Árbæjarblaðið Árbæjarblaðið
1. tbl. 24. árg. 2026 janúar Fréttablað íbúa í Árbæjarhverfi
Bifreiðaverkstæði Grafarvogs - sjá bls. 8, 9 og 10
Allar almennar bílaviðgerðir
Mikið stuð var að venju á Herrakvöldi Fylkis og Fylkismenn skemmtu sér konunglega.
Árbæjarblaðið Árbæjarblaðið
tÚtgefandi: Skrautás ehf. Netfang: abl@skrautas.is
Ritstjóri og ábm.: Stefán Kristjánsson.
Ritstjórn: Símar 698–2844 og 699-1322.
Netfang Árbæjarblaðsins: abl@skrautas.is
Útlit og hönnun: Skrautás ehf.
Auglýsingar: 698-2844 og 699-1322 - Stefán Kristjánsson - abl@skrautas.is
Prentun: Landsprent ehf.
Ljósmyndarar: Katrín J. Björgvinsdóttir.
Dreifing: Póstdreifing.
Árbæjarblaðinu er dreift ókeypis í öll íbúðarhús í Árbæ, Ártúnsholti, Grafarholti og Norðlingaholti.
Miklir möguleikar á EM
Enn einn ganginn er allt orðið vitlaust á Íslandi þegar íslenska landsliðið í handknattleik er að etja kappi við bestu lands-lið heims á stórmóti. Strákarnir okkar hafa verið stórkostlegir í leikjum sínum gegn Ítalíu, Póllandi og Ungverjalandi. Þegar þetta er skrifað er leikurinn gegn Króatíu eða Svíþjóð innan seilingar en Ísl-and leikur einnig gegn Slóveníu og Sviss í milliriðlinum.
Úrslitaleikurinn í F-riðli gegn Ungverjum var spennutryllir frá fyrstu mínútu og ekki fyrir hjartveika að horfa á atganginn. Lengi vel í fyrri hálfleik leit út fyrir að gjörsamlega vanhæfir dómarar frá Norður Makedóníu myndu fara með leikinn fyrir okkur en okkar menn svöruðu arfaslakri dóm-gæslu inn á vellinum á stórkostlegan hátt.
Sérstaklega Viktor Gísli Hallgrímsson markvörður og Gísli Þorgeir
Kristjánsson sem báðir sýndu stórkostleg tilþrif. Framundan eru miklir spennuleikir og mikil handbolta- veisla sem öll íslenska þjóðin tekur þátt í. Þúsundum saman flykkjast Íslendingar á leikina og veita okkar mönnum ómetanlegan stuðning. Er nú svo komið að ekki eru lengur til miðar á leikina í milliriðlinum og enga flugmiða að fá hjá Icelandair lengur. Allt uppselt.
Snorri Steinn Guðjónsson er að gera frábæra hluti með íslenska liðið sem virðist vera mun sterkara í dag en á síðustu stórmótum. En það eru skakkaföll í gangi. Elvar Örn Jónsson leikur ekki fleiri leiki á mótinu vegna meiðsla en hann meidd-ist illa á hendi í fyrri hálfleik gegn Ungverjum. Þetta er sérstaklega slæmt fyrir varnarleik íslenska liðsins. Þá er stórskyttan Þorsteinn Leó Gunnarsson enn meiddur en von-andi getur hann leikið með liðinu í einhverjum leikjum í milliriðlinum. Fleiri íslenskir þjálfarar eru að gera það gott á EM og þeir Dagur Sigurðsson og Alfreð Gíslason eru komnir með Króatíu og Þýskaland í milliriðlana. Við Íslendingar erum ekki á flæðiskeri staddir hvað þjálfara í heimsklassa varðar. Framundan eru spennandi tímar í íslenskum handbolta. Vissulega möguleikar á að gera frábæra hluti en í afar mikilvægum leikjum þar sem spennan og kröfurnar eru langt yfir meðallagi er ekkert pláss fyrir mistök. Við vonum það besta en verðum að reyna að halda okkur á jörðinni. Stefán Kristjánsson
Reykjavíkurborg þarf að standa við gerða samninga
- eftir Björn Gíslason formann Fylkis
Árið 2017 gerðu Íþróttafélagið Fylkir og Reykjavíkurborg umfangsmikinn og skýran samning um svokallaðar Hraunbæjarlóðir. Samningurinn fól í sér að borgin fengi lóðirnar til íbúðabyggðar, en á móti skyldi Fylkir fá nýjan aðalvöll, fjármuni til að ljúka áhorfendastúkunni og hlutdeild í lóðaverði til frekari uppbyggingar aðstöðu félagsins.
Síðan þá hafa verið byggðar yfir 200 íbúðir á þessum lóðum og Reykjavíkurborg hefur selt allar lóðirnar sem samningurinn tók til. Þrátt fyrir það stendur eftir eitt grundvallaratriði: Borgin hefur ekki gert upp við Fylki samkvæmt samningnum.
Aðalstjórn Fylkis hefur ítrekað átt samtöl og fundi með borgaryfirvöldum um að klára þetta uppgjör. Því miður hefur lítið þokast í málinu og ef engar breytingar verða er staðan sú að félagið telur sig ekki eiga annan kost en að leita réttar síns fyrir dómstólum. Það er alvarleg staða og algjörlega óþarft ef vilji er til að standa við skrifleg loforð. Starfshópur borgarinnar lagði til að Fylkir fengi Höfðahverfið Í tengslum við samninginn skipaði Reykjavíkurborg sérstakan starfshóp árið 2019 með fulltrúum frá skrifstofu eigna og framkvæmda, ÍBR, Íþrótta- og tómstundaráði og Fylki. Hópurinn vann mjög faglega og fór yfir allt sem snýr að framtíðaruppbyggingu aðstöðu félagsins.
