__MAIN_TEXT__
feature-image

Page 1

INFORME SEGUNDA VISTA ASTURIANA PA PESCUDAR LA SITUACIÓN DE LOS DRECHOS HUMANOS EN COLOMBIA, MARZU 2006


Semeyes: La Delegación Asturiana en Colombia Autor: La Delegación Asturiana en Colombia Edita: L’Axencia Asturiana de Cooperación al Desarrollu Imprime: Imprastur, S.A. D.L.: AS-885/05


CONTENÍU PRESENTACIÓN

ENTAMU

OXETIVOS

CONSTATACIONES

CONCLUSIONES RECOMENDACIONES

Y

ANEXOS

3


PRESENTACIÓN

1. PRESENTACIÓN Colombia sigue llamando l'atención de gobiernos, organizaciones sociales y organismos internacionales del sistema de la Organización de Naciones Xuníes pola duración y fondura del so conflictu internu, y poles consecuencies catastrófiques qu'esti produz sobre los drechos humanos de los sos habitantes. El gobiernu d'Asturies desarrolla dende'l 2001 un programa d'acoyida temporal a víctimes d'atentaos a los drechos humanos en Colombia, que llogró atender a 28 persones provinientes de los sectores de población que la Organización de Naciones Xuníes clasifica como "grupos especialmente fráxiles", ente ellos, muyeres y homes, sindicalistes, dirixentes llabriegos ya indíxenes y defensores de los drechos humanos. L'esmolimientu pola situación de crisis permanente de los drechos humanos aguiyó a l'Axencia Asturiana de Cooperación al Desarrollu a realizar en marzu del 2005 la primer visita pa la constatación d'esta problemática y a emitir posteriormente el 1er Informe de la Delegación Asturiana pa Pescudar la Situación de los Drechos Humanos en Colombia. La segunda visita asturiana de revisión fíxose ente'l 8 y el 18 de marzu del 2006 y visitó dalgunes de les zones más conflictives del país, ente elles Barrancabermeja, Cali, Popayán, Cartagena, Barranquilla y Ciudad Bolívar-Bogotá. La delegación integróla Rafael Palacios García, direutor de l'Axencia Asturiana de Cooperación al Desarrollu; Javier Arjona Muñoz, miembru de Soldepaz.Pachakuti, organización non gubernamental de cooperación y solidaridá internacional; Laura Atienza, direutora de proyeutos de Cáritas Diocesana d'Uviéu; Javier Orozco Peñaranda, coordinador del Programa Asturianu d'Atención a Víctimes d'Atentaos a los Drechos Humanos; Enrique Vega y Begoña Orallo, periodistes de l'axencia de noticies Last News. 5


Les constataciones tán conteníes nesti 2u informe, documentu que s'apurre a les autoridaes y organizaciones sociales colombianes, al parllamentu asturianu, al del Estáu y al européu, al sistema de Drechos Humanos de la Organización de Naciones Xuníes y a la comunidá internacional en xeneral, como un aporte a la búsqueda de la verdá, la xusticia y la compensación a que tienen drechu les víctimes, y na perspeutiva d'estimular una salida política y negociada al llargu y sangronientu conflictu social, políticu y militar que padez Colombia. Rafael Abelardo Palacios García Direutor Axencia Asturiana de Cooperación al Desarrollu

6


ENTAMU

2. ENTAMU 2.1 COLOMBIA: DATOS DESCRIPTIVOS GENERALES Extensión: 1'141.748 Km2. Población: 44,6 millones de habitantes Población afro descendiente: 11 millones Población indígena: 900 mil personas distribuidas en 82 etnias. Población mestiza y blanca: 32, 7 millones Pena de muerte: no existe para todos los delitos Idioma oficial: el castellano en todo el país y las 64 lenguas indígenas en sus territorios. Colombia formalmente ye un Estáu social de drechu, organizáu en forma de república unitaria, descentralizada, con autonomía de les sos entidaes territoriales, democrática, participativa y pluralista, fundada nel respetu de la dignidá humana, nel trabayu y la solidaridá de les persones que la integren y nel predominiu del interés xeneral.1 L'Estáu colombianu ratificó: el Pautu Internacional de Drechos Civiles y Políticos, el Pautu Internacional de Drechos Económicos, Sociales y Culturales, la Convención Americana 1

Constitución Política de Colombia de 1991, Artículo 1. 7


de Drechos Humanos, les Convenciones de Xinebra y los sos protocolos adicionales, la Convención de la ONU sobre la Muyer, l'Estatutu de la Corte Penal Internacional, la Convención escontra la Tortura y otros tratos o penes crueles, inhumanos o degradantes. Según la constitución de Colombia estos pautos y convenciones ratificaes deberíen ser de cumplimientu obligatoriu, incluso baxo estaos d'esceición habríen de predominar nel orde internu. La de Colombia ta considerada la "democracia más antigua y estable d'América Llatina"; sicasí, esti títulu dílese coles altes tases d'astención eleutoral, l'apartamientu y persecución de la oposición, la concentración de la riqueza, la tierra y l'ingresu en poques manes, el llargu conflictu económicu, políticu, social y militar, los altos niveles d'impunidá, los métodos de represión de la llexítima protesta social, indignos d'un Estáu de drechu, y la complicidá de miembros de la fuercia pública colos grupos paramilitares.

2.2. METODOLOXÍA NA ELLABORACIÓN DEL INFORME El conteníu del presente informe tien como base cinco fontes: la observación direuta de la Comisión Asturiana; los informes de les organizaciones sociales de varies rexones del país; los informes y datos d'estadístiques oficiales2; el testimoniu direutu de les víctimes de los atentaos a los drechos humanos; les valoraciones de medios de comunicación masivos y alternativos.

2

Les estadístiques oficiales siguen ensin recoyer curioso los atentaos a los drechos humanos y al drechu internacional humanitariu (Informe Añal Sobre Colombia 2005, Alta Comisionada de la Organización de Naciones Xuníes pa los Drechos Humanos). 8


OXETIVOS

3. OXETIVOS 1. Faer siguimientu, per aciu de la observación direuta, de la situación de los drechos humanos en dalgunes rexones de Colombia. 2. Informar de les sos constataciones a delles instancies del Estáu español, la Xunión Europea y la Organización de Naciones Xuníes. 3. Ayudar al espardimientu y efeutiva proteición de los drechos humanos en Colombia.

Elecciones 12 de marzo. Control militar de las mesas. 9


CONSTATACIONES

4. CONSTATACIONES 4.1 SITUACIÓN DE LOS DRECHOS HUMANOS Durante'l 2005 la situación de los drechos humanos en Colombia siguió n'estáu críticu. Caltiénense altos los indicadores d'atentaos a los drechos humanos, a pesar de la política de Seguridá Democrática, de l'abondosa llexislación interna y de la ratificación d'instrumentos internacionales pa protexelos. Ruines repercusiones positives tuvieron les 27 recomendaciones formulaes al gobiernu colombianu pola Alta Comisionada de la Organización de Naciones Xuníes pa los Drechos Humanos en materies como prevención y proteición, conflictu armáu internu, Estáu de drechu ya impunidá, polítiques económiques y sociales, promoción d'una cultura de drechos humanos. Siguieron los atentaos masivos y sistemáticos a los drechos humanos, a pesar de la xuba de los gastos del gobiernu en defensa y seguridá, o precisamente por ello, yá que munchos de los casos documentaos atribuyen responsabilidaes direutes a miembros de la fuercia pública, qu'actuaron solos o en cooperación con grupos paramilitares. Nun se rexistraron casos de sanciones a servidores públicos, y en concreto a miembros del exércitu o la policía nacional, por conexón col paramilitarismu, y eso qu'hai abondes denuncies y evidencies al respeutu. La situación de los drechos humanos en Bogotá agrávase y tiende a empeorar, según la llectura que fai'l Comité Distrital de Promoción de los Drechos Humanos de la Personería nel so informe del 2005.

11


El gobiernu d'Álvaro Uribe Vélez entiende que l'escoyelu nunes eleiciones y caltener un relativu nivel de popularidá nes encuestes autorícenlu pa siguir entamando reformes antidemocrátiques, imponiendo a les poblaciones onde l'exércitu despliega les sos tropes condiciones d'arrequexamientu y subordinación de l'autoridá civil elixida al mandu militar. La política de Seguridá Democrática siguió implicando a la población civil nel conflictu armáu; los militares, formaos na rocea hacia la población civil, trátenlo como enemigo, sospechoso de collaborar coles guerrilles. El gobiernu decidió destinar gran parte del gastu de la nación a defensa y al aparatu xudicial, en perxuiciu de la inversión social; ello ye que gran parte de los centros educativos y de los hospitales públicos tán zarrando, en procesu de venta y privatización. Álvaro Uribe Vélez, que gobierna dende agostu del 2002, propúnxose derrotar a les guerrilles, devolver la seguridá a la ciudadanía y desaniciar la violencia per aciu d'una serie de midíes conteníes na política de Seguridá Democrática; y eso que declaró en varies ocasiones que nel país nun hai un conflictu armáu internu: "Esa realidá de violencia yo pidí que nun se la denomine conflictu. Ye un desafíu del terrorismu a la sociedá colombiana y a les instituciones democrátiques".3 El gobiernu insistió en que, como nel 2004, hai un bultable ameyoramientu nos indicadores d'atentaos a los drechos humanos. Les estadístiques del Estáu señalaron que nel 2005 los asesinatos menguaron un 10%, les víctimes por masacres terroristes un 4%, los asesinatos de cabezaleros/es sindicales un 67% y los esllarigamientos forciaos más del 27%. Según les autoridaes el númberu d'homicidios foi'l más baxu nos últimos 18 años. Los cobros por corrupción ameyoraron un migayu4. Pero la exautitú d'estes cifres punxéronla en dubia les organizaciones de drechos humanos, basándose nes sos propies observaciones y rexistros, nes inconsistencies y furacos de los datos oficiales y nes denuncies públiques emitíes por funcionarios/es del Estáu sobre remanamientu de cifres d'homicidios, probitú, desemplegu, etc. Colombia rexistró durante l'añu 18.309 homicidios, baxando, según estes cifres, la tasa d'homicidios por cada 100.000 habitantes; datos que valoró como positivos el direutor del 3

Discursu del presidente Álvaro Uribe Vélez delantre la Mesa de Coordinación y Cooperación Internacional, Cartagena, 3 de febreru del 2005. 4 Informe de Drechos Humanos Colombia 2005, embaxada de los Estaos Xuníos en Colombia citando fontes oficiales. 12


CONSTATACIONES

Departamentu Nacional de Planiación, Santiago Montenegro, que se siente optimista pola so tendencia menguante. Pero hai realidaes como la de Barranquilla qu'amuesen la tendencia contraria; nesta ciudá, cola llegada de los paramilitares, pasóse de 25 asesinatos por cada 6.000 habitantes antes del 2000 a 36 persones asesinaes por cada 6.000 ente'l 2000 y el 2003, productu del sicariatu y de los procesos de "llimpieza social". El mayor receptor d'ayuda militar norteamericana n'América sigue siendo Colombia, que suma 3.600 millones de dólares ente l'añu 2000 y 2005. Estaos Xuníos ye l'actor esternu más Control militar y paramilitar en Ciudad Bolivar. influyente en Colombia; cada añu'l congresu norteamericanu aprueba aportes de millones de dólares pa gastu militar, condicionaos a la formalidá d'una certificación previa d'Estaos Xuníos sobre'l respetu del gobiernu colombianu a los drechos humanos. El Congresu d'Estaos Xuníos aprobó aumentar el númberu de militares, instructores y personal civil qu'asesoren direutamente al gobiernu de Colombia na execución del Plan Patriota, llegando a una cifra cercana a 1.200 persones. Colombia ye'l país del mundiu con mayor cantidá de militares y policíes entrenaos por personal norteamericanu. El gobiernu caltuvo la ofensiva escontra la guerrilla de les FARC, principalmente nel sur del país, desplegando tropes y medios téunicos qu'incluyeron bombardeos y fumigaciones con glifosatu, lo que causó la fuxida de gran parte de la xente llabriego y de los puelos indíxenes a países vecinos como Ecuador, qu'empieza a esmolese pola invasión del so espaciu aéreu y pola llegada masiva de refuxaos/es colombianos/es. El propósitu del gobiernu del presidente Álvaro Uribe Vélez de derrotar militarmente a les guerrilles nun permitió avances significativos pa la lliberación de militares, policíes y civiles en poder de la guerrilla.

13


Les guerrilles replegáronse y amuesen la so capacidá de desestabilización con ataques en varies rexones del país. Los diálogos y negociaciones del gobiernu colos grupos paramilitares y la promulgación en xunu del 2005 de la Llei de Xusticia y Paz nun supunxeron la desmovilización de les tropes, el desfaimientu de les estructures, la devolución de los bienes nin de les tierres arrampuñaes, nin la confesión de la verdá de los delitos, polo qu'amplios sectores de les organizaciones sociales consideren el procesu de desmovilización como una farsa y la Llei de Xusticia y Paz como una norma pa dexar na impunidá crímenes escontra la humanidá. Les organizaciones sociales y les asociaciones de víctimes consideren que la Llei de Xusticia y Paz nun garantiza'l so drechu a la verdá, la xusticia y la compensación. Detectóse un aumentu de les execuciones de muyeres sindicalistes y numberoses denuncies de violencia sexual escontra muyeres y neñes cometíes por tropes del exércitu y los paramilitares. Les poblaciones d'árees onde se despliega l'Exércitu Nacional denuncien que tán sometíes a actos de lladroniciu, atropellos y aisllamientu, por mor del control de los sos movimientos y les severes restricciones al accesu d'alimentos y melecines. Los puelos indíxenes del Cauca, los afrodescendientes y les comunidaes llabradores, al ver escontarmar la reforma agraria oficial, decidieron entamar una reforma agraria popular y empecipiaron pola ocupación de finques rurales de muncha estensión nel departamentu del Cauca; hebo escesos nel usu de la fuercia por parte la policía. Siguieron les detenciones masives de dirixentes sociales basaes en declaraciones d'informantes a sueldu. El sistema carcelariu ta desbordáu pol apetiguñamientu, y el sistema xudicial polos miles d'espedientes penales, sobre manera por delitos políticos, como rebelión, con fundamentu solo en testimonios ensin valor pa ordenar prisión. Siguió aplicándose la estratexa d'axorizar a llabriegos/gues y puelos indíxenes nos territorios pa los qu'hai proyeutos d'inversión o engarrada militar, pa obligalos/es a marchar y apoderase de les sos tierres. Informóse al Grupu de Trabayu sobre Desapaiciones Forciaes de la Organización de Naciones Xuníes de la desapaición de 1.161 persones, de les que 897 siguen col so paraderu 14


CONSTATACIONES

ensin desentrellizar5; esta cifra pue ser muncho mayor debío al subrexistru de casos pol mieu de los familiares a presentar denuncies énte les autoridaes, a les que consideren posibles responsables, por aición o omisión, de les desapaiciones. Sigue siendo crítica la situación de los grupos especialmente fráxiles, como sindicalistes, defensores de los drechos humanos, organizaciones de muyeres y de víctimes, cabezaleros/es llabriegos/gues, comunitarios/es y de los/es esllarigaos/es, comunidaes indíxenes, afrocolombianes. Munches de los atentaos a los drechos humanos cometíos en Colombia durante'l 2005 son susceptibles de ser xulgaos na Corte Penal Internacional al tratase de crímenes escontra la humanidá, por ser graves, masivos y sistemáticos.

