AMERICANAE.
1. AQUARTIA (aculeata).
19
Linn. syst. 130.
(Pl. americ. pict. Tab. 15. Ramus cum flore & fructu.) CAL. Perianthium monophyllum, persistens. Tubus brevis, insundibuliformi-patens. Limbus subquadrifidus, patens : laciniis subrotundis, planis, duabus oppositis minoribus. COR. monopetala. Tubus brevissimus. Limbus quadrifidus : laciniis linearibus, obtusiusculis, planis, patentissimis, calyce longioribus. STAM. Filamenta quatuor, brevissima. Antheræ lineares, erectæ, omnium maximæ, longitudine fere corollæ. PIST. Germen subrotundum, in fundo calycis. Stylus filiformis, totus declinatus, longitudine corollæ. Stigma simplex, PER. Bacca subglobosa, unilocularis. SEM. plura, compressa.
Frutex hic quadripedalis, ramosus, erectus, habitu quodammodo accedit ad Solanum tomentosum. Rami feniores lignosi & glabri armantur aculeis subulatis, brevibus, sparsisque : juniores sunt inermes & tomentosi. Folia habet subovata, integerrima, interdum leviter repanda, tomentosa, incana, alterna, petiolata, pollicaria. Pedunculi uniflori, laterales, solitarii, brevissimique florem sustinent inodorum, corolla candida, calyceque tomentoso, in quo laciniæ minores interdum sunt obsoletæ. Fructus sequitur flavus, nitidus, piselli magnitudine, qui calycis sinui insidet. Fruticem hunc nominavi in honorem amici carissimi, virique eruditi & historiæ naturali addictissimi, Benedicti Aquart, in patria insula Martinica primarios inter negotiationem agentis ; quo in excursionibus Botanicis meis sæpenumero feliciterque usus fui socio, & cui plurimas ad historiam naturalem spectantes res pulcherrimas me debuisse, gratus recordabor semper. Crescit in Domingo ad sinum Bayaha in rupibus fruticosis maritimis. Florentem vidi pariterque fructus maturos ferentem Octobri. I. IXORA (alternifolia) foliis alternis. (Pl. americ. pict. Tab. 16. Ramus cum flore & fructu, Dein semen.) B 2