Niðurstöður hópsins voru skýrar:
• Bæta þyrfti verulega aðstöðu við Fylkisveg og í Norðlingaholti.
• Höfðahverfið væri eini raunhæfi stækkunarmöguleiki Fylkis til framtíðar.
Skýrslunni var skilað til Reykjavíkurborgar og borgarstjóra í ágúst 2019 og var mikil ánægja með vinnuna.
Borgin fór gegn eigin tillögum rétt fyrir kosningar Þrátt fyrir niðurstöður starfshópsins
ákvað Reykjavíkurborg árið 2022, skömmu fyrir kosningar, að úthluta Höfðahverfi til Þróttar/Ármanns. Sú ákvörðun var tekin þvert á þau faglegu tilmæli sem starfshópur borgarinnar sjálfrar lagði fram og sem Fylkir hafði gert ráð fyrir í sínum áætlunum. Fylkir mótmælti þeirri ákvörðun harðlega strax í upphafi og hefur síðan krafist þess að málið verði tekið til endurskoðunar og að farið verði í viðræður á þeim forsendum sem skýrslan frá 2019 byggði á, skýrslu sem borgin sjálf stóð að ásamt félaginu. Fylkir er eitt fjölmennasta og öflugasta íþróttafélag landsins, með gífurlega mikilvægt hlutverk í Árbæ, Norðlingaholti og nágrannahverfum. Á hverju ári fjölgar börnum og ungmennum í starfinu og þörfin fyrir trausta aðstöðu verður sífellt brýnni.
Félagið biður ekki um neitt umfram það sem samið var um árið 2017. Við biðjum aðeins um að Reykjavíkurborg, standi við gerða samninga, ljúki uppgjörinu vegna Hraunbæjarlóða og fari í málefnalegar viðræður á grundvelli faglegra niðurstaðna starfshóps borgarinnar.
Það er kominn tími á að taka þetta mál föstum tökum. Með því tryggjum við sterka framtíð Fylkis og áframhaldandi öflugt íþróttastarf fyrir íbúa hverfisins. Björn Gíslason, formaður Fylkis
Björn Gíslason er formaður Fylkis.
Ljúfur og kryddaður morgunmatur
- frábær réttur sem vert er að prófa
Morgunmaturinn er af mörgum talinn mikilvægasta máltíð dagsins.
Ljúfur og kryddaður morgunmatur fyrir þá sem vilja hafa sem minnst fyrir morgunmatnum og græja hann kvöldinu áður og fá kaffibollann með morgunmatnum og fá þannig góða orku inn í daginn ásamt trefjum og próteinmettandi og næringarríkur morgungrautur
Innihald:
½ bolli hafrar.
1 espresso hazelnut Sjöstrand kaffi eða annað sambærilegt gott kaffi.
2 msk. hampfræ. 1/4 bolli mjólk.
1 bolli grísk jógúrt með kaffi og súkkulaði bragði. 1–2 tsk. hunang eða önnur sæta. Smá kakóduft og nokkrar saxaðar heslihnetur til að toppa.
Aðferð: Blandið öllu nema kakóduftinu vel saman í litla skál og hrærið vel. Toppið með örlitlu kakódufti og söxuðum heslihnetum.
Verði ykkur að góðu, Kristjana Steingrímsdóttir (Jana) jana.is - instagram.com/janast
Spönginni Grafarvogi
Ljúffengur morgunmatur frá Jönu.
Kristjana Steingrímsdóttir (Jana).
Keiluhöllin Egilshöll hefur allt frá árinu 2012 verið einn vinsælasti afþreyingarstaðurinn á höfuðborgarsvæðinu. En á sama tíma heimili og höfuðvígi
keiluíþróttarinnar sem nýtur stöðugra og vaxandi vinsælda hérlendis. Keilusalurinn í Keiluhöllinni er með stærri keilusölum í Evrópu og er vottaður
Pizzurnar í Keiluhöllinni eru ótrúlega góðar. Shake&Pizza sérhæfir sig í hágæða pizzum og einstöku úrvali mjólkur-hristinga.
keppnissalur með 22 keilubrautum af fullkomnustu gerð. Í Keiluhöllinni á Keilusamband Íslands aðsetur sitt og þar hefur íþróttin aðsetur, bæði til æfinga og keppni. Það er til marks um gæði Keiluhallarinnar sem keppnissalar að fjölmörg alþjóðleg keilumót hafa verið
haldin þar ásamt öllum innanlandsmótum á vegum Keilusambands Íslands.
Sportbarinn með stærsta Led skjá landsins
Sportbarinn í Keiluhöllinni hefur í áraraðir verið samastaður ástríðufullra
Gæludýraþáttur í boði Dýrabæjar í
Spöng:
Regluleg hreyfing skiptir öllu máli
Í janúar þurfa hundar og kettir oft smá aukastuðning, alveg eins og við mannfólkið. Kuldinn, styttri dagar og minni hreyfing geta haft áhrif á orku, meltingu og liðleika. Bætiefni hjálpa líkamanum að halda jafnvægi og styðja við náttúruleg ferli sem skipta máli yfir veturinn. Rétt eins og við þurfum vítamín og steinefni til að dafna, þurfa gæludýrin okkar næringarríkan stuðning sem hentar þeirra líkamsstarfsemi. Við hjá Dýrabæ höfum tekið saman nokkra hluti sem er gott að huga að á nýju ári til að hjálpa dýrunum okkar að vera heilbrigð og hamingjusöm.
