Page 1


DIAHUEBS 19 JUNI MEI 17 DIAHUEBS 19 JUNI, 2014, 2014

Minister Arthur Dowers a felicita nos atletanan di Bodybuilding na nan yegada

Diamars atardi nos Atletanan di Bodybuilding cu a bai representa Aruba na Mexico a yega bek satisfecho di nan logro den e competencia di “Mr Olympia amateur Latino Americano” Giovanni Arendsz Presidente di Centro Americano del Caribe na su yegada tabata content cu e logronan di e 4 atletanan cu a bai representa Aruba. Tabata prome biaha cu e competencia aki a wordo organisa na pais Mexico y tabata un bon expereincia pa nos atletanan. Cu un representacion di 4 atleta di Aruba, nos atleta

bodybuilder Guiver Scholten a sali na di dos lugar den categoria di 90 kilo. Durante di e competencia aki un total 17 atleta a participa. Guido Carlo a participa den men’s physique, tall class cual ta un categoria hopi duro. Den e categoria aki tabata tin un participacion di 22 atleta y Guido Carlo di Aruba y a cai den e top 15 nan dene e categoria aki. Otro atleta cu a participa ta Papi Wiersma kende a participa den e categoria di Welter Weight te 75 kilo a logra e di 5 lugar. Hamrash Mulay a participa den Lighter Weight cu

BAY COLOMBIA SIN PAGA

Abonado di ArubAwe ta gana e pasashi mas 200 dollar CASH No Abonado ta gana solamente e pasashi

DE LA SALLESTRAAT 41 A TEL: 5881500 FAX 5824937

Pa un Vakantie

JULI 2014

Perfecto

Participa den nos campaña di dos pasashi destinacion na Colombia

Nomber : Adres : Tel :

tambe ta un categoria basta pisa y e tambe a logra e di 5 lugar. Pa loke ta trata e participacion di Aruba den e competencia aki, ta e prome biaha cu Guido Carlo a bai participa den un competencia asina, mientras cu e otro 3 atletanan ya ta conoci den competencianan di Bodybuilding internacional. Na nan yegada na Aeropuerto di Aruba Minister Arthur Dowers ken ta un fanatico di e deporte aki a felicita nos atletanan y gradicinan pa hiba e nomber di Aruba un biaha

JULI 2014


DEPORTE Awe

DIAHUEBS 19 JUNI, 2014

21

Campeonato Nacional di Landamento Sincronisa tawata exitoso!

Diasabra mainta e Campeonato Arubano di competencia di landamento sincroniza, organisa pa Arubaanse Zwembond, a inicia na Piscina Olimpico Roly Bisslik na Savaneta. Mester bisa cu aunke e ta un Campeonato Nacional tabatin participacion di dos club di Corsou den e categoria di “Beginners” (principiante) solamente. Beginners ta e categoria cu ta consisti di atletanan cu a cuminsa cu e deporte di landamento sincronisa apenas na luna di augustus 2014. E mainta a cuminsa cu e competencia di “figures”, e figuranan tecnico, unda e huesnan a mira e parti tecnico, mientras pa despues di merdia tabata tin e competencia di rutinanan riba musica. E puntuacion di figuranan tecnico y e competencia di rutina ta wordo combina pa saca e puntuacion final di cada atleta den solo, duet y team. E atletanan tur a duna un bunita presentacion na e publico presente, kendenan a saluda cada uno cu un tremendo aplauso, cada presentacion tabata unico den su estilo. E competencia di rutinanan a

cuminsa cu e evento di DUETO TECNICO, esaki ta e evento na unda e landadornan estelar y residencia na Merca, esta Anouk Eman y Kyra Hoevertsz, a demostra nan nivel tecnico, cu despues di solamente 5 dia ta train hunto aki na Aruba a sa di duna un presentacion tremendo. Mesora a sigui cu e evento di Solo den tur e categorianan di edad. Como ganador den e evento solo categoria di 12 aña y menos, a sali Victoria GEURTS, cu a keda na prome lugar y a gana e medaya di oro, sigui pa Kainah CROES , cu a gana e medaya di plata, mientras cu e medaya di brons a bai pa Meghan Tromp. Den e evento di solo den e edad di 13 – 15 aña, a keda na di prome lugar Abigail DE VEER ganando e medaya di oro, na di dos lugar a termina Anastasia van Daal cu a bai cu e medaya di Plata, mientras na di tres lugar a termina Jasiliene Schmidt cu a gana e medaya di brons. E ultimo evento den e categoria di solo tabata den e edad di 16 – 18 aña, na unda Kyra Hoevertsz a logra un prome lugar y e medaya di oro, na di dos lugar a keda Neftaly ALBERTSZ. Den

