Page 1

http://www.24ora.com/local-mainmenu-5/73667-minister-michelle-hooyboer-winklaar-a-participa-nacaminata-di-i-love-my-body

http://www.24ora.com/local-mainmenu-5/73649-registracion-pa-un-chens-pa-wordo-selecta-pakingdom-youth-parliament-ta-habri-te-cu-diasabra-awo

http://www.24ora.com/politica-mainmenu-18/73636-minister-hooyboer-winklaar-ta-sosteneformanan-innovativo-pa-nos-muchanan-sina-for-di-dje


DIARANSON 04 DECEMBER , 2013

11

Registracion habri te cu diasabra

Pa participa den Kingdom Youth Parliament cante e futuro di Aruba como pais, di Aruba como partner den Reino Hulandes, como tambe di Reino Hulandes en general. Minister Michelle Hooyboer-Winklaar a wordo acerca pa e comision organisado pa ta e coach pa e team di Aruba y cu hopi gusto y entusiasmo el a bisa “si!”

Un experiencia unico. Un aventura maraviyoso! Esaki ta locual ta spera nos hobennan cu lo forma parti di e delegacion pa representa Aruba na e Kingdom Youth Parliament den cuadro di e celebracion di 200 aña di Reino Hulandes. E evento aki di debate, cual ta inclui un serie di actividad pa cu su preparacion, ta ofrece di berdad un oportunidad sin igual na e 10 hobennan cu lo keda selecta pa forma parti di e team di debate di Aruba. Hulanda, Curaçao y Aruba lo tin cada uno un team di 10 delegado, tanten cu e islanan Boneiro, Saba y Sint Eustatius hunto lo forma un team di 10 miembro. E hobennan, di entre e edadnan di 16 pa 23 aña, lo reuni na Sint Maarten for di dia 19 pa dia 25 di mei, 2014 pa un serie di debate hopi interesante. E topiconan ta inclui enseñansa, salubridad, medio ambiente, cultura, siguridad y movecion. Ademas, lo tin oportunidadnan pa combersa cu otro delegadonan tocante nan pais, nan hubentud, nan estudio y mas, lo tin pues momentonan pa

socialisa y fomenta amistadnan nobo. Pa Aruba 10 hoben a upload nan video caba riba e website www.kingdomyouthparliament.org<http://www.kingdomyouthparliament.org>, pero den tur pais di reino, incluyendo Aruba ta extendiendo e fecha te cu dia 7 di december, pues tin espacio y e oportunidad pa mas hoben upload nan video tambe. No ta necesario pa e hobennan ta miembro di Parlamento Hubenil di Aruba. E evento aki ta habri pa tur hoben interesa den debati, como tambe un experiencia internacional unico. Experiencia cu debate no ta necesario, ya cu tur training lo wordo provee pa medio di Parlamento Hubenil. E reaccion general entre e hobennan den Reino ta hopi entusiasma y pa Corsou tin 4 video, pa Sint Maarten 6, pa Hulanda 26 y pa islanan BES tin 7 video riba e website caba. E hoben cu ta desea di participa no mester tin experiencia den e arte di debate, pero si mester ta interesa den esaki y den e discusion y dialogo to-

E mandatario, kende actualmente ta encarga cu e cartera di Enseñansa, Maneho di Famia y Enseñansa pa Adulto ta encurasha nos hobennan pa tuma algun minuut, traha un video cu nan camara di telefon of di computer y upload esaki riba e website. No ta necesario pa e video ta sofistica, ni cu un background special, pasobra ta e conteni-

do di locual e hoben ta bisa ta loke ta conta. Minister Hooyboer-Winklaar ta splica cu den e video di un maximo di dos minuut, e hoben mester bisa pakico e kier participa na e debate, ki balor e ta pensa e debate aki tin pa nos hobennan den reino y mester duna su opinion tocante e importancia di debate.