Brilliant Salmon Oil, eða Brillant Laxa Olían er sérstaklega góð á þessum tíma árs. Hún er rík af ómega 3 og ómega 6 fitusýrum sem styðja húð og feld, draga úr þurrki og kláða, bæta liðheilsu og styðja hjarta og æðakerfið. Fyrir mörg dýr er þetta einföld leið til að bæta bæði vellíðan og útlit á köldum mánuðum.
Fyrir þau sem þurfa að létta sig eftir hátíðarnar eru Fat Dog Slim og Fat Cat Slim fórðið frá Barking Heads og Mewing Cats einstaklega góðar lausnir. Fóðrið er hannað til að styðja við þyngdarstjórnun án
þess að skerða næringu eða bragðgæði. Formúlurnar innihalda trefjar sem stuðla að mettun, prótein sem halda vöðvamassa stöðugum og rétt stillt orkujafnvægi sem hjálpar dýrinu að léttast á öruggan og stöðugan hátt. Þetta er mild leið til að koma líkamanum aftur í gott jafnvægi án þess að dýrið upplifi hungur eða streitu.
Chewllagen beinin eru svo frábær viðbót fyrir hvern einasta hund. Þau eru unnin úr kollageni sem styður liðheilsu, styrkir sinar og brjósk og getur hjálpað eldri hundum að halda betri hreyfigetu. Kollagenið er líka
gott fyrir meltinguna og húðina, og beinin eru náttúruleg, próteinrík og henta vel sem hollt tygg sem heldur hundinum uppteknum og ánægðum.
Að lokum skiptir regluleg hreyfing öllu máli. Göngutúrar, leikur og örvun halda líkamanum virkum og huga hamingjusömum. Með góð matarræði, réttum bætiefnum og daglegri hreyfingu fer árið af stað á réttum nótum fyrir alla loðna fjölskyldumeðlimi. Við hjá Dýrabæ getum aðstoðað ykkur við að finna rétta næringu og bætiefni fyrir ykkar gæludýr í næstu Dýrabæjar verslun eða á Dýrabær.is
áhugamanna um knattspyrnu og aðrar íþróttir, er jafnframt heimili Dr. Football, þar sem hann heldur þar mánaðarlega sín vinsælu Pub Quiz. Doktorinn sjálfur, Hjörvar Hafliðason, er jafnframt brand ambassador Keiluhallarinnar þegar kemur að knattspyrnu. Fyrir skemmstu vígði Sportbarinn í Keiluhöllinni tvo nýja og stórglæsilega risaskjái sem beðið hefur verið eftir með óþreyju um allnokkurt skeið. Stærri skjárinn er engin smásmíði, heilir 7 metrar að lengd og tæpir 2 metrar á breidd og er þeim eiginleikum gæddur að geta sýnt frá mörgum viðburðum samtímis.
Pílusvæðið Sportbarsins hefur einnig verið endurnýjað og stækkað, sem gerir fleirum kleift að njóta aðstöðunnar og reyna fyrir sér í pílukasti.
Sportbarinn er jafnframt vettvangur fastra fimmtudagsviðburða sem njóta ótrúlegra vinsælda. Má þar nefna spurningaleikinn Svara Bara, Dr. Football Pub Quiz og Partýbingó Evu Ruzu og Hjálmars.
Fyrsti gæðavottaði Sportbar landsins Í tilefni af komu nýja risaskjásins, ákvað Dr. Football að veita Sportbarnum sérstaka gæðavottun sem gerir hann að fyrsta Dr. Football gæðavottaða Sportbar landsins. ,,Ég hef lengi haft ambisjónir um að færa mig meira yfir í eftirlits- og gæðavottunariðnaðinn enda gef ég engan afslátt þegar kemur að knattspyrnuáhorfi. Nú er það orðið að veruleika. Þegar Jói og félagar í Keiluhöllinni vígðu nýja risaskjáinn þá var ljóst að þeir höfðu uppfyllt öll skilyrði til þess að hljóta, fyrstir Sportbara, hina virtu gæðavottun Dr. Football. Gæðavottunin byggir á nokkrum lykilbreytum og má þar nefna urrandi stemningu, breidd í drykkjaúrvali, lifandi og skemmtilega þjónustu, glatt starfsfólk og framúrskarandi bílastæða aðgengi. En það er vissulega nýi skjárinn sem að ýtir þeim yfir marklínuna og siglir þessu heim,” segir Hjörvar Hafliðason, Dr. Football.
Shake&Pizza - heimili fjórðu bestu pizzu í heimi
Pizzuelskandi Íslendingar þekkja
Shake&Pizza í Keiluhöllinni. Þessi framsækni pizzastaður á heimili sitt inni í Keiluhöllinni og fæðir viðskiptavini keilunnar, Sportbarsins og þeirra sem koma einfaldlega út að borða í glæsilegum veitingasalnum. Shake&Pizza sérhæfir sig í hágæða pizzum og einstöku úrvali mjólkur-hristinga. Nú nýverið frumsýndi
Shake&Pizza nýjan kjúklingamatseðil þar sem hægt er að velja um nýjar tegundir af kjúklingavængjum og kjúklingalundum sem eru bornar fram í himneskum sósum og má þar nefna Buffalo Hot, Býfluguna, Cobra Kaí og Honey Butter Lemon Fire.
Það er alltaf líf og fjör í Keiluhöllinni og þar eru í boði fjölbreyttir og skemmtilegir viðburðir og fólk á öllum aldri skemmtir sér konunglega.
Herrakvöld Fylkis 2026
Herrakvöld Fylkis var á sínum stað á bóndadaginn og var uppselt á skemmtunina og þótti hún takast afar vel eins og venja er til.
