Page 1


自序 去年九月,朋友介紹我看一個名為《人在中環》的網誌,作者 CK 寫他在中環經營一家中小企的苦與樂,筆觸誠懇,不少上 班族對文章甚有共鳴。文章往往引來讀者留言,當中有對公司 管治的建議、對CK的鼓勵支持、與及像南宮夫人信箱的「管 理疑難每事問」。 這種博客與網友間的互動模式吸引了我,雖然博客和網友素 昧謀面,卻又樂在其中。幾乎同一時期,看到另一有趣網誌 《馬沙筆記》,因「馬沙」之名而聯想到《機動戰士》內其中 一個機械人「渣古」,略加點「人氣」,便以「渣估」這筆 名在 Blogger(為 Google 收購)註冊一個網誌玩玩,索性利用 「渣估」的諧音,網誌就叫《追沽》,開始以玩票的心情加 入了寫網誌的潮流。 我沒有選擇其他在香港同樣流行的網誌服務供應商,例如 Wordpress 、新浪、雅虎、 Xanga 等,是因為覺得既然《人在 中環》是以 Blogger 作平台,我同樣以 Blogger 的身份留言會 比較方便,況且以上所述的供應商都是不收費的,也就不花時 間去研究了。 起初《追沽》只是寫一些自己作為小企老闆的瑣事,純為了 下班後抒發一下工作壓力,內容亦有甚多「創作」和「刻意失 實」之處。豈料漸漸收到一些網友留言,很快便沉迷其中,如 此網癮漸成。開始體會到電影《電車男》裡,一群在現實生活 中互不認識的「朋友」,透過古靈精怪的筆名和形象,在虛擬 世界中互相扶持、鼓勵、欣賞的網上友誼和精神面貌。 過去八個月,我亦觀摩不少其他網誌的風格和形式,明白到 「玩 blog」,甚至是已成為濫調的所謂「web 2.0精神」是甚 麼一回事。 沒多久,我亦從別人網誌上的超連結衝出香港,瀏覽了其他更 新奇有趣的網誌,見過五花八門的內容,甚至特首參選人都應 用到網誌這工具,與及對不少博客將一己之長在網誌無私奉獻 感到偉大和不可思議。 我想一提我的啟蒙網誌,除了《人在中環》之外,還有 Elaine 的《空姐的行李篋》和 Sonia 的《七十樓危危下望》。這兩位 資深女博客,除了寫得勤之外,空姐 Elaine 的文章內容間中




惹來爭議,感情世界繽紛動人,深得不少讀者共鳴; Sonia 行 文溫婉,留言卻又往往散發另一風格,自我期許要做到文以載 道,給我許多啟發。 在此感謝一直支持及鼓勵渣估的博客及網友,沒有你們的留言 和連結,我一定不會寫得那麼起勁!在此透露多一個當初寫 網誌沒想到的得著,就是在和你們於各留言版瞎扯了半年多 後,我的心境年輕了起碼十年! 謝謝你們! ^o^  由於自己寫網誌時多以廣東話入文,自知實難登大雅之堂,今 冒「參與破壞樹木」之罪名而將百多篇文章結集,印行少量出 版,純粹一圓出版的心願。



趁此我想向一個人致歉和致謝,他就是曹查理先生。   我在《追沽》一直擅用了曹先生年輕時的一幅相片作為 「渣估」在網絡上的形象,這樣做純粹是為了過癮,希望曹先 生莫見怪。曹先生在香港電影中的形象已深入民心,即使多年 來香港影壇都沒有頒發過甚麼獎項給曹先生,但是從維基百 科得知曹先生自1982年起已接拍近七十部香港電影,而且往 往戲份不少,在香港電影界已有一定地位,在國內知名度亦甚 高。曹先生在不少電影中演活的角色,實與渣估這個半幻想半 真實的小企老闆有不少相似之處。曾有網友讚我選曹先生作為 博客形象之舉甚高明,我竟亦因此招來三數名女粉絲,確屬意 外,在此向曹先生衷心致意。 更加要感謝《案內人隨筆》作者尹思哲及馬家輝博士多次提及 《追沽》, 瀏覽人數激增實拜他們所賜。 最後必定要感謝紅出版的 Nancy 及 Gary,他們為出版本書提 供了不少專業意見和協助,也加深我對香港出版業的瞭解,整 個出版過程十分順利和愉快! 渣估 (5.2007) http://charcoal4.blogspot.com charcoal44444444@gmail.com