DIARANSON 04 DECEMBER , 2013

15

Minister Michelle Hooyboer-Winklaar:

Ban hunto habri porta pa nos ciudadano cu limitacion Ayera 3 di december, a conmemora Dia Internacional di Personanan cu Limitacion y pa cu e ocasion aki, Minister Michelle Hooyboer-Winklaar ta pidi nos comunidad pa para un rato keto y pensa riba e impacto positivo cu cada un di nos por tin riba e bida di un persona cu limitacion. Kico nos por haci pa haci dia di un persona mas alegre of mas facil? Con mi por contribui na un miho mañan pa un persona cu limitacion? Esaki por ta mes facil of mes dificil pa realisa, y en realidad ta den e cosnan chikito cu nos ta haci pa otro hende. E tema mundial pa Dia Internacional di Personanan cu Limitacion e aña aki ta subraya hustamente e pensamento di e titular di enseñansa, maneho di famia y enseñansa pa adulto: “Kibrando Barera, Habriendo Porta: pa un sociedad di inclusion y desaroyo pa tur hende”. Mas di un biyon persona, of aproximadamente 15 porciento di populacion mundial, ta biba cu un of otro forma di limitacion. Rond mundo, personanan cu limitacion ta confronta bareranan fisico, social, economico, como tambe bareranan di “actitud”, pues con otro persona ta regarda nan. Esaki ta exclui nan di participacion completo y efectivo como

miembronan igual den e sociedad. E enfoke pa Minister Hooyboer-Winklaar pa cu personanan cu un of mas limitacion ta, cu nan ta wordo ofreci e oportunidad pa desaroya pa loke ta e ramo di enseñansa. Ta di sumo importancia pa cada mucha por desaroya segun su habilidad y talento, teniendo na cuenta e servicionan cu ta wordo ofreci na Aruba riba e tereno aki. Den e su prome simannan como Minister di Enseñansa, Hooyboer-Winklaar a cuminsa un recorido di diferente scol y por a observa cu hopi scol ta habri pa inclui hobennan cu un of mas limitacion. Minister Hooyboer-Winklaar tabata contento y satisfecho pa wak e desaroyo positivo na Aruba, unda cu entre otro cu ayudo di FAVI dos scol basico a brinda un bonbini na dos alumno legalmente ciego e aña escolar 2013/2014 y aña pasa a logra integra Scol Scucha Nos na Scol Basico Washington. Entre otro tambe el a nota cu na diferente scol tin ya caba rampa instala pa muchanan cu ta den rolstoel of ta haci uzo di looprek. Usualmente personanan cu limitacion ta wordo representa

desproporcionalmente entre e personanan di mas pober y ta haci falta acceso na recursonan basico igual, manera enseñansa, empleo, cuido medico y sistemanan di apoyo social y legal. Desafortunadamente tambe por mira un cantidad mas halto di mortalidad. Aunke esaki ta e situacion real actual, limitacion ainda ta hopi invisibel den e agendanan di hopi pais pa cu su desaroyo y procesonan. Na 2006, e movecion na interes di personanan cu limitacion internacionalmente a haya un apoyo enorme cu e Convencion pa Derechonan di Personanan cu Limitacion. Esaki tabata resultado di decadanan di trabao haci pa Nacionnan Uni, pa trece cambio di actitud y acercamento pa cu limitacion pa sigura cu personanan cu limitacion lo haya trato completamente igual y participacion den sociedadnan rond mundo. Diferente grupo den Nacionnan Uni ta trahando continuamente riba derechonan di e ser humano y cu esaki tambe riba e integracion y inclusion di derechonan, bienestar y perspectiva di personanan cu limitacion, cual ta wordo inclui den esfuersonan pa desaroyo na nivel nacional, regional y in-

ternacional. Pa cu esaki riba dia 23 di September, 2013 a tuma luga un reunion di nivel halto di Nacionnan Uni, cu e tema: “The way forward: a disability inclusive development agenda towards 2015 and beyond.” Di e reunion a sali un documento di accion cu ta provee guia pa cu maneho pa yuda traduci compromisonan internacional pa un sociedad cu ta inclui limitacion den accionnan concreto, como tambe pa fortifica esfuersonan global. E accionnan den e documento tin como meta pa sigura accesibilidad pa y inclusion di personanan

cu limitacion den tur aspecto di sociedad y desaroyo. E conmemoracion di Dia Internacional pa Personanan cu Limitacion e aña aki ta provee un oportunidad pa haci hendenan rond mundo mas consciente pa cu limitacion y accesibilidad, mas bien e falta di acceso. Ta un momento pa pone e enfasis riba promocion di accesibilidad, kita tur tipo di barera y realisa e participacion completo igual di personanan cu limitacion den nos comunidadnan y forma e futuro di oportunidadnan pa desaroyo pa tur hende.