categoria di Beginners a keda na prome lugar Avigayle Tromp y Aleeza Helder di SWORDFISH, Corsou, cu como participante honorario tambe a hany un medaya di oro. Plata a bai pa Caroline Janssen y Caitlin Ponte da Costa di SWORDFISH, Corsou, como participante honorario. E medaya di Brons a bai pa Mikayla Morales y Githangely St. Hillaire como honorario, tambe di SWORDFISH, Corsou. A sigui mesora cu e DUETONAN di tur e grupo nan di edad, y den categoria di 12 aña y menos e duet Kainah CROES y Victoria GEURTS a logra e prome lugar y un otro medaya di oro, mientras cu Zurienne DABIAN y Meghan TROMP a logra e di dos lugar y nan medaya di plata. E atletanan Janelly Piña y Caroline Alvarez, a logra di tres lugar y asina nan medaya di brons. Den e evento di duet, den e edad di 13 y 15 aña, Anastasia van Daal y Rizhaylee Bello a logra oro cu nan duet, mientras Talisah Beke y Isabella NOGUERA a logra e medaya di plata. Neftaly Albertsz y Alexandra Mendoza a logra gana e medaya di oro den e categoria 16-18 aña. Den e categoria Senior Anouk Eman y Kyra Hoevertsz un biaha mas a demostra un tremendo rutina, dunando nan un score di 79.300 punto. Den e categoria di DUETO Beginners Avigayle Tromp y Jevienne Gomez a logra e medaya di oro sigui na di dos lugar cu Genesis Montero y Karen Castaño pa e medaya di plata. E medaya di Brons a bai pa Yoanna Torres y Reindeline Croes. Como honorario a gana medaya di oro Aleeza Helder y Zena van Henningen, sigui pa Githangely St. Hillaire y Caitlin Ponte da Costa cu medaya di plata. Den e evento di team den categoria Beginners Aruba ta conkista e prome lugar y e medaya di oro, mientras cu SWORDFISH di Corsow ta gana esu medaya di oro como participante honorario. Den e grupo di edad di 13-15 aña tawata tin un team so di Aruba cu a duna un bunita presentacion ariba e musica di e pelicula “RIO”. Na final di e competencia a

haci entrega di e trofeonan pa e ganadornan absoluto. Den e categoría di High Point Trophy nos ta haya Beginners: Avigayle Tromp, 12 aña y menos: Victoria Geurts, den e edad di 13-15 aña: Anastasia van Daal, y den e edad di 16-18 aña: Neftaly Albertsz. Aruba por mira bek atras riba un formidabel presentacion pa loke ta e Campeonato Nacional di landamento sincronisa 2014 y AZB ta felicita tur e participantenan cu nan tremendo actuacion. Felicitacion sigur ta bai na e

atletanan di e selección nacional di landamento sincroniza di Aruba, y un palabra special di exito pa e atletanan cu pa fin di e luna aki lo ta biahando pa competencianan internacional. Un seleccion di 12 atleta lo biaha pa Barbados pa participa na e CISC, esta e “Caribbean Interisland Swimming Championships”, contra e otro islanan di Caribe. Ey e Dueto di Kyra y Anouk lo biaha pa Suisa, na unda nan lo participa na e “Swiss Open Championships”. Nos lo sigui e pasonan di nos atletanan aki di cerca!


DIAHUEBS 19 JUNI, 2014

5

Minister di Finansas Juan David Yrausquin:

“Rapport S&P ta mustra cu nos ta riba bon caminda” y cu nos votadonan a sostene y tambe nos miembresia den congreso.” Sr. Yrausquin ta recorda e vision di Prome Minister Mike Eman for di un principio. Na momento cu a drenta den gobierno na aña 2009, e retonan tabata enorme pa nos pais na e momento ey, cu un caida economico di 15%. E vision tabata inclui tambe con ta responde na un tipo di situacion asina.

Minister di Finansas Juan David Yrausquin, hunto cu Prome Minister Mike Eman a duna comentario relaciona cu e rapport financiero di Standard & Poor’s cu a wordo publica su dia prome. E rapport di S&P a resulta di ta uno hopi positivo pa Aruba cu a afirma e rating BBB+/A2. Despues di a haya elogio di Prome Minister pa su dedicacion y seriedad den su trabou, Minister Yrausquin a bisa cu e ta contento pa esaki y ta gradici Prome Minister pa e sosten. “Obviamente e no ta un trabou cu bo ta haci bo so, e ta un trabou den ekipo y e no ta facil,” Sr. Yrausquin a enfatisa. “E rating cu a sali di Standard & Poor’s y e confirmacion cu nos ta riba e caminda corecto, ta duna nos tur un empuhe pa sigui riba e direccion cu nos ta hibando y e trabou cu tin nos dilanti tambe. Pasobra obviamente ora cu bo tin e confiansa di e instancianan internacional

ta un trabou grandi pa honra e confiansa ey.” Sr. Yrausquin a bisa cu e confiansa aki ta bin tambe cu e necesidad pa keda haci esfuersonan continuo pa bira miho. E compromiso ey, segun Sr. Yrausquin, “nos a bay eleccion cu ne y cu e compromiso ey tambe cu nos a firma entre tur e ministernan.” “Mi kier bisa tambe, cu Prome Minister ta duna elogio pa e liña cu ta wordo hiba, sinembargo e no ta un elogio cu ami por carga.” Sr. Yrausquin ta duna e elogio na e pueblo mes, “e ta algo cu nos a bay eleccion cu ne, den nos programa di partido.” Minister di Finansas ta indica cu den e paragrafo financiero di programa di partido AVP, “tur e puntonan cu nos ta ehecutando na e momentonan aki a wordo poni ey den. E nivel di gasto, e separacion entre gasto y entrada, e reformanan di AOV, di APFA, di AZV, tur ta parti di e compromiso cu nos a bay eleccion cu ne

