CHÁKE KARAI OCTUBRE

G A C E T A P A R N A S U S O C T U B R E 2 0 2 1 | V O L . 0 9

I Háke octubre iñapysêma Ha hendive karai ñaña osêma Heko ky’a ha ijao chalái Ha ohohápe mba’e porâ ndohejái

II Voíko ha’e opu’â ha tavaháre oikundaha Ñambyatýke jepe’a ha tuicha jajatapy Oñepyrûma ko karai oñembosako’íva oheka Tembi’u Paraguay teete ñañepyrûke ñamboguapy

III Karai reko ñaña, rendyva puku Oikese nde rógape ohejávo ñembyasy Ejetyvyróke ha eñepia’â Háke asaje mboyve oîmbámava’erâ

IV Jopara rypy’û tuicha topupu Ipype lókro ha kumanda Sevói, kesu ha kuratû Tombohyakuâ nde rogapy

G A C E T A P A R N A S U S O C T U B R E 2 0 2 1 | V O L . 0 9

V Háke asaje potaite ha karai reko ñaña Oñembojaséma ohejávo po'a'ỹ Aníke rekyhyje ha joparápe tohasa Ha hendaguépe mbohayhu topyta

VI Háke oguahêma asaje ha ka’aguýgui osê Oiko oikundaha, oguata mbegue, nde rógape oikese Aníke eheja, háke ohejáne ñembyasyrâ Eñembosako’íke ha tembi’u Paraguay re’uva’erâ

VII Eimérô ndereroviái ejejokóke Háke karai Octubre nde rógape ohóne Ha oimérô jopara nderejapói ñembyasýpe reikóne Ha vy'a'ỹ apyra'ỹ nde rekovére ojejokóne

VIII Ñañembytypána ha torýpe toiko upe karuguasu Mesa ao morotî jaipyso ha tuichakue ñamoî upe mesa puku Ha hi’ári totimbo mandi’o, sopa paraguái ha chipaguasu Ha ayvu ha vy’ápe, ñañembo’e rire torýpe oñondivepa jakaru

G A C E T A P A R N A S U S O C T U B R E 2 0 2 1 | V O L . 0 9

IX Mba’e piko chembokyhyjéta aipo jasypa ñepurû Arekórô tembi’u ñanemba’ete , joparápe ojehero Ha hi’arieteve che rogaygua mborayhu Ha hendive Ñande Ruete tuicha tovasa ombou

X Péina reikuaáma erekórô joparami ñane rembi’u Ha nde rógagui karai octubre tuicha ojere Eme’êke aguije háke ndéichagua sa’i oî tekove Eme’êke oîvape tanemoîrû Eikuaáke ñame’êvo, hetave ñandéve oñembou háke karai Octubre, aníke nde rógape oguahê Vy’a, mborayhu ha tovaságui nde ha nde rogaygua apenderenyhê

Ohai: Narciso Ramón Careaga Santander 22 jasyporundy 2021