4.1.1. Ejecuciones extrajudiciales Les execuciones estraxudiciales o arbitraries son homicidios deliberaos ya inxustificaos cometíos por servidores públicos o por particulares qu'actúen col so apoyu, tolerancia o aprobación. Masacre, por definición del Estáu colombianu, ye l'homicidiu de cuatro o más persones nel mesmu actu.

Siguieron les execuciones estraxudiciales por motivos políticos. Munches denuncies impliquen direutamente a miembros de la fuercia pública y a integrantes de los grupos paramilitares, qu'actuaron siguiendo patrones regulares, como'l de detener civiles, executalos y presentalos como guerrilleros daos de baxa en combate. Ye'l casu de les execuciones de dos dirixentes de la Central Unitaria de Trabayadores, CUT, seición Arauca, y d'un dirixente de l'Asociación Departamental d'Usuarios Llabriegos, ADUC, asocedíes cerca de la ciudá de Saravena n'agostu del 2004, de les qu'informó'l batallón Revéis Pizarro y que se presentaron a la opinión pública pol vicepresidente de Colombia como guerrilleros daos de baxa en combate. La Fiscalía Xeneral pudo establecer que se trató d'una execución estraxudicial y enxuició por estos fechos al comandante del batallón, coronel Luis Francisco Medina, a los capitanes Luis Eduardo Castillo e Hiznardo Zambrano, y tamién a un teniente y a tres soldaos d'esa unidá militar.

5

Grupu de Trabayu de la ONU sobre Desapaiciones Forciaes. Misión a Colombia, comunicáu de prensa, 12 de xunetu del 2005. 15


El testigu direutu d'estes execuciones, el sindicalista Samuel Morales, ta presu nel pabellón d'alta seguridá de la cárcel Modelu de Bogotá, y espresó un fundáu esmolimientu pola so seguridá personal, dada la importancia del so testimoniu nel procesu escontra los militares implicaos, si se tien en cuenta la suerte que cuerren en Colombia los testigos incómodos de los atentaos a los drechos humanos por parte d'organismos.

Población Desplazada por Puerto Toledo.

Miembros de la Comunidá de Paz de San José de Apartadó acusaron a tropes del exércitu d'asesinar y esmembrar en febreru del 2005 a ocho civiles, incluyendo tres menores, y afirmen que'l presidente Uribe venía señalando a dalgunos cabezaleros de la comunidá como auxiliadores de la guerrilla.

En febreru del 2005 la Corte Constitucional determinó que'l presidente Uribe debía evitar declaraciones que punxeran en peligru la vida ya integridá de los defensores de drechos humanos. En mayu'l Coleutivu d'Abogaos José Alvear Restrepo manifestó al presidente que los sos ataques verbales a les organizaciones non gubernamentales de drechos humanos provocaron amenaces y acosu. La Corte Interamericana de Drechos Humanos condergó en setiembre del 2005 al Estáu colombianu pola collaboración de miembros de les fuercies armaes nel apresamientu, tortura y asesinatu de 49 civiles en Mapiripán (Meta), cometíos por paramilitares ente'l 15 y el 20 de xunetu del 1997. Pol casu procesóse al coronel Lino Sánchez. El gobiernu tevo qu'aceptar la res16


CONSTATACIONES

ponsabilidá de la masacre y anunció qu'acataría les condiciones de la Corte y compensaría a los familiares de les víctimes.6 El 30 de xunu la Comisión Colombiana de Xuristes denunció que los paramilitares mataron polo menos a 2.548 civiles en varies rexones de Colombia de magar declararon el so cese'l fueu nel 2002. El 15 d'ochobre del 2005 dos homes, reconocíos pola comunidá como paramilitares, secuestraron nel cascu urbanu de Belén de Bajirá (Chocó) a Orlando Valencia, del Conseyu Comunitariu de Curvaradó, dempués de detenelu arbitrariamente la policía durante tres hores y a pesar de que tenía midíes cautelares de la CIDH. El cuerpu de Valencia alcontróse nueve díes dempués nun ríu cercanu. En setiembre Valencia aconceyara cola Vicepresidencia de la República pa espresar el refugu de la comunidá afrodescendiente al desaposiar violentu de los sos territorios coleutivos por parte d'empresarios de la madera y la palma africana, que destruyen la mata húmedo tropical y a les comunidaes usando l'axorizu de los grupos paramilitares. Los testigos d'esti crime que declararon escontra la policía y los paramilitares, ente ellos un abogáu de Xusticia y Paz, cuerren grave riesgu. Orlando Valencia ye la víctima númberu 110 que les comunidaes del Curvaradó y Jiguamiandó tuvieren dende 1996 por asesinatos o desapaiciones forciaes.7 Pobladores de Puerto Toledo, Mata de Bambú, de los conceyos de Puerto Lleras, Puerto Rico y Vista Hermosa, departamentu del Meta, informaron que vienen sufriendo atropellos, asesinatos, bloqueos, amenaces, desapaiciones forciaes y esllarigamientu masivu poles aiciones coordinaes de paramilitares y tropes del exércitu destinaes a les brigaes móviles 2 y 4, batallones Héroes de Barbacoas, Héroes d'Arauca y del batallón Jaime Quintero, qu'a vegaes operen amazcaraos de paramilitares col nome de "Autodefenses del Llano". Les comunidaes de Puerto Toledo y Mata Bambú declaráronse en resistencia pola vida, denuncien que nel 2005 sufrieron dos masacres, nes que s'asesinó a 30 persones y desapaecieron otres 30. El 5 de xineru del 2006 soldaos de los batallones 40 y 42 de contraguerrilla, al mandu del mayor Forero, amazcaraos de paramilitares masacraron población civil. Miembros de la comunidá de Puerto Toledo denuncien que sobre'l Puente Piñalito un grupu de paramilitares qu'operen al llau del batallón detuvieron y asesinaron a diez llabradores, 6 7

Sentencia de la CIDH, 15 de setiembre del 2005. Comisión Colombiana de Xuristes, Bogotá, 21 d'ochobre del 2005. 17


los calabres baxaron flotando pel ríu Guejar; y que l'exércitu asesinó a Arelis Díaz, Alcibíades Pachón y Jairo Carabalí, el 5 de xineru del 2006 en Mata Bambú; estos crímenes xunto coles xudicializaciones y desapaiciones cometiéronse dempués de que 29 militares morrieran en combate coles FARC en Vista Hermosa y de que'l presidente Uribe pidiera públicamente a la tropa atacar a los milicianos de Granada, Vista Hermosa, Uribe y Mesetas.8 Organizaciones sociales d'Almaguer-Cauca denunciaron qu'ente'l 16 y el 21 de mayu del 2005 soldaos del batallón d'alta montaña nu 4 detuvieron arbitrariamente y delantre de los sos familiares a Edwar Gómez, Evert Papamija y Rómulo Rengifo, de 66 años d'edá. Amarráronlos y lleváronlos como prisioneros, pero 24 hores dempués l'exércitu ordenó faer el llevantamientu de los calabres y entregalos a les sos families. Según el coronel Alí Garay, comandante de la brigada 29, tratábase de guerrilleros del ELN daos de baxa.9 Marta Giraldo denuncia que soldaos del batallón d'alta montaña nu 3 Lloreda executaron a so padre, el 11 de marzu del 2006, mientres durmía nuna finca cerca de Chipichape-Valle. Dende les dos de la madrugada los soldaos dispararon ráfagues na finca que curiaba, asesináronlu y durante varies hores alteraron la escena del crime. D'esto hai una filmación. La Organización Nacional Indíxena de Colombia, ONIC, denuncia qu'en poco más de 11 meses cometiéronse 84 asesinatos selectivos d'autoridaes tradicionales de los puelos indíxenes. El puelu indíxena kankuamu, de la Sierra Nevada de Santa Marta, que pola so cosmovisión exerce una resistencia espiritual non armada, denuncia l'asesinatu de 257 de los sos miembros; nel 2003 asesinaron 57, y sacaron con violencia del territoriu a 300 families pa "llimpiar" la zona de Los Besotes, onde inversionistes proyeuten construyir unos banzaos nel ríu Guatapurí. En febreru la comunidá indíxena kankuamu d'Atánquez-Cesar sufrió l'asesinatu d'un indíxena kankuamu y una indíxena wiwa atribuyida a miembros de la X brigada del exércitu. Durante'l gobiernu d'Uribe Vélez los paramilitares del narcotraficante Rodrigo Tovar Pupo, de nomatu "Jorge 40", asesinaron a 112 kankuamos, poniendo n'altu riesgu d'esterminiu a esta etnia. 8

Comunicáu del Comité de Siguimientu de los Drechos Humanos de les Xuntes d'Aición Comunal del sector del ríu Quejar, CPDH, FENSUAGRO, REINICIAR, Xusticia y Paz, Bogotá, 5 de xineru del 2006. 9 Diariu El Tiempo, seición conflictu internu, 3 de xunetu del 2005. 18


CONSTATACIONES

En setiembre la Unidá de Drechos Humanos de la Fiscalía Xeneral de la Nación capturó a cinco de los 11 miembros del exércitu implicaos nel asesinatu n'ochobre del 2004 del cabezaleru indíxena kankuamu Víctor Maestre Rodríguez. La xusticia penal militar absolviéralos, pero la Unidá de Drechos Humanos alcontró evidencia balística y testimoniu que los implicaba. Na nueche del 26 de xunetu del 2005 asesinaron en PopayánCauca al comuneru indíxena del puelu kokonuku, Mauricio Tote Yance, que venía recibiendo amenaces de muerte dende'l 2003. Por esti crime tán procesaos nel xulgáu 54 Penal Militar un cabu del exércitu y un soldáu profesional; pidióse que'l procesu pase de la xurisdicción militar a la xusticia ordinaria, porque va camín de la impunidá.

Viuda de Hector Dios, trabajador de Ecopetrol asesinado 3-3-06

La Organización Indíxena Rexonal de Valle del Cauca, ORIVAC, denuncia ser víctima dende hai varios años de la represión del exércitu y los paramilitares, qu'actúen baxo nomes como "Los Rastroxos". Rellaten fechos como'l cometíu en setiembre del 2001 pol Bloque Calima de los paramilitares en Ladrillo y Palmira, cerca de Pradera-Valle, onde torturaron y escuartaron a una familia compuesta por dos adultos y un neñu. La comunidá siguió'l rastru de los asesinos y comprobó que la masacre executóla "Roger", comandante de los paramilitares. Too esto denuncióse énte la fiscalía, pero nun hai respuestes, nin detenciones. Asocedieron otres masacres, pero la comunidá nun denuncia por temor y porque ya nun cree na xusticia. CUT Colombia10 denunció que nel añu 2005 asesinaron 70 sindicalistes, más de 260 recibieron amenaces de muerte, 66 sufrieron detenciones arbitraries, 7 atentaos escontra la so vida y 32 acosu. Hai una tendencia creciente a asesinar a muyeres sindicalistes. Ye falso que baxare l'arremetida escontra'l movimientu sindical y, amás, denúnciase que la impunidá ye cuasi total, cercana al 99%. La Fundación Comité de Solidaridá colos Presos Políticos, FCSPP, denunció11 que'l departamentu del Atlántico ye güei'l terceru más peligrosu del país pa los sindicalistes. A pesar de tar protexíos con midíes cautelares de la CIDH dende ochobre del 2002, van 39 sindicalistes de la CUT Atlántico asesinaos nos últimos cinco años, cuatro nel añu 2005, incluyíu l'asesor sindi10

Informe "Una mirada a los derechos humanos en el movimiento sindical", presidencia y departamentu de drechos humanos CUT Colombia, Bogotá, 30 de marzu del 2006. 11 FCSPP Atlántico, informe énte la delegación asturiana, Barranquilla, 14 de marzu del 2006. 19


cal Pedro Pérez Orozco, asesináu'l 3 d'ochobre del 2005 en Barranquilla; y 63 recibieron amenaces de muerte, coincidiendo cola apaición na rexón del grupu paramilitar autodenomináu Muerte a Sindicalistes MASIN. Luciano Romero Molina, ex-dirixente del sindicatu SINALTRAINAL, despidíu de la planta de CICOLAC-NESTLÉ, cuya vida, según l'estudiu de riesgu fechu pol Departamentu Alministrativu de Seguridá, DAS, corría un "riesgu baxu", al volver a Colombia, tres ser atendíu mediu añu pol Programa Asturianu d'Atención a Víctimes d'Atentaos a los Drechos Humanos, asesínenlu en Valledupar el 11 de setiembre del 2005. Retuviéronlu, torturáronlu y asesináronlu brutalmente, dempués abandonaron el cuerpu nun campu. La familia cree que la investigación ta siendo esviada pa que'l crime apaeza como homicidiu común por móviles personales. El Sindicatu Únicu de Trabayadores de la Enseñanza de Valle del Cauca, SUTEV, denuncia l'asesinatu sistemáticu de profesores en Valle del Cauca y n'otros llugares de Colombia. Na última década van 540 mayestros/es asesinaos/es. SINALTRAINAL-CUT denuncia l'asesinatu de 21 sindicalistes obreros de Coca Cola, Nestlé y Chiquita Brands; esta empresa reconoció énte un tribunal yanqui tener contribuyío pa grupos paramilitares. Según el Tribunal Permanente de los Puelos hai pruebes de que la tresnacional bananera nel 2001 "tresportó tres mil fusiles AK-47 y cinco millones de proyeutiles con destín a grupos paramilitares de Córdoba y Urabá".12 El Sindicatu Nacional de Trabayadores del Sector Llétricu, SINTRAELECOL-CUT, denuncia l'asesinatu impune de 12 sindicalistes, incluyendo a Jorge Ortega, primer vicepresidente de la CUT Nacional, asesináu n'ochobre del 1998. Al trabayador d'ECOPETROL Casabe y afiliáu a la Unión Sindical Obrera de Trabayadores del Petróleu, USO-CUT, Héctor Ríos Serrano, asesináronlu paramilitares el 2 de marzu del 2006 a balazos delantre de les sos fíes de cuatro y ocho años de la que salía de so casa en Barrancabermeja. Fasta la fecha van 95 asesinaos ente afiliaos/es y dirixentes d'USO-CUT, seis d'ellos dempués de decretaes les midíes cautelares de proteición por parte de la CIDH. El dirixente de la USO Cartagena, Rafael Cabarcas, sufrió un atentáu, el 2 de marzu del 2005, del que salió firíu, lo mesmo que'l so escolta Andrés Bohórquez. 12

Axencia de prensa IPS, Constanza Vieira, Bogotá, 4 d'abril del 2006.