DIARANSON 04 DECEMBER , 2013

24

Dos debate local riba topico di Derechonan Humano duna nos hobenan e oportunidad di trece nan ponencianan y argumentonan pa dilanti y asina hiba un discusion riba temanan actual y kisas te hasta un poco controversial. E debatenan a ser hiba entre studiantenan di Universidad di Aruba, Parlamento Hubenil y studiantenan di EPI hospitalidad. E interes tabata grandi pa participa y ambos anochi a conclui cu un ganador. E Declaracion Universal di Derechonan Humano lo celebra 65 aña riba 10 di December 2013 y den cuadro di esaki, Departamento di Relacionan Exterior di Aruba y e Club di debate di Universidad di Aruba recientemente a organisa dos debate riba e tema di Derechonan Humano. E meta principal ta pa aumenta e nivel di concientizacion di nos hobenan riba e tema importante aki. Tambe kier stimula libertad di expresion y e formacion di personanan critico den nos sociedad. E comision organisador ta consisti di mr. Olivia Croes di Departamento di Relacionnan Exterior cu alaves ta fungi como coordinador di e Comision di Derecho Humano di Aruba, mr. Luciano Milliard y Shauna Porter MA, respectivamente deca-

no y docente na Universidad di Aruba. Presidente di Club di debate di Universidad, drs. Eric Mijts a guia e debate di e studiantenan y splica e proceso y reglanan di debate. Drs. Andy Lee, director di Departamento di Relacionnan Exterior a haci apertura oficial di e anochi di debate cu un speech cortico riba e historia y importancia di e Declaracion Universal pa humanidad. Anteriormente, Departamento di Relacionnan Exterior a duna presentación na diferente instancia encuanto di e tópico di Derechonan Humano. Den e cuadro di e celebracion aki a scoge pa hunto cu otro stakeholders enfoca riba nos hobennan. A scoge e formato di debate pa profundiza riba e topico di Derechonan Humano y

E prome debate a tuma lugar riba 6 november y a trata e topico ‘Derecho di prisoneronan’. E topico aki tabata poco controversial y difícil y esey a hasi cu e debate tabata hopi interesante. E prome debate a conta tambe cu presencia di Peter van der Geer, experto di Hulanda riba tereno di debate. Como hurado a fungi e comision di Derechonan Humano, kendenan tabatin e tarea difícil pa escohe e ganador di e prome anochi. E di dos debate riba 27 di november a trata e topico di igualdad di genero y na unda y di ki forma tin necesidad di fomenta esaki na Aruba. Directora di CEDEHM, Sra Sandra Brown, a hasi e introduccion, presentando algun ponencianan interesante pa inicia e debate.

Departamento di Relacionnan Exterior y Universidad di Aruba kier a duna un palabra di elogio na tur e hobenan cu e nivel halto di e dos debatenan y nan conocemento riba e tereno di Derechonan Humano. E celebración di 65 aña di e Declaracion Universal di Derechonan Humano lo clausura cu un caminata dia 10 december pa conmemora y celebra e

fecha importante aki. E asina yama ‘Walk of Freedom ’ lo sali for di linear park pasa monumento Schutterij, sigui pa monumento Boy Ecury y Anne Frank. Comision organisador, studiantenan durante debate hunto cu panel di hurado, directora di CEDEHM Sandra Brown huntu cu miembronan di comisión di Derechonan Humano.

CEO di ATA ta reconoce y gradici Maestronan di Scol pa loke nan a haci p’e

Nos tur por corda un of mas Maestro di Scol cu a haci un impacto positivo riba nos, maestronan cu a contribui na nos formacion y yuda nos yega unda nos ta awe. Den cuadro di e proyecto Maestro di Aña, Ronella Tjin As-

joe-Croes, CEO Aruba Tourism Authority (ATA), ta recorda juffrouw Edith Harms (q.e.p.d.) meneer Norman Roos y juffrouw Annette Bredie entre otro, “Mi tin diferente maestronan cu sigur a hunga un papel importante y cu mi ta

corda.” Ronella ta conta. Un maestra particular cu tambe tabata hopi special p’e tabata juffrouw Croes cu alabes ta Mama di Ronella. “E tendencia ta pa corda esunnan di e materianan cu bo ta gusta, pues mi ta corda juffrouw Bredie di e idioma Ingles. Te cu dia di awe e ta dunando les y ta un hende cu mi tin hopi respet p’e, pa e cantidad di añanan cu e ta dunando les, pa e consistencia den haci esaki y tambe un hende cu mi ta haya un modelo den e manera cu e ta trece cos dilanti y ta duna su contribucion, no solamente como maestro pero tambe

