Issuu on Google+


WWW.ARUBAWE.COM

1,50

DIARANSON 12 MAART , 2014

DIARANSON 12 MAART, 2014

BONDS TA INSTRUCTOR DI GIANTS

DE LA SALLESTRAAT 41 A TEL: 5881500 FAX 5824937

Florin

P21

arubawe2012@gmail.com

TEAM ARUBA CU PROMOCION GRANDI PA TURISMO

Professional Drag Racers Association, un organisacion nobo di drag na Merca cu a caba di lanta, lo bay promove Aruba como destinacion oficial di vacacion a base di un acuerdo logra cu e Team Aruba, un ekipo di drag di Aruba cu ta trahando y

competiendo pa algun tempo caba na Merca den e mundo di drag racing. Sin duda algun un tremendo promocion cu Aruba lo haya riba e website di ‘PDRA’ caminda nos isla lo ta e “Official Vacation Destination.” Pag. 3

BO KIER GANA UN PASASHI PA BAY VAKANTIE? Yena e formulario y participa! Tur dia un chens pa Gana!

Ta premia su

lectornan!


PAGINA 26

DIARIO

DIARANZON 12 MAART 2014

Den un ambiente masha special y ameno

E productonan di beyesa di Maybelline New York a consenti e damanan riba Dia Internacional di Hende Muhe diferente tono, hasta pa iguala e tono di bo cara. Tin un sin fin di producto di beyesa di Maybelline y una bes bo cuminsa uz’e, bo no lo kier

cambi’e pa niun otro. Na final di e workshop tur e participantenan a keda sumamente contento y satisfecho cu tur e consehonan

di beyesa cu nan a haya, como tambe un bunita tas preto di Maybelline cu algun producto practico pa uzo diario di makeup.

Sindicato ABV ta preocupa

Actualmente tin dos instancia medico di mas grandi di Aruba sin un ‘’raad van toezicht ‘’ ORANJESTAD (AAN): : Awendia nos damanan ta gusta ta na altura di tur e

ultimo tendencianan di beyeza y e productonan di e marca mundialmente reconoci, Maybelline New York, cu ta

netamente e calidad y prijs cu tur dama ta busca pa luci bunita. Diasabra ultimo, un grupo di 45 dama di Iglesia Aliansa Evangelica na Pos Chikito, a celebra e Dia Internacional di Hende Muhe na un manera diferente, asistiendo na un workshop specialmente prepara pa nan di Medicosmetics. E diva di beyesa, señora Mimi Williams, cu ta luci fabuloso na un edad di 58 aña, tabata e estilista invita pa duna e

workshop e merdia aki. Sra. Williams ta conoci pa su tremendo sentido di humor

y pa su presentacionnan di motivacion como tambe les di makiyahe pa tur perfil di cara y colo. Segun Sra. Williams: “Nos como hende muhe no mester tin berguensa pa bisa nos edad, paso edad ta djis un number. Bo no ta haya plooi ora bo ta dinamico, mucho tempo ocupa haciendo bo cosnan y ta biba un bida feliz. No kere cu makeup ta haci bo menos bunita of natural, ta depende con bo ta aplica y kico bo ta uza como producto y no tin nada mas bunita, cu un muhe cu un makeup adecuado pa cada ocasion y momento di dia, hasta pa bay supermercado!”. Loke a resalta durante e workshop aki, ta cu makeup tin varios beneficio, specialmente pa nos como hende muhe. Primeramente e ta protega bo cutis y cara contra e solo fuerte y ta tene bo cutis limpi tambe. Si bo sa cu tin un producto cu bo ta come ta duna bo puishi, no come! Maybelline tin e productonan ideal pa y na prijs super atractivo pa abo tambe luci bunita, cuminsando for di base te cu bo lipstick. Tambe e productonan di Maybelline ta specialmente diseña pa tur tipo y colo di cara y ta bin den

ORANJESTAD (AAN): Sindicato ABV keto bay ta mira cu e situacion na hospital no ta mirando luz di dia. Presidente di sindicato ABV sra Gina Maduro ta duna di conoce cu despues di 14 di februari cu Minister di Salubridad publico Alex Schwengle a anuncia su dos miembro cu lo forma parti di e comision di hospital cu ta representa gobierno, Sr Gino Goeloe y sr Edwin Tromp awor lo mester sigui e siguiente parti segun e statuto. Actualmente hospital tin un