20


CONSTATACIONES

El Sindicatu de Taxistes de Cartagena SINCONTAXCAR-CUT Bolívar sufrió l'asesinatu de 20 de los sos afiliaos nos dos últimos años. El 28 de xunetu del 2005 detienen y asesinen na collación Tierra Grata del Carmen de Bolívar al secretariu del Sindicatu de Pequeños Agricultores de Bolívar, SINPABOL-CUT, y miembru del Partíu Comunista Colombianu, Jairo González Martínez. Unes hores antes tuviera un conceyu con autoridaes llocales sobre l'incumplimientu de compromisos pautaos con llabradores de la rexón movilizaos/es meses atrás. La investigación nun da resultaos. Dende 199313 cúntense 210 trabayadores afiliaos/es a la CUT de la seición asesinaos/es nel Atlántico. La CUT Cauca denunció l'asesinatu de 11 de los sos afiliaos dende 1999. A Jhon Ruiz Córdoba, profesor d'El Tambo, baxáronlu d'un vehículu, detuviéronlu, torturáronlu y asesináronlu de 27 disparos pela espalda el 6 de mayu del 2005. L'Asociación Nacional de Trabayadores d'Hospitales y Clíniques, ANTHOC-CUT, denuncia que nos últimos quince años van 15 persones de la misión médica asesinaes nel Cauca, ente médicos, enfermeres, auxiliares y personal de llaboratoriu, asina como 12 familiares. Toos esos crímenes quedaron na impunidá, polo que dalgunes persones decidieron, cuando hebo nuevos atropellos, nun presentar denuncia énte la xusticia. Los/es sos afiliaos/es sufrieron 12 montaxes xudiciales y 78 amenaces de muerte.14 Amparo Figueroa, sindicalista d'ANTHOC, que facía diez meses que la traslladaren al hospital de Miranda-Cauca por amenaces de muerte, asesináronla los paramilitares n'agostu del 2002; nesti casu tán implicaos el comandante de la III brigada y el mayor Jiménez, del batallón José Hilario López. Rafael García, ex-direutor del departamentu d'informática del DAS, organismu d'intelixencia que depende direutamente de la Presidencia de la República, declaró a la revista Semana en marzu del 2006 qu'esti organismu suministró a los paramilitares información personal y llistes de cabezaleros/es sindicales y académicos/ques; a munches d'estes persones amenazáronles y executáronles dempués. 13 14

FCSPP Atlántico, informe énte la delegación asturiana, Barranquilla, 14 de marzu del 2006. ANTHOC Cauca, oficiu AD 042, Popayán, 16 de febreru del 2006. 21


Énte los atentaos sistemáticos a los drechos humanos de los/es sindicalistes colombianos/es, la 295 sesión del Conseyu d'Alministración de la Oficina Internacional del Trabayu, OIT, solicitó al gobiernu que decidiere les midíes al so algame pa poner fin a los actos de violencia escontra los/es dirixentes y afiliaos/es sindicales y siguiere coles investigaciones que yá s'entamaren.15 La Rede d'Organizaciones Sociales de Ciudad Bolívar, en Bogotá D.C., denuncia que los paramilitares tán tomando la zona y los espacios públicos. Estos grupos asesinaron a cerca de 170 xóvenes d'ente 12 y 19 años nel 2005, en complicidá cola Policía Nacional y dientro d'aiciones de "llimpieza social". Les patrulles de policíes y paramilitares coinciden amenazando a la mocedá con frases como "o vos achucáis o vos achuquinamos" ("se acuestan temprano, o los acostamos"). Énte la brutalidá policial y paramilitar hebo una marcha de protesta de la mocedá. Dempués espoxigó la represión y asesinaron a 16 xóvenes más. El fiscal xeneral, delantre la delegación asturiana manifestó desconocer eses matances de xóvenes en Ciudad Bolívar y ofreció garantíes a los testigos pa que denuncien los fechos.16 En el entierro del estudiante muerto por la policía

15 16

El 18 de marzu del 2005 desapaecieron de la collación La Hoya, en San Juan de

Presidencia CUT, Bogotá, 31 de marzu del 2006. Aconceyamientu con Mario Iguarán, Fiscal Xeneral de la República, Bogotá, 15 de marzu del 2006.

22


CONSTATACIONES

Sumapaz, a los xóvenes militantes del Partíu Comunista Javier Cubillos Torres, Wilder Cubillos Torres y Heriberto Delgado Morales. Nos primeros díes de selmana santa los medios de comunicación informaron sobre combates del exércitu cola guerrilla na rexón de Sumapaz, onde morreríen tres guerrilleros. El 27 de marzu los familiares de los llabriegos desapaecíos alcontraron los sos calabres na morgue de Fusagasugá, a onde los llevó l'exércitu como guerrilleros daos de baxa. El 22 de setiembre del 2005 asesinaron en Cali al estudiante de la Universidá del Valle Jhony Silva Aranguren nel desarrollu d'una protesta estudiantil escontra'l Tratáu de Llibre Comerciu con Estaos Xuníos. Lo mesmo la familia del mozu que los testigos de los estudiantes señalen como autores del crime al ESMAD de la policía. El casu pasó per cinco fiscales y nun hai resultaos de la investigación. EL vienres 10 de marzu del 2006, mentanto la delegación asturiana permanecía en Colombia, fallecía'l xoven Óscar Salas Angel, estudiante de la Universidá del Distritu de Bogotá, firíu por metralla disparao pol ESMAD de la policía cuando participaba nuna protesta pacífica escontra'l Tratáu de Llibre Comerciu con Estaos Xuníos.17 Los estudiantes denuncien asesinatos y detenciones d'estudiantes que s'oponen a la privatización de la educación pública, casos asocedíos na Universidá del Distritu de Bogotá, Universidá Nacional de Colombia, Universidaes del Valle, Antioquia, Cauca, Industrial de Santander y Tolima.

4.1.2. Amenaces escontra sindicalistes Hai varies llistes espublizaes polos grupos paramilitares en tol país amenazando de muerte a decenes d'afiliaos/es y dirixentes sindicales, y en dellos casos tamién a los sos familiares. FENSUAGRO denunció18 persecuciones y amenaces de muerte escontra afiliaos/es y dirixentes de los sos sindicatos en tol país, particularmente en Putumayo, Meta, Tolima, Arauca, Sucre, Santander, Cesar, Atlántico y Cundinamarca. 17 18

Comunicáu de la emisora comunitaria d'El Líbano-Tolima Café 93.5 F.M. Estéreo, 10 de marzu del 2006. FENSUAGRO, Informe situación de los drechos humanos d'afiliaos; Bogotá, xineru del 2006. 23


Hai amenaces y persecución escontra'l dirixente llabriegu Juan Mendoza Gamba, presidente de SINPREAGRICUN, que nel 2003 fore víctima de detención arbitraria. Hai siguimientos, amenaces y acosos escontra'l fiscal de FENSUAGRO-CUT, Alirio García, y la so muyer, asina como escontra'l dirixente indíxena Hernando Hernández. Los siguimientos ta faciéndolos un grupu d'axentes d'intelixencia de la base loxística 11 Sur del exércitu19. Tamién hai siguimientos del batallón d'alta montaña nu 1, comandáu pol coronel Antonio Arredondo, escontra'l dirixente llabriegu Fernando Ramírez, presidente de SINTRAPAZ. El 14 de febreru del 2005 llanzáronse amenaces de muerte escontra los dirixentes agrarios Eberto Díaz, presidente de FENSUAGRO-CUT; Antonio Guerrero, de FENACOA; Edilia Mendoza, d'ANUC UR; y Germán Bedoya, del Coordinador Nacional Agrariu. El presidente de la CUT-Cauca, Miguel Fernández Orozco, refuxáu n'Estaos Xuníos durante un añu, regresó a Colombia y durante'l 2005 recibió cuatro escritos con amenaces de muerte. En payares del 2005 foi víctima d'una detención arbitraria basada nun montaxe xudicial y actualmente ta en llibertá provisional. Wilson Bonilla Lucumí, ex-presidente de CUT-Cauca, afiliáu al Sindicatu d'Emplegaos Bancarios, tevo que salir de Colombia por amenaces de muerte. A la Xunta Direutiva de l'Asociación d'Institutores del Cauca, ASOINCA, el Ministeriu del Interior retiró-y les midíes de seguridá, a pesar de tar permanentemente amenazada por paramilitares de les AUC. Hai denuncies por amenaces de muerte escontra los sindicalistes d'ANTHOC Bolívar: Juan Osorio, Juan Flórez, Jhovany Sotto, José Meléndez y Ziola Donado; escontra los sindicalistes del SUDEB: Edith Andrade, Gregorio Vásquez y Luis Mendoza, ente otros. Hai siguimientos, acosos y amenaces escontra persones que tuvieron protexíes pol Programa Asturianu d'Atención a Víctimes d'Atentaos a los Drechos Humanos en Colombia; como Duván Antonio Vélez Mejía, presidente de SINTRAPROAL-CUT Antioquia; Esteban Barboza Palencia, dirixente de SINCONTAXTAR y de CUT Bolívar; Francisco Barreto, funcionariu del conceyu de Neiva, dirixente de SINTRAMUNEI-CUT Huila y del Partíu 19

Informe del sector sindical al Segundu Congresu de Defensores de Drechos Humanos, Bogotá, 7 de setiembre del 2005.

24


CONSTATACIONES

Comunista de Colombia; Dolores Villacob Rangel, de la FCSPP Atlántico; Jesús Tovar y Tomás Ramos Quiroz, de la CUT seición Atlántico. En Bogotá vien anunciándose la llegada d'un nuevu grupu paramilitar llamáu "Frente Social Común pola Paz" que pretende amedranar al Movimientu Nacional de Víctimes de Crímenes d'Estáu y al restu del movimientu social. Héctor Rodríguez, trabayador de la empresa Empaques del Cauca y sindicalista, el 15 d'avientu del 2005 sufrió un atentáu na so propia casa en Popayán, onde los sicarios disparáron-y tres tiros. Quince díes dempués otru compañeru del mesmu sindicatu sufrió otru atentáu. La Coordinación Colombia - Europa - Estaos Xuníos informó que la presencia de 720 paramilitares "desmovilizaos", rellacionaos como policía cívica, vixilantes de carreteres ya informantes, agravó la situación de riesgu pa cabezaleros sociales.

4.1.3. Desapaiciones Forciaes La desapaición forciada supón la intención d'esconder arrémente'l paraderu o la suerte d'una persona y ye un delitu autónomu en Colombia dende l'añu 2000, tipificáu na llei 589. Siguieron les desapaiciones forciaes, munches d'elles por motivos políticos. Anque hai un gran númberu de persones desapaecíes, nun son tan abondoses les denuncies, yá que dalgunes families nun les faen por mieu. Empiecen a apaecer foses comunes con calabres de persones torturaes y escuartaes en Sucre y Norte de Santander. El CINEP informó de 59 casos de desapaición forciada nel primer semestre del 2005, una xuba del 7% en comparanza col mesmu periodu del 2004. El grupu de trabayu sobre les desapaiciones forciaes o involuntaries de la Organización de Naciones Xuníes informó que dende 1981 presentáronse polo menos 1.161 desapaiciones forciaes; 897 d'elles siguen ensin resolvese.

25


Anque'l númberu de secuestros siguió amenorgando, tanto l'estorsivu como'l políticu, siguieron siendo un problema grave. La Corporación Social pa l'Asesoría y la Capacitación Comunitaria, COSPACC, denunció 60 casos de desapaiciones forciaes na zona de Recetor-Casanare n'árees onde trabaya la petrolera British Petroleum. La Defensoría del Puelu afirma que pasen de 91 les desapaiciones.

4.1.4. Tortures, tratos crueles y degradantes Anque la llei prohibe estes práutiques, hebo informes de que la policía, l'exércitu y la Guardia Penitenciaria y Carcelaria maltrataben y torturaben a los prisioneros. La Organización de Naciones Xuníes pudo decatase de qu'había un patrón de tortura primero d'executar a les víctimes.