目錄 清兵創業 ........................................................................... 8 員工一號 .......................................................................... 10 一人午餐 .......................................................................... 12 員工福利 .......................................................................... 14 垃圾郵件 .......................................................................... 16 會計落格 .......................................................................... 18 奪命履歷 .......................................................................... 20 唔想破產 .......................................................................... 22 又出糧啦 .......................................................................... 24 員工十六 .......................................................................... 25 面試惡夢 .......................................................................... 28 中秋自省 .......................................................................... 30 中秋放早 .......................................................................... 32 員工50戒........................................................................... 33 怒炒員工 .......................................................................... 37 秘書小姐 .......................................................................... 40 周六晨運 .......................................................................... 47 MSN 國民 . ........................................................................ 49 中小企雜談 ....................................................................... 51 創業要趁早 ....................................................................... 55 抱緊眼前人 ....................................................................... 57 前路茫茫 .......................................................................... 58 神經老闆 .......................................................................... 65 後會有期 .......................................................................... 69 幸福按摩房 ....................................................................... 70 六合彩風雲 ....................................................................... 71 深情告別 .......................................................................... 73 勇女應徵 .......................................................................... 76 憶念員工 .......................................................................... 77 渣估煲水 .......................................................................... 81 空姐壽詩 .......................................................................... 82 行政惱人 .......................................................................... 84 長尾港女 .......................................................................... 85 得意妹仔 .......................................................................... 88 留點口德 .......................................................................... 90 行家散檔 .......................................................................... 91 生日短訊 .......................................................................... 93 生日心事 .......................................................................... 94 小休啟事 ......................................................................... 102






江湖救急 ......................................................................... 103 減壓之道 ......................................................................... 107 十二樂坊 ......................................................................... 110 企業星塵 ......................................................................... 113 週末孖棍 ......................................................................... 116 天方日譚 ......................................................................... 118 騰雞秘書 ......................................................................... 121 深度搖擺 ......................................................................... 125 空中奇遇 ......................................................................... 126 瘋語童怒 ......................................................................... 129 水洗難清 ......................................................................... 134 狐狸氣短 ......................................................................... 135 出外散心 ......................................................................... 138 暗夜明月 ......................................................................... 141 等待聖誕 ......................................................................... 142 發火之後 ......................................................................... 144 早餐一派 ......................................................................... 146 殺人網絡 ......................................................................... 147 迷失中環 ......................................................................... 148 生力啤妹 ......................................................................... 151 中年長跑 ......................................................................... 157 伙記飲茶 ......................................................................... 160 我的最愛 ......................................................................... 161 香蕉奶昔 ......................................................................... 162 風筒驚魂 ......................................................................... 165 年尾盤點 ......................................................................... 167 地鐵奇談 ......................................................................... 169 開心秘笈 ......................................................................... 170 辯論啟思 ......................................................................... 173 影印疑惑 ......................................................................... 175 菲傭後窗 ......................................................................... 177 賭海沉淪 ......................................................................... 179 國語神功 ......................................................................... 181 博客實名 ......................................................................... 183 巴別塔記 ......................................................................... 185 螢光魅影 ......................................................................... 187 放下自在 ......................................................................... 188 友情鼓勵 ......................................................................... 190 影音下載 ......................................................................... 191