director interino cu ta e director financiero cu a reconoce tanto sr Goeloe y sr. Tromp pa forma parti di raad van toezicht, esaki a wordo acepta caba. Sinembargo ainda sindicato ABV no a tende nada di e otro 5 miembronan cu tambe mester wordo apunta den e comision. AVB ta spera cu den transcurso di e siman cu ta bin cu tin noticia positivo pa cu nombramento di e otro 5 persona cu lo mester forma parti den e comision pa forma e raad van toezicht completo di hospital. Sindicato ABV ta kere cu mas lihe por forma e comision mas lihe lo por cuminsa cu e proceso di posicion di e director nobo di hospital. Segun presidente di sindicato ABV sra Gina Maduro ta iresponsabel pa laga un hospital keda funciona sin un director medico. Actualmente tin diferente proyecto cu ta andando entre otro e parti di construccion cu tambe lo cuminsa. Tur e paso nan aki ta cuminsando sin cu hospital tin un director cu e posicion y bista medico. Aunke cu hospital ta wordo maneha actualmente bao di un director

interno cu tin e bista mas di finanzas cu no ta mes un bista cu un director medico tin. Pa AVB ta importante pa hospital tin su ‘’raad van toezicht’’ y ‘’raad van bestuur’’ completo. Actualmente den fin di maart lo firma cu e contratista cu lo cuminsa haci e trabao necesario pa cuminsa cu e prome parti pa construccion di hospital. Pa loke ta trata e CEO di sindicato AVB actualmente ta sintando na mesa cu mediador pa yega na un bon CEO pa e miembronan di sindicato ABV. Sinembargo loke cu sindicato ABV no ta haya cu ta corecto cu hasta na IMSAN na san nicolas cu for di luna di October no tin un raad van toezicht. Actualmente na IMSAN ta dr Rajnherc so ta na mando. Segun sindicato ABV asina cu e gobierno a cambia ‘’raad van toezicht’’ na IMSAN a baha y cu mester instala esaki dinobo, pero tampoco nada no a wordo haci. Actualmente tin dos instancia medico mas grandi di Aruba sin un ‘’raad van toezicht ‘’ pa por maneha e hospital manera mester ta.


PAGINA 27

DIARIO

DIARANZON 12 MAART 2014

Anualmente tin un average di 65 caso nobo di cancer na pecho

Parlamentario Mervin Wyatt-Ras:

Meta di e fundacion BOB ta pa detecta na tempo iregularidad den pecho di e ser femenino

Influencia di comunidad riba nos hendenan muher ta hopi grandi

O R A N J E S T A D (AAN): Fundacion Bevolkingsonderzoek Borstkanker Aruba ( BOB) a wordo funda oficialmente dia 12 di October 2012. Directiva di e fundacion ta consisti di representante di Departamento di Salud Publico Aruba (DESPA) Huisartsen Vereniging Aruba (HAVA) ,Mary Joan Foundation (MJF), Koning Wilhelmina Fonds Aruba (KWF),Dr.

Horacio Oduber (HOH),Uitvoeringsorgaan Algemene Ziekenkosten Verzekering (UO-AZV). Meta di e fundacion ta pa detecta na tempo iregularidad den e pecho di hende sano entre 45 pa 75 aña di edad, cu por mustra riba cancer na pecho. Asina tambe aumenta e chens pa biba mas largo cu cancer na pecho door di tratamento cu ta menos agresivo y menos intensivo. Hopi hende no sa kico ta incera pa haci control di pecho. Na momento cu bo ta bay haci un control di pecho esaki ta un programa structura caminda un poblacion cu no tin keho ta wordo controla riba cancer na pecho. E importancia pa un control di pecho ta

importante. Mundialmente cancer na pecho ta e cancer mas diagnostica cerca hende muhe. Segun e cifranan Aruba no ta diferente mucho for di e resto di mundo. Anualmente tin un average di 65 caso nobo di cancer na pecho. Aki na Aruba e edad mas afecta ta entre 45 pa 75 aña y mas di 50 % ta entre e edad di 45 pa 65 aña. Den edad di 65 pa 75 aña ta casi 27 % di tur e casonan nobo di cancer di pecho. Cada aña un total di mas of menos 10 mil hende muhe lo wordo invita pa participa na e programa di control. Tur hende muhe ta wordo invita si nan ta riba un edad di 45 pa 75 anda y bo mester ta registra na AZV.

ORANJESTAD (AAN) – Parlamentario drs. Mervin Wyatt- Ras, a inicia e conferencia di prensa di fraccion di AVP, den cual a participa tambe su coleganan mr. Desiree Croes y Melvin Tromp. El a referi na prome lugar na e tema di hende muher. Parlamentario Wyatt- Ras a participa den e conferencia cu riba Dia Internacional di Hende Muher, Minister Michelle Hooyboer-Winklaar a organiza. Ademas den e transcurso di siman tabata tin bishitanan na diferente instancia cu ta atende cu asuntonan di hende muher, y por a constata cu e lucha di hende muher tin algo comun den tur e institucionnan aki. Un di instancianan aki ta CEDEHM cu ta e Centro di Desaroyo di Hende Muher den nos comunidad, tambe a bishita Fundacion di Hende Muher den Dificultad. E parlamentario a subraya cu por bisa cu nos hendenan muher no tin solamente di haber cu e diferente mentalidad cu tin den nos comunidad, pero tin di haber tambe cu e parti di nan mes, cu ora tin un comunidad cu tin influencia riba nan, e lucha di tur dia ta cu nan mes. El a agrega cu e hende muher riba su mes na dado momento tin cu realiza of concientiza cu e por hopi mas cu locual e ta haciendo. Tur e encuentronan cu e hala femenino di fraccion di AVP tabata tin a bin riba e punto aki, na unda a wordo bisa cu aunke e hende muher ta