Gísli Einarsson var veislustjóri að
venju og stýrði samkundunni með harðri hendi að venju.
Málverkauppboðið var á sínum stað og skemmtikraftar fóru á kostum.
Þorramaturinn rann ljúft niður í
veislugesti og þeir sem fá betri mat en þorramat gæddu sér á bestu villibráð í heimi, íslenska lambakjötinu. Vel heppnað kvöld og allir skemmtu sér vel.
Spönginni
yfi
70 ár fir tfararþjónusta N NGI I R H AR SÓL AN L AL M U N Ó J Þ Ð I V f t u | utfor@utfor.is | 551 1266 s. | Fossvogi | esturhlíð 2 V NN .isfor.
Signý Lára og Ásgeir best
hjá Fylki á árinu
Íþróttafélagið Fylkir heiðraði
íþróttafólk sitt fyrir árið 2025 á árlegu jólakaffi félagsins sem haldið var föstudaginn 19. desember. Þar komu íþróttafólk, sjálfboðaliðar, félagsfólk og starfsmenn saman og fögnuðu árinu sem nú er að líða.
Viðburðurinn var vel sóttur og voru veittar viðurkenningar til þeirra sem þóttu standa framúr á árinu, auk þess sem heiðursverðlaun voru veitt til
félagsfólks og sjálfboðaliða sem hafa lagt gríðarlega vinnu í þágu félagsins.
Íþróttakarl og íþróttakona Fylkis árið 2025 voru þau Ásgeir Eyþórsson og
Signý Lára Bjarnadóttir, en bæði koma þau frá Knattspyrnudeild Fylkis og leika með meistaraflokkum félagsins.
Ásgeir Eyþórsson er reynslumesti og leikjahæsti leikmaður í sögu Knattspyrnudeildar Fylkis. Hann hefur
2025
leikið allan sinn feril með Fylki og hefur alls spilað 393 leiki fyrir meistaraflokk félagsins, þar af 188 í efstu deild.
Signý Lára er uppalin í Árbænum og gegndi á yfirstöðnu tímabili hlutverki fyrirliða meistaraflokks kvenna í knattspyrnu. Hún var einn af lykilmönnum liðsins og er þekkt fyrir mikinn metnað, óbilandi vinnusemi og að gefast aldrei upp.
Frá vinstri: Hörður Guðjónsson, framkvæmdastjóri Fylkis, Signý Lára Bjarnadóttir, íþróttakona ársins 2025, Ásgeir Eyþórsson, íþróttakarl ársins 2025 og Björn Gíslason, formaður Fylkis.
Rofabæ og Bæjarháls
til vegs og virðingar
Nú hefur hverfisskipulag Árbæjar legið fyrir í nokkur ár en hverfisskipulagið er hljóðlát lýðræðisbylting sem gengur út á að auka jafnræði og fyrirsjáanleika um skipulagsheimildir. Þær auðvelda íbúum að bæta sitt umhverfi á einfaldan og aðgengilegan hátt þar sem skilgreint hefur verið og heimilað fyrirfram hvað megi og hvað ekki. Dæmi um þessar heimildir er að koma fyrir aukaíbúðum í bílskúrum.
FJARLÆGJUM STÍFLUR
Hreinsum brunna • rotþrær • niðurföll
þakniðurföll • 昀tuskiljur • olíuskiljur • lagnir
Staðsetning lagna og dýptarmælingar
Þekking og áratuga reynsla
VALUR H ELGASON ehf.
Sími 896 1100 & 568 8806 • www.sti昀a.is Er
Samhliða hverfisskipulaginu stendur til að smám saman bæta borgarumhverfið. Fyrir liggur hönnun að umbreytingu hluta Rofabæjar og Bæjarbrautar í fallega borgargötu. Með aðlaðandi yfirborði, gróðri, notalegrii lýsingu, frábærum göngu- og hjólastígum, útilistaverki, umferðaröryggisaðgerðum til að lækka hraða og skapa öruggari gönguleiðir skólabarna ásamt vísi að skemmtilegu hverfistorgi sem myndi prýða hjarta Árbæjarins og vera bakteppi iðandi mannlífs. Hugmyndin er að Rofabærinn allur verði að myndarlegri
borgargötu til framtíðar litið. Ég beitti mér fyrir endurhönnun þessa svæðis vegna þess að mér fannst mikilvægt að sýna úthverfum borgarinnar alúð. Ég sem er uppalin í
Árbænum upplifði sem barn að strunsa þessa leið til og frá Árbæjarskóla og þekki mikilvægi þess að bæta þarna öryggi, draga úr hraðakstri og gera umhverfið grænna, barnvænna og blómlegra. Þetta svæði getur þróast og dafnað sem hverfishjarta í tengslum við þá góðu þjónustu sem fyrir er, milli kirkjunnar, skólans og verslunarkjarnans. Með metnaðarfyllri umbreytingu sem þarf að hefja sem allra fyrst.
Að fjárfesta í torgum, almenningsrýmum og borgargötum skiptir máli. Það eykur öryggi fyrir börn og fullorðna og gerir umhverfið skemmtilegra þannig að fólk vill staldra við sem styður við aukin tengsl, samveru og leik. Þannig aukast lífsgæði og samfélagið í hverfunum styrkist.
Dóra Björt Guðjónsdóttir Borgarfulltrúi Samfylkingarinnar og frambjóðandi í 3.-4. sæti í forvali Samfylkingarinnar fyrir borgarstjórnarkosningarnar
Dóra Björt Guðjónsdóttir.
Árbæjarblaðið Heilsa
Nýtt ár - gömul markmið?