Con el Fiscal General, en presencia de abogados de Justicia y Paz. 26


CONSTATACIONES

A los miembros del exércitu y la policía acusaos de tortura xúlgalos la xusticia militar y non la xusticia ordinaria, lo que ye un casu d'incumplimientu de la Convención Americana y del so principiu d'independencia ya imparcialidá del xuez. A Alonso Campiño Bedoya, beneficiariu de midíes cautelares de la CIDH, ex-funcionariu del Institutu Colombianu de la Reforma Agraria INCORA, dirixente de SINTRADIN y de la CUT seición d'Arauca, acusóselu de rebelión y tevo presu na cárcel de máxima seguridá de Valledupar, dempués tuviéronlu en detención domiciliaria fasta que lu metieron otra vegada en prisión, dende'l 18 de xunetu del 2005, nesta ocación na cárcel d'Arauca, onde tevo en pésimes condiciones sanitaries y ente paramilitares. Actualmente ta presu nel pabellón de máxima seguridá de la cárcel Modelu de Bogotá. Padez una enfermedá crónica y dexenerativa, tien una firida abierta nel cadril, onde-y punxeron una prótesis que'l so cuerpu empieza a refugar afectándo-y a tol cadril. La so salú ye delicada, necesita una intervención quirúrxica y alimentación amañoso pa la so salú, pero les autoridaes del penal, nun tratu cruel, nun permiten nin que sey entreguen melecines. SINTRAESTATALES seición de Cauca denuncia qu'a Unlicer Rengifo Adrada, funcionariu de los Talleres Editoriales del departamentu del Cauca, sacáronlu del so sitiu de trabayu y detuviéronlu'l 24 de payares del 2004 axentes de la SIJIN que se fixeron pasar por funcionarios de la fiscalía. Lleváronlu a un sitiu solitariu y torturáronlu; treslladáronlu a la III brigada de Cali y tevo presu na cárcel de Rivera (Huila) por rebelión y tenencia d'armes, que la propia SIJIN llevó a so casa. Actualmente ta en detención domiciliaria.

4.1.5. Detenciones arbitraries Les organizaciones sociales denuncien l'usu d'informes d'intelixencia, de simples sospeches y/o d'información de testigos a sueldu como única base pa emitir órdenes d'arrestu, nun altu porcentaxe por delitos políticos y rellacionaos. Estes órdenes d'arrestu execútenles los organismos de la policía y, en dalgunos casos, militares del exércitu actuando con funciones de policía xudicial. La FCSPP denunció la crisis del sistema penitenciariu y carcelariu, señalando ente los problemes más graves l'apetiguñamientu severu, la inseguridá y la corrupción. En marzu del 27


2006 había más de 69.000 presos n'espacios diseñaos p'acomodar menos de 50.000, un 38% d'apetiguñamientu. En 13 cárceles la sobrepoblación pasa del 100%, l'alimentación ye mui malo y cuesta 1,5 € por presu y día; los servicios médicos son insuficientes, hai cárceles con un médicu por cada 1.200 presos. En xunetu la Corte Constitucional espresó que les autoridaes precisen d'evidencia afitada de que se cometió un delitu primero d'arrestar a daquién ensin orde de detención. Sicasí, anque la llei prohibe la detención y l'arrestu arbitrarios, hai miles d'acusaciones de que les autoridaes detienen a los ciudadanos en forma arbitraria. Un simple informe de la policía o del exércitu nun ye prueba nin ñiciu abondo pa meter presa a una persona (Códigu de Procedimientu Penal), y menos si esi informe se basa na duldosa credibilidá d'un informante a sueldu: "Artículu 314. Llabores previos de constatación. La policía xudicial podrá, antes de la xudicialización de les actuaciones y baxo la direición y control del xefe inmediatu, apurrir documentación, realizar análisis d'información, escuchar n'esposición o entrevista a los que considere puen tener conocimientu de la posible comisión d'una conducta condergable. Estes esposiciones nun van tener valor de testimoniu nin de ñicios y solo van poder valir como criterios orientadores de la investigación".

N'abril del 2005 l'Altu Comisionáu de les Naciones Xuníes pa los Refuxaos, UNHCR, afirmó que en ficies de la so llucha escontra los grupos paramilitares, el gobiernu y la Fiscalía Xeneral de la Nación siguíen coles sos práutiques sistemátiques d'allanamientos y arrestos arbitrarios ensin evidencia abondo. Según datos del Institutu Penitenciariu y Carcelariu, INPEC, n'avientu había 28.148 deteníos ensin xulgar (cuasi'l 41% de los prisioneros). La impunidá sigue siendo un problema grave, tal y como reconoz el propiu Conseyu Superior de la Xudicatura, al señalar que namás que'l 1% de los delitos se castiguen. La Comisión Intereclesial de Xusticia y Paz denuncia qu'altos mandos militares, paramilitares y empresarios de la madera y de la palma africana, usando la violencia y pagando testimonios falsos, quieren faer callar les denuncies del desaposiu violentu de los territorios coleutivos de les comunidaes negres, per aciu persecuciones, como la xudicialización ensin fundamentu de los sos miembros y de les comunidaes. Pa escontra ehí van empobinaos los procesos penales, como'l 2701/03, tres del que ta'l xeneral Mora Rangel, onde s'afirma que les FARC son el 28


CONSTATACIONES

brazu armáu de Xusticia y Paz, y que les zones humanitaries son un campu de concentración y tortura. Nel espediente 2022 acúsase de rebelión, homicidiu y esllarigamientu forciáu a les comunidaes del Jiguamiandó, a Xusticia y Paz y a la organización d'acompañamientu Brigaes Internacionales de Paz, PIB. Hai 54 persones con órdenes d'arrestu, de les que 23 viven na zona humanitaria del Jiguamiandó, incluyendo como "miliciana" a la señora Maria Ligia Chaverra de 67 años. L'etiquetáu como 719, en Río Sucio (Chocó), acusa de rebelión a les organizaciones Xusticia y Paz y a PIB, sabiendo que solo les persones naturales cometen delitos. En Valle del Cauca detuvieron a unes 350 persones, señalaes por testigos a sueldu de pertenecer a la guerrilla, en Pradera, Cisneros, Dagua, Pichindé. Dende avientu del 2003 nel departamentu del Cauca vien habiendo detenciones masives. En Cajibío, Piendamó, Silvia y Coconuco metieron preses a más de 25 persones por rebelión per aciu montaxes de la fiscalía y el DAS, basándose en testimonios d'informantes a sueldu; en Santa Rosa detuvieron a 16 persones nel 2004; nel correximientu Villalobos de Santa Rosa, 52 deteníos. Na cárcel de San Isidro hai 52 presos políticos. N'otres cárceles hai 10 muyeres nes mesmes condiciones; como protestaron y fixeron fuelgues de fame treslladáronles a cárceles de máxima seguridá. Les cárceles de Valle del Cauca tán con sobrecupos. Na cárcel de muyeres tres morrieron por desatención médica nel 2005. Hai cerca de 900 muyeres procesaes que tienen de media más de dos fíos caúna; dalgunes tán en detención domiciliaria y aguantando fame colos sos fíos, yá que nun puen salir a trabayar. Nel patiu 2 de la cárcel de Vistahermosa hai gran apetiguñamientu; esta parte de la cárcel pue cayer por problemes na estructura del edificiu. La fiscalía mandó detener a 38 indíxenes del puelu kankuamu acusaos de rebelión basándose en testigos a sueldu; 22 siguen presos y ún d'ellos morrió na cárcel, enfermu y deprimíu pol arrestu.

29


4.1.6. Violencia sexual Colombia carez d'un rexistru nacional sobre violencia escontra les muyeres que faiga visible la situación de los sos drechos humanos.20 L'Institutu de Medicina Llegal y Ciencies Forenses rexistró nel 2005, 17.802 casos de delitos sexuales, incluyendo'l forciamientu. El 86% de los rexistros taben rellacionaos con abusu sexual de menores, la mayoría teníen menos de 14 años; calcúlase que nun se rexistren más qu'hacia'l 25% d'esos delitos. Les comunidaes d'Altos de Cazucá-Ciudad Bolívar, Bogotá, vienen denunciando que los paramilitares forciaron a munches muyeres, que la policía sábelo y nun fai nada. Métense nes cases, oblíguenles a cocinar y en dalgunos casos oblíguenles a un nuevu treslláu, yá que vienen fuxendo de zones rurales; impónen-yos formes de vistir, munches tán prostituyéndose obligaes por paramilitares qu'empecipiaron a controlar estos negocios nel centru de Bogotá. Puelos como Llorente-Nariño tien cerca de 40 prostíbulos onde los paramilitares esploten a les muyeres.21 Soldaos del exércitu colombianu forciaron neñes y muyeres en Valle del Cauca; el teniente coronel Vega respondió a dalgunos padres de familia que denunciaron los fechos diciéndoyos: "amarren a les sos perres que los míos anden sueltos".22 El batallón d'alta montaña utiliza una escuela pública de Pance, Valle del Cauca, pa montar un puestu y como depósitu d'armes. Varies neñes de la escuela salieron embaranzaes por militares. L'Asociación Amanecer de Muyeres por Arauca denunció que'l 3 de marzu del 2006 un soldáu forció a una muyer llabradora de 40 años y madre de dos fíos, sometiéndola en medio de dos garites del batallón Plan Especial Enerxéticu Vial.

20 21 22

Alcuentru Sectorial de Muyeres, Comité de Distritu pa los Drechos Humanos, Procuradoría del Distritu de Bogotá, 2005. Aconceyamientu con organizaciones de la Marcha Mundial de Muyeres, Bogotá, 11 de marzu del 2006. Aconceyamientu con organizaciones sociales de Valle del Cauca, Cali, 13 de marzu del 2006.

30


CONSTATACIONES

4.1.7. Allanamientos illegales o arbitrarios Al exércitu y la policía denúncienlos por realizar allanamientos ensin orde xudicial, acompañando esta aición illegal con amenaces, malos tratos, daños y furtos. La casa del sindicalista Ulicer Rengifo en Popayán allanáronla axentes de la SIJIN ensin orde xudicial y ensin la presencia d'una persona de la Procuraduría; y, cola intención d'acusalu, dexaron nun cuartu una caxa de munición calibre 7.62. Dempués torturáronlu y metiéronlu presu. La Comisión de Drechos Humanos del Río Guejar denunció23 allanamientos illegales y actos de lladroniciu nel sitiu La Cooperativa por parte de tropes de la brigada móvil nu 4 Héroes de Santuario, los díes 27 y 28 de febreru del 2006.

4.1.8. Impunidá, incumplimientos del procesu debíu "Los Estaos tienen la obligacio´n de combatir la impunidá por tolos medios llegales disponibles, yá qu'e´sta favorez la repeticio´n cró´nica de los atentaos a los drechos humanos y la total indefensio´n de les víctimes y los sos familiares"24

La impunidá algama niveles cada vegada más graves. La mayoría de los atentaos a los drechos humanos y al drechu internacional humanitariu nun s'investiguen nin se xulguen; y cuando s'abren investigaciones éstes nun lleven a la identificación de los autores, nin al so xulgamientu, nin muncho menos a la compensación integral de les víctimes. Organizaciones sociales de varies rexones de Colombia coinciden en señalar que la desmovilización de los grupos paramilitares ye una farsa, realmente tán llegalizándose, reciclando o cambiando de nome, pero nun dexen d'operar nin desfaen les sos estructures armaes, de financiamientu y de control políticu y territorial. 23

Comisión de Drechos Humanos y Drechu Internacional Humanitariu del ríu Quejar, Informe a la gobernación del Meta, 6 de marzu del 2006. 24 Informe de la Comisión Interamericana de Drechos Humanos sobre'l procesu de desmovilización en Colombia, párrafu 35. 31


Al respeutive, Sergio Caramagna, xefe de la Misión d'Apoyu de la OEA al procesu de paz colos paramilitares en Colombia n'agostu del 2005, llamó l'atención espresando que'l desfaimientu del paramilitarismu tien de tener en cuenta que'l fenómenu caltiénse en tres pegollos: una estructura armada, el narcotráficu como combustible ensin tasa de recursos y les redes ya influyencies sociales y polítiques rexonales.

Colegio electoral en Ciudad Bolivar.

A pesar d'un cese'l fueu unillateral declaráu poles AUC nel 2002 y de les negociaciones de desmovilización col Estáu, los paramilitares siguieron incumpliendo la tregua, allistando tropes y cometiendo abusos escontra los drechos humanos.

Nel trescursu del añu rexistráronse los siguientes atentaos a los drechos humanos cometíos por paramilitares: asesinatos y secuestros políticos; desapaiciones forciaes; tortura; esllarigamientu forciáu; sobornu ya intimidación de xueces, fiscales y testigos; incumplimientu de los drechos ciudadanos de privacidá; torgues a la llibertá de movimientu; ataques escontra les persones rellacionaes cola proteición de drechos humanos, periodistes y sindicalistes; allistamientu y emplegu de menores combatientes; acosu, intimidación y asesinatu de mayestros/es y dirixentes sindicales.25 En xunetu'l presidente Uribe firmó la Llei de Xusticia y Paz, que diba regular un procesamientu llegal de los combatientes paramilitares desmovilizaos. Diversos sectores sociales y observadores, tanto nacionales como la Organización de Naciones Xuníes, espresaron esmolición o refugu por esta llei que nun satisfaz les normes internacionales sobre los principios de la verdá, xusticia y compensación.

25

Aconceyamientu con organizaciones sociales en Bogotá, 9 de marzu del 2006.

