Page 1


Shuk punchami Pachamamaka yakumanta allpamanta shuk wawata charirka, kay wawataka “MASHI” shutichishkami kan, castellano shimipika, “Amigo” nisha ninmi, kay yakutaka tayta mamata shinami rikuna kanchik. Mashi yakumi sumak chakrata charinkapak, ñukanchik Chimborazo markapi tiyak tukuy ayllu llaktakunata purishpa kushikuywan rimanka. Allpapi hichana yakumanta.


Shuk achik inti puncha, sumak sisakunapak chawpipi Yasipan yaku kallpakukta rikushpa, Manuelitaka kashna yuyarirka … Ñuka kawsana ayllu llaktapika ayllukuna, wiwakuna, yurakunapish yakunaywanmi ¡mmm! allpakuna chakishkamanta.


Paypak wasiman tikrakushpami, Manuelitaka paypak kuchullapi kawsak mashi Valerianowan tuparka. Payka kitimanta willaykunata apashpa ayllu llaktaman chayamurka… - ¡Imanalla! kanki mashi Valeriano nishpami… Manuelitaka naparka Allillami kani, yupaychani, nishpami Valerianoka kutichirka. Rikunki Manuelita, Chimborazo marka kamaypi llankak ayllukunaka, allpapi hichana yakuta kunkapakmi llankakunkuna. ¿Marka kamaypi llankak ayllukunaka imapitak yakutaka apamukrinkuna?… ¿Puñupichu apamukrinkuna?... ¡ja ja ja! Nishpami Manuelitaka asirka ¡Mana, mana, Manuelita!... ¡Allpapi hichana yakutami apamukrinkuna! nishpami Valerianoka kutichirka.


Paykuna purikukpimi tamyay kallarirka, chaypimi kallpashpa capulis yura ukuman rirkakuna. 多Allpapi hichana yakuka shamunkatakchu? 多Ima shinatak yachashun? nishpa Manuelitaka tapurka.


Ñapish, tamyakukpika asha achiklla chuya yaku ñan hawata kallpashpa riktami rikurkakuna, chaymanta paykunaka ashka mancharishkami sakirishkakuna. ¡Sumaymana! ¿Pitak kanki? nishpa Manuelitaka tapurka. ¡Hatun Mashi yakumari kani! Ña kikinkunapak rimashkata uyarkanimi… ¡Kashkallatatakmi Valerianoka nishka! nishpami kutichirka.


Yasipan yakuta hapishpami shamuk punchaka, kimsa chunka iskun ayllu llaktakunapak, Cebadas, Flores, Licto, Punin llaktapak, shuktak ashka ayllukunatapash yanapankapak hatun llika larka yakuta rurakrinkuna. 多Pikunatak ima kushkiwanpash kay llankaykunataka rurankakuna? Nishpami Manuelitaka tapurka. Mashi yakuka kutichirkami: Kay hatun llankaytaka, Chimborazo marka kamay, shinalltak MAGAP kamaywanpash wankurishpa kushkiwan yanapakunkunami.


- Mashi yakuka nirkami - Kay allpapi hichana yakuta apamunkapakka, hatun tegnología nishkawanmi llankakunkuna. Chaymanta ¡Ñukawan shamuychik rikupankichik…! Kay tukuy nishkamanta yallika, tukuykuna minkapi makita churashpami yanaparinkichik. Ashtawanpash kankunapak yuyayta, kankunapak nishkata ñawpaman paktachinkapak.


- Kay sumak allpapi hichana yakuwanka, tarpushun, mushuk murukunata pallashun, wiwakunatapash mirachishunmi. Nirkami Valerianoka. - Shinashpaka 単uka tayta Joseka achka 単u単uta aychatapish wakramanta llukchishpa, paypak wawakuna yachaypak achka kullkita hapinkami. Nirkami Manuelitaka.


- Mashika kaytapishmi nirka: kawsayta kuk katuna, rantina panpapi alli kikin murukunata mikunkapak charishun. Chay murukunata katuna rantinkapakpash alli Ăąankunami tiyan. - Valerianoka nirkami ÂĄĂ‘ukanchik kikin tarpushkata mikunkapak...!


Mashi yakuka kushilla ari nishpami ashkata asirka. Kaytapashmi nirka: “Yasipan yuyarishkata paktachishpa, ayllu llaktapi kawsak runakunapak, mishukunapakpash sumak kawsayta charichun, kay muskuyta paktachishpa, Chimborazo minkata makita kukunchik“.


Cuento en kichwa1  
Read more
Read more
Similar to
Popular now
Just for you