Það hefur lengi verið hefð fyrir því að setja áramótaheiti í upphafi nýs árs. Það er ágætt að setja sér áramótaheiti, eins og margir kannast við, þá förum við mörg hver full af eldmóði inn í nýtt ár með heitið í huga, en svo á metnaðurinn til með að dvína þegar líður á.
Eflaust kannast einhver ykkar við það að setja sama eða svipað heiti ár eftir ár. Þá er eitthvað í ferlinu ekki að virka, við erum ekki að ná árangri með áramótaheitin með þessum hætti.
Ég er hér til að hvetja þig til að gera öðruvísi áramótaheit þetta árið. Hvernig væri að skrifa niður lista yfir hluti sem þú vilt gera á árinu framundan? Það má skrifa niður fleiri en eitt atriði og svo velja topp fimm til að byrja á. Þetta gætu verið atriði eins og að: fara í utanlandsferð á stað sem þig hefur lengi langað, hlaupa í einu utanvegahlaup næsta sumar eða geta lyft eigin þyngd í réttstöðulyftu innan ársins. Allt ofantalið er það sem má kalla frammistöðu drifin markmið. Markmið sem leiðir þig á þann stað að getir gert eitthvað sem þú gast ekki áður. Þú þarft til dæmis kannski að hefja reglulegan sparnað til að komast í útlandaferðina og til að geta gert réttstöðu, þarftu að æfa lyftingar reglulega.
Það eru líka til annars konar markmið, svokölluð hegðunarmarkmið, þau gætu til dæmis verið að: borða að minnsta kosti þrjá skammta af grænmeti á dag, mæta í ræktina þrisvar í viku eða fara í tvo göngutúra yfir vikuna.
Þessi markmið henta vel þeim sem vita að breytt hegðun muni hafa góð áhrif á líf og lífsgæði - en langar ekki endilega að fara í utanvegahlaup og hafa ekki áhuga, eins og er, á frammistöðu tengdum markmiðum í ræktinni.
Það sem mestu máli skiptir er að markmiðið sem þú velur, henti þér og að skrefin að þeim séu einföld og það sé eitthvað sem þig raunverulega langar að gera.
Segjum sem svo að þú ætlir að setja þér markmið að mæta í ræktina þrisvar í viku, þá er líklega best fyrir þig að velja rækt sem er nálægt heimili þínu eða er í leiðinni fyrir þig þegar þú ferðast til og frá vinnu til dæmis. Hreyfingin þarf líka að vera nógu skemmtileg og passlega krefjandi til að þú getir hugsað þér að mæta aftur og aftur.
Þegar þú stendur við markmiðin þín, þá gerast líka góðir hlutir innra með þér. Að standa við eigin loforð gagnvart
Við mælum með að kíkja við í þjálfunarstöðinni Metabolic Reykjavík, þar færðu fyrstu tvær vikurnar í þjálfun alveg fríar og getur þannig mátað æfingarnar á eigin skinni án allra skuldbindinga.
sjálfum sér er mjög sjálfseflandi.
Ef þú veist ekki hvar þú átt að byrja í heilsutengdu markmiðunum þínum, mæli ég með að kíkja við í þjálfunarstöðinni Metabolic Reykjavík, þar færðu fyrstu tvær vikurnar í þjálfun alveg fríar og getur þannig mátað æfingarnar á eigin skinni án allra skuldbindinga.
Eygló Egils, eigandi hjá Metabolic Reykjavík
Láttu
okkur
sjá
um
eynslu 5 ára þekkingu og r ið erum með 2 V
faasteigna. ekstrar í þjónustu við húsfélög og r
s 800 erum þér tilboð! yrðu í okkur og við g He a@eignaumsjon.i t að senda póst á thjonust innig er hæg E linu. 4800 eða á netspjal - glega; í síma 585 og örug tt yrirspurnum hra erið okkar svarar f Þjónustuv
Sími 585 4 | Reykjavík ut 30 Suðurlandsbra félög f umsjon is eigna
eignaumsjonis
Bikarleikur gegn Fram 1974
Myndin sýnir lið Fylkis í bikarleik gegn Fram á Laugardalsvelli 1974. Framarar voru ríkjandi bikarmeistarar en Fylkismenn léku í þriðju efstu deild á þessum tíma, en þjálfari liðsins var Theodór Guðmundsson. KGG
Bæta
Kjartan Magnússon. - eftir Kjartan Magnússon
Götulýsingu hefur verið ábótavant í flestum hverfum Reykjavíkur undan-farna vetur vegna ónógs viðhalds. Fjölmargir ljósastaurar eru óvirkir og dæmi um að þeir hafi verið það vikum, mánuðum og jafnvel árum saman. Margar kvartanir hafa borist frá íbúum í Árbæjarhverfum vegna óvirkra ljósastaura og lélegrar gatnalýsingar af þeim sökum. Mikilvægt öryggismál
Hef ég margoft tekið málið upp á vettvangi borgarstjórnar og lagt til að bætt verði úr með peruskiptum og/eða viðgerðum á óvirkum ljósastaurum í
einstökum götum eða jafnvel heilu hverfunum. Er undarlegt að viðhaldi ljósataura sé svo illa sinnt að borgarfulltrúar þurfi að flytja sérstakar tillögur um einföld peruskipti eða minni háttar viðgerðir. Slíkt ástand afhjúpar arfaslaka verkstjórn vinstri meirihlutans í borgarstjórn. Gatnalýsing á að vera í lagi enda er hún mikilvægt öryggismál. Léleg lýsing hefur óþægindi og hættur í för með sér fyrir vegfarendur, ekki síst gangandi og hjólandi. Þá er óviðunandi að lýsing sé slæm þegar kvörtunum fer fjölgandi um kynbundna áreitni og ofbeldi á götum úti. Léleg gatnalýsing gefur misindismönnum tækifæri til myrkraverka Margar ábendingar úr Árbæ Borgarfulltrúar Sjálfstæðisflokksins hafa fengið margar ábendingar frá íbúum í Árbæjarhverfum vegna óvirkra ljósastaura. Á grundvelli þessara ábendinga hef ég flutt tillögur til úrbóta á vettvangi borgarstjórnar. Í desember óskaði ég eftir því að ráðist yrði í peruskipti og/eða viðgerð ljósastaura í Elliðaárdal, Víðidal, Árbæ, Ártúnsholti og Seláshverfi. Vettvangs-ferð leiddi eftirfarandi í ljós:
• Á Árbæjarstíflu logaði ljós á einum lampa en fjórtán voru óvirkir. Að auki voru flestir ljósastaurar óvirkir á kafla á syðri bakkanum, frá stíflunni vestur að Höfðabakkabrú.