周日解放 ......................................................................... 193 國語培訓 ......................................................................... 194 地底奇緣 ......................................................................... 195 老妖發誓 ......................................................................... 196 輕狂歲月 ......................................................................... 197 紅男綠女 ......................................................................... 201 牙膏殺手 ......................................................................... 202 電視王爺 ......................................................................... 203 妹幻相 . ........................................................................ 205 大國崛起 ......................................................................... 206 道別愛將 ......................................................................... 207 戒煙廣告 ......................................................................... 210 阿當抉擇 ......................................................................... 212 骨房雜記 ......................................................................... 216 渣記燒豬 ......................................................................... 218 美人辭鏡 ......................................................................... 220 Xper. Xr. .......................................................................... 221 Only You .......................................................................... 222 我的初吻 ......................................................................... 225 總統插秧 ......................................................................... 232 山頂大宅 ......................................................................... 233 電影票根 ......................................................................... 235 風吹旗動 ......................................................................... 236 港西別墅 ......................................................................... 238 日本手錶 ......................................................................... 240 表行怪談 ......................................................................... 241 退休妄想 ......................................................................... 242 狗臉歲月 ......................................................................... 244 情迷左耳 ......................................................................... 245 靈堂懷想 ......................................................................... 247 給班尼兔 ......................................................................... 249 沉默羔羊 ......................................................................... 251 慾望尋源 ......................................................................... 253 師奶好讀 ......................................................................... 254 戰狼300 ........................................................................... 255 船員檢閱 ......................................................................... 256 催賬老闆 ......................................................................... 257 道別世界 ......................................................................... 260




清兵創業 渣估出嚟創業,唔經唔覺六年,而家寫呢個 blog,如果可以 做到重溫一下昔日創業初期嘅美好(同唔美好)時光同保留 營商路上嘅點滴苦樂之外,仲能夠俾到網友(估係「有心創 業」或「已經創業」者多)少少借鏡嘅話,咁就真係一件幾有 意義嘅事喇。 其實回望過去打工時,創業嘅「火種」唔係咁熾熱,膽汁亦唔 多。 只係當時打工時期日復一日,工作開始沉悶,鬥志亦開始有 d 消沉,逗份糧餓唔死,但又睇唔到有乜出路,漸漸諗到好多負 面嘅嘢,例如: 「女怕嫁錯郎,男怕入錯行。」 「自己係咪入錯行呢?」 睇得多古鎮煌嘅書,漸漸認同咗打工係古生所講「付出多收穫 少」嘅事,慢慢開始想搞 d 嘢。 

加上見到一 d 同自己差唔多經驗嘅人都創業,租間細 office 搞 嘢,冇王管,好似幾得意喎! 但諗到辭工創業,就好似面臨無底深淵咁「熬晒底」,又或第 一次跳 bungy jump 之前嘅心情,唔知自己弱小心靈頂唔頂得 順。 唔駛好高智慧都會明白:通常一個人唔敢做嘅事,搵多個人作 伴就可以壯下膽。 於是渣估當年約埋老友兼同事「偉哥」,去得幾次 happy hour,盡訴心中情之後,大家都覺得自己終非池中物,應該一 遇風雲即化龍,好,一於一齊出嚟打天下。 我哋當年周圍睇寫字樓,睇家俬(其中有一間位於油麻地嘅 " Posh " 有好多又平又靚嘅辦公室用品,在此向大家有志創業 嘅人推介,你去得 Posh 幾次,幻想下自己將來間公司有 d 咁 正咁型嘅辦公桌同大班椅,包保會加強自己創業嘅意慾), 單單 furniture shopping 已經花咗我同偉哥幾個週末,連「宜


家」 (Ikea)、跑馬地、「住好D」 都逛埋。 冇辦法啦,第一次創業,d 精力點都會花咗喺 d 唔係咁 productive 嘅地方。 我同偉哥約法三章,君子協定。 我先辭工,做開荒牛;佢就趕埋公司一個 project ,兩個月後 辭工出嚟陪我。 從此兩兄弟,拍住上,「街外錢齊齊搵」! 點知…… 兩個月拍烏蠅的日子好快過,唔知偉哥係咪見我唔係好掂,定 係佢公司個 project 真係未搞妥,同我講,要遲多兩個月至跳 出嚟幫手,我聽到之後,個心一沉,但又懶大方話,「冇問 題,真係兩個月好啦,delay no more 喇 。」 又點知…… 兩個月又過去了,PK,本來話好同我並肩作戰嘅偉哥,呢個 時候冇晒影。可能我老實得滯,將公司頭四個月嗰 d 事事唔 如意,頭頭碰著黑嘅遭遇同偉哥喺漆咸圍柏金遜劈酒時透露晒 出嚟。 嚇到偉哥唔敢同我創業,於是偉哥留喺原來嘅公司繼續拼 搏,好快仲升埋經理。 偉哥升經理都唔同我講,我都係後來聽 d 舊同事提起至知, 偉哥人工加成四成幾。 我即刻謝過謝霆鋒。我到今日都唔肯定偉哥咁嘅抉擇算唔算 「冇義氣」 。 但當時渣估心諗,「呢次 PK 喇,真係孤軍作戰㖭㖭!」




