademas den un escenario adicional di e relacion aki ta ser menciona di espacio adicional di almacenamento pa PDVSA alivia su problemanan logistico debi na varios caso di candela grandi y otro accidente cu PD-

VSA a sufri ultimamente den su red di distribucion. A ser informa cu PDVSA cu ta e principal fuente di entrada di Gobierno di Venezuela ta confronta problema “di fluho den caha”, ta pagando Valero cu crudo caba pa e huurmento di su tankinan na Aruba durante e aña aki. E fuente consulta pa Reuters a revela cu e petroleo almacena na Aruba ta ser manda directamente na Merca for di Venezuela. Valero a abstene di duna comentario riba posibel transaccion of areglo comercial cu PDVSA. Pero nan a bisa cu nan ta uzando e refineria di Aruba como terminal di almace-

namento. Tambe nan a confirma loke ArubAwe a averigua dor di su propio fuentenan, esta cu Valero ta renobando su ekiponan y nan ta invertiendo den mantencion di nan refineria pa asina e planta aki lo por ta cla pa reinicia su operacion si nan ta haya un cumprado. Valero a bisa cu nan ta cumprando 100 tipo di crudo diferente incluyendo esun di Venezuela. Valero a yega di paralisa su operacion pa e gasto halto di operacion ya cu e refineria no por converti crudo pisa den productonan menos pisa debi cu e refineria no tin unidadnan di conversion profundo.

November positivo pa turismo crucero Cruise Calls November 2013 Nov-13 Nov-12 Difference Increase %

Pax 68,544 68,002 542 0.80

Crew 28,778 28,225 553 1.96

Calls 36 35 1 2.86

Cruise Calls YTD November YTD Nov-13 YTD Nov-12 Difference Increase %

Pax 592,327 485,803 106,524 22

Crew 239,414 195,018 44,396 22.7

Calls 308 245 63 25.7

Minister Otmar Oduber a haya e bon noticia di e resultado pa luna di november pa loke ta trata turismo crucero cu a conoce un subida di 2.86% compara cu november 2012. Esaki ta representa un subida di 542 pasahero crucero, yegando na un total di 68,544 bishitante cu a yega Aruba via barco crucero. E subida no ta solamente den cantidad di turista crucero, pa loke ta trata tripulacion den luna di november tambe por a mira un aumento di 1.96% cu ta representa 553 tripulante mas compara cu november 2012. Tambe e cantidad di calls a aumenta cu 1 subi-

endo di 35 pa 36. E cifranan pa loke ta e prome 11 lunanan di aña aki ta mustra un subida di 22% den bishitante di barco crucero y un subida di 22.7% di tripulante compara cu aña 2012. E cantidad di calls tambe a aumenta di 245 pa 308 cu ta un subida di 25.7%. Minister Otmar Oduber ta contento cu e resultado conoci te na e momentonan aki pa loke ta trata nos industria crucero. E mandatario ta felicita tur esunnan cu a contribui pa yega na e logro aki.


WWW TRANSPORTE

Autobus capta ta hiba turista te dilanti Aeropuerto

Bo ta interesa den un meter prepago, manda nos un email na prepaid@elmar.aw CELEBRANDO 33 AÑA CU PUEBLO Aña 35 ▪ No. 9875 • 1,50 Florin

Atencion internacional dirigi riba e refineria

Detayenan interesante di posibel acuerdo entre PDVSA y Valero Red Machine a titula Campeon di Double AA

DIARANZON 4 DECEMBER 2013

CONFLICTO

Gruponan di Carnaval no kier mira Shermanology den Parada di Fakkel MEDICINA

Dr. Donald Bermudez su portanan lo keda habri pa pacientnan particulier

WIN TUNG HOME CENTER

RUDOLF ARENDSSTRAAT # 4 • TEL: 588-9991 • 588-9992 Mon.-Sat. 9AM NONSTOP 7PM • Sun. 9AM-1PM

NOVEMBER SPECIAL MUEBLES

Sale 20% Off 20% Off

Nos ta bende kashi cushina full palo y nos ta instala top di marmer of graniet.