Na e momento ey, gobierno y Prome Minister liderando e Gabinete Mike Eman I a mustra cu e enfoke ta pa rescata nos pais for di e crisis economico-financiero mundial, e crisis tambe causa pa ciere di e refineria y tambe pa e gobernacion cu tabata tin pa 8 aña. “Esaki ta e enfoke cu nos ta hiba den e prome 4 añanan y a bisa tambe cu e proximo fase di gobernacion, di Gabinete Mike Eman II, ta bay ta uno unda cu nos ta sigura cu locual nos a traha riba dje den e prome gabinete, ta wordo sosteni tambe riba largo plaso,” Sr. Yrausquin a enfatisa, pero “tambe tumando decisionnan kisas no mucho popular, pero si necesario pa continua cu e crecemento economico.” Mas leu ainda Minister Yrausquin ta splica cu, “no ta e rating so ta algo importante cu nos a ricibi, pero tambe indicadornan importante di crecemento economico.” Segun Sr. Yrausquin ta splica, e indicadornan di crecemento economico y di salud financiero ta constantemente den discusion na Aruba y kisas tambe internacionalmente, pero ora cu

IMF, Banco Central y awo Standard & Poor’s tambe ta confirma e cifranan di crecemento economico continuo ta duna e

confiansa y tambe e animo pa sigui traha pa un miho economia, finansas y sociedad pa Aruba.

“E DIFERENCIA DEN RADIO”

Variashon den Programashon Musical, Informativo, Noticiero y Entretenimiento.


DIAHUEBS 19 JUNI , 2014

6

Parlamentario mr. Xiomara Ruiz-Maduro:

Presidente mester stop di trapa Reglamento di Ordo di Parlamento wordo yama ta ehempel palpabel di esaki. Ta duna solamente dos dia pa pasa den un presupuesto na unda cu normal lo mester a brinda por lo menos dos siman pa studia e ley di mas importante pa nos Pais. Pero na mas ocacion nos por a mira e manera inprofesional y tin biaha hasta premedita cu ta yama reunion riba man pa asina dificulta e parlamentarionan den opocicion pa haci nan trabou debidamente. “Nos a tuma nota cu Presidente di Parlamento cada vez ta trapa riba e Reglamento di Ordo di Parlamento yamando reunionnan na un manera pa evita of pa dificulta pa parlamentarionan di opocicion por ta presente na reunionnan. E manera cu e reunionnan pa trata e presupuesto 2014 a

Ultimo tempo por ehempel cada vez e Presidente di Parlamento ta reclama cu Lider di MEP no ta presenta na reunionnan di e comicion cu ta trata asuntonan interno na Parlamento, e Commissie Huishoudelijke Aangelegenheden (CHA). Pero locual no ta wor-

do treci den prensa ta e hecho cu e reunionnan aki ta wordo yama di un ora pa otro y asina ta bira dificil si no ta imposibel pa atende reunionnan yama asina riba man. Sigur si mester tene cuenta cu como parlamentario y sigur como Lider di MEP bo tin un agenda cu ta bastante ocupa y for di dianan di antemano yena cu tur tipo di afspraak cu mester atende cu nan, bo mester por traha na un manera structura. Yamando reunion di un ora pa otro no ta professional y ta contra locual Reglamento di Ordo di Parlamento mes ta prescirbi. Un reunion cu sigur mester cuestiona e manera cu ela wordo yama ta e reunion di CHA di dia 10 di april 2014 pa

dicidi riba e destino di e Griffier di Parlamento. Presidente di Parlamento a yama e reunion aki net na e momento cu sra Evelyn Wever Croes tabata na mortuario buscando su ruman defunto pa hibe entiero na Misa. Yamando un reunion hustamente na e momento ey no ta solamente inprofesional, pero tambe contra tur tipo di etica. Hende por tin diferencia politico, pero na final di dia tin algun cos den bida cu no mester wordo mira cu color politico y morto ta un di nan. Nos ta lamenta cu Presidente di Parlamento ta abusa di e poder di su funcion pa asina haci politikeria cu yamamento di reunion. Nos Pais mester un Presidente di Parlamento cu ta para riba partidonan polit-

ico y cu ta respeta e reglanan di nos Reglamento di Ordo di Parlamento. Pueblo a cansa di e atakenan baho y ta exigi pa keda ken asumi su responsabilidad den e funcion cu nan ta eherce. Nos como parlamentario ta cumpli pa duna un bon representacion pa Pueblo y nos ta spera cu Presidente di Parlamento por eherce su funcion tambe pa ta Presidente pa full Parlamento y no solamente pa su fraccion. Trapando riba e reglanan di Reglamento di Ordo di Parlamento cu e meta pa silencia y stroba opocicion di haci nan trabou, no ta e tarea di un Presidente di Parlamento.� Te aki e comucado di prensa di Xiomara Ruiz-Maduro, miembro di Parlamento.