como persona. M’a disfruta masha hopi mes durante mi añanan na Colegio y esaki gran parti ta danki na e maestronan, pues mi kier reconoce esey y gradici nan pa loke nan a haci pa’mi pero tambe pa tur otro alumno y duna nan un ‘compliment’ p’e trabou duro.” Por wak e video completo riba e website Enseñansa Aruba | www.ea.aw. Consciente di e balor inmenso di e trabou di un Maestro di Scol Departamento di Enseñansa Aruba (DEA) hunto cu Ministerio di Enseñansa ta otorga pa di tres aña consecutivo e premio nacional di recon-

ocemento “Maestro di Aña”. Un proyecto cu tin como meta pa duna atencion positivo pa enseñansa, reconocemento pa trabou di e Maestro di Scol y ilustra y stimula maestro di calidad, enfocando mas riba e cosnan positivo cu ta sosode den klas, danki na e esfuerso di e Maestro di Scol. Pa mas informacion di e proyecto aki of di Enseñansa na Aruba por acudi na nos website www.ea.aw. Tambe por sigui Enseñansa Aruba y/ of Education Aruba riba Facebook y Twitter pa keda na altura di tur informacion.


DIARANSON 04 DECEMBER , 2013

5

Hulanda na di 10 luga mundialmente riba prestacion escolar Alumnonan Hulandes por a presta menos bon riba tereno di wiskunde den e ultimo tres añanan, pero pasobra otro paisnan ta preta menos, Hulanda a subi riba e rango mundial. Esaki ta locual a sali afo di un raport di e Organizacion pa Cooperacion y Desaroyo Economico, OECD. Hulanda ta number 10 di e Programa di Evaluacion Internacional di Alumno (PISA) 2012. OECD ta haci e investigacion aki cada tres aña desde 2000. OECD ta midi 65 pais riba prestacion di alumnonan di 15 aña riba e tereno di wiskunde, lesamento y sciencia. Hulanda ta para un average di 13 riba e tres areanan individualmente, cu ta tres posicion mas abou cu na 2009. Pero, asina mes Secretario di Estado di Hulanda Dekker ta orguyoso pa e prestacion di e

alumnonan Hulandes. “Alumnonan Hulandes compara cu otronan di nan mesun edad den otro pais ta presta hopi bon na scol, y riba tereno di wiskunde, hasta hopi bon. Unicamente Suisa y Lichtenstein ta duna miho resultado cu Hulanda na Europa. Nos por ta orguyoso di esaki. E resultadonan aki sinembargo no ta un posesion trankilo. Asina cu nos bira trankilo y satisfecho, enseñansa ta cay atras.” Advertencia Pa e motibo aki mes Dekker ta kere cu e cifranan di PISA ta un advertencia. “Tin un señal cla cu PISA ta manda. Esta cu e posicion top ta algo relative. Nos resultadonan absoluto ta bou presion. Un posicion top por bay perdi tambe. Diferente pais rond di nos cu den pasado a presta hopi miho, a cay den

e categorianan. Y na mesun momento, particularmente na Asia, nos ta mira paisnan cu ta midi hopi miho. Den un economia mundial, esakinan ta nos competencianan. Nos mester keda traha duro pues, riba nos enseñansa.” Finlandia

E pais Europeo cu miho a sali riba e lista ta Finlandia, aunke cu e resultado di wiskunde ta miho memey di alumnonan Hulandes. Shanghai ta e pais cu miho resultado riba tur tereno midi. Es mas e top 3 paisnan riba e lista di PISA ta Asiatico, y Finlandia a sali na di nuebe

luga, despues di a sali na di cuater luga na 2009. Estonia y Polonia a haya miho resultadonan cu Hulanda e biaha aki. Merca a sali hopi abou, number 31 riba nivel di wiskunde, 24 riba sciencia y 21 na nivel di lesamento.