32


CONSTATACIONES

El Movimientu Nacional de Víctimes de Crímenes d'Estáu denuncia la Llei de Xusticia y Paz como una norma pa la impunidá de crímenes escontra la humanidá y l'apropiamientu de la representación de les víctimes na Comisión Nacional de Compensación por dos persones designaes pol gobiernu. Menos del 1% de los 23.000 paramilitares desmovilizaos confesó dalgún delitu; los pocos que tengan xuiciu van pagar penes reducíes y la gran mayoría de crímenes constitutivos de xenocidiu quedaríen na impunidá, yá que nun se diba poder establecer la verdá. Señala que de los paramilitares nun s'escontarmaron más que les sigles, el Bloque Centauros dividióse en dos y funciona con otros nomes a pesar de "desmovilizase" nel 2005. Hebo narcotraficantes que compraron franquicia de paramilitares buscando beneficiase d'amnistía o indultu por delitos políticos y evitar asina ser estraditados a Estaos Xuníos. Delincuentes comunes, como Enilse López, de nomatu "La Gata", o'l narcotraficante Diego Murillo, de nomatu "Don Berna", apaecen como paramilitares. Denuncien que l'Estáu defrauda a dalgunes víctimes faciéndo-yos firmar paz y salvos como "compensao". Organizaciones sociales de Bogotá denunciaron que los paramilitares de Bogotá entamaron redes nos cerros alredor de la ciudá fasta Ciudad Bolívar, los márxenes de los ríos Bogotá y Fucha, treslladen families y tomen posiciones, controlen la prostitución del barriu Santafé, onde tendríen dos cases pa la contratación de sicarios; controlen el comerciu de los Sanandresitos y les ventes ambulantes. Consideren que'l paramilitarismu en Bogotá yá nun ye solo un problema militar, tamién d'avasallamientu políticu, social y económicu. Propónense recuperar l'espaciu y el control políticu onde'l presidente Uribe perdió les eleiciones. L'Asociación Nacional de Xueces y Trabayadores de la Rama Xudicial, ASOSONAL CUT, denuncia la designación de fiscales amigos de los paramilitares que collaboren en trafulcos chambones, como nel procesu escontra'l sindicalista Hernando Hernández, de la USO. Consideren que se perdió la independencia y autonomía xudicial y qu'a los xueces honestos tán asesinándolos, desapaeciéndolos o despidiéndolos. En xunu del 2005 la OIT afirmó que'l país tenía una hestoria llamentable no que se refier a los/es cabezaleros/es sindicales, encamentó al gobiernu pa que ceda no que describió como una "situación intolerable d'impunidá" y espresó la so preocupación porque impunidá tala "contribuyía al clima de violencia qu'afeutaba a tolos sectores de la sociedá y a la destrucción del movimientu sindical". 33


La comunidá llabriega de la finca La Miel de Ibagué, que desapolinaron violentamente del llatifundiu Bellacruz, nel centru del departamentu del Cesar, espresa la so preocupación porque la fiscalía dexó en llibertá a los terratenientes acusaos de 32 homicidios y d'esllarigamientu forciáu de llabradores, los hermanos Francisco Alberto y Carlos Arturo Marulanda, esti últimu ex-embaxador de Colombia na Xunión Europea. L'Asociación Nacional d'Usuarios Llabriegos Unidá y Reconstrucción, ANUC UR, denuncia qu'a la so organización sometiéronla a esterminiu; hai munchos/es afiliaos/es desapaecíos/es, esllarigao/es; la guerra ye una xida p'arrampuña-yos les tierres a los llabradores; la desmovilización de los paramilitares ye una farsa. L'Asociación Nacional de Muyeres Llabradores ya Indíxenes de Colombia, ANMUCIC, denuncia que la so organización ta presionada polos paramilitares. A varies de les sos dirixentes asesináronles, otres tán exiliaes, y obligáronles a detener el procesu organizativu de les muyeres n'Arauca, Córdoba, Norte de Santander y otres rexones. Los grupos paramilitares desaposien a les muyeres de les sos tierres; tamién el Bancu Agrariu por deldes. Los paramilitares son el brazu armáu de los megaproyeutos y nun se desmovilizaron; los proyeutos de monocultivu de palma africana, por exemplu, tán lligaos a la dinámica de los grupos paramilitares.26 Varies persones de les zones de Cacarica, Jiguamiandó y Curvaradó que denunciaron el robu de tierres requirióles la fiscalía per aciu d'orde de prisión. Nes tierres arrampuñaes a les comunidaes negres y a los llabradores desapolinaos, los empresarios alluguen a persones cercanes al proyeutu paramilitar, semen plátanu d'esportación y palma africano. Dalgunos paramilitares faense pasar por esllarigaos, como si foren víctimes. L'Institutu Colombianu de Desarrollu Rural, INCODER, ta entregando tierra a los paramilitares. L'INCODER apropióse de 18.000 díes de gües (10.000 hectárees) de tierra de les comunidaes negres pa entregales a los paramilitares y a los palmeros; hai 20 persones del Conseyu Mayor de la Cuenca con orde de prisión por lluchar poles sos propiedaes. El 6 d'ochobre del 1985 el colonu Lino Díaz, propietariu de 240 díes de gües (30 hectárees) de tierra, morrió afogáu en Cañoclaro; 17 años dempués apaecen al so nome varies finques na rexón compraes apocayá. 26

Diócesis de Barrancabermeja, entrevista del 10 de marzu del 2006.

34


CONSTATACIONES

El señor Erasmo Sierra de 65 años d'edá y vecín de la comunidá Nueva Esperanza, ex-presidente de la organización llabriega, ñegóse a vender les sos tierres y denunció les presiones y amenaces; obligáronlu a fuxir y a los pocos díes acusáronlu de ser comandante del Frente 57 de les FARC, polo que la fiscalía tramitó orde de prisión. Organizaciones sociales y de víctimes denuncien al xeneral (r) Rito Alejo del Río, candidatu a senador, por graves atentaos a los drechos humanos de la población civil n'Urabá y nes zones humanitaries, cometíos poles tropes al so mandu durante la "Operación Xénesis".27 El Comité d'Integración del Macizu Colombianu, CIMA, denuncia que sobre esta rexón rica n'agua acesmen planes d'empreses multinacionales, y por eso hai una ofensiva del exércitu y los grupos paramilitares; poro, témense masacres y terror cola fin d'espantar a la población. De fechu, el batallón d'alta montaña y la brigada móvil taríen dando tratu d'enemigos a los llabradores, negros ya indíxenes; imponen el silenciu, ruempen el texíu social ya impíden-yos aconceyase. En Valle del Cauca y el Cauca los paramilitares nun se desmovilizaron, solo cambiaron de nome. Nel norte de Valle del Cauca 3.000 homes armaos preséntense agora como 'Autodefenses Llabiegues del Valle' (ACV) y 'Rondes Llabriegues del Valle' (RCV), pero son los 'Machos' y los 'Rastroxos', los exércitos del narcotráficu.28 Hai xóvenes paramilitares que reconocen tenese desmovilizao tres vegaes, yá que la "desmovilización" convirtióse nuna opción d'emplegu. La nueva xeneración de paramilitares yá se dexa sentir en, a lo menos, ocho departamentos del país; llámense Águiles Negres, Escorpiones, Águiles Roxes, Frente Social pola Paz, Manes Negres, Organización Nueva Xeneración. Son apenes parte d'un nuevu mapa paramilitar onde s'amiesten mandos de los paramilitares, narcotraficantes y llatifundistes. Nel Cauca los "nuevos" paramilitares llámense Mano Negra, Escorpiones, Nueva Xeneración; son los mesmos suxetos de les AUC operando públicamente al llau del exércitu y

27

Investigación "Desde Colombia Pedimos Justicia, llamado al mundo contra ritos de crímenes e impunidá", editada n'Asturies, coleición Pachakuti; investigación "Colombia, Deuda con la Humanidad, Paramilitarismu de Estado 1966-2003", ediciones Noche y Niebla, impresa n'Asturies. 28 Diariu El Tiempo, seición conflictu armáu, 15 d'ochobre del 2005. 35


la policía en díes de mercáu en puelos como San Pablo, Taminango, Timbío, La Cruz, Florencia, Mercaderes, Patía y Bolívar.29 Los paramilitares entraron al Cauca por Santander de Quilichao de la mano del Exércitu Nacional. Hai puelos convertíos en trinchera, como Santa Rosa, onde hai 2000 militares, dos por cada habitante. Ye mui preocupante que les autoridaes y los medios de comunicación ñeguen la llegada, permanencia y actuar violentu de los grupos paramilitares nel Atlántico y na so capital Barranquilla, fechu que yá s'aceptó nun informe de la Vicepresidencia de la República. Les autoridaes llocales ñeguen l'evidente acutu por paramilitares de los espacios urbanos y del sistema públicu de salú. Una parte del dineru público de les alministradores del réxime subsidiáu de salú, destináu a la población más probe de Barranquilla, ta pasando a manes de los grupos paramilitares.30 La Defensoría del Puelu reconoz la presencia de paramilitares en 50 barrios de Barranquilla y en tres conceyos del Atlántico. Más de 300 persones sufrieron amenaces, ente elles 36 de la Universidá del Atlántico y en cuasi tolos sindicatos de la seición del CUT. En Santa Rosa, Sur de Bolívar, los paramilitares llegalizaos entamaron cooperatives de seguridá, anden armaos y amenazando a la población, a la que dicen representar dende les Xuntes d'Aición Comunal. Exércitu y paramilitares faen aiciones cíviques conxuntes nos barrios de la ciudá.31 En Barrancabermeja nun se ve xente uniformao pero los paramilitares van armaos y vistíos de civil, enguaden a la población, afiten territoriu, influyen na alministración del conceyu y llaven dineru del narcotráficu y d'otres fontes illegales, como'l robu de gasolina a ECOPETROL, les estorsiones a comerciantes, empresarios y contratistes, y la usurpación de tierres.32 El Polu Democráticu Alternativu, PDA, nun pudo faer campaña política en Santa Rosa del Sur y n'otros puelos pol altu riesgu de ser asesináu cualquier activista políticu de la esquierda. 29

Aconceyamientu con organizaciones sociales en Popayán-Cauca, 13 de marzu del 2006. Coordinación Colombia - Europa - Estaos Xuníos, aconceyamientu cola alcaldía de Barranquilla y la Comisión Asturiana, 14 de marzu del 2006. 31 Defensoría del Puelu Seición Magdalena Medio. 32 Entrevista cola diócesis de Barrancabermeja, 10 de marzu del 2006. 30

36


CONSTATACIONES

La ONIC denuncia que los recursos del réxime subsidiáu de salú pa los indíxenes tán cayendo baxo'l control de los paramilitares. José de Jesús Ramírez Vélez, ex-militante del Movimientu M-19, beneficióse cola amnistía del 1990. Dende movimientos llocales urbanos denunció la corrupción de funcionarios, como'l gobernador del Valle, Mauricio Guzmán; de magar denunció sufre amenaces y acosos xunto cola so familia; viose obligáu a salir de Colombia en marzu del 1999 baxo la proteición de la Cruz Roxa y el CINEP. Asilóse n'España; de toes maneres hai siete procesos penales en cursu escontra elli por fechos como'l secuestru masivu de La María, qu'asocedió mentanto taba en Bogotá protexíu pol CINEP y la Cruz Roxa; otru procesu acúsalu de secuestru y desapaición de dos ciudadanos norteamericanos nel añu 2000, cuando yá taba refuxáu n'España; un tercer procesu en setiembre del 2000 por otru secuestru masivu; un cuartu procesu pol secuestru y homicidiu d'un conceyal de Jamundí-Valle nel 1999; un quintu procesu nel 2000 pol homicidiu d'un ciudadanu nel Cauca; amás ta acusáu de ser l'autor intelectual de la fuga masiva de presos de la cárcel de Vistahermosa ente'l 2000 y 2002; y un últimu procesu por una ocupación con fines terroristes. Asina, esti ciudadanu refuxáu n'España tien cinco procesos penales en Cali, ún en Popayán y otru en Bogotá. Taba refuxáu n'España y, según les causes penales citaes, al empar cometía delitos en varios sitios de Colombia; tamién lu "apresó" delles vegaes l'exércitu colombianu como "guerrilleru", miembru de la Direición Nacional del ELN, baxo los seudónimos de "Silvio, el zarco o el vieyu". L'exércitu colombianu reconoció'l so error "La institución ofrez-y disculpes al señor Ramírez Vélez y a la so distinguida familia polos perxuicios ya inconvenientes que se pudieren causar pol enguedeyu".33 La desplicación qu'alcuentra'l doctor Jorge Vázquez, abogáu de José de Jesús Ramírez, ye qu'estos procesos tramitólos la fiscalía basándose n'informaciones falses de paramilitares y testigos a sueldu feches énte organismos de seguridá del Estáu. Ye una llarga cadena de persecuciones y, anque pue tratase d'un casu de suplantación conocíu pola fiscalía34, siguen los procesos penales escontra d'elli. Hai'l peligru de que lu apresen y lu estraditen a los Estaos Xuníos, o lu deporten a Colombia, país onde la so familia, hermana y sobrinos siguen persiguíos. El deteníu nel patiu de máxima seguridá de la cárcel Modelu de Bogotá, José Murillo, acusa direutamente a les empreses multinacionales petroleres de beneficiase del mieu y de les 33 34

Mayor xeneral Reinaldo Castellanos, comandante del Exércitu Nacional, Bogotá, 12 d'abril del 2005. El casu presentólu la Comisión Asturiana al Fiscal Xeneral n'aconceyamientu del 15 de marzu del 2006. 37


falcatrúes xudiciales entamanaes n'Arauca. Señala que lleva 31 meses presu ensin que se resuelva la so situación y que ta acusáu de rebelión por testigos pagaos pola brigada 18. Puestos en conocimientu del fiscal xeneral Mario Iguarán pola Comisión Asturiana dalgunos casos d'impunidá, l'altu funcionariu espresó que yera una vergoña pa Colombia la situación d'atentaos a los drechos humanos y que la fiscalía esforciábase por impedir la impunidá; hai aiciones que lo demostraríen, como l'apresamientu del gobernador del Meta por dalgunos homicidios.35

4.1.9. Atentaos a la llibertá d'espresión Sigue asesinándose a periodistes: a Julio Hernando Palacios Sánchez, de Radio Lemas, asesináronlu en Cúcuta'l 11 de xineru del 2005; tamién asesinaron al periodista Hernando Marne Sánchez Roldán, del periódicu El País. El 16 de mayu del 2005, hacia les 16:00 hores, llegó un ramu de flores a la sede del selmanariu Voz, muérganu informativu del Partíu Comunista Colombianu. Trayía la siguiente dedicatoria: "de la familia Montoya pal entierru de Carlos Lozano", que ye'l direutor del selmanariu y recibiera amenaces durante años. Tamién el periodista Holman Morris, direutor del programa de televisión Contravía, recibió amenaces y un ramu de flores asemeyáu. N'agostu del 2005 Daniel Coronell, direutor d'un noticieru de televisión, abandonó'l país dempués de recibir amenaces repetíes de muerte qu'incluyíen a la so fía; los mensaxes mandáronlos dende l'ordenador del ex-senador Carlos Nader, que reconoció'l fechu pero ñegó que fore l'autor. El presidente de Colombia almitió que tenía amistá con esti ex-congresista, al que calificó como un home simpáticu al que los fíos-y tienen cariñu36. Al ex-parllamentariu condergárenlu por venta de cocaína n'Estaos Xuníos y yera reconocíu interlocutor del capo del cartel de Medellín Pablo Escobar. 35 36

Aconceyamientu con Mario Iguarán, Fiscal Xeneral de la República de Colombia, 15 de marzu del 2006. Diariu El Tiempo, 2 de xunetu del 2005.