ORANJESTAD (AAN): Diamars anochi pa sorpresa di tur hende, e equipo di Red Machine a sa di derota Brazil Ceres cu un score facil di 13-0, pa asina titula nan mes como “Campeon” di e campeonato ABBA Double AA 2013. Aki por mira momento cu nan tin e trofeo den man, entrega door di Ministro Mike de Meza. Den DIARIO di awe por mira mas di e festividad di Diamars anochi.


PAGINA 14

DIARIO

DIARANZON 4 DECEMBER 2013

Den Dialogo Social

SIMAR a tuma un decision consciente, bon informa y responsabel

O R A N J E S TA D ( A A N ) : Sindicato di Maestronan di Aruba (SIMAR) ta entre e participantenan di Dialogo Social cu ya a firma e protocol pa cambionan den ley di AOV. Segun su President, sr. Igmar Davelaar, nan posicion a bin despues cu e miembronan tabatin suficiente informacion y basa riba esey a tuma e decision mas responsabel no solamente pa nan, pero pa henter pueblo di Aruba. “Nos a organiza un reunion cu miembronan cu a bay net despues di un di e prome Dialogonan Social y p'esey nos por a trece cierto asuntonan dilanti cu a worde discuti y di eynan caba a cuminsa forma

un idea of rumbo cu nos miembronan kier pa nos bay,” asina e President a splica. Tabata despues di un di dos encuentro di Dialogo Social cu a pidi Director di Sociale Verzekeringsbank, ir. Edwin Jacobs si e mes por bin duna e miembronan di SIMAR un presentacion pa asina nan por tin un bista mas cla y detaya di e situacion, loke el a haci tambe y esaki tabata di gran ayudo. Tabata un di 10 presentacion individual cu e director di SVb a haci cu diferente sindicato y gremio. Despues di e di dos reunion ey, nan por a tuma un decision. Pa directiva di SIMAR tabata importante pa su miembronan tin mas tanto informacion posibel prome cu nan bay vota. “Nan a mira cu no por otro y mayoria a dicidi cu sindicato SIMAR lo firma pa e AOV hunto cu algun condicion pa gobierno tene su mes na dje.” Entre e condicionnan a figura pa Ministernan tambe hisa nan edad di pensioen cual Gobierno a cumpli sin ningun obhecion. Otro di e peticion-

nan di parti di SIMAR tabata pa revisa y ahusta e cantidad di personal den aparato publico. Di e manera aki SIMAR ta mustra cu e ta asumi e responsabilidad di participa activamente den e formato di Dialogo Social dunando su

apoyo na e cambionan necesario den Ley di AOV pa salvaguardia futuro di e fondo. Di otro banda, Sr. Davelaar ta enfantisa cu nan ta respeta decision di otro sindicatonan cu no a haya prudente pa firma e protocol ainda. "Nos ta

respeta e otronan y si nan no kier a firma e protocol, e ta nan decision y nos ta respeta esey 100%, no ta pasobra cu SIMAR a wak esaki asina, esey ta significa cu tur otro mester wake asina tambe."


DIARANZON 4 DECEMBER 2013

PAGINA 3

DIARIO

Detayenan interesante di posibel acuerdo entre PDVSA y Valero

ORANJESTAD (AAN): Ayera DIARIO a trece dilanti informacion di e posible reapertura di e refineria. Ademas di esey, algun siman atras caba nos a publica cu tin combersacionan serio andando entre Valero y e refineria di Venezuela PDVSA. Sinembargo ayera a logra di haya algun detaye interesante si acaso e deal wordo concretiza. Segun informacion ricibi na e momentonan aki PDVSA

ta haciendo diferente prueba pa evalua si nan lo restart cinco unidad cu ta procesa 235.000 bari pa dia. Valero den e caso aki lo ofrece PDVSA pa mezcla e asina yame “heavy fuel” di Valero hunto cu e productonan di Venezuela mes. Adicionalmente tambe Valero lo percura pa espacio pa warda productonan produci pa PDVSA despues cu aña pasa PDVSA a perde hopi espacio debi

na diferente candela den diferente refineria. Valero su ehecutivonan mes no kier duna ningun reaccion riba esaki segun un periodista di Reuters. Expertonan den e materia ta duna di conoce cu aki lo por trata di un deal unda cu Valero lo lease e unidadnan na PDVSA. E unidadnan ta dos unidad cu ta destila crudo, un hydrocracker y un coker.