PAGINA 25

DIARIO

DIAHUEBS 19 JUNI 2014

Pa contribui na educacion riba sostenibilidad y trece trankilidad Bao di aventura y Cu film cortico WEB Aruba ta splica diberticion, e muchanan proceso di desalinacion pa awa di calidad ta siña historia di Aruba Cu un trayectoria di 82 aña, WEB semper na Museo Arquelogico a pone exigencia

ORANJESTAD (AAN): Suzie Boekhoudt di Departamento Educativo di Museo Arquelogico durante un entrevista a splica cu e aña aki ta bay ta di 5 biaha cu Museo Arquelogico ta organiza un programa vocacional na su establecimento nobo den Schelpstraat. El a splica cu aña pasa e Museo tabata tin un programa vacacional cu tabata conecta na un exposicion temporal, unda cu a entretene mas o menos 900 mucha. E muchanan a bin hasi actividad na e Museo y siña un parti di e historia di Aruba. Tabata un programa hopi educativo y recreativo. E aña aki e tema ta bay ta ‘Un Museo yen di Misterio’. “E ta un tema cu nos a link

bek riba e tema internacional di Dia di Museo, cu nos a celebra na Mei”. Esaki segun Señora Boekhoudt, kende a sigui bisa cu ta bay enfoca riba e obhetonan den e sala di exposicion di e Museo. Bao di yen aventura y diberticion, e muchanan mes por busca nan informacionnan y descubri e misterio. “Nos tin division den nos programa di vakantie, esta entre otro e ‘Visitor’s Camp’, cu ta e gruponan organiza caba di Centronan di Bario etc., tin tambe grupo individual, unda cu mayornan ta bin cu nan yiunan y tin tambe e camps di Museo, cu ta locual Museo mes ta organiza pa 4 dia”, segun Boekhoudt.

ORANJESTAD (AAN): E E siman aki WEB Aruba ta estrena un film cortico cu ta splica na un manera simpel con e proceso di desalinacion di awa ta tuma luga na un forma sostenibel. Tambe ta pone atencion na ki momento, ken y con ta test calidad di e awa. “E film cortico aki ta forma parti di e trayecto di informacion pa contraresta ponencianan eroneo tocante calidad di awa produci na WEB.”, asina WEB ta informa. E film ta pasa durante e periodo di dos siman benidero na tur tres canal di television local prome, durante of despues di edicion di noticia di

anochi. Pa test conocemento di publico, lo tene un quiz riba e pagina di Facebook di WEB Aruba. Esnan cu a mira e film, facilmente lo por haya contesta riba e preguntanan di e quiz. Pa contribui na educacion riba sostenibilidad, e film aki tambe lo forma parti di ‘E-project’, un proyecto tocante sostenibilidad den produccion di awa y energia cual ta ofrece material educativo pa docente y alumnonan di Ciclo Basico. Pronto lo informa mas di e proyecto aki. Manera a bin ta informa, desde januari calidad di awa potabel di Aruba ta den discusion.

halto na calidad di su awa. Pa contraresta ponencianan eroneo, e planta local a mantene comunidad informa via conferencia y tour pa prensa y cu sesionnan informativo pa publico. Ademas a duna presentacionnan pa miembronan di dos comision special di Parlamento di Aruba y finalmente na minister di Salubridad, dr. Alex Schwengle hunto cu staf di Directie Volksgezondheid. Cu e esfuersonan aki, di un banda WEB Aruba kier trece trankilidad den pueblo pa lo cual ta trata calidad di awa. Di otro banda WEB ta contribui na educacion di pueblo y generacionnan futuro riba tereno di sostenibilidad. Un invitacion ta bay na comunicad pa sintonisa TeleAruba, ATV15 of Canal 22 pa no perde e film. Pa mas informacion por subi WEB su pagina di Facebook of YouTube.

Aruba ta forma parti di Proyecto Small & Medium Enterprises hunto cu Caribe ORANJESTAD (AAN): Ultimo tempo Aruba ta enfocando hopi riba desaroyo economico y tambe dunando mas atencion den cuadro di desaroyo di empresanan chikito y mediano “SME” y actualmente a haya oportunidad pa forma parti di un proyecto hopi importante cu ta worde organiza y financia door di “Regional 10th European Development Fund” den cuadro di nos relacionnan cu Union Europeo. E Proyecto SME ta titula “Strengthening the Development of Small and Medium Enterprises of the OCT’s in the Caribbean Region” y tin un costo total di EUR 15.000.000 pa tur isla conhuntamente. Obhetivo di e proyecto aki ta pa fortifica e desaroyo di empresanan chikito y mediano den region di Caribe, specificamente pa e Overseas Countries and Territories (OCTs) di habla Ingles y Hulandes, y tambe pa

contribui na e diversificacion di economia y prosperidad di cada OCTs mehorando nan posicion competitivo den region y economia mundial. Islanan cu ta participa ta Aruba, Corsou, Sint Maarten, Bonaire, Saba, St. Eustatius, Anguilla, British Virgin Islands, Cayman Islands, Montserrat, Turks and Caicos Islands. Tin tres area di prioridad cu a worde identifica. E di prome ta pa mehora e capacidad y contribui na un miho maneho di gobierno pa asisti e sector economico door di mehora strategia riba SME y legislacion unda cu tin mester. E segundo area di prioridad ta pa mehora calidad y servicio di Business Service Organizations manera Idea y Camara di Comercio door di training, introduccion di un sistema nobo di software, y stimula un miho contacto den e region Caribense. E tercer