38


CONSTATACIONES

El Foru de Medios de Comunicación Alternativa abordó'l problema de la falta de llibertá de prensa y espresión en Colombia, cruciáu pol control monopólicu de los medios d'información y pol conflictu social y militar, y decidió llanzar una Campaña pola Llibertá de Prensa en Colombia baxo'l lema: ¨Nin censura nin autocensura, vamos desatar toles voces¨.

4.1.10. Esllarigamientu forciáu y otres restricciones Colombia padez la mayor crisis d'esllarigamientu del mundiu dempués de Sudán. Solo nos últimos tres años, más de tres millones de persones, esto ye, más del cinco por cientu de la población de Colombia, esllarigó a la forciosa por mor del conflictu armáu del país, según datos de Human Rigths Watch, HRW. El conflictu armáu internu, entamáu pa despoblar territorios sobre los qu'hai proyeutos d'inversión, foi la mayor causa d'esllarigamientu. La Rede de Seguridá Social, l'axencia gubernamental pa serviciu a la xente esllarigao, rexistró 131.716 nueves espulsiones, cifra inferior a les 161.921 del añu 2004. El gobiernu atribuyó tala reducción a la gran presencia de seguridá estatal en tol país y a una mengua na violencia paramilitar por causa de les negociaciones del gobiernu colos grupos paramilitares. La organización non gubernamental Consultoría pa los Drechos Humanos y l'Esllarigamientu (CODHES) estimó qu'hebo 252.801 esllarigaos/es durante los primeros nueve meses del añu, un espoxigue del 23% frente al mesmu periodu del 2004. Anque nun hai cifres exautes, según la Rede de Solidaridá Social del gobiernu yá se rexistraron más de 1,7 millones d'esllarigaos dende'l 1995. L'Alta Comisionada de les Naciones Xuníes pa los Refuxaos ACNUR, estimó qu'espulsaron con violencia a más de 2,5 millones de persones en Colombia nos últimos 15 años. Según el Sistema Nacional d'Información sobre Drechos Humanos de la Organización Nacional Indíxena de Colombia (SINDHO) 21.711 persones sufrieron destierru de los sos comunales y comunidaes.37 37

Sistema Nacional d'Información de la ONIC, comunicáu del 10 d'avientu del 2005. 39


La ONIC denuncia una cifra superior a 14.000 indíxenes del puelu nasa (66% d'esi puelu) y cerca de 4.600 indíxenes awa (21.3%) espulsaos/es de les sos comunidaes y territorios. Amás, 51 de los 82 puelos indíxenes tán arrequexaos, en gran parte pola fuercia pública. Los nomaes de la selva, los nukak mákú, fuxen del so territoriu ancestral convertíu n'escenariu de guerra ente les FARC y la fuercia pública. De los indíxenes nukak nun queden más que 320 persones desnutríes; a esti puelu tán llevándolu al borde la estinción. Nel 2004 espulsaron 8.500 indíxenes, nel 2005 pasen de 23.000, lo que significa que solo nos dos últimos años desaposiaron de les sos tierres y espulsaron con violencia al 3,5% de la población indíxena del país, sobre too por causa les fumigaciones con glifosato y de los bombardeos indiscriminaos del Plan Patriota. Les recomendaciones del Rellator Especial p'Asuntos Indíxenes de la Organización de Naciones Xuníes, Roberto Stavenhagen, nun s'executaron. Les empreses petroleres, madereres y palmeres tán desapolinándolos de los territorios ancestrales. La ONIC teme qu'estos empresarios y los efeutos de la Llei de Desarrollu Forestal y del Tratáu de Llibre Comerciu, firmáu pol presidente Uribe colos Estaos Xuníos, acaben por esterminar gran parte de la población, la cultura indíxena y la biodiversidá colombiana. En dalgunes rexones, como'l Sur de Bolívar, a les comunidaes llabriegues bloquiárenles paramilitares y militares, que nun-yos permiten l'accesu a los alimentos y melecines. SINPABOL denuncia la ocupación de les sos comunidaes y finques por paramilitares, el desaposiu de miles y miles de díes de gües de tierra y l'esllarigamientu masivu de families de los Montes de María y del distritu de Riego de Marialabaja, nel departamentu de Bolívar. En Jamundí y San Antonio-Valle los paramilitares reparten escritos con amenaces baxo les puertes de les cases, ordenando a les families que "colen ordenadamente pa que nun-yos pase nada". Hai comunidaes sometíes al mieu, como la de Nueva Ventura, El Cedro, La Pila, Bellavista, Chorrera Blanca. Les comunidaes negres propietaries de títulos coleutivos de tierres na zona de Curvadaró y Jiguamiandó (Chocó) sufrieron el desaposiu con violencia de miles de díes de gües de tierra y 12 espulsiones. Eses propiedaes coleutives, reconocíes pola constitución y pola llei, ocupáron40


CONSTATACIONES

les illegalmente y semáronles con palma aceitera empreses privaes dende l'añu 2001; en dalgunos casos con subsidios estatales y asegurándose siempre de sustituyir la población resistente de comuneros por persones d'otres rexones cercanes a los grupos empresariales y paramilitares. FENSUAGRO denuncia que los paramilitares quemaron notaríes n'El Cesar y n'otres zones pa desapaecer escritures y otros títulos, cola fin de que los llabradores nel futuru nun puedan demostrar la propiedá de les tierres que-yos robaron. Tamién denuncia la inequitativa concentración de la propiedá de les tierres en manes de llatifundistes y la espropiación violenta de 40 millones de díes de gües (cinco millones d'hectárees) de tierra de los llabradores, de les qu'espulsaron a tres millones de persones, dientro d'un plan organizáu p'apropiase de los sos territorios. Nel departamentu del Meta la VII brigada del exércitu, a traviés de la emisora Marfil Estéreo, encamentó a los pobladores del Alto Ariari pa que desocuparen la rexón de la que taben empezando los bombardeos de la fuercia aérea y se desplegaba la Fuercia de Despliegue Rápidu, FUDRA, que golpió a la población civil nuna aición conxunta de la brigada móvil y los paramilitares. Los llabradores pidieron inversión social pa sustituyir los cultivos de coca, pero fumigáronlos indiscriminadamente. Fumigaron 16 collaciones, incluyendo los centros poblaos, ríos, escueles y tierres semaes. La población tevo que colar masivamente pa otres rexones o pa les ciudaes.

4.1.11. Atentaos al drechu internacional humanitariu, DIH "El drechu internacional humanitariu (DIH) ye un conxuntu de normes que, en tiempu de guerra, protexe a les persones que nun participen na llucha o que dexaron de faelo. El so principal oxetivu ye amenorgar y evitar el sufrimientu humanu en tiempu de conflictu armáu. Les normes estipulaes nos trataos de DIH han ser respetaes non solo polos gobiernos y les sos fuercies armaes, sinón tamién por grupos armaos d'oposición y por cualquier otra parte nun conflictu" Comité Internacional de la Cruz Roxa.

Tolos actores armaos cometen atentaos al drechu internacional humanitariu, DIH; el mayor porcentaxe d'autoría ye de los grupos paramilitares y sigue n'importancia'l de los organismos de seguridá del Estáu, y finalmente'l de la guerrilla. 41


L'Informe de la Inspeición de Drechos Humanos a Florida-Valle38 denunció que tropes de la brigada de contraguerrilla nu 3 del exércitu usen viviendes de llabradores como trinchera y acampen na casa del comunal indíxena, na collación Mateguadua, atropellando a civiles en tola rexón. Nos llugares onde durmen apaecen avisos amenazantes y marques coles insinies de los paramilitares de les AUC; na parede de la casa del cabildru nasa Kwe's Kiwe en Florida (Valle) la tropa pintó a un uniformáu con una cabeza humana colgando de la mano drecha y na mano esquierda una motosierra xunto a varios testos amenazantes que dicen: "BCG3 NUMANCIA" "MUERTE A MB" "COMPAÑÍA ANIQUILADORA". El pasáu 15 de xineru del 2006, na mesma collación de Mateguadua cayeron morteros en sitios de viviendes de llabradores; el comandante del exércitu intentó desplicar esta agresión como un error nes coordenaes, pero ente errores y atropellos tán faciendo fuxir a la xente de la rexón. El 11 de marzu del 2005 na collación San Joaquín españaron polo menos 50 bombes nel marcu de los combates qu'hebo pela zona durante esos díes, polo que la comunidá llabradora y los indíxenes empiecen a ser espulsaos violentamente coincidiendo col proyeutu de construyir un banzáu na collación El Cajón. Los indíxenes concentraos nel conceyu de Florida son más de 5.500. Na mesma collación, el sábadu 4 de marzu del 2005 pela nueche llegaron tres encaperuchaos a la casa d'Edinson Tombe Tombe y asesináronlu xunto cola so muyer, Janeth García, delantre de los sos fíos. Esa nueche llegare a la zona'l batallón de contraguerrilla nu 57. Les comunidaes llabriegues de Mata Bambú y Puerto Toledo denuncien énte la Presidencia de la República más de 400 atentaos a los drechos humanos asocedíos durante 2005, más de 90 atantaos al drechu internacional humanitariu, asina como los problemes qu'ocasionen les fumigaciones aérees: muertos, albuertos, enfermedaes. La comunidá denuncia que cuando la guerrilla ataca a los paramilitares, tropes y aviones del exércitu acuden a reforzalos. Nos llugares onde acampa l'exércitu apaecen pintaes de los paramilitares, fuercien a les muyeres, quemen vehículos, viviendes, furten bienes. La zona llabriega bloquióla l'exércitu, que nun permite l'ingresu de melecines nin alimentos. 38

Informe de la misión de constatación na zona rural del conceyu de Florida - Valle del Cauca, ORIVAC, Comisión Vida, Xusticia y Paz Diócesis de Palmira; FCSPP; CPDH, CEDINS; marzu del 2006. 42


CONSTATACIONES

COSPAC denuncia que la brigada 16 del exércitu na provincia de la Libertad atenta escontra los drechos humanos de la xente llabrador, detién, desapaez y executa a persones civiles. Los/es trabayadores de les universidaes públiques denuncien que los paramilitares van ocupando les universidaes sometíes a procesos de privatización, sobre too na costa atlántica. El "Mono" Salvatore Mancuso obligó a los/es trabayadores de la Universidá de Córdoba a dir al monte pa falar del conveniu coleutivu y amenazólos/es diciendo que "en Córdoba nun pue haber sindicatos". Varios rectores y autoridaes escolares denunciaron que los paramilitares preséntense nos institutos, influyen nos estudiantes y allisten menores, como asocede nel Institutu Cerros, del sur de Bogotá. Los/es cabezaleros/es indíxenes de la ONIC refuguen la presencia de fuercia pública, paramilitares y guerrilles dientro de los comunales indíxenes porque afeuten a la población civil, ponen en riesgu altu a les comunidaes y la so permanencia nel territoriu. En xineru les autoridaes atribuyéron-y a les FARC la muerte por arma de fueu d'Ever Conda, gobernador de la reserva indíxena La Ciria en Miranda (Cauca). Hai un estáu de terror pol Operativu Emperador del Plan Patriota. La comunidá documenta 97 % de casos d'atentaos a los drechos humanos pol exércitu y 3% pola guerrilla de les FARC, qu'usa mines antipersona. Tanto l'Estáu como actores non gubernamentales, especialmente les guerrilles, siguen semando mines antipersona. La Vicepresidencia de la República estima en 100.000 les mines semaes y diz qu'eliminales pue tardar 20 años. En 627 conceyos de Colombia hai semaes mines antipersona, 289 más que nel 2000. Nos últimos cinco años 2.358 persones foron víctimes d'estos artefactos, principalmente nos departamentos d'Antioquia, Meta y Norte de Santander.39

39

Diariu El Tiempo, 24 de marzu del 2006. 43


Tolos combatientes siguen cometiendo graves infracciones al DIH; ente elles garrar prisioneros, secuestrar y retener civiles.40 Siguen en poder de les FARC prisioneros políticos atrapaos n'años anteriores, incluyendo a la ex-candidata presidencial Ingrid Betancourt; l'ex-senador Jorge Eduardo Gechem; los ex-miembros del congresu Orlando Bernal, Luis Eladio Pérez, Francisco Giraldo y Consuelo González; la congresista Gloria Polanco; l'ex-gobernador del departamentu del Meta, Alan Jara; 12 ex-llexisladores rexonales del departamentu de Valle del Cauca; y, polo menos, cuatro estranxeros. Les FARC divulgaron durante l'añu varios videos como muestra de superviviencia de los prisioneros, lo qu'aguiyó un debate sobre la posibilidá del denomináu intercambiu de prisioneros, ente esos prisioneros y los miembros de les FARC que tán presos. Les families de los reteníos, organizaciones non gubernamentales nacionales ya internacionales, gobiernos estranxeros y entidaes públiques presionaron al gobiernu pa que cediera a les demandes d'intercambiu de les FARC pero nun hebo avances pal intercambiu humanitariu.