CMB Bank ta splica kico a pasa ora di a paga Pensiun ORANJESTAD (AAN): Diamars mainta durante pagamento di penshon na

Caribbean Mercantile Bank (CMB) a sosode cu penshonadonan por a cobra te

despues di un rato despues di 8:00 am envez di e ora acustumbra pa nan esta 7:30

Cu 30 aña laborando como ‘huisarts’ na Aruba

Dr. Donald Bermudez su portanan lo keda habri pa pacientnan particulier

am. CMB ta lamenta esaki pero alaves kier a clarifica cu SVb a pidi banco adelanta pa procesa e pago electronicamente no mas trempran cu e mainta ey hasiendo dificil pa procesa e penshonnan promer cu 8:00

a.m. Esaki tawata conta tanto pa esnan cu ta cobra na balie of via Bancomatico ATM. DIARIO a compronde cu CMB lo yega na un areglo nobo cu SVb pa evita cu esaki ripiti.

Gruponan di Carnaval a manifesta malcontento pa cu presentacion di grupo internacional Shermanology na Aruba durante Fakkel

ORANJESTAD (AAN): Apesar di e informacion cu ta circulando recientemente unda Algemene Ziektekosten Verzekering (AZV) ta comunica cu Dr. Donald Bermudez lo stop di traha per 31 di December 2013, Dr. Bermudez ta aclarea cu ainda e mes no a ser informa di parti di AZV tocante su verzoek pa verlenging di contract. Dia 29 di October di e mesun aña aki Dr. Bermudez a entrega su verzoek na AZV pa asina por labora 1 aña mas como 'huisarts' y asina su patientnan tambe por tin e chens pa schrijf in cerca otro Dr. unda nan ta desea di worde atendi. Sin embargo Dr. Bermudez ta keda pendiente di un respuesta riba e carta cu el a entrega algun luna atras na AZV. Dr. Bermudez ta poni enfasis riba e hecho cu si e contract cu AZV no worde renoba, su consulta lo keda habri pa tur e pacientnan 'particulier' cu ta desea di worde atendi cerca dje. "Cada patient tin su motibo nan di con nan no a schrijf in cerca otro Dr. sin embargo e portanan di mi praktijk lo keda habri pa tur mi pacientnan particulier", el a expresa. A la ves Dr. Bermudez kier a gradici tur e patientnan pa e confianza durante hopi aña cerca dje na Dr. Donald S. Bermudez Huisartsen Praktijk. Mientras tanto e ta informa cu e ta keda en espera di un contesta di AZV.

ORANJESTAD (AAN): Diamars atardi representantenan di diferente grupo di Carnaval a acudi na oficina di SAC pa mustra nan malcontento cu SAC a duna OK pa e grupacion musical di Hulanda Shermanology presenta na Aruba durante Fakkel. Intencion di e grupo di carnaval di Meta Social Club lo kier pone e grupo aki como un di su atraccionan durante Fakkel. Shermanology ta un grupo di tres persona cu ta canta y dj musica electronico (EDM) y tin varios exito mundialmente. Mester bisa cu nan ta yiu di e famoso cantante Tony Sherman. E gruponan cu a protesta ta TOB, Champagne, Dushi Band, Oreo, Royal Carnival Group, Majestic y Teaser & Pleasers. E gruponan di carnaval no por a haya un contesta directo riba e motibo cu SAC a duna OK como conseho pa e grupo bini Aruba. Esaki mirando cu normalmente ta conoci cu tin un regla cu durante carnaval no mag di presenta bandanan di afor. Sinembargo di parti di SAC por a compronde cu e aña aki kier haci excepcion mirando cu ta Carnaval 60. Segun informacion ricibi dia 25 di Januari 2013 lo tin un concierto grandi tambe na Aruba cu un artista internacional. Ta trata aki di Sean Paul. E gruponan di Carnaval cu a presenta na oficina di SAC kier un reunion formal cu SAC pa asina soluciona e problema aki. Si no bin cu un solucion satisfactorio e gruponan a duna di conoce cu pa e siguiente añanan nan lo participa solamente den paradanan di fakkel y no e parada grandinan. E decision final mester cay den man di Gobierno debi cu na ta firma e permiso.