area di prioridad ta pa promove un colaboracion mas estrecho cu organizacionnan existente den Caribe riba tereno di comercio y inversionnan door di participa na mas forum y eventonan cu ta worde organiza den e region. E proyecto ta den su fase di introduccion y dia 16 di juni e consultants Señora Diana Hendrickson-Flemming y Sr. Alexander Isings a haci nan prome bishita na Aruba pa topa cu diferente organizacionan na Aruba manera Departamento di Asunto Economico, KvK, ATIA, AIB, ARINA y BEUK pa asina nan por traha un inventarisacion di prioridadnan pa cada isla cu ta forma parti di e proyecto. Aruba ta worde representa na e comite (steering committee) pa e Deputy Territorial Authorizing Officer (Departamento di Asuntonan Economico, Industria y Comercio) y Camara di Comercio.


PAGINA 26

DIARIO

Fout por pasa pero e respet y trato mester keda

Tur trahado publico tin e deber di duna servicio cu respet na e comunidad

ORANJESTAD (AAN): Censo ta conoci di ta un departamento cu a progresa hopi den e ultimo aña. For di basta luna tin un sistema di tuma number for di un mashin unda cu cada hende ta wordo dividi di e servicio cu nan a bin busca na censo. Sinembargo

tin un ciudadano cu a acerca DIARIO y kier a expresa e trato duna door di un trahado publico na un ciudadano cu a bin pone su cedula na ordo. E ciudadano L ta duna di conoce cu e la cunsumi y rabia riba un situacion cu a sosode cu su persona. Despues di a busca

mas informacion a haya sa cu no ta cu ne so e situacion aki a pasa pero cu mas hende cu ta bin pa drecha nan cedula. Segun ciudadano L for di 6 or di mainta e la bay censo pa asina e por caba tempran pa por bay su trabao na tempo, asina mes a logra di haya

Dia Mundial pa reflexiona riba e bienestar di nos grandinan Minister Schwengle ta pidi comunidad pa ta conciente cu “Nos Grandinan” ta conta den nos comunidad.

ORANJESTAD (AAN): Dia 15 di Juni tabata “Dia Mundial di Concientizacion riba Abuso di Hende Grandi”. E prome reacción di nos comunidad lo por ta dicon mester di un dia mundial asina aki. Tristo pero e berdad di humanidad ta, cu nos grandinan ta mesun vulnerabel cu nos muchanan. Miyones di hende grandi rond mundo ta wordo neglisha y abusa. Ta importante pa para keto un rato y wak rond di nos y paga tino con nos grandinan ta biba na Aruba. Aruba tambe tin su problemanan y nos ta atendiendo cu nan step by step. Casonan cu ta wordo registra y famianan cu ta pidi ayudo pa asistencia di nan sernan keri cu ta den e ”tercera edad” ta haya oído.

Abuso di hende grandi ta un problema cu sector di salubridad ta haña hopi importante. Aki te referi na abuso físico, negligencia, explotación financiero, abuso sexual y abuso emocional y sicologico entre otro. E abuso aki por refleha den diferente tipo di problema of condicion di salud, e por y tin impacto directo riba e condicion di salud y ta hisa e factor di riesgo cu ta aumenta condicionnan crónico di salud. Tambe e por aumenta e riesgo pa accidentenan cerca nos grandinan Loke nos no mester lubida ta cu negligencia tambe ta forma parti hopi biaha di e causa principal cu e persona ya di edad avanza ta bira malo. Negligencia den e e grupo aki

ta ora cu esnan responsabel pa e cuido no ta provee cuminda, atención, cuido y protección na e persona vulnerabel aki. Su salud y condición físico lo bay atras cu tur consecuencia cu esaki ta bin cu ne. Pero mes importante ta pa evita cu ta haya of ta busca e oportunidad pa kita pertenencianan financieramente di un anciano. Uza placa y of ta malgast’e y abusa di e confianza cu e hende grandi ta dune na momento di lag’e na encargo di su finanzanan. Otro situación cu ta presenta ta “abandono” cu tambe ta un forma di abuso y abuso emocional cu ta ora ta ofende, humiya of intimida e persona ey cu hopi biaha no por defende of cuida su mes mas tampoco. E control social e ora ta bira supremamente importante ora cu nos señala grandinan cu ta biba nan so y cu no por cuida nan mes. Esaki por forma peliger pa nan, cu nan salud y of tambe cu nan siguridad na cas. Minister Schwengle ta preocupa cu e casonan señala localmente y aunque nan no ta hopi e mandatario ta kere cu sigur cada ciudadano di e isla aki mester ta conciente cu abuso di nos grandinan NO ta aceptabel.

