AMERICANAE.
175
Arbor haec procera atque elegans comam gerit amplissimam, ramosam, & saepe umbrosam. Cortex cinereus est & rimosus. Materies est albida, levis, non durabilis, suberibus conficiendis focoque instruendo dumtaxat idonea. Folia funt pinnata, alterna, subfrondosa : costa tereti, pedali: foliolis cum impari ut plurimum octo, ovato-oblongis , abeuntibus in acumen obtusum , glabris, integerrimis, petiolatis , intermediis circiter tripollicaribus, exterioribus utrimque brevioribus. Racemi laxe paniculati, subslavescentes , longitudine foliorum , terminales, Flores numerofissimi, parvi, albidi, fessilesque, calycem habent quinquedentatum acuminatumque ; petala fublanceolata, acuta, & patentissima : antheras eredas ; stigmata compressa ac bilamellata. Fructus in quolibet racemo floribus istis numerofissimis pauciores succedunt, expositi scilicet ob altitudinem frondis ventorum impetibus Sunt hi flavi cum levi interdum mixta rubedine, odorati, tenui pellicula vestiti, volumine ovi columbini, repleti pulpa pauca succulenta & acidula, at nuce praegrandi , a pueris paucisque incolis appetiticollecti in optimum porcorum pabulum. Rami putati terraeque commissi facillime vegetant: unde a nonnullis adhibentur ad instituendas sepes, Una alteraque etiam apud aliquos plantari arbor solet in pascuis, ut confugere in folis fummo aestu sub gratam hujus umbram pecus possit. Gallis & Caribaeis vocatur Mombin, Hispanis Jobo , AnglisHogPlum tree five Prunus porcina. Crescit in Caribaeis omnibus & in vicina Continente. 2. SPONDIAS (Myrobalanus) racemis sparsis ; foliorum costa compressa. Linn. syst. pag. 356, num I. (Pl. americ. pict. Tab. 131. Ramulus florens. Fructus. Nux , eademque transuerse fecta). Spondias diffusa, foliis pluribus minoribus pinnatis, penna compressa fulcata, floribus prascocibus. Brown. jam. 1 , p. 228.
Myrobalanus minor, folio fraxini alato, fructu purpureo. officulo magno fibroso. Sloan. hist. jam. 2, p. 126, t. 219, f. 3, 4 & 5 . Myrobalanus folio fraxini alato, fructu luteo ; officulo magno fibroso. Sloan. hist. jam. 2, p. 125, t. 219. f. 1
& 2.