員工一號 去肥龍個 blog,睇到佢老兄提及對 " Alchemy " 個字嘅理解, 渣估覺得好有趣。甚至聯想到「因量變而質變」呢個概念,好 有深意。 意思大概係:當某一事物的「量」積累至某個程度時,就會發 生「質」嘅突變,呢個變化甚至會以一個「逆轉」嘅姿態出 現,大大改變呢件事物嘅性質。 我隨想到嘅係:人人都想賺錢,賺到十萬蚊好開心,賺到一百 萬仲開心,賺到一千萬更開心,但一路再上,到賺到十億, 或到某個位嗰下,可能會突然之間改變咗當事人對金錢嘅睇 法,金錢對個人嘅意義,會突然病變。除咗服膺於「邊際報酬 遞減定律」之外,個人仲可能唔會再為賺多另一個十億而開 心,可能會失落、沮喪、抑鬱、躁狂…… 渣估深信,人嘅情緒固然如此,好多情緒問題,積積埋埋,到 某個位就會堤缺。我創業初時曾經請過一個有情緒問題嘅女 仔,廿零歲,中姿,係我公司第一個伙記,亦係我請咗之後都 唔敢話俾人知嘅伙記。 10

我明知佢係精神有 d 問題,但係佢個 friend 話佢已經康復, 咁我就平平地請咗佢(二千零蚊貨仔,渣估係咪好刻薄,好 cheap 呢?),做 d 手板眼見功夫,唔駛見客,唔駛用電腦, 但要用少少腦嘅工作。 點知有一日,個女仔突然停晒手腳成五分鐘,因為當時公 司細,而我就坐喺佢後面再後面嘅位置,我輕聲叫佢: 「Cindy,你冇嘢吖嘛? 」 點知「仙 dee」 開始講嘢:「我求下你哋唔好嘈啦 !」 嗰下公司得返我同佢,我開始驚。 跟住佢抱住個頭,開始喊。 我走埋佢身邊睇下咩嘢附身,仙 dee 喊住口同我講,話佢兩個 同學仔又鬧緊佢,話佢冇用,笑佢,奚落佢,打擊佢。 我嗰陣時幾想學電影《凶兆》(定《驅魔人》?),用劍指


劃向佢塊面,「我渣估奉主耶穌基督之名叫你離開 Cindy! Cindy 返緊我工!魔鬼你搞我伙記?你出嚟,我同你死過!」 原來 Cindy 佢成日聽到人聲,仲要係識得嘅。當時我覺得佢好 可憐,個心都拿住拿住。 後來從介紹人得知 Cindy 嘅一段往事,好淒涼。 渣估而家諗返起,都好多年前了,唔知 Cindy 而家點呢?

11


一人午餐 回想初初做老闆時,諗住日日利用晏晝 lunch 段時間去同 d 客 social 下,network 下,點知原來唔係想像中咁簡單。 自知細公司,想餐餐晏晝同 d 伙記食真係奢想。並唔一定 係伙記們唔想同你食,而係因為身份唔同,講嘢時會就住就 住,唔可以暢所欲言。 況且有時上午小炳完個伙記,佢中午又邊度仲有心情同你食飯 呢? 我又唔似得《人在中環》個 CK 咁,有個生意拍檔,我估 我個網上朋友 CK 佢晏晝都會同 partner 食下飯,呻下公司 d 嘢啩? 我諗唔少「小企老闆」都唔會日日有飯腳,一定會好似自己咁 慣咗或被逼一個人吃。而且好多時我真係有需要兩點鐘坐返 公司繼續搏殺,都唔會山長水遠由佐敦過中環灣仔等地方同 d 老死食飯,於是就周不時都習慣咗一個人食。而家大概一星期 都會有兩三日食自己。