DIAHUEBS 19 JUNI 2014

number 5. Segun ciudadano L e porta di censo a habri 7:30 unda cu e prome 10 hende nan a wordo yuda. Despues ainda su turno no a yega y e persona nan cu drenta despues di dje a pasa prome cu ne. Despues cu por a tuma nota di e situacion aki a haci pregunta dicon tur e persona nan despues di dje a pasa prome cu su persona siendo cu e tin number 5 pa wordo atendi, por a constata cu tin un situacion cu ta pasa bao di e trahado nan mes. Segun L e por a compronde cu na varios ocasion a trece e punto aki padilanti den reunion cu e trahado nan pa nan no salta number. Segun ciudadano L na momento cu e por a compronde e situacion e la puntra e mucha muhe cu ta

traha na e bali cu a atende su persona dicon e ta salta cada bes persona nan cu mester bin atende nan cedula e contesta di e sra na bali 4 of 5 tabata ‘’Bo no ta biaha cu paspoort tog’’ E ciudadano L ta duna di conoce cu e la keda sorprendi cu e reaccion di e trahado publico y a cunsumi riba e situacion unda cu a paga su 40 florin y a Sali for di edificio. DIARIO por a compronde for di e ciudadano cu tabata basta rabia y desapunta y kier a trece esaki den publicidad debi cu un trahado publico mester respeta y tin manera pa atende cu pueblo. Pero tambe kier a trece na conocemento di e director pa asina ta na altura ya cu no por a localisa su persona ainda.

Na Hulanda

Parlamentarionan Dangui Oduber y Xiomara RuizMaduro a purba desacredita e fundeshi di nos economia ORANJESTAD (AAN): Turismo y su diferente componentenan tabata e tema central di e preguntanan haci door di Fraccion di MEP na Minister Otmar Oduber durante e promer ronde di tratamento di presupuesto 2014. Hopi di e preguntanan aki tabatin informacion incorecto, cual e mandatario a coregi presentando cifranan al caso. Un di e preguntanan aki tabata relaciona cu e cantidad di turistanan Hulandes. Minister Oduber a indica cu ta trata aki di informacion incorecto. El a recorda con miembronan di Parlamento Dangui Oduber y Xiomara Ruiz-Maduro a bay yora na Hulanda cerca medionan di comunicacion bisando cu Europa y Hulanda su cifranan ta cayendo. Contrario na e declaracionnan aki cifranan, cu ta papia pa nan mes, ta presenta e realidad di e situacion. Europa a presenta un crecemento di 3.2% durante ultimo añanan. “Den e 5 añanan, incluyendo e aña aki aden, tabatin un aña cu un caida di 2%, pero e averahe ta di un crecemento di riba

3% for di Europa”, Minister Oduber a indica. Tambe el a cuestiona e forma di actua di e dos parlamentarionan di MEP, bisando cu ta ki meta nan por tin como miembro di Parlamento cu ta representa pueblo y su bienestar pa lanta den un avion cu pueblo ta paga pa bay Hulanda pa purba desacredita no e politico, pero e fundeshi di nos economia cu ta nos turismo. Simplemente lesando e cabez di e articulo na Hulanda por sa caba ki declaracionnan nan a duna, pasobra ta papia cu nos ta ‘bloed dood’e turistanan cu e cobranzanan. Den nan meta politico nan no a pensa cu nan ta dañando henter e mercado Europeo Hulandes cu ta nos di tres mercado mas importante. Minister Oduber a conclui e parti aki bisando cu ta importante pa no wak beneficio personal, no wak e anhelo pa purba yega na gobernacion, pero pa wak e bienestar di nos comunidad, pa wak e daño cu ta haci na e comunidad aki a traves di accionnan haci.


PAGINA 46

DIAHUEBS 19 JUNI 2014

DIARIO

Campeonato Arubano di landamento sincroniza tabata tin un bunita presentacion ORANJESTAD (AAN) Diasabra mainta e Campeonato Arubano di di landamento sincroniza, organisa pa Arubaanse Zwembond, a inicia na Piscina Olimpico Roly Bisslik na Savaneta. Mester bisa cu aunque e ta un Campeonato Nacional tabata tin participacion di dos club di Corsow den e categoria di “Beginners” (principiante). Beginners ta e categoria cu ta consisti di atletanan cu a cuminsa cu e deporte di landamento sincroniza apenas na luna di augustus 2014. E mainta a cuminsa cu e competencia di “figures”, e figuranan tecnico, unda e hueznan a mira e parti tecnico, mientras pa despues di merdia tabata tin tin e competen-

cia di rutinanan riba musica. E puntuacion di figuranan tecnico y e competencia di rutina ta wordo combina pa saca e puntuacion final di cada atleta den solo, duet y team. E atletanan tur a duna un bunita presentacion na e publico presente, kendenan a saluda cada uno cu un tremendo aplauso, cada presentacion tabata unico den su estilo. E competencia di rutinanan a cuminsa cu e evento di DUETO TECNICO, esaki ta e evento na unda e landadornan estelar y residencia na Merca, esta Anouk Eman y Kyra Hoevertsz, a demonstra nan nivel tecnico, cu despues di solamente 5 dia ta train hunto aki na Aruba

