Page 24

Ein biezunjer jubileum... De fanfaar veur de prins van Stein

Van de Bult Designs

voor al uw tekstborden/ decoraties enz. check FaceBook VandeBultDesigns

Nieuw: www.pollogen.com Helende klanken met klankschalen

22

Op 3 jannewarie 1893 vônj de oprichtingsvergadering plaats van ein Steinse fanfare mit de naam St. Martinus, de patrwaonheilige van de parochie. Ein jäörke later kreeg de vereiniging ein vaandel aangeboaje van de fransspraekende kastjaelhjêr Eduard Wauters. Deeze “drapeau” waor in Paries gemaak en vanaaf dees euverdrach droog ut jônge muziekkorps de onvervelsjte Franse naam: Société St. Martin Fanfare de Stein 1893. De Société is de auwtste vereiniging in de gemeinte Stein en al 125 jaor eine belangrieke kultuurdrager in ut dörp. Es motto hanteert de vereiniging ‘Saame muziek maken: mit angere en veur angere’. De fanfaar is in tradietsie mit de Steinse Vastelaovend verbônje. In 1957 en 1959 woore Harie van Mulken en Harie Cremers oet de vereiniging Prins van de Steinder Bök. In ooze auwe fanfarezaal aan de Kelderstraot woor in de vieftiger en zestiger jaore de Prins van Stein oetgeroope. Tot aan 2015 waor deeze karakteristieke zaal aug ut centrum van carnavalsvierend Stein. Natuurlik hereinjert zig eederein dees gezellige carnavalsaovende. Aug ug “Bokkekabaal”, allemaol leeje van de fanfaar, geuf muzikaal gaas veur de Steinder vastelaovend. De meiste carnavalisten kènne de fanfaar oet de optochte: ut hwaogtepunt van de Vastelaovend. De vereiniging is al vanaaf de allerjétste Steinse vastelaovesoptoch in 1938 van de partie. De fanfaar haet ummer ein vaste plaats: doe hoofs nwoajt wiet te zeuke want ze luipt ummer es laetste groep veur de prinsewagen. De Prins van Stein weurd dus op de klanken van de fanfaar door Stein geleid. Dat waor zwoa, dat is zwoa en dat bliet zwoa. Es veurzitter bèn ich grwuetsj op dees vereiniging. De fanfaar haet ummer in de allerhwaogste muziekklasse gespeeld en is zelfs twjea kjer Nederlendsj kampioen in de superieure divisie gewaes. Toch wil ich, mit deep respect veur alle auw successe, neet ummer trökkieke, want dat hulp oos neet wiejer veur de daag van mörge. De vereiniging haet ein aantal jaore geleeje belangrieke keuzes gemaak en zich volledig op häör Steins publiek gerich. Dure konkoersambietsies höbbe plaats gemaakt veur investeringen in de eigen opleiding en jeugd. Nao 125 jaor is de fanfaar van Stein daorôm nog ummer sprènglaevend en veural jôngk van geis. De fanfaar maakt mit eige leeje en op eige krach muziek. Ooze “themakonzerte” zeen totaal produksies gewoore en waere gewaardeerd door ein grwoat publiek. Daonaeve weurd ruumte gegaeve aan de ôntwikkeling van jông talente en oetdagende projekte. Weer zeen grwuetsj op de steun van ruum 2000 donateurs bie ooze jaorlikse donateursrunjes. Ooze dank geit aug oet nao oos vrunj, ooze achterban die sinds kort vereinigt zeen in “Les Amis Fanfare de Stein”.

Profile for Ton Sleijpen

Bèsj 2018  

Bèsj 2018  

Advertisement