DIARANZON 4 DECEMBER 2013

DIARIO

Herbert Diaz, ex ehecutivo di SVb

Si a logra consensus na inicio di añanan 2000, awe no tin discusionnan riba reforma di e sistema di AOV

ORANJESTAD(AAN):Na inicio di añanan 2000, International Labour Organization (ILO) a traha un rapport pa Aruba riba e tema di Pensioen di Behez (AOV). Den dicho rapport, den cual tin recomendacionnan cu a worde haci na Sociale Verzekeringsbank (SVb), ta papia di aumento edad di pensioen y e prima na 16.5%. Si e tempo ey a logra e

consensus cu tin awe, e problema di e fondo di AOV tabata soluciona dia bieu caba, segun Herbert Diaz, ex-waarnemend directeur di SVb for di final di añanan 90 te cu 2005. Gabinete Mike Eman ta consciente cu restructuracion di e sistema di AOV ta algo cu mester worde realisa mas lihe posibel pa cual e tema aki a

worde trata den e prome Dialogo Social despues di eleccionnan di september ultimo. Den diferente sesion y presentacionnan, ya caba pafo di Dialogo Social, entre otro na Parlamento, SVb a mustra riba e problema serio cu e fondo aki ta confrontando si e no worde restructura. E cifranan ta mustra cu pa final di november 2014 e reservanan ta caba y Gobierno mester cuminsa hinca placa den e fondo. E alarma bati aki ta loke cu Diaz a yega di tende den pasado caba. E ta corda cu for di 1997 caba e terminologia di 'vergrijzing' (enbehecimento) tabata worde menciona cu preocupacion. “Pero no tabatin ningun rapport ni estudio cuantitativo di e 'vergrijzing' di Aruba e tempo ey. Ni na CBS.” Esey ta e motibo cu SVb a tuma riba

su mes pa haci dos estudio, un den cooperacion cu ILO, di cual un a keda cla na aña 2000 y un na 2002. E conclusionnan tabata igual: Aruba ta confrontando un 'vergrijzing' cu lo bay afecta e fondo di AOV severamente den futuro. Pero pa un periodo largo e tema aki a keda drumi, ya cu den e periodo di 2000 pa 2009 no por a yega na un consensus nacional pa reforma e sistema di AOV. ILO ta un instancia cu ta haci calculo di diferente scenario y ta duna varios opcion pa scoge for di nan. E tempo ey a conclui pa hisa edad di pensioen na 62 aña, hisa e prima gradualmente na 16.5%, y individualisa e pensioen. Si e tempo ey e recomendacionnan a worde ehecuta, e fondo lo no tin e problema cu e tin awe. Diaz, como ex-waarnemend directeur di SVb, tabata hopi envolvi den e proceso y ta corda bon cla ainda con e negociacionnan a pega. “No por a yega na un consensus total

PAGINA 7 pa ehecuta e conseho di e estudio haci door di ILO. Tabatin un consensus pa bay te 62 aña, pero e gremionan a pone como condicion cu si subi edad, mester bin cu un Areglo General di Pensioen. Mi ta corda cu e tempo ey, Aruba no tabata prepara p’e. Riba e punto ey no a logra yega na un consensus.” El a agrega cu tur grupo tabata di acuerdo pa hisa e edad te 62 aña, pero no por a bin cu e areglo general di pensioen pasobra no tabatin ningun estudio haci. Mientras cu di un banda tabata kier pa SVb y APFA handle e seguro nobo aki, gremionan tabata kier pa e bay completamente den man di sector priva. E falta di decision of consensus den e prome decada di añanan 2000, a causa cu no a subi e edad, e problemanan a sigui crece y e fondo na 2005 a cuminsa core cu deficit. Entrada den e fondo no tabata cubri e pago di pensioennan pa cual mester a cuminsa haci uzo di e reservanan.