• Ljósastaurar voru óvirkir á kafla á göngustíg fyrir neðan Laxakvísl í Ártúnsholti. Þá voru götulampar óvirkir á
kaflanum milli Höfðabakkabrúar og Bæjarháls, n.t.t. við biðstöðvar strætisvagna sem þar eru.
• Fjöldi ljósastaura var óvirkur á gönguleið austan Vatnsveitubrúarinnar, fyrir neðan Klapparás, Sauðás og Vesturás.
• Um tuttugu ljósastaurar voru óvirkir við brýrnar yfir Dimmu upp undir Breiðholtsbraut og á göngu-leiðum frá þeim til vesturs.
• Þá var töluvert um óvirka ljósastaura í Fiskakvísl, Bröndukvísl og Urriðakvísl. Í janúar flutti ég tillögu um að ráðist yrði í viðgerð götulampa við Brekkna-ás, Vatnsveituveg, Selásbraut og leik-skólann Blásali. Vettvangsferð leiddi í ljós að allir ljósastaurar við Brekknaás og Vatnsveituveg voru óvirkir, sem og ljósastaurar á Selásbraut milli Brekkna-áss og Breiðholtsbrautar.
Bætt viðhald götulampa
Ofangreindar tillögur mínar hafa annað hvort verið samþykktar eða vísað inn í borgarkerfið til frekari meðferðar. Úrbætur hafa verið gerðar í einhverjum tilvikum en í öðrum hafa þær látið á sér standa. Borgarstjórnarkosningar verða 16. maí næstkomandi. Sjálfstæðisflokk-urinn leggur áherslu á stórbætta gatnalýsingu í borginni og að brugðist verði við ábendingum íbúa um óvirka ljósastaura innan þriggja virkra daga. Íbúum er velkomið að senda mér ábendingar um óvirka ljósastaura eða um annað sem betur má fara á netfangið kjartan.magnusson@reykjavik.is
ljósastaurar óvirkir við Brekknaás og Vatnsveituveg.
Fréttamolar frá kirkjustarfinu
Helgihald í Árbæjarkirkju 25. janúar - 19. febrúar
Sunnudaginn 25. janúar: Guðsþjónusta kl. 11:00 Kór Árbæjarkirkju syngur undir stjórn Guðmundar Sigurðssonar organista. Sr. Bjarki Geirdal Guðfinnsson prédikar og þjónar fyrir altari. Kaffi og spjall eftir stundina. Íþrótta-sunnudagaskólinn er á sama tíma í safnaðarheimilinu í umsjá Aldísar Elvu Sveinsdóttur æskulýðsfulltrúa.
Sunnudaginn 1. febrúar: Guðsþjónusta kl. 11:00 Kór Árbæjarkirkju syngur undir stjórn Guðmundar Sigurðssonar organista. Sr. Þór Hauksson prédikar og þjónar fyrir altari. Kaffi og spjall eftir stundina. Íþróttasunnudagaskólinn er á sama tíma í safnaðarheimilinu í umsjá Aldísar Elvu Sveinsdóttur æskulýðsfulltrúa.
Sunnudaginn 8. febrúar: Fjölskylduguðsþjónusta kl. 11.00. Söngur og biblíusaga. Leikhópurinn Lotta mætir á svæðið. Aldís Elva, sr. Þór og Aðalheiður sjá um stundina. Verið öll hjartanlega velkomin.
Sunnudaginn 15. febrúar: Guðsþjónusta kl. 11:00. Kór Árbæjarkirkju syngur undir stjórn Guðmundar Sigurðssonar organista. Sr. Þór Hauksson prédikar og þjónar fyrir altari. Kaffi og spjall eftir stundina. Íþrótta-sunnudagaskólinn er á sama tíma í safnaðarheimilinu í umsjá Aldísar Elvu Sveinsdóttur æskulýðsfulltrúa.
Barnastarfið: Það er líf og fjör í barnastarfi Árbæjarkirkju í vetur og ættu allir krakkar að finna eitthvað við sitt hæfi. Það hefur löngum verið mikill metnaður að halda úti öflugu barna- og unglingastarfi í söfnuðinum.