PAGINA 28

DIARIO

DIARANZON 4 DECEMBER 2013

Parlamentario Dangui Oduber

Ahustacion “medida” ta worde introduci sin sosten di Dialogo Social Esaki ta un gobierno cu a hiba un campaña basa riba e hecho cu nan NO ta bay tuma ningun pero ningun medida riba lomba di nos pueblo y awor cu nan tin e mandato ta dicidi otro. Nos mester ta sincero cu e pueblo y no usa nan ora bo ta haya ta bon. Nos partido ta hopi consiente cu algo mester worde haci pa salvaguardia existencia di e fondo pero pa pone pueblo traha te cu 65 aña y pa mishi directamente den nan cartera awor aki no ta e mihor manera. Ora decision nan asina worde tuma mester puntra si investigacionnan cientifico a worde haci pa wak ta te ki edad un hende por keda traha sin limitacion fysico y keda produci na e mesun

ORANJESTAD (AAN): Segun Dangui Oduber di MEP, manera nos tur sa cu den e ultimo 2 siman nan tabata tin un discusion andando den dialogo social pa trata e tema di e fondo di pensioen di AOV. Aki den varios sindicato y varios gremio di sector comercial a participa y den fin di siman cu a pasa un protocol a worde firma. Den e protocol aki gobierno ta bay aumenta e edad di pensioen te cu 65 aña y tambe aumenta e prima di AOV cu 1% den 2014 y 1% den 2105. Cu e medidanan anuncia aki gobierno no solamente ta bay pone e pueblo traha mas largo sino ta mishi directamente den nan cartera. Mi no por imagina cu esnan cu a vota pa AVP a vota pa gobierno hinca man den nan sako manera e ta bay haci awor aki. Tin tur indicacion cu e ley aki ja caba a worde manda pa Raad van Advies y asina ta burla di dialogo social y tur e otro partner nan. Minister di finanzas a laga sa caba cu esaki ta un done deal ta

just cuestion di tempo pa e por pasa den parlamento. Nos por a compronde cu solamente 6 participante di en total 20 cu a participa a firma e protocol aki. Loke nos ta cuestiona severamente ta cu net e gobierno aki cu semper a boga pa dialogo awor ta haye den un situacion cu no tin consensus y awor si ta falta respet di dialogo social y ta bay parlamento cu e ley aki sin tene cuenta cu e deseo di e sindicato y gremio nan. Gran mayoria di no solamente sindicato y gremio ta contra sino gran mayoria di e comunidad tambe ta contra e medidanan aki. Ta hopi lamentable cu awor si gobierno no kier scucha ningun hende, no kier tene cuenta cu e mayoria di dialogo social y ta scohe parlamento di Aruba pa aproba e medida nan aki. Tempo cu tur participante den dialogo social tabata di acuerdo cu e proposicionan di gobierno si tabata duna nan oido pero awor cu mayoria ta contra, nan opinion no bal nada pa gobierno.

nivel di semper. Otro punto cu mester pensa riba dje ta e fenomeno cu ora un hende di edad perde trabao. Awor ta asina cu ya caba un hende di 50 aña ta worde considera di edad y hopi caminda nan no ta hayando trabao pa motibo di nan edad halto. Con lo para e ora un hende perde trabao cu mas cu 60 anja? Kico lo para di nos hoben nan cu a caba di studia den exterior? Esaki ta pregunta nan cu mester pensa hopi bon ariba nan promer cu tuma un decision cu lo afecta tur pero tur hende. Pa nan vota pabo si ta bon pero pa alivia nan cartera si e pueblo no ta bon. E ora si esun promer yama pa sacrifica ta e pueblo. Pakico gobierno no ta duna ehempel

na e pueblo y cuminsa reduci su gastonan y despues bin mishi cu e cartera di e pueblo? Gobierno ya caba a anuncia cu nan tin un plafond di gasto di 1.3 biyon y cu esaki ta manda un senjal claro cu nan NO ta bay reduci gasto, solamente nan NO ta bay gasta mas cu esaki. Di otro banda bo ta wak cu nan no ta reduci gasto y e pueblo si mester bay sacrifica y lo bay sinti esaki den nan cartera. Nos ta spera cu e pueblo ta consiente di e medidanan aki y cu ta e pueblo so por para e pakete di medidanan aki. Gobierno ta bisa nan tin un mandato cla pa tuma decision pero e unico cos ta cu e mandato akinan no a haye pa bay tuma medida.

041213  
Read more
Read more
Similar to
Popular now
Just for you