a sa di duna un presentacion tremendo. Mesora a sigui cu e evento di Solo den tur e categorianan di edad. Como ganador den e evento solo categoria di 12 aña y menos, a sali Victoria GEURTS, cu a keda na prome lugar y a gana e medaya di oro, sigui pa Kainah CROES , cu a gana e medaya di plata, mientras cu e medaya di brons a bai pa Meghan Tromp. Den e evento di solo den e edad di 13 – 15 aña, a keda na di prome lugar Abigail DE VEER ganando e medaya di oro, na di dos lugar a termina Anastasia van Daal cu a bai cu e medaya di Plata, mientras na di tres lugar a termina Jasiliene Schmidt cu a gana e medaya di brons. E ultimo evento den e categoria di solo tabata den e edad di 16 – 18 aña, na unda Kyra Hoevertsz a logra un prome lugar y e medaya di oro, na di dos lugar a keda Neftaly ALBERTSZ. Den categoria di Beginners a keda na prome lugar Avigayle Tromp y Aleeza Helder di SWORDFISH, Corsow, cu como participante honorario tambe a haya un medaya di oro. Plata a bai pa Caroline Janssen y Caitlin Ponte da Costa di SWORDFISH, Corsou, como participante honorario. E medaya di Brons a bai pa Mikayla Morales y Githangely St. Hillaire como honorario, tambe di SWORDFISH, Corsou. A sigi mesora cu e DUETONAN di tur e gruponan di edad, y den categoria di 12 aña y menos e duet Kainah CROES y Victoria GEURTS a logra e prome lugar y un otro medaya di oro, mientras cu Zurienne DABIAN y Meghan TROMP a logra e di dos lugar y e medaya di plata. E atletanan Janelly Piña y Caroline Alvarez, a logra e di tres lugar y asina e medaya di brons. Den e evento di duet, den e edad di 13 y 15 aña, Anastasia van Daal y Rizhaylee Bello a logra oro cu nan duet, mientras Talisah Beke y Isabella NOGUERA a logra e medaya di plata. Neftaly Albertsz y Alexandra Mendoza a logra gana e medaya di oro den e categoria 16-18 aña. Den e categoria Senior Anouk Eman y Kyra Hoevertsz un biaha mas a demonstra un tremendo rutina, cu a ricibi un score di 79.300 punto. Den e categoria di DUETO Beginners Avigayle Tromp y Jevienne Gomez a logra e medaya di oro sigui na di dos lugar cu Genesis Montero

y Karen Castaño pa e medaya di plata. E medaya di Brons a bai pa Yoanna Torres y Reindeline Croes. Como honorario a gana medaya di oro Aleeza Helder y Zena van Henningen, sigui pa Githangely St. Hillaire y Caitlin Ponte da Costa cu medaya di plata. Den e evento di team den categoria Beginners Aruba ta conkista e prome lugar y e medaya di oro, mientras cu SWORDFISH di Corsow ta gana e medaya di oro como participante honorario. Den e grupo di edad di 13-15 aña tawata tin un equipo so di Aruba cu a duna un bunita presentacion ariba e musica di e pelicula “RIO”. Na final di e competencianan a hasi entrega di e trofeonan pa e ganadornan absoluto. Den e categoría di Beginners: Avigayle Tromp, 12 aña y menos: Vicotria Geurts, den e edad di 13-15 aña: Anasta-

sia van Daal, y den e edad di 16-18 aña: Neftaly Albertsz. Aruba por mira bek atras riba un formidabel presentacion pa loke ta e Campeonato Nacional di landamento sincroniza 2014 y AZB ta felicita tur e participantenan cu nan tremendo actuacion. Felicitacion sigur ta bai na e atletanan di e selección nacional di landamento sincroniza di Aruba, y un palabra special di exito pa e atletanan cu pa fin di e luna aki lo ta biahando pa competencianan internacional. Un seleccion di 12 atleta lo biaha pa Barbados pa participa na e CISC, esta e “Caribbean Interisland Swimming Championships”, contra e otro islanan di Caribe. E dueto di Kyra y Anouk lo biaha pa Suisa, na unda nan lo participa na e “Swiss Open Championships”. Nos lo sigui e pasonan di nos atletanan di cerca!


DIAHUEBS 19 JUNI 2014

PAGINA 47

DIARIO

Red Machine ta continua cu su racha ganando di Braves 8-1

ORANJESTAD (AAN) Red Machine no a cuminza e campeonato riba bon pia, pero aworaki ta den un bon racha, caminda nan tin tres wega sigui gana. E biaha aki Red Machine ta propina Braves un derota di 8-1. Mester bisa cu e wega a cuminza cu un duelo di pitcheo entre J Maduro di Red Machine y Jonathan Barry di Braves. Red Machine ta logra score prome den di 3 inning caminda Ronald La Rotta ta habri e inning cu un triple y Nathan Berkel ta empuhe di biaha su tras. Den di 5 inning, Red Machine ta yena base cu 1 out, pero asina mes no ta logra score despues di un double play. Den di inning 6, si Red Machine ta sa di probecha di tur e errornan di Braves y despues sigui cu hitnan oportuno pa score 2 careda mas. Den di 7 inning, e bat di Red Machine ta los aun mas y ta score 4 careda ayuda pa mas errornan di Braves incluyendo un inside the park home run di

Julio “Ambriori” Hernandez, pues e score ta bira 7-0. Esey tambe ta nifica cu 7 inning di labor pa J Maduro ta mas cu suficiente caminda e no ta permiti careda y Braves ta logra dal 3 hit contra di dje. Den di 8 y 9 inning, Djurwin Croes ta drenta di releva y a practicamente sera e porta, permitiendo solamente un careda. E numeritonan final ta: Red Machine 8 R, 12 H, 1 Error – Braves 1 R, 5 H, 7 E. Pa mas detaye di e wega, no hesita pa subi www.iscorebaseball. com/redmachine, caminda e statsnan y scoresheet ta wordo uploaded casi mes ora despues di wega. E siguiente wega di Red Machine lo ta diasabra venidero 21 di juni pa 6:00PM di atardi na Stadion Nadi Croes/ Crismo Angela contra di Freezone Rockets. Un invitation ta bay pa tur e fansnan di Red Machine sin lubida riba nan facebook page www.facebook.com/redmachinearuba.