12

回想以前打工時,日日一圍人飲茶吹水,一盅兩件,三條粉 腸,吹到天花龍鳳,幾咁盞鬼。而家除咗同一兩個尖咀行家食 下飯之外,有時一條友食飯時都會懷念打工嗰陣中午嘅熱鬧時 光,起碼插客、踩同事、隊供應商、串老闆等活動都可以喺飲 茶時間進行,不知幾過癮。 唯有阿 Q 咁安慰下自己:「鬼叫自己選擇做老闆,仲搵多人 咁多錢咩?」 再阿 Q 去諗,一個人食飯食快 d,之後仲可以 有大把時間做下私人嘢,少 d 「言不及義」,同埋思考下公 司嘅事情,諗下幾時可以喺香港上市呀之類。 有時真係寧願每個月搵少一皮嘢,都有班嘩鬼陪我一齊食飯吹 水,幾好呢…… 有冇佐敦 " OL " 應徵做我飯腳 (絕對正經)? 不過,一個人食飯食得多,都有 d 心得。 餐廳酒樓就實唔駛去,香港人唔似得外國 d 鬼佬,一個人入 一間餐廳食飯當閑事,喺香港一個人入一間餐廳,硬係覺得 d 伙記會勁啤你,而且文化上都會周身唔妥咁。


我多數會去大快活呀、McCafe 呀,呢 d 一個人帶份蘋果東方 去坐下又唔會尷尬嘅地方。茶餐廳就至憎,因為憎人食煙。 尤其好多人食煙又食得唔似《2046》入面個梁朝偉咁型,好 多人 d 食煙相份外「格衰」!(尤其開包煙前嗰成分鐘「拍 煙盒格」── 正一衰格到暈) 但講到我佐敦地頭有一間經典食肆,我就間中都會去下,就係 澳洲牛奶公司。貪佢夠平又快趣,但就肯定唔可以俾到時間你 睇報紙,事關呢間嘢人多到變態,中午飯時段食到咁上下已 經被圍,白衣伙記會指派人客喺你旁邊等位,向你施加埋單 壓力。但係 「澳牛」d 多士又真係好味道喎!兼且杯「熱鴛 鴦」真係正過 Starbucks 嘅 Cappuccino 多多聲!飲完 high 足 六小時,話時話,有乜理由呢間土炮唔能夠殺出佐敦呢?

13


員工福利 週末睇 Classified Post (唔好以為淨係打工仔至會睇呢份嘢, 入面周不時有 d 文章好值得老闆參考),有一段講 Work - life balance 嘅文章。 呢篇文章講越嚟越多公司提供健身會籍俾職員。除咗可以提高 士氣之外,仲可以令員工健康 d,少 d 請假咁話。 津貼途徑可以係全費資助,又或部分月費資助,聽落好似唔 錯。匯豐銀行仲設有自己嘅健身場地,兼且請埋教練返嚟教導 自己員工。 過去幾年自己都入過三間健身會「玩占」,但唔係好有恆 心。通常都係頭兩個月玩得最勤,但漸漸覺得悶,玩極都唔似 gym 入面部分「師兄」玩得咁投入。 如果只係公司俾錢員工入會,而員工自己本身唔覺得健身重要 或唔覺得「玩占」吸引,公司俾嘅錢又係等於掟入咸水海。而 且一個人嘅月費分分鐘四五舊水,公司成十幾人,咪幾千銀一 個月!?班友仔都唔慌會有恆心玩啦!你叫我買一套啞鈴擺喺 公司排「四桶櫃」上面做「鎮山之寶」就得。 14

