Issuu on Google+


DEPORTE Awe

DIASABRA 24 MEI, 2014

IBiSA ta informa:

Aquathlon Escolar 2014 sorprendente

Diasabra mainta dia 17 di mei 2014 a tuma lugar pa prome biaha Aquathlon Escolar. E animo di e scolnan tabata sorprendente. Diferente scolnan na Aruba a participa cu alumno y docente kendenan a demostra hopi interes den e deporte escolar nobo aki. E check in a cuminsa 7â&#x20AC;&#x2122;or di mainta mientras e actividad a start pa 7:45 am. Alumnonan bou e categoria <15 aĂąa individual a core 1 kilometer, landa 100 meter, pa despues core 1 kilometer mas riba Linear Park. Esnan di mes edad pero cu a core den team den forma di relay a parti e tarea aki di tal manera cu un alumno (A) a core 1 kilometer, na final di su prome careda e ta tik e man di su colega di team (B) kende a drenta lama y a landa 100 meter. Ora cu e miembro di team aki (B) sali for di lama a tik e man di su colega (A) caminda cu esaki a sigui na careda atrobe pa core su ultimo kilometer. Premiacion a tuma lugar den sub-categoria di edad. Di mucha muhernan di e categoria B-Meisjes kende nan a participa individual a sali na prome lugar Britta Schwengle di Colegio Sagrado Curason. Na Segundo lugar a termina Chloe Farro di St. Michael School. Locual ta trata e categoria B-Jongens e titulo maximo a bai pa Princes Amalia School den persona di Shaun Lindeborg y na di dos lugar a termina Nathan Lindeborg kende ta di mes un scol. Den categoria B&C Mix Relay Colegio Sagrado Curason a bay cu tur premio. E team campeon den e categoria aki ta consisti di Brian Howell y Lucien

Peterson. Derwyn Marchena y Emmanuel Nicolas ta di e team cu a sali na di dos lugar. E miembronan di e team cu a sali na di tres lugar ta Jeandre Kock y Kleyon Henriquez. Den categoria C-Meisjes Individual Gwenandy Kock di Colegio Sagrado Curason a bay cu e titulo maximo. Na di dos lugar a termina Zurrienne Dabian di Princes Amalia School mientras cu Zoe Thode di Colegio Cristo Rey a termina na di tres lugar. Den categoria C-Jongens Individual ta Jasper Timmer di Colegio Sagrado Curason a bai cu e premio maximo. Na di dos lugar a keda Dylan Wouters di Colegio Sagrado Curason y Brandon Gordon di Commandeur Pieter Boerschool a finalisa na di tres lugar. E premio maximo den e categoria D-Jongens Individual a bay pa Morris Croes di Colegio San Augustin sigui pa Giomir Leocadia di Mon Plaisir College. Merijn Faro di Maria College a termina na di tercer lugar. Tur otro categoria a core 2 kilometer (A), djei landa 200 meter (B) y despues core 2 kilometer mas (A). Aki tambe tabatin competencia individual y relay. Pa esnan cu a participa den e categoria Open Klasse Heren 15+ Individual e premiacion tabata manera ta sigui. Chester Hill di Colegio Arubano a bai cu e titulo maximo sigui pa Andrew Valois-Smith di Colegio EPI Sector C&T. Den e categoria aki Dwayne Angela di Colegio Arubano a termina na di tres lugar. Ronald Staring di Colegio Sa-

grado Curason a bay cu e titulo maximo den e categoria Heren Onderwijzers Individueel. Eric Gresnigt di Colegio San Augustin a keda na di dos lugar. Na di tres lugar a finalisa Fernando de Graf di Colegio EPI. Den categoria Dames Onderwijzers Individueel a finalisa na prome lugar Monique van Embden di IBiSA. Soraya Peterson di Colegio EPI a termina na di dos lugar y Jacqueline van Putten di IBiSA a termina na di tres lugar. Neptalie Alberts y Uriana Thielman ta e ganadornan cu a representa nan scol Juliana College den e categoria D-Meisjes Relay. Indira Chan y Ghislady Genser di Colegio Sagrado Curason a bai cu e titulo maximo den e categoria Dames Onderwijzers Relay. Na di dos lugar den e categoria aki a sali e duo Richenella Richardson y Jolanda Faro-Arp di Pius X School mientras cu Renate van Wensem y Anne van Pinksteren tambe di Pius X School a termina na di tres lugar. IBiSA ta felicita tur participante cu a sa di haci di e evento Aquathlon Escolar 2014 uno exitoso y sorprendente. Alaves nos ta haci uzo di e oportunidad aki pa invita pueblo di Aruba pa bin mira y apoya e muchanan cu ta participa na e Olimpiada Escolar cual ta cuminsa mayan, diabierna dia 23 di mei 2014 na Compleho Deportivo Guillermo Prospero Trinidad na Dakota.

