Page 14

Aafsjiedsweurdje Jeugdprins Mike III

- Mien pap en mam, wat bèn ich blie dat geer dit veur mich mäögelik gemaakt höbt - Opa Jo, Oma Mia, Tante Jeannie en.. in ’t gans biezunjer miene Opa Wiel. Bie mien Oetreuping nog grwuetsj in de zaal debie, maer noe helaas neet mjae ônger ôs. Wiejer natuurlik, alle luuj van Stein die mien Prinsesjap ônvergaetelik gemaakt höbbe. Prins Erwin en zien Prinses Monique, Adjudant Hay en Hofnar Danée, gooj vriendin gewoore intösje, en miene Adjudant Jasper: Ich wil uch nog èns zègke, dat ich èch genaote höb van eeder minuut. Wat ein fjes is ’t gewaes, weer höbbe gesprônge, gezônge, gelache…En wat ich èch vet höb gevônje, wie Erwin bie mich baove op miene Prinsewage geklômme waor ôm saame mit mich en Jasper te fjeste !

Leef Geitjes en Bökskes, Ut begoos allemaol in november 2016 wie Thè en Ton mich kaome vraoge of ich Jeugdprins wol waere. Miene druim is oetgekome en ich kèn uch zègke: Dit haej ich nwoats wille misse! Wat ein geweldig sezoen höb ich gehad , vol sjwoan herinneringe veur de res van mien laeve. Mit eine lach en ein traon. ’t Oetrope, de Prinsenrecepsie, de Kènjer- en Grwoate optocht, alle oetstepkes; alles waor in ein woord FANTASTIES. Noe is veur mich de tied gekome ôm es Jeugdprins aafsjied te numme, jaomer genoog, van ’t Steinder Bokkeriek. Ich wil eederein bedanke veur deeze ônvergaetelikke tied en supersjiek sezoen! Maer in ’t biezunjer de volgende luuj: - Opperbok Ton en Thè Duckers, bedankt dat ich van uch dees kans kreeg ôm Jeugdprins te maoge zeen. - De Wieze Raod en hun Geitjes, wat waor ’t gezellig mit uch allen, wat höb ich ’t mit uch gewèldig nao miene zin gehad! - Sandra Sleijpen, bedankt veur ’t opvange van miene Opa veur aanvank van mien Oetreuping - Frank Grummer, auch bekènd es Alfa-Frank, bedankt veur dae sjieke film die ste veur mich gemaakt höbs - De Flierefluiters veur de organizasie van de geweldige “Flierefluiter-middig” naodat ich waor oetgeroope - Ron en Diana, bedankt veur de sjieke Leech-Letters, ze höbbe ’t ganse jaor aan de vinster veur gehangen - Miene Adjudant, Jasper, ich höb eine sjieke tied belaef mit dich, vrunjd veur ’t laeve! - Ariane en Roger, pap en mam van Jasper, bedankt dat Jasper mich haet moage biestaon. - Miene broor, Roy, altied waor ste debie en dat vônj ich SUPERSJIEK! 12

Nwoats zal ich dit kènne vergaete en ich höb nuuj vrunj debie gekreege. Ich bèn van plan ôm kômend sezoen es Opperbökske van de Jeugdraod mich nog good te gaon ammezeere en dan zal ich auch van deeze sjieke groep aafsjied gaon numme. Ich houp van harte dat miene opvolger minstes sjus zwoa ein sjiek sezoen zal höbbe es dat ich gehad höb. Dit waor PUUR GENEETE !! Jeugdprins Mike III, STEIN ALAAF !

Eine Jeugdprins van de Steinder Bök weurt op henj gedraage....

Profile for Ton Sleijpen

Bèsj 2018  

Bèsj 2018  

Advertisement