Page 23

Jeugdraod oetstepke Jeugdprins Mike III Zônjig 10 september waor ut zwoawiet, Jeugdprins Mike haej gekaoze ôm ein jaorliks oetstepke te maken nao Toverland. Alles woord gereigeld en Toverland gereserveerd. Ôm 9 oere vertrôkke weer mit de ganse groep nao Sevenum, lekker gemèkkelik en gezellig in de bös; die hauw Prins Erwin nog snel kènne reigele. Natuurlik maogde de karnavalsmeziek ( neet te hel ) neet ôntbraeke in de bös, en ut waor gezellig! Ôm 10 oere kaome weer aan bie Toverland en zochten ein plaetske. Wat ein gelök hauwe weer mit ut waer, dat waor ôs good gezind, dus ginge weer boete zitten. De taofele woorte taegenein aan gesjaove en alles oet de tèsje gehaold. Aan de kènjer waor gein hauwe mjaer aan en die gingen dan auch mitein allemaol ut park inne. De Troy, de Dwervelwènjd, de Scooters en natuurlik de Wildwaterbaan waore de meist favoriete attraksies, zwoawaal van de Jeugdraod es van de volwassenen die mitgegange waore. Wat eine geweldig sjieke daag höbbe we saame gehad. De kènjer kaome af en toe èns aan ôm te aete en te drènken en effe te vertèlle wat ze allemaol gedaon haeje. Maer ze waore auch weer aeve rap weg. Helaas höbbe weer deze middig auch nog aafsjied moot numme van 3 leeje van de Jeugdraod; Dean, Eviënne en Juul väöl bedankt veur de ônvergaetelikke vastelaovend dae ich mit uch gehad höb! Wat een superdaag waor dit, weer eine ôm nwoajt mjae te vergaete! Zèllefs Prins Erwin vônj ut sjiek, hae haet zich nog laote schmincken, wat zaog dae sjwoan oet. Op ut einj van de middig höbbe weer allemaol saame gegaete. Ut waor lekker drök, maer zeker zwoa gezellig. Heerlik..friet met eine snack nao keuze. Ôm 18 oere vertrôkke weer weer mit de bös nao Stein. Gelökkig kooste weer eindelik allemaol in eine stool neerplôffe. Kapotmeug, maer waal ein sjieke daag gehad. Ich wil eederein bedanke veur dae gewèldige daag!

Ein sjwoan gruupke bie-ein.

Jeugdprins Mike III Adjudant Jasper ALAAF!

Nao eine daag ravotte is ‘t good eate..

De wildwaterbaan van Toverland; ummer good veur ein naate brook...

Eederein haej ‘t good nao ziene zin. Auch Prins Erwin vông ‘t leuk. 21

Profile for Ton Sleijpen

Bèsj 2018  

Bèsj 2018  

Advertisement