biernu de los Estados Xuníos lliberó recursos d’ayuda militar a Colombia al considerar que taría “determinao y certificao que’l gobiernu y les fuercies Armaes de Colombia tán cumpliendo colos criterios establecíos respeutu a los drechos humanos y los graves vínculos con grupos paramilitares. (...) El gobiernu y les fuercies armaes de Colombia dieron pasos impresionantes na proteición de los drechos humanos y n’eliminar vínculos ente componentes de les fuercies armaes y grupos armaos illegales”.39 Sicasí, la ong norteamericana Human Rights Watch mandó al candidatu presidencial republicanu, John McCain, una carta na que-y fexo ver que la situación de los drechos humanos en Colombia ta distorsionada poles informaciones oficiales del gobiernu del presidente Álvaro Uribe. 69. El 2 de xunetu del 2008 fuercies de seguridá colombianes rescataron a 15 persones, ente reteníos, secuestraos y prisioneros, en manes de la guerrilla de les FARC. Durante la operación, y atentando escontra’l drechu internacional humanitariu, la fuercia pública usó ensin autorización los emblemes distintivos del Comité Internacional de la Cruz Bermeya. 70. Les cifres de drechos humanos del gobiernu colombianu recueyen ameyoramientos: disminución del 50 por cientu en secuestros, disminución del númberu d’indíxenes asesinaos (que pasó de 45 nel 2006 a 40 nel 2007 y 19 nel primer semestre del 2008), disminución del númberu de mayestros asesinaos (al pasar de 55 nel 2006 a 23 nel 2007 y 17 —de los cuales 12 sindicalizaos— nel primer semestre del 2008). Delles d’estes cifres arrebátenles les organizaciones sociales y de drechos humanos, qu’aleguen que les estadístiques del gobiernu tán manipuliaes pa publicitar les supuestes meyoríes nesta materia. 71. Antes, durante y dempués de les eleiciones del 28 d’ochobre del 2007 asocedieron actos de violencia en departamentos como Antioquia, Valle del Cauca y Tolima, nos que s’asesinó a 8 precandidatos y 23 candidatos, y se secuestró a 4 precandidatos y 5 candidatos. Pero pal gobiernu les eleiciones trescurrieron con normalidá dafechu.
Nota de la secretaria d’Estáu, Condoleezza Rice, al Congresu de los Estaos Xuníos, 30 de xunetu del 2008. 39.
34 |Constataciones
Constataciones| 35