Page 1


PAGINA 18

DIALUNA 2 DECEMBER 2013

DIARIO

Grupo di Scouting Monseñor Oscar Romero ta instala su prome lidernan ORANJESTAD (AAN): Den fin di siman Grupo di Scout Monseñor Oscar Romero a instala su prome lidernan despues di apenas algun luna di existencia. E grupo aki, cual ta estableci na Brazil, a worde funda recientemente pa Pastoor Jairo, kende a conta cu asistencia di Hoofdcommissaris di Scouting Aruba, John Hessen pa cu e fundacion di e grupo. Pastoor Jairo a encurasha un lider cu experiencia, esta Axcel Figaroa pa uni na e grupo y tabatin como su grupo di sosten mas importante e miembronan di su conseho di parokia di Brazil, kende a traha duro pa yuda e grupo haya su miembronan y lidernan. E grupo a crece y a haya su lidernan den un tempo hopi cortico, segun John Hessen, kende ta Hoofdcommissaris di Scouting Aruba. El a añadi cu Grupo di Scouting Monseñor Oscar Romero ta conta awo cu algun lider bon prepara y dinamico. E rekisitonan principal pa un persona bira lider den verkennerij ta: tempo pa dedica na e organizacion, e gusto pa traha cu mucha, y e persona mester cumpli cu e cursonan   y caba nan. E cursonan ta encera: un curso basico, un kamp di weekend cu ta en realidad un curso practico, un curso avansa y despues di dos aña di experiencia e lider ta haci e curso Gilwel, cual ta un curso cu ta worde ofreci rond di henter mundo, pues ta un “acreditacion” internacional. Algun di e lidernan di Grupo Monseñor Oscar Romero tabata lider den scouting of ta conoci den e area di scouting na Aruba caba y otronan ta personanan cu un interes den contribui na nos hubentud. John Hessen a expresa cu e grupo ta contento pa bisa bonbini na Angelo Vrolijk, kende tabata un miembro di

verkennerij y hasta un assistent leider; el a bay studia den exterior y awo a bolbe como un lider pa e grupo nobo. E otro lidernan tabatin sea nan yiu den scouting of tin e gana pa traha cu mucha y e dicidi di uni nan mes na e grupo aki pa yuda den su establecimento y desaroyo di e hobennan di Brazil y vecindario; nan ta: AVL Chris Otten, AVL Milton Vrolijk, VL Shayna Figaroa, BL Marcia Dirks, AWL Anne Borrebach y sin lubida e líder di e grupo, esta GL Axcel Figaroa. John Hessen a splica cu den tur distrito na Aruba tin un of mas grupo di Scouting y e unico rekisito ta cu e mucha

mester tin 4 aña, of mas, di edad. Mayoria grupo ta topa riba diasabra, algun for di 2or y otronan for di 4’or di atardi. E movecion scout ta existi desde aña 1907 ora cu Lord Baden Powell a cuminsa cune 106 aña pasa y cu lo keda existi pa semper pasobra “Once a Scout, Always a Scout”. A funda Scouting Aruba dia 23 di April 2000 despues cu 4 organizacion scout a uni y forma un solo organizacion. Scouting Aruba a logra afilia na Interamerican Scout Organizacion (ISO) cu ta miembro tambe di World Scout Organization esta WOSM.


PAGINA 62

DIARIO

Districto 1 y 3 a uni

Bevernan di Scouting Aruba a gosa di un dushi fiesta di Sinterklaas

DIALUNA 2 DECEMBER 2013 3D movies presented by

Valid till December 4

*matinee: saturday & sunday | **late show: friday & saturday

AT RENAISSANCE

BLACK NATIVITY daily: 4:45 7:00 9:15 matinee: 12:00 2:15 late show: 11:30 SENSEI REDENSHON daily: 5:00 8:00 matinee: 2:00 late show: 11:00 SANKY PANKY 2 daily: 5:30 matinee: 12:15 3:00 THE HUNGERGAMES: CATCHING FIRE daily: 4:30 7:45 matinee: 1:00 late show: 11:00 THE BEST MAN HOLIDAY daily: 8:00 late show: 11:00 LAST VEGAS daily: 9:00 late show: 11:45 THOR: THE DARK WORLD daily: 5:15 8:15 matinee: 12:00 2:45 late show: 11:15 JACKASS PRESENTS: BAD GRANDPA daily: 6:30 DE CLUB VAN SINTERKLAAS EN... daily: 4:30 matinee: 12:30 2:30 = subtitulos en Español

AT PASEO HERENCIA

BLACK NATIVITY daily: 5:00 7:30 9:45 matinee: 2:30 late show: 12:00 SENSEI REDENSHON daily: 5:30 8:30 matinee: 2:30 late show: 11:30 SANKY PANKY 2 daily: 5:00 7:30 late show: 12:00 THE HUNGERGAMES: CATCHING FIRE daily: 4:45 8:00 matinee: 1:45 late show: 11:15 THE BEST MAN HOLIDAY daily: 6:30 late show: LAST VEGAS daily: 9:15 late show: 11:45 THOR: THE DARK WORLD daily: 5:30 8:30 matinee: 2:30 late show: 11:30 JACKASS PRESENTS: BAD GRANDPA daily: 9:45 DE CLUB VAN SINTERKLAAS EN... matinee: 2:45 late show: ZAMBEZIA IN 2D daily: 4:15 matinee: 2:00

NEW RELEASES

ORANJESTAD (AAN): Tur “Bever” di Scouting Aruba di Districto 1 y 3 a pasa hopi dushi den compania di Sinterklaas y cuater di su Pietjes durante un fiesta bon anima den weekend. E muchanan a yega cu hopi entusiasmo na Cas Parokial Brazil, unda tabatin un ambiente total di Sinterklaas cu decoracion, canticanan di Sinterklaas y tambe snacks y algo di bebe. Sint y su Pietjes a haci hopi pret y tabata hopi lief pa tur e muchanan. E intencion, HKC Christopher Lake ta splica, tabata pa envolve e Bevernan di e dos districtonan pa nan cera miho conoci cu otro, fortifica nan amistad y celebra e fantasia di Sinterklaas hunto. E Bevernan a keda hopi contento cu nan fiesta y ta gradici e team cu a traha duro pa organiza e evento aki, sin lubida ningun detaye, cual

a resulta hopi exitoso. Muchanan di cinco pa shete aña di edad ta carga e titulo di Bever den Scouting. Aki ta unda nan formacion den e organizacion mundial aki ta cuminsa cu tur tipo di ehercisio unda cu hungando nan ta siña tur diferente habilidad manera mara conopi, reconoce pista, etc. E movecion scout ta existi desde aña 1907 ora cu Lord Baden Powell a cuminsa cune 106 aña pasa y cu lo keda existi pa semper pasobra “Once a Scout, Always a Scout”. A funda Scouting Aruba dia 23 di April 2000 despues cu 4 organizacion scout a uni y forma un solo organizacion. Scouting Aruba a logra afilia na Interamerican Scout Organizacion (ISO) cu ta miembro tambe di World Scout Organization esta WOSM.


021213  
Advertisement
Read more
Read more
Similar to
Popular now
Just for you