Diarazon December 4 2013

MOT a organiza congreso “Dia di Propiedad Inmobil”

Ministro di Financia y Organisacion Gubernamental, Juan David Yrausquin a inaugura recientemente e congreso “Dia di Propiedad Inmobil”. E mandatario a enfatiza cu ta masha importante pa combati labamento di placa y financiamento di terorismo. Di e manera aki Aruba por keda un lugar atractivo pa inversionistanan y e economia por sigui crece. Oficina di MOT, oficina pa registra transaccionnan inusual, a organisa e congreso con pa evita y combati labamento di placa y financiamento di terorismo pa medio di fraude den propiedad inmobil. Como cien participante for di diferente sector financiero di Aruba a participa na e congreso manera notario, abogado, representantenan di real estate, empleadonan di Ministerio

Publico, Banco Central y Polis. E motibo pa organiza e congreso ta relaciona cu e rapport “Nationale Risico Analyse Witwassen en Terrorismefinanciering” cu ta presenta riesgonan pa labamento di placa y financiamento di terorismo na Aruba. Un di e terenonan di riesgo ta e sector di propiedad inmobil. Labamento di placa pa medio di propiedad inmobil por tuma lugar na tur sorto di manera y diferente organizacion por ta envolvi manera compania di real estate, oficina di notario, abogado y banco. Un forma hopi importante pa evita y combati labamento di placa pa medio di propiedad inmobil ta door di expande e conocemento y experticio di tur partido envolvi. Cu e congreso aki, MOT kier a duna e participantenan un otro perspectiva tocante e mundo di propiedad inmobil. E periodista Harry Lensink conoci pa su buki “De jacht op crimineel geld” cu a caba di sali ariba mercado a duna un presentacion. Otro presentacionnan tabata di parti di notario Rodriguez-Taekema, Banco Central, Ministerio Publico y MOT. E congreso tabata hopi informativo y tabata tin espacio tambe pa e participantenan intercambia cu e oradornan.

Pagina 15

Ariba dia internacional di personanan cu limitacion:

Fraccion di AVP a bishita Fundacion Ambiente Feliz y e proyecto di Fundacion Biba bao Guia

Ariba dia internacional di esnan cu limitacion, dia 3 December, e aña aki mundialmente dedica na kibra barera y habri porta pa esnan cu limitacion, Fraccion di AVP a haci un bishita na Fundacion Ambiente Feliz y e proyecto bao guia di Fundacion Biba bao Guia. Aki e fraccion a keda ricibi pa e directora di Ambiente Feliz, sra. Lukee Croes y

presidente di directiva, sra. Werleman. Alavez tabata tey 2 consulent di fundacion Biba bao Guia, sra. Leticia Lumenier y Merelee Arendsz, tambe un stagiaire. E Fundacion Ambiente Feliz, paricialmente financia door di gobierno, ta existi desde 1986 y ta un gezinsvervangend tehuis, pues ta un forma di biba pa e clientenan cu

ta refleha mas tanto cu ta posibel e bida familiar di tur dia. Ta yuda e cliente pa obtene habilidadnan pa biba, pa traha, pa e por tin dia fructifero consistiendo di actividadnan, con pa mantene contacto social y pa e por participa na diferente actividad educativo, deportivo, social y comunitario. E clientenan ta bishita diferente seccion di SVGA un parti di dia. Por a comprende cu tin lugar pa 22 habitante di edad di 30 te cu 80 aña, di cual 3 ta ser cuida na cama. E consulentenan di e proyecto di biba bao Guia, a trece padilanti cu nan trabao ta consisti di guia di esnan tin limitacion mental y tambe esnan cu disturbio psiquiatrico, pa nan por biba mas indepediente den comunidad, participa den uso di facilidadnan den bario y integracion di e bek den comunidad. E fraccion despues di a haya splicacion extensor y contestacion di pregunta a haya un recorido den ambos facilidad. Aki fraccion por a intercambia cu habitantenan. Di e forma aki e fraccion ta purba pa kibra barera, habri porta pa por yega mas cerca di personanan cu tin limitacion den nos comunidad.