19


DIASABRA 24 MEI 2014

PAGINA 11

DIARIO

Minister Oduber:

Ivette Geerman hefe suplente di Departamento di Higiena:

Caminda tin bendemento Aeropuerto mester paga pa servicio di bombero di cuminda tin risico ORANJESTAD (AAN):

ORANJESTAD (AAN): Den un entrevista cu Ivette Geerman cu ta hefe suplente di e departamento di higiena el a splica cu e siman cu a pasa nan tabata basta activo. Supermercado y restaurant ta wordo controla. Te otro siman e accion lo sigui pero lo sigui traha riba e plan pa continua cu control. Hopi localidad no ta cumpli cu higiena y supermercadonan tin producto cu a expira. Tin decisionnan unda cierto situacion grave ta duna advertencia of bai over na sera e localidad pa 48 ora pa nan atende e situacion.   Di parti departamento e higiena ta importante. E reaccion ta diferente di e doñonan pero nan como departamento ta atende cu e seguridad di e pueblo. Si no cumpli cu e reglanan tin problema. Nan como departamento lo bolbe pa sigui duna informacion pero e donjo mester mantene su lugar limpi. E control lo sigui y mensahe ta pa cumpli cu

leynan di higiena.   A mustra Ivette Geerman cu e pueblo ta come hopi riba caya awendia. Tambe a tuma nota cu cada accion riba higiena e departamento ta tuma accion tambe. Caminda tin bendemento di cuminda tin risico. E controlnan lo bai sigui. Durante henter aña nan ta bezig y control ta djis parti di nan trabou. Tin restaurant cu a wordo sera pa falta di e carchi di salud.

Den pasado a yega di papia riba e aspecto di bombero cu lo por cay bou di e dak di aeropuerto mes. Mirando cambionan grandi cu ta tumando lugar a yega na un decision cu lo cobra aeropuerto como gobierno un suma. Esaki ta un concession fee. Tin acuerdonan firma hopi aña caba cu no a cobra pe. Awor a yega na acuerdo unda gobierno lo cobra 2,50 dollar riba cada pasahero y final di 2018 e lo subi. Kier mantene e aeropuerto den rating necesario.  Minister Otmar Oduber a splica cu riba e aspecto di bombero por keda na un fase siguiente. Mester exigi di gobierno cu cierto servicio

mester haya upgrading si kier pa cierto tipo di avion baha na Aruba. Nos ta papiando di inversionnan mayor cu ya caba den 2015 ta wordo haci pa e sistema di pista di aeropuerto cu no por garantiza na cierto aerolinea cu ta yega Aruba. E NV nobo mester genera pa haya un radar nobo y

brinda e servicio spera di un compania manera nan kier hacie. E pista di aeropuerto ta suficiente largo pa brinda e servicio cu tin y no ta un obstaculo pa e Mercado di turismo cu nos ta hayando. No tin ningun plan pa expansion di e pista pero si rond di e pista.


DIASABRA 24 MEI 2014

PAGINA 39

DIARIO

Durante seminario exitoso organisa door di Nature’s Discount:

Terry Leremond a demostra con por biba miho haciendo uzo di alternativanan natural ORANJESTAD (AAN): Recientemente a tuma luga na Cas di Cultura un seminario exitoso organisa pa Nature’s Discount tocante alternativanan natural pa deshaci di dolor door di e experto den medicina natural Terry Leremond. Un publico grandi y hopi atento a acudi pa asina scucha kico nan lo por haci pa mehora nan salud door di uza productonan natural y asina biba mas largo y mas importante ainda, sin dolor. Director Comercial di Nature’s Discount, John Oduber a duna di conoce cu e esencia di e seminario ta cu nos mester biba un bida un tiki mas saludabel y cu nos no mester sufri door di dolor of di otro malesanan cronico manera diabetes of cancer. Door di djis biba un bida mas saludabel hopi di e malesa nan aki por wordo evita. E seminario tabata hopi interesante y tabatin hopi tips pa asina yuda e participantenan pa hiba un miho calidad di bida, el a agrega. Segun Oduber, a laga sa cu durante e seminario a introduci un suplemento cu pa

esunnan cu ta wak programa nan manera esun di Dr. Oz of ta lesa tocante suplemento natural riba internet ta bai ta conosi. Esnan presente a haya sa di tur e beneficio cu e suplemento aki tin.  Ta un suplemento totalmente natural cu yama Curcumin. E curcumin ta bin for di e mata “Turmeric” cu ta un specerij cu hopi biaha nos ta uza den nos cuminda. E ta bin di India y e condimento aki tin hopi beneficio pa salud manera dolor cronico, inflamacion, entre otro. E parti di e Turmeric cu tin e beneficionan pa nos salud ta e Curcumin. Lastimamente Turmeric ta contene un percentahe masha abow di Curcumin y e tiki aki ta hopi dificil pa nos curpa absorbe. Pa nos curpa por absorbe e Curcumin miho e compania Terry Naturally a formala BCM -95 cu ta un formula patenta cu ta permiti absorbcion na un nivel hopi mas halto cu ta permiti e curpa saca tur e beneficio di e Curcumin. Presente na e lectura tabata Minister di Salud Publico, Cuido di Nos Grandinan y Deporte, Dr. Alex Schwengle kende a expresa cu tin estudionan haci na Texas cu ta mustra cu e suplemento aki tin  beneficionan pa e personanan cu tin entre otro dolor of inflamacion.

  “Si por uza productonan natural pa agrega como un suplemento cu ta yuda den bo salud y cu tin menos side effects y cu ta barata I’m all ears”, el a bisa. E mandatario a subraya cu e evidencianan lo demostra e beneficionan y e ta habri pa sugerencianan. Banda di esaki Terry Leremond a splika cu Curcumin ta un suplemento natural cu ultra potencia anti-oxidante. E ta un suplemento natural cu ta anti-inflamatorio, cu ta proteha bo higra, bo sistema neurologico, ta yuda bo pensa miho, ta yuda bo biba mas largo y particularmente alivia bo dolor. Curcumin ta wordo uza cu personanan cu ta sufri problema di curason y cancer, actuando den e celulanan di cancer. Ademas, segun Leremond, Curcumin ta un suplemento cu ta beneficia e personanan adulto na mehora nan condicion mental.


Vos 24514