其實細公司仲有乜方法「整色整水」令到員工覺得個 remuneration package 除咗薪金、醫療津貼之外仲有少少嘢係 比出面細公司優勝嘅呢? 自己就淨係識得嚟嚟去去係員工生日或周年紀念時請飲茶同下 午茶兩招所謂 「雞脾打人牙骹軟」嘅伎倆,但係依家員工漸 多,再咁落去咪隔個星期就又要飲茶?否則又大細超喎。但飲 得咁密銀包都好傷。 上星期係咁咦一人派一盒月餅,一 d 員工表現得好似好感動 咁(算係俾 d 反應,做返少少戲俾老細睇)。其實呢一兩年 d 員工都好穩定,公司叫做略有微利,其實都想俾多 d 福利班 手足,但又唔想用太多錢,想搞個小「out 婷」──燒嘢食、 遊船河呀咁,過去咁多年都未試過,可以諗下嘅,聯誼下都好 啩,至怕到時唔知會唔會媽聲四起(心入面),事關員工冇咁 個 " family day " 喎 !! Classified Post 篇文章後段仲提到德勤會計師樓喺兩個月前開


始每星期都派生果俾員工。 咦?呢招唔駛好多錢咋喎,幾年前我都諗過比員工每周一杯鮮 橙汁,但個果汁佬每杯計我十四蚊,請親都百幾蚊,對當時嘅 我嚟講都仲係少少肉赤,而且放風聲後得返嚟嘅反應唔係咁正 面,所以後嚟冇實行到。不過既然大公司「德勤」都咁做,我 覺得又可以不妨一試喎。 「各位員工 attention:收工前每人入嚟我房,喺我面前操兩 set 啞鈴,跟住啃埋一條蕉一個地厘蛇果至准放工。」

15


垃圾郵件 今早一返工,睇完我嘅精神領袖 CK 嘅網誌《人在中環》,嚟 手 check 下 email,頂你:「366 個 email」,其中九成係垃圾 郵件。 其實唔少要用 email 嘅打工或老闆一族,每日真係比唔少 junk mail 浪費晒 d 生產力 (= 時間 x 精神)。 我諗最衰就係當初將公司嘅 email address 放咗上公司個網 頁上面,可能係 d 電腦程式掃到我哋個網頁吸咗個 email address 賣比人用。搞到而家雖然公司網頁已經剷走咗自己公 司個電郵地址,都仲係咁多 「憎 mail」。 而大部分「憎 mail」都係賣偉哥、penis enlargement、傳銷、 美國新上市股票,又或話想將幾十球美金入我戶口之類嘅 「昆人搵食」郵件,總之冇好嘢。 間中都收過台灣同日本嘅色情電郵,都唔知點解會寄埋嚟,我 都冇上呢 d 網幾千日!

16

我哋公司喺佐敦呢 d「yap 區」,梗係冇 d 好「實蕉」幫我哋 d 租戶擋駕 sell 屎。 以前公司間中都會遇著 d 「行街」上嚟 sell 嘢,文具呀、收碳 粉盒呀之類,不勝其煩。 後來貼咗張「謝絕吹蕭」(謝絕推銷)嘅紙仔係門口,至少咗 好多 salesmen 按鐘仔。 本來想加多句「面斥不雅」,不過費事太串啦。 但都遇見過一 d 抱住「自古成功在嘗試」精神嘅死硬派 sell 屎 按我公司鐘仔 sell 嘢,我直情交帶 " recep " 串少少,不妨試下 指住門口外邊個「謝絕推銷」牌同佢講:「先生,你識唔識 字?」 但「憎 mail」就唔可以咁樣對付同反擊,又唔想裝防「憎 mail」軟件,真係頭赤,唯有繼續每日用三分鐘剷垃圾! 你諗下,每日用呢個「令自己激氣爆粗」嘅開信箱儀式嚟開展


一日嘅工作,係幾咁 negative 嘅事,所以我而家每日開電腦 都係睇下寫字樓設在中環(唔知係咪 IFC)嘅CK大佬個 blog, 吸一輪靈氣,至開始一天嘅工作!CK 寫咗唔少佢老哥自己 從商以嚟嘅辦公室心路歷程,好適合嗰 d 成日發做老闆夢嘅 「有為青年」 參考㗎! 嘩!每朝咁樣將 CK 嘅管治心得 download 落自己個腦度,幾 咁「正能量」呀!

