PINK MAGAZINE, #1 (Summer, 2013)

PINK: მოდი ასე დავიწყოთ ─ ვინ არის ნინუცა მაყაშვილი? ნინუცა: რა უცნაური კითხვაა, ჯერ არასდროს არავის დაუსვამს ჩემთვის მსგავსი. დამაფიქრე... ალბათ იმიტომ, რომ ჯერ კიდევ არ ვარ ჩამოყალიბებული ბოლომდე ვინ არის და საბოლოოდ რა უნდა ნინუცას. რამდენიმე წლის შემდეგ რომ დამისვა იგივე შეკითხვა, შეგიძლია? (იცინის)

PINK: კარგი. მაშინ ის მითხარი, ახლა რას საქმიანობ და რითი ხარ დაკავებული? ნინუცა: ამჟამად რუსთაველის თეატრის მსახიობი ვარ, სამწუხაროდ სპექტაკლები ჯერჯერობით არ გვაქვს. ამიტომ სხვა პროფილით ვმუშაობ. „მაესტროზე“ დილის გადაცემა „მაღვიძარას“ წამყვანი ვარ.

PINK: შენს პირად ცხოვრებაში რა ხდება, რა ეტაპზე ხარ?

“თუკი ადამიანს კონკრეტული მიზანი აქვს დასახული და მის მისაღწევად შრომობს, აუცილებლად მიაღწევს. ვიცი, რომ ცხოვრებაში უამრავი სიძნელე და სირთულე გვხვდება, რომლის გადალახვასაც საკმაო ძალა და ენერგია სჭირდება. თუმცა, ჩემი აზრით, თუკი რაღაც ძალიან გინდა, აუცილებლად მიაღწევ. მთავარი მონდომება და შრომაა.”

94

ნინუცა: მყავს სამი წლის შვილი, მეუღლეს გაშორებული ვარ. ჩემი ყოფილი ქმარი - ბესო ზანგური ასევე რუსთაველის თატრის მსახიობია. ადრე ყოველთვის მიკვირდა, როცა ამბობდნენ ფრაზას „ვერ შევეწყვეთ ერთმანეთს“, თუმცა სამწუხაროდ მსგავსი საკუთარ თავზეც გამოვცადე. ნოდარიკო 7 თვის იყო ერთმანეთს რომ დავშორდით, თუმცა მანამდე 2 წელი ვიყავით ერთად.

PINK: როგორ უთავსებ ერთმანეთს სამუშაო გრაფიკს და შვილის აღზრდას? ნინუცა: დედის ფუნქცია მთლიანად დედაჩემს აქვს გადაბარებული. ის უფროა ნოდარიკოს დედა, ვიდრე ბებია. ყოველდღე დილის 5 საათზე მიწევს ადგომა, სამსახურში კი საკმაოდ გვიანობამდე ვრჩები ხოლმე. სახლში რომ ვბრუნდები, ჩემს შვილს თითქმის ყოველთვის სძინავს. შესაბამისად, ვერც ბაღში მიმყავს და ვერც იქიდან გამომყავს. თუმცა, როცა კი დრო მაქვს, ყოველთვის მასთან ვატარებ. როცა დამინახავს მაშინვე ყვირის „დედა, მოდი დავეჯახოთ ერთმანეთს“. ძალიან PINK | ზაფხული 2013