Mete Peçi
mbushnin ujë, por e keqja ishte se ne do të merrnim ujë në fund të gjithë burimeve, ku ishte një ferrë, e cila sot nuk ekziston. Aty afër është ngritur një lokal, të cilin e ka i biri i Dervish Rukos, Dari Rukua. Megjithatë, po nga ai ujë, kanë nxjerrë një çezmë në rrugën kryesore dhe i thonë “Çezma e Axhemit”. E ka bërë Axhem Peçi. Nëse nuk do të mbushnim ujë te ferra, gjyshja e njihte ujin, na e zbraste dhe do të na dërgonte përsëri. Nuk mund ta gënjenim, pasi do të shkonim përsëri dhe do të lodheshim. Këtë e bënim, kur përtonim të shkonim te ferra, ose kur na kthenin të tjerët, duke na thënë: “Mbushni këtu, se njësoj është uji”. Ujin nuk e njihte vetëm gjyshja, atë e njihte edhe babai, të cilit edhe atij nuk i bëhej hileja. Ai, si edhe gjyshja, po ta gënjeje, do të bëheshe me të “armik “. Dua të nënvizoj se mëmat, jo vetëm jona, por, në përgjithësi, përballuan sfida më të mëdha në jetë. Nëse një burrë vuan, ose sakrifikonte për jetën, do të ndryshonte shumë me një grua, pasi burrit natyra i ka dhënë forcën, por edhe avantazhe të tjera, ku nuk do t’ia dinte se çfarë bëhej me punët e lodhshme të shtëpisë, ato i takonin gruas. Asqë mund të krahasohet me gruan, pasi vetëm mbajtja e një fëmije në bark, sa i koston, pale pastaj, kur del në jetë e rritet, apo, kur bën dhjetë e dymbëdhjetë. Më lart dhashë një hollësi për dajot nga Kokajt. Po shkruaj edhe për dajot nga Zumbulajt. Edhe pse Myrtezani e Mustafai ishin kushërinjtë e parë të mëmës, e kemi thenë që te këta kemi pasur më ngrohtësi, më përkrahje. Myrtezani ishte djali i madh i Bedriut. Vetë Myrtezani punoi tërë kohën në kooperativë, herë në blektori, herë në bujqësi, herë në ndërtim si murator. Ai ishte i martuar me Faron, e cila është nga fisi 64