17


會計落格 今日刨《蘋果日報》,見到一則咁嘅新聞……

穿櫃桶二千萬

會計囚44個月

【本報訊】 59歲會計文員因債台高築,不惜開設與僱主公司 供應商同名的空殼公司,以支票假裝繳付貨款,從中落格,五 年間偷取近二千萬元,早前承認兩項盜竊罪,區域法院法官昨 指斥被告違反誠信,並非一時貪婪,是典型食髓知味的極端個 案,用別人的財產來滿足自己私慾,是強盜文化,判監44個 月。 案情指,被告於 98年1月開設與供應商中文名字一樣的公司及 銀行戶口,由同年至03年,以公司名義繳付貨款予供應商, 實將支票存到自己戶口。 稅局於03年12月查數時揭發。被告承認將竊款來買樓和買股 票,辯方指被告已償還900多萬元,最終無力繼續還款。 案件編號:DCCC521/06 18

睇完之後,我都有 d 奇怪。 Call 我個 auditor,問下佢點睇呢 單嘢。原來佢都有睇報紙,話其實每個人,只要你夠薑,都可 以用兩千零蚊去灣仔稅局開張商業登記證,即使同其他無限公 司撞名都可以照登記。 例如對方叫「大大文具公司」,你又可以一模一樣開間 「大 大文具公司」,即使地址填屋企都得。我問佢,填個假地址得 唔得先,佢抓頭,話要 check check。我心諗你梗係要硬掘答 「唔得」啦,你係會計師嚟㗎嘛。 會計師話只要去埋銀行搞 d 手續,有 d 銀行連公司印都唔駛 就同你開公司支票戶口,咁就已經可以正正式式「做生意」 (做老闆「世界」)喇。 方法原來好簡單,段報紙都有寫,就係每次開票找數俾供應 商「大大文具公司」時,原來係找俾自己間公司,張發票 HK$3,000,就連假發票都唔駛做,照開 HK$3,000 支票俾老 闆簽名。


條友就係用 d 咁嘅方法,竟然都可以呃咗公司成二千萬,歷 時仲長達五年!而條友嘅成本都只不過係二千幾蚊一年。 不過我個 auditor 話,好少大公司會以無限公司嘅形式經營, 佢話文明 d 嘅做法應該係用有限公司。因為有限公司係唔能 夠「撞名」喎。 不過我心諗,嗰間都唔知係乜鬼供應商嚟,五年嚟俾人走咁多 數都仲同佢做生意嘅? 一係就真係有貨物交收,只係條會計自己食價啩。 好想知下對方供應商呢五年嚟係咪都只係收由條會計交去嘅 現金(而唔係公司支票)?總之既有錢收(C.O.D.),又唔駛 三十日期數,就八折找數都殺?所以每次找數條會計都可以輕 易咁袋兩成落自己間公司? 引申落去,嗰間供應商嘅會計又會唔會有份收水呢? 自己公司個會計文員仔初嚟報到時,我都同佢講過,「世界上 有兩類人唔應該貪錢,一類係蠢仔,另一類係聰明仔。」 我仲先小人後君子話:「唔好俾我發現你落格,我會先搵人 dup 你,然後再報警!」 

19


奪命履歷 渣估告別職場而成為老闆之後,擔起咗一個新嘅身份。 呢個新角色開拓咗渣估唔少人生視野,其中一樣就係「見工面 試」,我由以前做打工仔時代搵工「被 IN」,到開始請伙記 要 「IN 人」。 「IN 人」原來都有 d 學問。 《人在中環》的 CK 曾經寫過一篇「公司仔請人」嘅文章,我 諗唔少負責睇應徵信嘅老闆或人力資源經理睇完呢篇文章都會 會心微笑。 渣估每次請人都必定在廣告上寫明 " Please apply with resume AND EXPECTED SALARY ",但係每十封收到嘅電郵或信件之 中總有一兩封係唔寫埋「要求待遇」,遇著該期好多應徵者 時,凡係冇列明 expected salary 嗰 d 應徵信,我都會當求職者 佢哋唔識睇我嘅清晰指示,封信話之你用「剛古紙」打印,都 會即刻被我車落垃圾筒。(冇錯!我係唔用碎紙機㗎!)