Tilgangurinn með starfinu er að kenna börnunum í gegnum sögur, söngva og leiki um kristna trú og siðfræði, gera hjálparstarfsverkefni og margt
fleira. Skrá þarf sérstaklega börnin í STN (6-9 ára) og TTT-starf (10–12 ára). Allt barna- og unglingastarf á vegum Árbæjarkirkju er ókeypis. 1. – 3. bekkur. STN Þriðjudagar kl. 15:00 – 16:00 4. -7. bekkur. TTT Þriðjudagar kl. 16:00 – 17:00
Allar nánari upplýsingar um barna- og unglingastarf Árbæjarkirkju veitir Aldís Elva Sveinsdóttir á netfangið:aldiskvaran@gmail.com
Fullorðinsstarf - Opið hús – félagsstarf fullorðinna Opið hús er í safnaðarheimili Árbæjarkirkju á miðvikudögum frá kl. 12 til 16 þar sem fólk á öllum aldri kemur saman. Í Opna húsinu er leitast við að bjóða upp á létta og fjölbreytta dagskrá til að sem flestir finni eitthvað við sitt hæfi. Stólaleikfimi hefur notið mikilla vinsælda og er fastur liður í Opna húsinu fyrir þá sem það kjósa. Við fáum líka oft gesti í heimsókn sem hafa eitthvað skemmtilegt fram að færa. Ekki má gleyma haust- og vorferð Opna hússins. Barnastarfið í vetur:
Það verður líf og fjör í barnastarfi Árbæjarkirkju í vetur og ættu allir krakkar að finna eitthvað við sitt hæfi.
Tilgangurinn með starfinu er að kenna börnunum í gegnum sögur, söngva og leiki um kristna trú og siðfræði, gera hjálparstarfsverkefni og margt fleira. Skrá þarf sérstaklega börnin í STN (6-9 ára) og TTT-starf (10–12 ára). Það er gert hér á heimasíðunni. Allt barna- og unglingastarf á vegum Árbæjarkirkju er ókeypis.
1. – 3. bekkur. STN Þriðjudagar kl. 15:00 – 16:00
4. -7. bekkur. TTT Þriðjudagar kl. 16:00 – 17:00
Allar nánari upplýsingar um barna- og unglingastarf Árbæjarkirkju veitir Aldís Elva Sveinsdóttir á netfangið: aldiskvaran@gmail.com
Skoðið nánar á heimasíðu kirkjunnar www.arbaejarkirkja.is
Þér er ekki boðið
Ljósin frá skoteldunum voru varla slokknuð og svifrykið sem fylgdi eftir var enn svifandi yfir hausamótum þeirra sem settu sér áramótaheit að hreyfa sig meira en á liðnu ári, þegar fréttir bárust að embætti forseta vor hafi ekki boðið hinum og þessum á árlegan nýársfagnað embættissins á nýju ári. Þau sem biðu eftir boðskortinu hafa væntanlega beðið heima innan við útidyrnar í sínu fínasta pússi eftir boðsbréfinu sem ekki kom. Ekki skal ég segja að meðlimir hljómsveitarinnar 110 Rottweiler hafi staðið fyrir utan og öskrað lagið sitt sem var vinsælt um árið: „Þér er ekki boðið.“ Það væri alveg við hæfi. Segir mér hugur að þeir sem þar voru nefndir og var ekki boðið hafi verið hæstánægðir með að nöfn þeirra kæmu fram í laginu. Ekki skal ég segja að hamingjan hafi verið á pari við þau sem nefnd voru nöfnum sem gleymdist að bjóða í nýárspartý forsetans. Auðvitað komu fram hinir og þessir sem tóku ómakið af þeim sem ekki var boðið að móðgast fyrir hönd þeirra sem ekki var boðið. Undirritaður tók sig til og las yfir nöfn þeirra sem fengu boðsbréf og væntanlega hnarreist í sínu fínasta mætt á Bessastaði. Ég ætla ekki að segja að ég hafi farið gaumgæfilega yfir boðslistann ekki frekar en eftir á skýring frá forsetaembættinu kom að það hefðu þau betur gert en gerðu ekki - augljóslega, því nokkra ,,fastagesti” vantaði á listann. Milli jóla og nýárs er hefðin á mínu heimili að sækja einhverja sölustaði hjálparsveita að versla skotelda. Það verður seint sagt að fullkomin sátt ríki á heimilinu með þennan verslunarleiðangur sem aftur leiðir hugann, áður en lengra er haldið, að þessum margsagða boðslista forsetaembættisins og þeim sem ekki var boðið. Ég sá ekki neinn fulltrúa hjálparsveita á þessum lista. Ef svo er biðst ég forláts á mistökum mínum að renna ekki tvisvar yfir boðslistann sem
taldi tæplega 600 nöfn. Ég meina að önnur eins mistök hafi verið gerð. Látið mig þekkja það. Það eru til augnablik í lífi fullorðins manns sem maður finnur líkamlega fyrir. Ekki eins og högg eða bakverk, heldur svona innra tog. Smá þrýsting í brjóstinu. Eins konar fyrirboði. Eitt slíkt augnablik er þegar undirritaður stendur í forstofunni, með plastpoka í hendinni, fullan af skoteldum, og heyrir rödd eiginkonunnar úr eldhúsinu: „Ertu kominn?“ Þarna veit ég að næstu klukkutímarnir fara ekki í afslöppun. Skoteldakaup eru nefnilega ekki bara kaup. Þau eru yfirlýsing. Þau eru ákvörðun sem hefur afleiðingar. Fjárhagslegar, tilfinningalegar og stundum heimspekilegar. Og einhvers staðar í þessari keðju ákvarðana stend ég frammi fyrir því að þurfa að réttlæta þetta allt saman fyrir manneskju sem sér heiminn aðeins öðruvísi. Ég segi „réttlæta“ vegna þess að „útskýra“ er of vægt orð. Útskýringar eru hlutlausar. Réttlætingar eru varnarræður. Allt byrjar þetta sakleysislega. Ég fer „bara aðeins að kíkja“. Þetta eru orð sem ætti að banna með lögum í desember. „Bara aðeins að kíkja“ endar aldrei vel. Sérstaklega ekki þegar verið er að styrkja starf björgunarsveita. Það er keyrt fram hjá sölustöðum skotelda. Kannski hægir maður aðeins á sér eða beygir óvart. Bíllinn virðist eiginlega taka ákvörðunina sjálfur. Það er kalt, það er dimmt, það eru ljós, og inni í skúrnum eru menn í vinnugöllum sem líta út fyrir að vita nákvæmlega hvað þeir eru að gera og viljugir að fara út í vetrarbyl hvenær sem kallið kemur. „Góðan daginn,“ segja þeir. „Hvað getum við gert fyrir þig?“ „Bara aðeins kíkja,“ er svarið. Upp í hugann skýst eins og tívolíbomba fortíðar sem springur með látum og heiðskír hugur minn kallar á
mig: Þetta er einu sinni á ári. Þetta er hefð. Þetta er fyrir börnin. Þetta styður gott málefni. Ég er nú ekki að kaupa mikið. Sérstaklega síðasta atriðið er áhugavert. „Ekki mikið“ er mjög teygjanlegt hugtak. Það fer eftir því hver spyr. Hin síðari ár er vinsælt hjá undirrituðum að segja eftir að börnin uxu úr grasi: ,,Þetta er fyrir útlendingana sem koma langt að til að sjá með eigin augum skoteldabrjálæðið.”