4.2-. DRECHOS ECONÓMICOS, SOCIALES Y CULTURALES Colombia padez una de les situaciones de desigualdá social más grandes del hemisferiu. Pa munchos analistes ésta ye la causa oxetiva del conflictu social, políticu y militar, xunto a les práutiques d'apartamientu políticu y d'usu de la violencia como forma d'apropiación del territoriu. El Gobiernu Nacional presenta a la opinión pública cifres y mediciones que son poco fiables pa les organizaciones sociales y sectores de l'academia, yá que mientres s'intenta dar una imaxe d'un país qu'ameyora, la perceición cotidiana de la xente ye que la mayoría de la población ye probe y vien emprobeciendo dramáticamente. Les organizaciones sociales consideren que la falta de definición d'una metodoloxía pa calcular la llinia de probitú y el númberu de probes en Colombia, permitió-y al gobiernu maquillar les cifres de reducción de la probitú, porque la so intencionalidá ye amosar qu'hai menos probes.41 40

Declaración de les organizaciones sociales de Colombia énte la 62 sesión de la Comisión de Drechos Humanos de la ONU, Bogotá, xineru del 2006. 41 Fonte: "Llamado mundial a la acción contra la pobreza", setiembre del 2005; Colombia incumplió compromisos colos Oxetivos del Mileniu. 44


CONSTATACIONES

El discutiniu sobre les cifres tien de permitir ver que la probitú ñaz de la inequitativa distribución del ingresu; de la concentración del capital, les tierres, l'ingresu y les oportunidaes nuna reducida cúpula; y d'una estructura productiva que rebaxa'l salariu y nun ofrez oportunidaes d'emplegu dignu. La mayor parte de les families espulsaes pola violencia nun tienen accesu a la educación, l'atención sanitaria d'emerxencia y l'ayuda humanitaria. Cuando fuxen de les sos comunidaes y busquen refuxu n'otru llugar tienen qu'asperar selmanes o meses pa recibir ayuda d'emerxencia. Dempués de que los grupos armaos los arrinquen de los sos llares, el gobiernu ñéga-yos les sos necesidaes básiques. El drechu de fuelga ta mui restrinxíu o ta penalizáu'l so exerciciu en múltiples actividaes consideraes serviciu esencial d'interés públicu. A los sindicatos qu'usaron esti drechu persiguiólos l'Estáu (despidos y encarcelamientos masivos) y los paramilitares (amenaces y asesinatos). Talos son los casos de la Unión Sindical Obrera, USO (trabayadores de la industria del petróleu), y del Sindicatu Nacional de Trabayadores de Bavaria, SINALTRABAVARIA (trabayadores de la industria cervecera).42 El gobiernu vien escontarmando y privatizando los principales hospitales públicos del país que dan serviciu Niñas/os......... a la población de menos recursos, que ye la mayoría de la nación, como ye'l casu del San Juan de Dios, el Lorencita Villegas de Santos en Bogotá, l'Universitariu de Cartagena, l'Universitariu de Barranquilla, l'Universitariu de Caldas, el Rexonal de Chiquinquirá, el Rexonal de Sevilla-Valle y la clínica Club de Leones de Cartagena, ente otros, dexando ensin serviciu de salú a más de tres millones de persones. Los/es 42

Informe del Sector Sindical al Segundu Congresu de Drechos Humanos, Bogotá, setiembre del 2005. 45


emplegaos/es de los servicios de salú del Estáu en varies rexones lleven ente 4 y 40 meses ensin cobrar los salarios.43 ANTHOC Bolívar denunció que los hospitales públicos ocupáronlos los paramilitares, lo mesmo na planta física que nes alministraciones. Avisaos de que los/es trabayadores van recibir cerca d'un añu de salarios atrasaos los paramilitares extorsiónenlos/es con amenaces. La Oficina Caribe de la Coordinación Colombia - Europa - Estaos Xuníos denunció44 que les llétriques Electrocosta y Electricaribe, d'Unión FENOSA, incumplen los convenios coleutivos de los/es trabayadores d'estes empreses, qu'amás cobren tarifes abusives a los/es clientes de los estratos de menos ingresos nes ciudaes de la costa Caribe, recueyen les redes públiques de distribución d'enerxía y corten el suministru a miles de persones d'escasos recursos. La inconformidá traduzse en movilizaciones populares poles que munches persones recibieron amenaces y a ocho asesináronles en conflictos orixinaos nestos abusos. SINTRAEMDES denuncia los atropellos de la empresa Agua de Cartagena, filial d'Agua de Barcelona, qu'hai varios años que nun respeta'l drechu d'asociación de los/es trabayadores persiguiendo y despidiendo a los/es sindicalistes. La privatización de la empresa del Conceyu que xestionaba l'acueductu Cartagena, que tien gran parte de los sos pobladores ensin agua potable, convirtió a la ciudadanía más probe n'esportadores de ganancies pa los dueños d'Aguas de Barcelona. Al movimientu sindical del Atlántico diezmáronlu a base de despidos y asesinatos. La CUT Atlántico ñaz en 1987 con 84 sindicatos y 87.000 afiliaos, en 2006 queden 42 sindicatos y 7.500 afiliaos.

4.2.1. Inversión social L'Estáu vio reducida la so capacidá d'inversión social cola privatización d'empreses públiques rentables. El control por multinacionales de les empreses colombianes supón un desangre económicu pal país: nel añu 1996 l'unviu de les utilidaes hacia les cases madre foi de 100 millones de dólares; nel añu 2005 superaron los 2.500 millones de dólares. 43 44

Informe de les Federaciones Sindicales de CUT. Bogotá, agostu del 2005. CCEU Caribe, informe d'avientu del 2005.

46


CONSTATACIONES

El gastu públicu amplióse nes partíes militares y nes d'obres civiles, sectores que nun contribuyen al gastu social nin al emplegu. Nun hai dineru pa defender los drechos humanos nel Magdalena Medio, pero a los batallones nun-yos falta nada.45 Parte importante del gastu públicu absórbelu la delda esterna. Foi afitándose un círculu viciosu: delda - déficit - delda - déficit; n'otres pallabres, l'aumentu de la delda aumenta'l déficit y el mayor déficit conlleva una delda más grande. Los intereses de la delda tienen un ritmu creciente, que cada día reduz la disponibilidá de recursos pa financiar la inversión pública y el gastu social. Nel 2003, el Gobiernu Nacional central pagó por intereses de la delda interna unos ocho billones de dólares. Ello quier dicir que la cifra mensual ye de 713.000 millones de dólares. Colombia destinó nel 2005 cuasi una tercera parte del so presupuestu nacional al pagu de capitales ya intereses de la delda esterna. P'amosar mayor pesu del gastu social incluyéronse nesi conceutu los presupuestos dedicaos a defensa, seguridá y mediu ambiente, epígrafes que'l mesmu Ayalgueru Xeneral de la República, Antonio Hernández, reconoz que nun son inversión social. Siguiendo la lóxica de les cuentes del gobiernu, el conceyu de Pisba, na provincia de La Libertad (Boyacá), que tenía 300 habitantes y carecía d'inversión social, tendrá a partir del 2005 un crecimientu espectacular por esti conceutu, yá que'l gobiernu allugó nesta aldea a 600 persones, ente policíes y soldaos.

4.2.2. Probitú Según cifres oficiales la probitú, midida por ingresos, a pesar de siguir afeutando a la metada de la población colombiano, colocóse nel nivel más baxu de la hestoria del país, 49,2%; y la inequidá, midida pol índiz de Gini, menguó dos puntos ente 2002 y 2005, al pasar de 0,57 a 0,55. Pero estes cifres son cuestionaes por investigadores como Libardo Sarmiento, qu'afirma que'l 50% más probe de la población nun gana más que'l 13% del ingresu nacional; les clases 45

Entrevista col Defensor del Puelu Rexonal Magdalena Medio; Barrancabermeja, 10 de marzu del 2006. 47


medies y baxes solo reciben les migayes. Nos últimos 10 años el salariu creció mui per baxo de la productividá del trabayu; los mayores beneficios del progresu queden nel capital y nos estratos altos.46 La realidá alcontrada pola Organización de Naciones Xuníes señala qu'en Colombia diez millones de persones tienen dalguna carencia nutricional y seis millones d'elles sufren de desnutrición severa. Nos últimos 10 años la concentración de la riqueza intensificóse, especialmente nel campu. Anque en Colombia nun se dispón d'información regular que permita conocer lo que pasó cola desigualdá de la riqueza (ingresu, activos, tierres, aiciones, etc.), hai claros ñicios de que la distribución de la riqueza empeoró. Nel casu de la tierra, el diagnósticu del Informe sobre Desarrollu Humanu de Naciones Xuníes ye preocupante, amosando que l'acumulación de la tierra como fonte de poder ye una de les causes de los conflictos rexonales. Nel 1996 había 11.570 propietarios (0,4% del total) con finques mayores de 4.000 díes de gües (500 hectárees). Poseyíen 180'8 millones de díes de gües (22'6 millones d'hectárees, 45% del total baxo esplotación). El promediu que resulta ye d'unos 16.000 díes de gües (2.000 hectárees) por persona. Y pel otru llau, había 2,2 millones de pequeños propietarios (69%) con finques menores de 40 díes de gües (cinco hectárees). En conxuntu poseyíen 17,6 millones de díes de gües (2,2 millones d'hectárees, 4,3%). Ello significa que, en promediu, cada familia disponía d'ocho díes de gües (una hectárea). Esta inequitativa distribución de la tierra empeoró poles compres de los narcotraficantes y polos robos de los paramilitares en rexones como Córdoba, Sucre, Bolívar, Magdalena, Cesar, el Magdalena Medio y la Orinoquía, onde'l paramilitarismu actúa pa protexer los privilexos del llatifundiu.

46

"Balance y perspectivas del proyecto hegemónico 2005-2006", Libardo Sarmiento Anzola, febreru del 2006.

48


CONSTATACIONES

4.2.3. Emplegu El gobiernu declaróse satisfechu por terminar l'añu 2005 con una tasa de desemplegu cercana al 10% de la población n'edá de trabayar, esto ye, sacantes los menores de 12 años nes árees urbanes y los de 10 años na zona rural. Ensin cuntar les árees selvátiques y aisllaes de los antiguos Territorios Nacionales, el Departamentu Alministrativu Nacional d'Estadística, DANE, estimó pal tercer trimestre del 2005 una población de 44.6 millones d'habitantes, de los que 34.2 millones taben téunicamente n'edá de trabayar, esto ye, el 76,7% de la población colombiano. Les cifres qu'amuesen una disminución nos niveles del desemplegu tamién son cuestionaes polos sindicatos y centros d'investigación independientes, ente otres razones porque pal gobiernu "ocupada" ye la persona que trabayó polo menos una hora na selmana. Dempués de la reforma llaboral d'a entamos de los años 90 la estructura del mercáu siguió tendencies de precarización, desllaboralización y terciarización. Durante los dos últimos años el patrón ye'l mesmu: l'emplegu temporal crez, l'ingresu cai. Y como la familia nun tien los recursos necesarios, aumenta la tasa de participación per aciu'l subemplegu.

4.2.4. Equidá de xéneru Anque les muyeres cunten colos mesmos drechos llegales que los homes, sigue habiendo una importante discriminación escontra les muyeres. Un casu grave d'inequidá y discriminación por parte del Estáu colombianu ye'l de les madres comunitaries. Trátase de muyeres que faen xeres del Institutu Colombianu de Bienestar Familiar ICBF; son 89.935 muyeres trabayadores, oficiales en cuantes que cumplen funciones asignaes a una entidá pública cola cual tienen una rellación llaboral que carez de marcu llegal. Atienden una población de 1,5 millones de neños/es, pertenecientes a los estratos más probes de la población, n'aspeutos como nutrición, salú, proteición, desarrollu individual, socialización y curiáu diariu durante polo menos ocho hores, cinco díes per selmana. 49


A pesar de trabayar baxo normes del ICBF y tener una rellación de subordinación con esti organismu, estes madres trabayadores del Estáu nun tienen un contratu formal de trabayu, perciben menos d'un salariu mensual llegal y el propiu Estáu incumple los sos drechos y garantíes llaborales, y de pasu incumple la Constitución Política del 1991, varios convenios ratificaos de la OIT, la Declaración Universal de los Drechos Humanos y los Convenios escontra la Discriminación de la Muyer.47 L'Estáu nun respeta, protexe nin s'esfuercia por faer realidá los drechos económicos, sociales, culturales, ambientales y territoriales de les muyeres.48 El 90% de les víctimes de violencia nel matrimoniu foron muyeres.

4.2.5. Minoríes étniques La xente afrocolombiano ye aproximadamente'l 26% de la población y tien reconocíos tolos drechos y proteiciones constitucionales. Sicasí'l 82% d'esta población tien necesidaes básiques insatisfeches; los sos ingresos promediu añu son d'unos 500 dólares, una tercer parte del promediu nacional. Amás son víctimes d'estigmes, burlles, marxinamientu, discriminación.49 Calcúlase que'l 74% de los/es afrocolombianos/es ganaron menos del salariu mínimu llegal vixente. Chocó, el departamentu col mayor porcentaxe de residentes afrocolombianos/es, tevo'l nivel per cápita más baxu d'inversión social y clasificóse como últimu en términos d'educación, salú ya infraestructura. Tamién siguió siendo ún de los escenarios de la peor violencia política del país.50 La ONIC denunció la estinción inminente de 12 puelos indíxenes de l'Amazonia.

