96. ársþing Ungmennasambands Austur-Húnvetninga:
Ætla að skoða hvert stefna skuli með USAH 96. ársþing Ungmennasambands Austur-Húnvetninga var haldið á Blönduósi 2. mars sl. Um 30–40 fulltrúar voru mættir frá aðildarfélögum sambandsins. Þingið var starfsamt og komu fjölmargar tillögur fram, m.a. tillögur um breytingu á núverandi lögum sambandsins og breytingu á kjöri íþróttamanns USAH sem nú verður valinn ár hvert á milli jóla og nýárs. Þá var reglum um lottóúthlutun sambandsins breytt og þingið samþykkti að fela stjórn að skipa þriggja manna nefnd sem taki að sér að skoða hvert stefna skuli með USAH og hver framtíðarsýn sambandsins eigi að vera. Íþróttamaður ársins hjá USAH var valinn Ólafur Magnússon, hestamaður í Hestamannafélaginu Neista, en Ólafur stóð sig afskaplega vel á síðastliðnu ári. Hvatningarverðlaun USAH, sem eru ný viðurkenning frá sambandinu, hlaut ritnefnd Húnavöku fyrir óeigingjarnt starf fyrir sambandið en ritnefndarmenn ritstýra Húnavökunni í sjálfboðavinnu og hafa verið liðlega 200 ár samtals í ritnefnd. Gefend-
30
ur hvatningarverðlaunagripsins voru fyrrum formenn sambandsins en bikarinn var gefinn á 100 ára afmæli USAH sem var á síðasta ári.
Mikil og góð vinna fer fram innan aðildarfélaga okkar
Mynd að ofan: Til vinstri: Ingiberg Guðmundsson,tók við hvatningarverðlaunum USAH fyrir hönd ritnefndar Húnavöku. Til hægri: Aðalbjörg Valdimarsdóttir, formaður USAH. Mynd til hægri: Ólafur Magnússon, íþróttamaður USAH 2012.
SKINFAXI – tímarit Ungmennafélags Íslands
Að sögn Aðalbjargar Valdimarsdóttur, formanns USAH, voru góðar umræður á þinginu um mörg málefni. „Það er mikil og góð vinna sem fer fram innan aðildarfélaga okkar. Við réðum framkvæmdastjóra í hlutastarf sem hefur reynst okkur afar vel. Við getum ekki annað en verið ánægð og bjartsýn,” sagði Aðalbjörg Valdimarsdóttir, formaður USAH. Þess má geta að USAH fagnaði eitt hundrað ára afmæli á síðasta ári. Stjórn USAH skipa nú þau Aðalbjörg Valdimarsdóttir, formaður, Hafdís Vilhjálmsdóttir, varaformaður, Jóhanna Guðrún S. Magnúsdóttir, gjaldkeri, Sigrún Líndal, ritari, og Guðrún Sigurjónsdóttir, meðstjórnandi.