Issuu on Google+

http://www.24ora.com/politica-mainmenu-18/73587-minister-dowers-presente-na-actividad-diconsulado-di-colombia--bin-hunga-cumi


PAGINA 12

DIARIO

Milton no kier bin biba na Aruba mas door di e mentalidad y presion di huzga hende y no yuda hende

Hopi mucha na un edad hoben ta wordo kita for di scol sin pensa cu nos mes ta crea un adicto of criminal riba caya

ORANJESTAD (AAN): Na un edad hopi hoben Milton a wordo kita for di scol door di su comportacion, pero alabes door cu e tabata den un situacion cu su mes no por a sali di dje sin un ayudo. Segun Milton tin hopi caso cu hopi mucha ta wordo kita for di scol sin cu ta trata di busca un solucion pa pasa nan over pa un instancia pa yudanan y saca nan problema of situacion cu nan ta hinca den dje y tog duna un empuhe pa nan por logra caba nan scol. Hopi biaha autoridad como docente di scol ta hunga un rol debi cu ami ta maestro y abo ta mucha y bo mester haci loke ami kier sin busca un manera pa drenta e mucha y trata di compronde dicon e ta actua asina. Segun Milton tin hasta docentenan cu ta provoca mucha na momento cu nan ta den un situacion dificil mentalmente y cu ta pone e mucha actua di un manera diferente. Milton ta duna di conoce cu despues cu nan a kite for di scol su pasonan den droga a sigui bay mas diep unda cu e la cuminsa usa cocaina y extasy. Despues cu e la cay den e otro dos droganan aki e problema famiar a bira mas grandi unda cu milton a cuminsa horta na cas y no tabata tin bon contacto

Telefonnan di DIARIO 582-6747 Fax 582-8551

mas cu su mayornan y a cay den man di husticia. Aki ta momento cu nan a bise cu e unico oportunidad cu e tin ta pa por drecha, pa e bay curaçao pa rehabilita. Na prome instante Milton no tabata kier a bay , pero cu un bon guia di slachtoffershulp Janine Rodriguez tur cos a cana bon y Milton a dicidi cu e ta bay curaçao tog pa drecha. Milton a subi avion den luna di februari 2013 y a bay rehabilita na centro di yabi di libertad cu ta un centro di rehabilitacion cu ta liber y no un centro cu nan ta cera hende. Segun Milton no ta e centro ta esun cu ta cambia bo, pero DIOS ta haci cambionan den bo bida. Ningun hende no por cambia ningun hende solamente DIOS ta drenta den bo bida y haci e cambio na su momento cu e ta kere, tambe un persona ta cambia su bida si e mes kier pone esey como meta su dilanti. Door di su edad e mester a haya un voogd pa e por sigui scol y na unda cu un pastoor na curaçao a tuma e reto aki pa por guia Milton y tuma su voogd pa por yude cana e bon caminda. Awor Milton no kier bin biba na Aruba mas door di e mentalidad y e

presion cu tin den comunidad di huzga hende y no yuda hende. Segun e mama di Milton prome cu e dicidi di manda su yiu Curacao e la busca ayudo na Aruba y mayoria di nan no tabata yuda manera mester ta pa guia e hoben den e direccion cu e mester cana, tambe tabata tin hopi portanan cu ta cera y hopi coremento pa un caso mas riba nan lista pa atende cu e situacion. Minister di Husticia a topa cu Milton y a haci diferente pregunta riba su situacion. E minister ta kere cu Milton ta un ehempel cu nos hobennan por scoge pa un miho caminda si nan mes ta desea y cu nan haya e sosten di nan famia y tambe e fundacion y departamentonan di conserni di gobierno cu Aruba tin. Hopi biaha un persona ta bay studia pa un trabao pero e pasion pa e trabao e no tin y esaki ta conduci hopi biaha cu despues di aña e casonan ta fada e profesional y no ta yuda na e manera adecuado mas. Awor Milton kier bay caba su scol y den futuro e mes lanta su centro di rehabilitacion pa yuda hobennan cu tin mester y ta den necesidad.

DIAMARS 3 DECEMBER 2013

Oficina di Douane San Nicolas a muda

ORANJESTAD (AAN): Departamento di Aduana ta partisipa na tur su clientenan cu e ofisina di Aduana di seccion San Nicolas a muda pa e edificio banda di Post Aruba NV, B/V der Veen Zeppenveldstraat 21, San Nicolas. E orario di ofisina ta for di 07.30 pa 12.or y 13.00or pa 16.30or. Departamento di Aduana ta pidi tur cliente pa nan tuma bon nota di e cambio aki pa’sina evita culakier inconvenencia cu por surgi.


031213