Campeonato National 2014 [A C A] ORANJESTAD (AAN) - Dia 8 di Juni 2014 a tuma lugar e prome wega di e Campeonato National di Cricket organisa door di Aruba Cricket Association [A.C.A.]. Weganan ta wordo hunga na C.B.L.W.Brazil. E prome round di wega a tuma lugar 11:00 or entre St.Cruz Lions contra San Nicolas Night Riders. Di inicio Lions a prueba mucho fuerte pa e Riders y a gananan .Top scorer na bat pa Lions tabata Sherwayne Williams cu un score di 47 runs e mihor bowler pa e Lions tabata Devon Wright cu total di 4 wickets. Pa Knight riders mihorbatidortawataHansrajDyal cu un top score di31 runs, mihor bowler pa Riders tabata Nawaz Salim cu 3 wickets. E di dos wega di 3or tabata entre e campeonnan di aña pasa San Nicolas Trustees contra RCA Red Devils. Red Devils despues di un tempo non activo a hunga un bon wega contra di Trustees , pero como campeon e Trustees a logra un victoria. Mihor batidor pa Trustees tabata Neilroy Francis cu un top score di 69 runs .Mihor bowler pa e Red Devils tabata Oman Boodhu cu wickets. Mihor batiador pa Red Devils tabata Rabindra Nauth cu 26 runs. Mihor bowler pa di Trustees tabata Richard Gibbs e Eldon Harper cu 3 wickets each. Riba 15 Juni a tuma lugar e di dos phase di e first prome round di e Campeonato Nacional. Pa 11:00 or e prome wega a tumalugar entre dos rival , San

Nicols Trustees vs Santa Cruz Lions. Trustees a gana e toss y a bat prome nan a set un score basta halto pa Santa Cruz Lions . Di Lions a purba di yega e score set pa e campeonnan di aña pasa y no a logra esey e nan a perde e waga. Mihor batidor pa Trustees tabata Neilroy Francis cu un top score di 64 runs , e Kenard Bernard cu 54 runs , e mihor bowler di Lions tabata Gifton Wright cu dos wickets. Batiador mihor pa Lions tabata Gifton Wright cu 20 runs top score ,mihor bowlers pa Trustees tabata Kenard Bernard e Eldon Harper. E di dos wega pa 3 or entre Red Devils vs SN Knight Riders tawata un waga cu basta accion. Red Devils a score casi 200 runs cual ta un score basta halto prome besna C.B.L.W.Brazil. Pa Knight Riders e score aki a prueba di ta imposibel pa yega y a perde asina contra Red Divlls,di a bin bek di siman pasa di un derota. Mihor batidor pa Red Devils tabata Eon Singh cu 70 runs top score. Mihor bowler pa Knight Riders tabata Cletus Monrockcu dos wickets e mihor bowler pa Red Devils tabata Eon Singh cu 2dos wickets. Pabien na e team ganadornan .Fans di cricket tabata bon entreteni cu muziek , comentario di e wega e cuminda. Otro siman e di ultimo phase di prome round di e Aruba Cricket Campeonato 2014 , full pueblo di Aruba ta wordo invita pa bin enjoy anto wak e weganan di Cricket.

Dia 27 di Juni tin Torneo di Dam pa muchanan na IBISA

ORANJESTAD (AAN)--San Nicolas Dam Club kier anuncia cu dia 27 di Juni ta cuminsa e torneo di Dam cu ta bai tuma lugar na IBISA San Nicolas. Directiva di San Nicolas Dam Club kier a duna di conoce cu solamente e muchanan cu a presenta na e entrenamentonan di e aña por participa pa wak ken ta Sali campeon di Club IBISA San Nicolas

2014. Pa e 3 ganadornan ta bai tin 3 trofeo, un Waarde bon di 75, 50 y 25 Florin y tambe 10 medaya pa e mihornan. Pakico e directiva ta hasi esaki ta pa motibo cu tin muchanan cu no ta bin club pero nan kier participa den e competencia. Ora tin Open Tournament tur mucha por participa, awor ta pa e muchanan cu ta bin entrena constantemente.

Directiva tambe kier a expresa su gradicimento na tur patrosinadornan y tambe na IBISA pa e ayudo brinda pa continua cu e programa tur aña. Ta spera cu dia 27 di Juni ta e dia cu e muchanan ta spera y lo bai tin refereenan invita y tur e reglanan manera e mester ta pa ora tin Open Tournament bo ta bon prepara.

Vos 1961  
Advertisement