Taamaattumik Kommuneqarfik Sermersuup Namminersorlutik Oqartussanik suleqateqarluni immikkoortumut Blok P-mut aamma Tuujumut ataatsimoortumik pilersaarusiaqarpoq. Ataatsimut pilersaarusiaq NUNARSUUP QEQQANi // NUUP QEQQANi / MIDT i VERDEN // MIDT i NUUK Dahl aamm Uhre arketekter aamma TNTnuuk A/S siunnersortigalugit suliarineqarpoq. Taakku saniatigut MDH Arkitekter, Fantastic Norway, 42 architects + Regionalassociates. M:ARC, aamma Arkitekti pilersaarusiukkap ineriartorneranut ilanngussaqarput.
Pilersaarutaavoq immikkoortumi 1-5-inik quleriillit 300-nik inissiartallit, suliffeqarfiit pingasut, sammisassaqartitsivik, innuttaasut illuat, ilisimasanik avitseqatigiittarfik, café, ilinniartitsiviusinnaasut, sannaviit, katersugaasivik, mediatek, pisiniarfiit, inuussutissarsiuteqarfiit, pisortanit nunanillu tamanit ingerlatat.