Það byrjar á einum pakka. Svo öðrum, „af því hann passar svo vel með hinum“. Svo sé ég eitthvað sem ég „keypti alltaf áður“. Og áður en ég veit af er ég kominn með poka sem þarf að halda á með báðum höndum. Svo kem ég heim. Og þá byrjar leikurinn fyrir alvöru. Eiginkonan sér pokann strax. Það skiptir engu máli hvar ég fel hann. Hún hefur sjötta skilninginn fyrir þessu. Eins konar innbyggðan skoteldaskynjara.
„Hvað er í pokanum?“ spyr hún. Þetta er fyrsta prófið. „Bara smá skoteldar,“ segi ég. Orðið „smá“ fær hér sérstaka meðferð. Það er sagt hratt, mjúkt og með von í röddinni. „Þetta er nú bara fyrir börnin,“ segi ég. Þetta er klassískt. Vandamálið er að börnin eru oft ekki jafn spennt og maður sjálfur. Þau vilja frekar snjallsíma, vinina eða að sofa út á nýársdag. „Þau þurfa nú ekki svona mikið,“ segir eiginkonan. Og hún hefur alveg rétt fyrir sér. En það segi ég ekki upphátt.
Þá er gripið til hefðarinnar. „Áramót án skotelda eru bara ekki áramót,“ segi ég. Þetta er sagt með alvöru í röddinni. Eins og ég sé að tala um eitthvað djúpt, menningarlegt, eitthvað sem tengist þjóðarsálinni á dimmum, köldum morgni vetrar.
Eiginkonan kinkar kolli, en ég skynja að hún er ekki sannfærð. Hún hefur heyrt þetta áður. Hún veit líka að hefðir breytast. Sérstaklega dýrar hefðir. Þegar
allt annað bregst, þá kemur þetta: „Þetta fer allt til björgunarsveitarinnar.“ Og þetta virkar alltaf aðeins. Það er erfitt að vera á móti björgunarsveitum. Þær bjarga fólki. Þær fara út í óveður. Þær eiga nýja bíla sem kosta helling. Eiginkonan andvarpar. „Já, já,“ segir hún. „En það þarf nú ekki að styrkja þær svona mikið.“ Svo líður tíminn. Gamlárskvöld rennur upp. Skoteldarnir eru bornir út eftir Skaupið. Kuldi í kinnum. Lyktin í loftinu. Börn og fullorðnir safnast saman. Og svo er kveikt. Fyrsta sprengjan fer upp. Ljósin. Hljóðið. Augnablik þar sem allir horfa upp. Þar sem enginn talar um kvittanir, verð eða réttlætingar. Og í því augnabliki hugsa ég: Þetta var þess virði. Að minnsta kosti næstum því. Daginn eftir er allt rólegra. Pokar, rusl, smá samviskubit. Eiginkonan segir ekki mikið. Ég þögull. Það ríkir eins konar vopnahlé. Þangað til
sr. Þór Hauksson.
næsta desember. Því þetta mun gerast aftur. Kannski aðeins minna. Kannski aðeins öðruvísi. En ég mun aftur standa í forstofunni, með poka í hendinni, og reyna að finna réttu orðin til réttlætingar skoteldakaupanna. Og líklega mun ég hugsa: Þetta er fyrir öll þau okkur og hin sem standa í forstofu væntinga okkar og heyrum aðeins öskrað í eyru: „Þér er ekki boðið.“
Gleðilegt ár, kæru lesendur. Þór Hauksson
Opna húsið í Árbæjarkirkju alla miðvikudaga
Opna húsið í Árbæjarkirkju alla miðvikudaga kl. 12-16. Þangað eru allir fullorðnir velkomnir og þar er ýmislegt á dagskrá.
Byrjað er með kyrrðarstund í kirkjunni, síðan er léttur hádegisverður á vægu verði (kr. 1500). Að því loknu er hin sívinsæla stólaleikfeimi og svo er spjallað eða einhver gestur mætir í heimsókn.
Endað er á gómsætu síðdegiskaffi. Það þarf ekki að skrá sig sérstaklega og allir eru velkomnir.
Það þarf ekki að skrá sig sérstaklega og allir eru velkomnir.
Helgihald hvern sunnudag kl.11.00
Annan sunnudag hvers mánaðar er Fjölskylduguðsþjónusta kl.11.00
Allt frá stúdíó upp í 昀mm herbergja íbúðir
eirhofdi.buseti.is