Page 51

De Bèsjen van Stein Bokkewaorheid 11-11-2017 ’t Vastelaovesgeveul zal vandaag van start gaon. Auch al weurd de H. Mès murrege, de 12-de , gedaon in de Martinuskirk ôm 11 oere waal te verstaon. Maer weer vènjen ’t mit z’n allen sjwoan, ôm bie ’t Bèsjenbeeldje stil te staon, En alle te herdènke die van ôs zeen heengegaon; Piërre Coumans, karnavallist in hart en neere, haet ôs allen väöl gegaeve en haet väöl veur ’t vereinigingslaeve gedaon. Laot dao uch gedachten maer èns euver gaon. En dan Lei Schepers, ôze doezendpwoat, Vorst van de Senioren. Hae heelp väöl vereinigingen es ze in de zaot in de nwoad. Scootmobieltochte – Seniorenmiddig – Buuteaovend, teväöl ôm op te neume gaon, dan zouwe weer murrege nog hie staon. En Jack Beurskens van dezèllefde vereiniging haet auch väöl veur de vereiniging gedaon. Dat zeen slaeg, dat zègk ich uch. Wae wèt wat ’t jaor ôs nog brènge zal, ’t laeve besteit oet eine lach en eine traon. Houpelik zal ’t noe baeter gaon. Auch höbbe weer sjwoan momente gekènd, 40 jaor Bèsjen, mit ein good bezochte recepsie. Wat waor weer verwènd, ’t waor klasse. Danke allemaol hieveur, zèllefs de bewoners van de Moutheuvel waore prezent. Dat waor veur de bèsjen ein sjwoan moment. Noe aafwachte wat dit jaor ôs brènge zal. Straks de kanônsjêut veur de äöpening van de vastelaovend, veur de Grous. En veur de res zeen weer ’t waal. Veur allemaol eine sjwoane vastelaovend, mit väöl sjpas en plezeer. Maer alles op ein nette meneer. Alaaf, de Bèsjen Corrie de Koning

De vunks altied watse neet zeuks

De redaksie van de Bèsj heat vernôme dat de veteranen van de Ster zich vriewillig höbbe aangemeldj veur de Kerststal van de Martinuskirk. Ron Marchal is ervaren in ‘t naaksj stil ligke en eine os en aezel höbbe zie vas en zeker auch. Herder Johnnie van de Spèn haet zien sjäöpkes op ‘t drwuegge. De stal weurt verder compleet gemaak mit sjienheiligen. Pestwoar Schwillens waor in zien nopjes.

49

Profile for Ton Sleijpen

Bèsj 2018  

Bèsj 2018  

Advertisement