Issuu on Google+


DEPORTE Awe

DIAMARS 04 MAART, 2014

19

Ceremonia di Despedida di e delegacion Arubano cu lo sali pa e Weganan Suramericano

Aruba, 28 februari. Den compania di representantenan di e Federacionnan deportivo y miembronan di famia a wordo presenta oficialmente diahuebs anochi e delegacion cu lo representa Aruba durante e Weganan Suramericano 2014 na Santiago de Chile. Den e ballroom di Casa del Mar a haci e acto di e ceremonia oficial di presentacion y despedida di e delegacion Arubano. Na e presentacion di e delegacion, Secretaria General di COA, Sra. Nicole Hoevertsz a habri e anochi yamando tur presente un caluroso bon bini. Despues Sra. Hoevertsz a

duna un amplio splicacion di e historia di e delegacionnan anterior den e Weganan Suramericano conoci tambe como ODESUR. Mester bisa cu COA ta contento con e preparacionnan di nos atletanan a bai. E atletanan a traha masha duro durante di un temporada largo, mientras e pronosticonan pa e Weganan na Santiago de Chile ta mustra di por bira satisfactorio. E atletanan sin duda ta conta cu un nivel di preparacion mucho mas superior y profesional compara cu ocasionnan anterior unda esaki a crea un satifaccion sumamente grandi cerca tur esnan

envolvi. E siguiente parti di e programa tabata e presentacion oficial di e 8 diferente deportenan, cu na nan centro un total di 10 deportista: Bowling: Jason Odor y Laurence Wilming, BMX: Zaithyel Soekandar, Hisamento di Peso: Jennifer Piter, Atletismo: Quincy Breell, Landamento: Jemal Le Grand, Taekwondo: Stuart Smit, Beach Volleyball: Eargenell de Cuba y Mitchell Daniel, Traithlon: Renze Postma. Dos atleta femenino di bowling Kamilah Dammers y Tashaina Seraus a wordo selecta tambe pa forma parti di e seleccion pa e

Weganan na Chile, pero lamentablemente no por participa mas, Kamilah pa motibo di un compromiso cu su scol na Merca y Tashaina pa motibo di un lesion. E delegacion lo consisti ademas di e Comision Tecnico di COA, Chu Halabi, Edmundo Josiah como psicologo deportivo y e medico di CEMEDAR Sports Medicine, Dr. Ricardo Vargas y masahista Win Ras kendenan tambe lo acompaña e delegacion. Na cabez di e delegacion lo tin como Hefe di Mision Jairzinho Tromp cu na e anochi aki tambe a duna un splicacion breve di loke por ser spera di nos delegacion na Chile. Presidente di COA, Edwin Roos y Secretaria General, Nicole Hoevertsz, finalmente lo acompaña e delegacion Arubano pa atende e Asamblea General di ODESUR, e ceremonia di apertura y demas actonan oficial.

Por ultimo, Sra. Hoevertsz a desea cada integrante e mihor deseonan, sperando cu nan actuacion lo ta uno maximo. No tin nada mas dushi cu scucha bo himno toca y mira bo bandera bula den exterior durante di un magno evento deportivo manera e Weganan Suramericano 2014. Na final e COA a presenta na cada miembro di e delegacion un pakete completo di informacion, conteniendo tambe nan e uniform oficial pa e Weganan Suramericano. E companía Totto a confecciona e uniform deportivo di e delegación pa e Weganan Suramericano 2014. Clausurando un anochi sumamente ameno, e delegacion y invitadonan a comparti un rato social, durante cua tur esnan presente por a desea tur e participantenan tur forza necesario pa hasi di e participacion aki uno exitoso.


DIAMARS 4 MAART 2014

PAGINA 9

DIARIO

Castigo pa fake docter venezolano a keda mescos den corte di apelacion

ORANJESTAD (AAN): Recientemente huez di corte superior a duna su veredicto den e caso contra e Venezolano Jose Gregorio Guaimacuto Rojas, kende a wordo acusa di causa morto di e hoben Taheely Pietersz na December 2011, door di hasi cierto proceduranan medico

riba dje cu a bay robez. El a wordo acusa tambe di hasi como si fuera e tabata un medico certifica pa hasi e proceduranan estetico cu el a hasi. Banda di esaki el a wordo acusa di uza cierto productonan riba e persona, cu e tabata prohibi di wordo uza, sin

e conocimento y preparacion adecuado. Na Mei durante tratamento di e caso, fiscal a exigi un castigo incondicional contra Guaimacuto di 8 aña. Door cu huez na Juni a bisa cu e no a haya comproba cu intencionalmente Guaimacuto a causa morto di e hoben,

el a dune un castigo di 4 aña, kitando e tempo cu el a sinta caba. Segun huez, no tabata tin suficiente evidencia pa mustra cu e fake docter por tabata sa cu e chens lo tabata hopi grandi pa e mucha muher perde su bida.

Huez a declara Guaimacuto liber di esey. Sinembargo e Venezolano a wordo haya culpable si di hasi un procedura medico riba Taheely, cu a causa su morto. Pa hasi tal procedura medico riba hende, bo mester haya permiso di e persona. Den e caso aki e mucha muher a duna permiso, pero e no a firma un documento special pa esey. E hecho cu e docter a gaña di ta un docter certifica cualifica pa hasi proceduranan estetico, ta pone cu no por bisa cu di berdad Taheely a duna permiso. Taheely a wordo gaña door di Guaimacuto, cu e ta un docter certifica. Pues a base di informacion falso, e hoben a bay di acuerdo pa laga e docter inyecta bio-fill den su curpa, cu a causa pa e haya un emboli di pulmon, cu a causa su morto. Pa loke ta e acusacionnan di falsificacion y estafa, huez a haye culpable. El a hasi como si fuera e tabata docter, el a duna hende carchi riba cual tin poni cu e ta un medico estetico y te hasta el a duna curso hasiendo como si fuera e tabata un medico autoriza pa hasi esaki. Pa loke ta e cantidad di castigo, huez a bisa cu el a tene cuente cu e hecho cu Guaimacuto a causa morto di e mucha muher y cu el a hasi un procedura medico sin di berdad ta califica pa hasi esaki, cu ta algo cu hopi riesgo. Huez a indica cu locual a pasa cu Taheely ta un drama total pa su famia, pasobra nan ta sinti un dolor inmenso pa perdida di nan ser keri. Huez a tene cuenta tambe cu e hecho cu nunca antes Guaimacuto a haya su mes den problema cu husticia. E partido perhudica esta mama di Taheely a entrega un demanda algun siman pasa y huez a bisa cu Guaimacuto lo tin cu gana e 22.521 florin y 5 cent aki di e demanda. Ministerio Publico no tabata satisfecho cu e sentencia y a dicidi di apela. E caso di apelacion a tuma lugar algun siman pasa y recientemente e hueznan di corte superior no a haya cu tabata tin motibo pa aumenta e castigo duna caba den corte di prome instancia. Pues e castigo pa e Venezolano a keda mescos, esta 4 aña incondicional, kitando e tempo cu el a sinta caba den detencion preventivo.


Vos 1 4