47

ILSA, publicación del 14 de setiembre del 2005. Tribuna Nacional de Muyeres por Drechos económicos, sociales y culturales, Bogotá, 30 de xunu del 2005. 49 Xóvenes Rede Afrocolombiana, estudiu "La población afrodescendiente entre la discriminación y la violencia", mayu del 2005. 50 Informe sobre Drechos Humanos en Colombia 2005, embaxada d'Estaos Xuníos en Colombia. 48

50


CONSTATACIONES

El Rellator Especial sobre la situación de los drechos humanos y les llibertaes fundamentales de los indíxenes, Sr. Rodolfo Stavenhagen, amuesa nel so informe la gravedá d'esa realidá que, lloñe d'iguase, empeora cada día. Les tierres semaes pa l'alimentación de polo menos 10 puelos indíxenes fumigáronles con glifosato, xenerando situaciones de fame y causando la muerte de dos neños eperara siapidara. El desaposiu violentu de los puelos indíxenes de los sos territorios y les persecuciones, asesinatos y amenaces constituyen un xenocidiu invisibilizáu, silenciáu. Los puelos indíxenes tán sometíos a inseguridá alimentaria, desnutrición crónica, pérdiga d'identidá, espoliación de los sos territorios col emplegu de la violencia y ocupación de territorios por bases y comandos del exércitu. Güei 46 puelos indíxenes tienen menos de 1.000 persones y otros 22 tienen menos de 500. La ONIC teme que col Tratáu de Llibre Comerciu soscritu pol gobiernu con Estaos Xuníos s'acelere'l desaposiu de los sos territorios ancestrales y se conviertan en bienes de capital los conocimientos y saberes indíxenes sobre les propiedaes de plantes y animales, que caltuvieron los puelos indíxenes de Colombia a traviés de tradiciones milenaries. Por eso ye que les organizaciones indíxenes s'oponen a la nueva Llei de Forestales y de Páramos, a les esploraciones y esplotaciones petroleres, a les plantaciones de palma africano nel Chocó bioxeográficu y nel Meta, al parque eólicu na Guajira y a la hidroeléctrica Urrá I, ente otros proyeutos, toos puestos en marcha ensin respetar la consulta previa a puelos, autoridaes y dirixentes indíxenes. 51


4.2.6. Minoríes sexuales Ye esmolecedora la situación de los drechos de lesbianes, gais, transexuales y bisexuales. Siguen persiguíos y executaos por paramilitares y guerrilleros, estigmatizaos y marxinaos socialmente pola so opción sexual. El so reconocimientu na normativa ye insuficiente y les normes que faen referencia a temes rellacionaos cola sexualidá, como la educación sexual, parten del sobreentendíu cultural implícitu de que'l patrón de lo normal y aceptao ye la heterosexualidá. Lesbianes, gais, bisexuales y trexeneristes son víctimes de "llimpieza social", execuciones estraxudiciales y detenciones arbitraries.

4.2.7. Neños/es Anque la Constitución establez que "los drechos de los neños predominen sobre los drechos de los demás", la realidá ye otra. La Encuesta Nacional de la Situación Nutricional en Colombia alcontró que sufren problemes de desnutrición, orixinada nos baxos ingresos de les families más probes, en concreto, el 12% de los neños menores de 5 años, el 12.6% d'ente 5 y 9 años y el 16% d'aquellos que tienen ente 10 y 17 años d'edá. La cantidá de menores de 18 años que vivía nel 2003 na probitú xubió de 12.1 millones a 12.9 millones, aumentando la tasa de probitú pa esti grupu d'edá, de 16.7% a 17.6%51. Esti espoxigue na probitú infantil ta rellacionáu col incrementu de la probitú en families uniparentales".52 El 13.5% de los/es neños/es en Colombia tienen retrasu nel so crecimientu y estatura per baxo de la norma, lo qu'indica malnutrición crónica per un periodu mayor de seis meses.

51

Observatoriu sobre Desarrollu Humanu en Colombia, Julio Silva-Colmenares, boletín nu 8, payares-avientu del 2005. Observatoriu sobre Desarrollu Humanu en Colombia, Julio Silva-Colmenares, boletín nu 8, payares-avientu del 2005.u del 2005. 52

52


CONSTATACIONES

La talla de 6.4 millones de guah.es menores de 17 años ye claramente baxa pa la so edá53; el grupu más grande con esta anomalía ye'l de 10 a 17 años, con 16.2%, que yá nun van tener más oportunidá de recuperar la talla. La Guajira, Boyacá, Nariño, Magdalena y Vaupés tán ente los departamentos onde predomina más esti fenómenu. Más d'un millón de rapazos y rapaces tán fuera del sistema educativu, sobre too por causa del baxu ingresu de les families probes, qu'obliga a los/es neños/es a trabayar pa consiguir el sustentu diariu. En Colombia 2.500.000 neños y neñes trabayen, y d'ellos/es 1.700.000 son adolescentes y 800.000 son neños/es ente 6 y 11 años; el 80% trabaya nel sector informal, y de cada diez neños/es que trabayen siete nun van a escuela. Alredor de 8.4 millones de neños/es sufren les peores formes d'esplotación infantil, ente estes la prostitución y la servidumbre por deldes, según denunció la UNICEF. Más de la metada de toles persones esllarigaes son menores de 18 años. Los/es neños/es esllarigaos/es tienen drechu a dir a escueles nes sos nueves comunidaes, pero a dalgunos/es píden-yos que presenten cartíes escolares o formes d'identificación que yá nun tienen. A otros/es ñéguen-yos la matrícula porque les escueles nun tienen places pa ellos/es. En munchos casos les tases de matrícula y los costos rellacionaos de la escolarización impíden-yos asistir. El Conseyu de Seguridá de la Organización de Naciones Xuníes discutió l'informe del Secretariu Xeneral d'Human Rights Watch, HRW, sobre los neños y el conflictu

53

Observatoriu sobre Desarrollu Humanu en Colombia, Julio Silva-Colmenares, boletín nu 8, payares-avientu del 2005. 53


54


CONCLUSIONES Y RECOMENDACIONES

5. CONCLUSIONES Y RECOMENDACIONES El conflictu políticu, social y armáu que padez Colombia tien como orixe y caltiénse pola inequidá, la marxinación social y política, la represión como preséu de gobernabilidá y la violencia como mediu hestóricamente usáu p'atropar riqueza y territoriu. La respuesta del gobiernu a los movimientos sociales ye represiva, enguedeyando a la población civil nel conflictu militar, illegalizando les sos aiciones y estigmatizando les sos propuestes. La situación de los drechos humanos en Colombia sigue siendo crítica. L'autoría de munchos casos d'atentaos a los drechos humanos y al drechu internacional humanitariu señala direutamente a autoridaes y miembros de la fuercia pública y, en xeneral, son responsabilidá última del Estáu colombianu. Siguieron les execuciones estraxudiciales, los ataques a los grupos más fráxiles de la población, les detenciones masives y arbitraries, les desapaiciones y esllarigamientos forciaos, el desaposiu de tierres de los/es llabradores/es y de los territorios coleutivos de los puelos indíxenes y afrocolombianos. Los niveles d'impunidá siguen siendo altos. La mayoría de los atentaos a los drechos humanos nun s'investiguen o los procesos nun lleguen a individualizar culpables. La impunidá crez cola aplicación de la Llei de Xusticia y Paz, que nun tien elementos qu'obliguen a los paramilitares a escontarmar les sos estructures financieres, polítiques, militares, nin los obliga a confesar los sos crímenes, polo que nun se va conocer la verdá de crímenes escontra la humanidá, nin se garantiza la xusticia, nin la compensación a les víctimes.

55


Les guerrilles siguieron reteniendo civiles, executando militares, allistando menores, semando mines antipersona. La política de Seguridá Democrática del gobiernu implicó a cientos de miles de persones civiles nel conflictu militar. Los problemes sociales agrávense pol desemplegu; la pérdiga de tierres de los llabradores y de los puelos indíxenes; y la inequitativa concentración de la tierra, la riqueza y l'ingresu en poques manes. Nel conflictu militar tán morriendo más civiles que combatientes polos ataques a oxetivos civiles cola fin de destruyir les organizaciones sociales y despoblar territorios. Ye necesario, en viendo la critica situación de los drechos humanos, que la Organización de Naciones Xuníes caltenga la oficina d'observación y asesoramientu que vien funcionando en Colombia dende 1996 y que se-y acaba l'allanzamientu n'ochobre del 2006.

RECOMENDACIONES: Al gobiernu de Colombia: · La depuración de los informes d'intelixencia militar sobre defensores de los drechos humanos cola fin d'eliminar los rexistros tendenciosos o con errores y garantizar que los datos personales ellí conteníos nun van pasar de los organismos de seguridá del Estáu a manes de los grupos armaos illegales. · Destituyir ya investigar a los miembros de la fuercia pública que tienen rellación colos grupos paramilitares. · Garantizar que se va escontarmar efeutivamente a los grupos paramilitares, les sos estructures militares y financieres; ya investigar y sancionar a les persones que los favorecen; asina como illegalizar los movimientos políticos de fachada de los grupos paramilitares.

56


CONCLUSIONES Y RECOMENDACIONES

· Garantizar la devolución de les tierres que los paramilitares quitaron a los/es llabradores, comunidaes indíxenes y afrocolombianes, como base pal regresu con garantíes de la xente esllarigao pola violencia. · Garantizar efeutivamente a les víctimes los drechos a la verdá, xusticia y compensación. · Ordenar a la fuercia pública'l cese del arrequexamientu al que tán sometíes dalgunes rexones y comunidaes. · Garantizar el xulgamientu pola xusticia ordinaria de los miembros de la fuercia pública que cometieren delitos escontra la vida de la población civil. · Apautar coles organizaciones llabriegues, indíxenes y afrocolombianes una reforma agraria que garantice'l so accesu y permanencia na tierra, y la soberanía y seguridá alimentaria de la población. · Solicitar primero d'ochobre del 2006 l'allanzamientu del mandatu de la Oficina en Colombia del Altu Comisionáu de la Organización de Naciones Xuníes pa los Drechos Humanos. A los grupos guerrilleros: · La lliberación de les persones garraes como prisioneres. · Desaniciar la práutica de semar mines antipersona y los ataques a la población civil. A los Parllamentos Asturianu, Español y Européu, asina como a los respeutivos gobiernos, nun collaborar col gobiernu colombianu en materia militar y en proyeutos de reinxertamientu de paramilitares fasta que'l gobiernu cumpla les recomendaciones de l'Alta Comisionada de les Naciones Xuníes pa los Drechos Humanos en Colombia, se respeten los drechos humanos y se garanticen los drechos de les víctimes.

57


58


ANEXOS

6. ANEXOS 6.1. SIGLES USAES ADUC, Asociación Araucana Departamental d'Usuarios Llabriegos ANDAS, Asociación Nacional d'Ayuda Solidaria ANTHOC, Asociación Nacional de Trabayadores d'Hospitales y Clíniques de Colombia AUC, Autodefenses Auníes de Colombia: paramilitares CCEU, Coordinación Colombia - Europa - Estaos Xuníos CGTD, Central Xeneral de Trabayadores Democráticos CIDH, Comisión Interamericana de Drechos Humanos CIMA, Comité d'Integración del Macizu Colombianu CNA, Coordinador Nacional Agrariu COSPACC, Corporación Social pa l'Asesoría y Capacitación Comunitaria CUT, Central Unitaria de Trabayadores ECOPETROL, Empresa Colombiana de Petroleu 59


ELN, Exércitu de Lliberación Nacional ESMAD, Escuadrón Móvil Antialborotos de la Policía Nacional FARC, Fuercies Armaes Revolucionaries de Colombia FCSPP, Fundación Comité de Solidaridá colos Presos Políticos FENSUAGRO, Federación Nacional Unitaria Agropecuaria INPEC, Institutu Penitenciariu y Carcelariu LGBT, lesbianes, gais, bisexuales, transexuales ONIC, Organización Nacional Indíxena de Colombia PIB, Brigaes Internaciones de Paz SIJIN, Policía Xudicial SINALTRAINAL, Sindicatu Nacional de Trabayadores de la Industria d'Alimentos SINPABOL, Sindicatu de Pequeños Llabradores de Bolívar SINTRAUNICOL, Sindicatu Nacional de Trabayadores de les Universidaes de Colombia SUDEB, Sindicatu Únicu d'Educadores de Bolívar USO, Unión Sindical Obrera de los Trabayadores de la industria del petroleu

60


ANEXOS

6.2. ORGANIZACIONES Y PERSONAS ENTREVISTADAS Fensuagro Andas FCSPP Unidad Democrática Alejandra Barrios-Veeduría Electoral. Domingo Tovar-Derechos Humanos CUT Colombia Miguel Antonio Caro-ejecutiva nacional CUT Comisión Ínter eclesial de Justicia y Paz. Abogado Ramiro Orejuela. Comité Distrital de Derechos Humanos de la Personería de Bogotá Veeduría Electoral: análisis de León Valencia, Teófilo Vázquez, Alvaro Villarraga. Comité Permanente de Defensa de los Derechos Humanos Polo Democrático Alternativo. SINALTRAINAL Defensor Nacional del Pueblo Fiscal General de la República Diócesis de Barrancabermeja. PCC Movimiento Nacional de Víctimas Asociación de Desplazados de Puerto Toledo COSPACC Marcha Mundial de Mujeres. Cárcel Modelo. Cárcel La Picota. Corporación Arco Iris Colectivo de Abogados Alvear Restrepo. Alcalde de Barranquilla Mayor Fredy Navas, responsable de Derechos Humanos de la Segunda Brigada del Ejército Sargento Jaramillo de la CIPOL de la Policía Barranquilla Oficina Alta Comisionada DDHH ONU Embajador España Ministerio de Interior y Justicia, Programa de Protección Líderes del pueblo indígena Kankuamo ORIVAC 61


CIMA USO Defensor del Pueblo-Barrancabermeja. Red Ecuménica CGTD Anuc-UR Centro Cívico Centro Oriente. Sintraunicol FECODE Organización Femenina Popular Corporación Nación Junta Acción Comunal Jerusalén de Ciudad Bolívar Sintraestatales. Proceso de unidad campesina la Vega. Territorio Libre. ANTHOC Semillas-Colombia-Europa. Comité de padres y madres Universidad del Valle. SINCONTAXCAR SINPABOL Sintraemdes Varios familiares de asesinados, entre ellos la esposa y la hija de Luciano Romero Red Ecuménica Organizaciones Sociales de Arauca CUT Barrancabermeja ANMUCIC Asociación de Mujeres trabajadoras afro colombianas y mestizas Corporación Escuela Simón Rodríguez Proyecto Semillas de Derechos Humanos Organización Femenina Popular Comunidad Campesina La Miel de Ibagué

62

Profile for Soldepaz Pachakuti

II Informe Colombia (asturiano)  

INFORME SEGUNDA VISITA ASTURIANA PA PESCUDAR LA SITUACIÓN DE LOS DRECHOS HUMANOS EN COLOMBIA, 2006

II Informe Colombia (asturiano)  

INFORME SEGUNDA VISITA ASTURIANA PA PESCUDAR LA SITUACIÓN DE LOS DRECHOS HUMANOS EN COLOMBIA, 2006

Advertisement

Recommendations could not be loaded

Recommendations could not be loaded

Recommendations could not be loaded

Recommendations could not be loaded