13. Unglingalandsmót UMFÍ í Borgarnesi:
Glæsilegt Unglinga 13. Unglingalandsmóti Ungmennafélags Íslands var slitið með glæsilegri flugeldasýningu rétt fyrir miðnætti sunnudaginn 1. ágúst sl. Á bilinu 10–12 þúsund gestir voru búnir að njóta veðurblíðunnar dagana á undan og glæsilegs Unglingalandsmóts. Keppendur hafa aldrei verið fleiri á Unglingalandsmóti, rúmlega 1700 talsins, og skemmtu sér allir hið besta við frábærar aðstæður. Fjöldi unglingalandsmótsmeta var settur á mótinu.
Í sjöunda himni Björn Bjarki Þorsteinsson, formaður unglingalandsmótsnefndar.
Stolt og glöð í hjarta „Við erum afar ánægð með mótið í heild sinni. Við erum stolt og glöð í hjarta,“ sagði Helga Guðrún Guðjónsdóttir, formaður UMFÍ. Hún sagði að lánið hefði leikið við mótið, keppnin sem slík væri búin að ganga mjög vel fyrir sig. „Umgengnin er búin að vera til fyrirmyndar og sannkallaður vináttuandi er búinn að svífa hér yfir vötnum allt mótið. Allt hefur gengið samkvæmt áætlun,“ sagði Helga Guðrún.
12
SKINFAXI – tímarit Ungmennafélags Íslands
Helga Guðrún Guðjónsdóttir, formaður UMFÍ.
„Það er ekki annað hægt en að vera sáttur. Það hafa allir hlutir gengið upp, tímasetningar, öll samskipti og svona mætti lengi telja. Ennfremur höfum átt afar ánægjuleg samskipti við keppendur sem og gesti. Ég er bjartsýnismaður að eðlisfari en mótið fór fram úr mínum björtustu vonum,“ sagði Björn Bjarki Þorsteinsson, formaður unglingalandsmótsnefndar. Hann sagði að veðurguðirnir hefðu verið mótinu afar hagstæðir og það hjálpaði auðvitað mikið til að gera mótið og umgjörðina góða. „Mér finnst líka aðkoma UMFÍ til fyrirmyndar en hreyfingin býr yfir mikilli reynslu í mótshaldi sem þessu og það kemur okkur til góða. Við erum í sjöunda himni,“ sagði Björn Bjarki að lokum.