Liure Premier.
69
ra des querelles d’Allemand que dressoient à tous momens ses confidens , pour exciter du tumulte, & les obliger à faire du carnage ; mais quand il n’y auroit que cette Requeste escrite & signée de sa main, elle estoit seule capable de luy faire son procez. Ie ne sçauois que répondre à toutes ces choses. Il est vray qu’ils nous firent voir cette Requeste , qui m’étonna fort, soit qu’elle fust vraye ou supposée. Pour toutes les autres choses, ie ne pouuois qu’en dire , cela n’estant point venu à ma connoissance , n’ayant iamaiss eu aucun commerce auec eux pour les choses temporelles de la Colonie. Audi je leur dis alors, que c’estoit à eux à se bien iustifier de ce procedé tout extraordinaire. Pour ce qui est du reste, qui estoit assez connu , mesme du vulgaire, l’en sçauois comme les autres. Et pour dire la verité, ie n’ay jamais remarqué qu’il fist grand cas de ses confreres ; il est mesme confiant qu’il les méprisoit , & que quelque honneur qu’on luy rendist , il ne leur en faisoit non plus part que s’il eust esté seul & sans aucuns Associez. Ie n’ay remarqué qu'vne seule chose, où il dit vn mot en leur faueur ; ce fut quand Monsieur le Gouuerneur de Madere luy estant venu rendre visite dans son bord , il luy dit à la sortie , qu’il luy estoit infiniment obligé en son particulier , pour tant de peine qu’il auoit prise, & de l’honneur qu’il luy auoit fait, mais que cét honneur reiallissoit sur ces Messieurs qui estoient ses Associez en cette entreprise , qui ne manqueroient pas de s’en reuancher dans les occasions.
CHAPITRE
XV.
Continuation du voyage iusquà l'arriuée en
l'Isle de Cayenne. E Ieudy 19. Septembre, nostre Pilote ayant pris hauL teur à son ordinaire , trouua que l’on estoit à vn degré trente minutes Nord de l’Equinoxe, & à la longitude de I iij