20

對唔少中小企嚟講,請伙記時一般都有個預算,唔係話你學 歷或工作經驗勁 d ,小公司老闆就一定願意俾多 d 人工去請 你,所以作為負責俾錢出糧嘅人,渣估係好關心求職人士想要 幾多薪金。 d 友唔寫「要求待遇」時,我都唔知約唔約見好。當然,遇上 合適嘅人選時,渣估都會先撥個輪去問下兄台究竟想要幾多錢 人工,符合我預算至會約見,但咁樣做就有 d 浪費咗我時間 喇。 一般應徵者寫得個數落去,我諗唔多唔少預咗僱主還一還 價。 我通常都會減 HK$500-$1,000,而一般情況都冇問題。 佢話要一萬我就俾足一萬嘅情況比較少有(事實上都有,說明 我好鍾意佢)。 渣估好奇怪,今時今日,出面咁多書、網站、Recruit或其他 雜誌都有教人寫 resume 嘅文章同專家建議,竟然都仲有 d 後 生仔嘅履歷表寫到不知所謂,拍埋其他寫(或抄)得好嘅,真 係好蝕底。


渣估周不時聽見傳媒報導,話有 d 後生仔講自己寄成百幾封 信連一個 interview 都冇,我諗其實個市唔一定係咁差,而係 佢哋嘅 resume 出咗一 d 致命嘅問題,只有神蹟出現至會有被 邀請面試嘅機會。例如: 1. 串錯字 ── spell check 都懶,又或唔識; 2. 寫錯公司名 ── 太過分喇; 3. 文法錯亂 ── " I am graduated from University of Hong Kong ",見過有 d 兩三行字錯幾個文法的,渣估會激動到即場 用大力鷹爪功撕爛封信──有時仲會配以一兩句巴士阿叔嘅 「中國粗口」──但而家 d 信多數係 email 入嚟,渣估嘅鷹爪 功就無用武之地,渣估唯有即刻按 delete,毀滅呢條不應存在 於虛擬世界嘅電子信息; 4. 要求人工不切實際 ── 呢點 CK 講過,渣估已見怪不 怪。但渣估亦見過有求職者身懷 MBA 神功護體,都只係 " asking for HK$10,000 ",我以為時運低「撞鬼」,又係即時 按 delete; 5. 附設咗相片 ── 呢嘢就可圈可點,有時渣估以貌取人,部 分「來賓」真係冤枉,死得唔抵; 6. 整體唔美觀 ── 渣估個人幾睇呢味嘢。拍埋其他好多 presentable 嘅 resume,「整體唔美觀」 屬於非戰之罪,但係 求職人士要知道,出面好多同你封求職信一齊「選美」嘅對 手實在為數甚多,如果你封嘢「一岩一忽」,給人眼睛一種視 覺襲擊的話,等如「蒙嘉慧出街唔化妝」,sorry,你又落選 了。 渣估每一次登報請人都收到一 d 難聽 d 講「一劈狗屎的 resume」,通常憑物件已經可以預見條友嘅衣著打扮、工作 態度、舉手投足等等等等一定「瀨西」,俾把間尺佢都未必畫 到一條直線。(我見過嘅真人真事!驚嚇呀哩!?) 渣估亦有過一 d 難忘嘅面試經驗,希望日後喺呢個 blog 度寫 出嚟回味下,以搏各老闆及網友們一笑 。 下次講「IN人」。

21

追渣沽  

香港「小企老闆」渣估 (Tony),因一次在虛擬世界遊離浪盪,失足墮進了網誌 (“Blog”) 的無底深淵,至今未能自拔。 Tony慣於一天辛勤工作後、公司落閘放狗前,懷著感恩與自省的心情,將自己多年來經營一家小企業當中嚐到的苦與樂,與及對幾許有緣眾生的愛和恨,以其堅壯有力的...