Page 33

Seniorenprins Sjeng II De 49ste prins van CV de Senioren is Sjeng II Swinkels. “Ich, Sjeng Swinkels, kom oet Zitterd, bèn lang geleje nao Stein gekôme. De reje doavan woar mien leve vrouw Annelies Palmen, ein echte Steinse die nooit oet Stein weg zouw goan. Mit Annelies höb ich twee dochters gekrege, dees dochters höbbe mich samen mit hun manskerels 6 kleinkènjer gegaeve. Ich bèn zelf eine trotse euvergrootvader van ein kleindochter. Ich hub väöl gelache, gezörg, gehuuld, ich hauw neet van allein zeen. Dus és ‘t effe kèn trèk ich d’r op oet. Prins waere hub ich ummer gewild, hub neet gedach dat ‘t nog zouw kômme. Dat ich dat noe maog mitmake op mien 70ste, vèng ich fantasties dat kent ger waal aan mich zeen. ALAAF namens Prins Sjeng II en C.V. de Senioren, Vorst/ veurzitter Rim Snellings

Aafsjiedsweurdje Seniorenprins Math III en Prinses Anja

Leef Bökskes en Geitjes, Ein bewaoge jaor is veurbie, ein jaor mit vallen en opstaon. Veur mich en mien Prinses waor ‘t ein jaor wat weer nwoats zulle vergaete. Eine druim kaom oet, maogde Prins zin euver ‘t Seniorenriek van Stein. Wat höb ich genaote baove oppe waagen ônger de grwoate optoch; wauw wat waor dat sjwoan! Prinszin is ein belaevenis ôm nwoats te vergaete, haej mich neet kènne veurstèlle wat dit allemaol beteikent en wie ‘t is es Prins. Noe, ich kan zègke, haej ich gaer nog ein jäörke Prins wille zin en Anja haej gaer nog ein jäörke Prinses willen zin. In de Gouwe Koetsj van de Steinder Garde; vônje weer ein belaevenis, veural Anja, zie veulde zich ein geweldige Prinses. Ze haet ’t dao nog gans ’t jaor euver gehad, zwoagauw ‘t urreges euver de karnaval ging, dan vertèlde ze euver häör rit in de koetsj. Noe is ‘t jaor veur ôs es Prinsenpaar veurbie en op 13 november zin weer aafgetraoje mit wjaemood. Trökkiekend op, wat karnaval betruft, ‘t sjwoanste jaor oet mien/ôs laeve. Veur c.v. de Senioren waor ‘t ein jaor van plezeer en verdreet, wil aeve gedènke dat ôze Vorst, Lei Schepers, en ôs gewaardeerd lid, Jack Beurskens, ôs ôntvallen zin. Dit ljèt een grwoate laegte in ôs vereiniging achter. Weer höbbe de draod opgepakt en mit Rim Snellings es nuuje Vorst gaon weer wiejer, op nao eine geweldige Karnaval 2018. Ich wil de luuj van Stein en zeker de leeje van c.v. de Senioren bedanken veur hun hulp en steun in ôs Prinsejaor, de anger karnavalsvereiniginge en hun Prinsenparen bedanken veur de geweldige saamewirking, vrunjtelikke ôntmoetinge.

Perseunlik höb ich dit ervaare es eine grwoate vastelaovesfamilie genaamd: Grwoat Stein. Euveral de werrem ôntvangsten, euveral de vrunjtelikke oetbundigheid, alle vereiniginge waore saame ein. Zwoa hwuert ‘t te zin en te blieve. Auch boete ‘t vastelaovesseizoen houp ich dat dees werremte tösjenein zal zin en blieve. Nogmaals hartelik dank aan eeder dae veur Anja en mich dit ein ônvergaetelik jaor höbben gemaakt. Rest mich nog alle nuuj Prinsen en Prinsesse ein geweldig vastelaovesseizoen te wunsjen. Stein, Alaaf-Alaaf-Alaaf! Prins Math III en Prinses Anja, C.V. de Senioren. 31

Profile for Ton Sleijpen

Bèsj 2018  

Bèsj 2018  

Advertisement