Diarazon December 4 2013

STA ta evalua manifestacion

Lider sindical di STA, Diego de Cuba a bisa ayera cu loke ta pasando no ta pa wordo acepta. Si parlamento ta kere cu nan ta bay bom e ley di pensioen sin duna tempo necesario pa e wordo bon studia, esaki lo wordo protesta door di STA. STA ta evaluando pa subi caya y manifesta na parlamento. Segun Diego de Cuba cu nada ta wordo bon studia y ta mescos a pasa cu e medida riba turista y carrentals unda gobierno a pasa medida sin estudio. Si cosnan ripiti asina e sindicato lo evalua pa subi caya.

Miembronan di UEA a rechaza protocol di 65 aña

Pagina 3

RETIRO MASAL TA CAY DEN SEPPA

Informacion cu nos redaccion a haya ta bisa cu tin retiro masal ta tumando lugar for di SEPPA. Hopi ta esnan cu ya no kier sigui paga y December te unico luna cu por retira. Hopi empleado di DOW y otro departamentonan ta firmando retiro. Ora di yama e oficina di SEPPA nan no ta contesta telefon y ora di bay

personalmente, e oficina ta cera. Mas y mas ambtenaarnan no kier sigui paga 500 florin pa aña y ta para nan miembrecia. Otro ta afilia na STA of TOPA. E causa principal ta cu SEPPA no ta defende e miembronan pero ta parce un aliado cu otro forza, cu ta contra empleado.

NOTICIA POLICIAL Polis a detene homber pa destruccion

Asistencia dI polis a wordo pidi dialuna 15.35 na Rey Hing Supermarket pa un pelea. Na e sitio polis a topa cu e homber E.C. naci na Aruba di 44 aña, kende tabata discuti cu algun persona. Un testigo a bisa Polisnan cu E.C. a drenta paden y a pidi e trahadornan di e lugar pa

yama Polis, ora cu nan a puntr’e pakico, el’a rabia y a sali bay pafor y a dal e glas cu mokete y a kibr’e. Polisnan a topa E.C. na e sitio y a detene pa destruccion y hiba warda di San Nicolas, unda el’a keda cera pa investigacion.

Ladronnan a drenta den auto na Kamay Den un reunion diamars mainta, miembronan di UEA, empleadonan di Elmar a vota contra e protocol. Di 66 miembro presente un total di 57 a bisa no y a rechaza e protocol. Esaki ta un 90% di rechazo. E directiva a haya orden pa abstene di

firma e protocol. Esaki ta prome vez cu ta waak cu miembronan di sindicato ta lanta para pa nan derecho unda nan no ta laga e grupito di directiva dicidi pero nan mes a vocifera nan opinion y dicidi e rumbo cu directiva tin cu tuma.

Presencia di Polis a wordo pidi dialuna 21.38, na un cas na Kamay unda desconocirnan a kibra den un auto. Polis a papia cu e habitante E. naci na Aruba di 50 aña, cu a bisa cu e tabata drumi ta mira television, ora cu el’a tende un hende bati riba bentana, pero no a paga

atencion. Un rato despues el’a sinti hende den su Nissan Sentra color di oro. Ora cu el’a sali pafor, el’a mira dos homber core bay direccion pazuid. Door cu tabata hopi scur, e no por a duna descripcion di e dos antisocialnan. Central a wordo poni na haltura.

041213  
Read more
Read more
Similar to
Popular now
Just for you