studia, y el a scoge un carera, e influencia di comunidad ta asina grandi. Como ehemplo, e tin cu ta nechi bisti, cabey bon peña, e mester ta delega, etc. Pues, tin cierto patronchinan cu e hende muher mester fit den dje y si no ta asina e ta wordo critica. E presion aki tin hopi influencia riba hende muher cu nan tin cu los di esaki. E punto ta cu mester enfoca riba e aspecto di mentalidad y e parlamentario ta haya hopi bon cu un grupo di hende homber a lanta y ta bay orienta nan mes riba e asunto aki, pero tambe e ta kere cu e lucha mester bay conhuntamente cu hende muher. E lucha semper a wordo hiba pa e hende muher su so y mester cambia e manera di pensa di e esposo, yiunan, coleganan masculino pasobra ta trata di un lucha continuo, y si mira rond unda cu bay e diferencianan ta keda. Esaki ta un reto grandi cu tin, cu Parlamentario Mervin Wyatt- Ras ta spera no keda den un siman dedica na hende muher, pero den henter e aña cu por mira cu e lucha aki ta continuo y hopi grandi pa hiba, pa e mesun hendenan muher realiza nan potencial, y cu no mester ta dependiente di con otro hendenan ta pensa di nan, pero cu nan por ta autentico y realiza e luchanan cu nan tin basta nan ta kere den nan metanan y cu e comunidad tambe por sigui dilanti.


PAGINA 8

DIARIO

Minister di Salud, Cuido di nos Grandinan y Deporte, Dr. Alex Schwengle

Prikpost di Laboratorio Nacional na IMSan no a stop di traha IMSan ta mira e necesidad di un huisarts lab pa duna servicio 24/7 na e centro di dialisis

ORANJESTAD (AAN): Durante e ultimo simannan Landslaboratorium (Laboratorio Nacional) a haya hopi critica y ta papia riba hopi desaroyo cu no ta berdad. Relaciona cu esaki, Minister di Salud, Cuido di nos Grandinan y Deporte, Dr. Alex Schwengle a laga sa cu Laboratorio Nacional su dependance na Instituto Medico San Nicolas (IMSan) actualmente ta funciona como prikpost y esaki lo keda asina y e servicio aki ni un momento a stop na IMSan.   El a agrega cu e parti di Landslaboratorium na IMSan ta for di servicio pa mas di 6 luna caba, pero e prikpost a keda duna servicio. E servicio cu a cay afo pariba na IMsan ta e proceso di analisis di muestranan cu ta wordo tuma ma IMSan, e mandatario a subraya.   Actualmente tur muestra cu wordo tuma na Landslaboratorium na

IMSan ta bay hospital pa wordo procesa.   Minister Schwengle a indica cu tin otro desaroyo ta tumando luga na  IMSan y esaki ta cu despues cu Centro di Dialisis a keda estableci na IMSan, IMSan ta mira e necesidad di tin un huisarts lab pa duna un servicio di 24 ora pa dia na e centro di dialisis.   Actualmente laboratorio ta sondeando e posibilidad aki. Banda di esaki ta mirando e posibilidad pa   subi eficiencia,  den 3 aspecto cu ta calidad, proceso y finansa.   Cada un di e aspectonan aki Minister Schwengle ta na altura di dje y tin atencion pa nan. Bao di su maneho lo duna prioridad na e aspectonan aki cu ta wordo mira como un necesidad y lo sigui traha riba e otronan pa asina e trabaonan wordo ehecuta segun ta estableci bao di su ministerio, e mandatario a termina bisando.  

DIARANZON 12 MAART 2014

Piscamento ilegal di cangreu den Parke Nacional Arikok ORANJESTAD (AAN): Diadomingo dia 9 di maart empleadonan di Parke Nacional Arikok a haya nan mes ta confisca un bari grandi cu cangreu di algun persona cu tabata pisca ilegalmente den parke. Den oranan di atardi un empleado di parke a nota cu tabata  tin personanan ta piscando cangreu na un sitio den parke. Despues di a acerca e personanan aki a splica nan cu nan acto ta ilegal y prohibi y  a alarma tur otro empleado na e diferente salidanan di parke pa asina atende cu e situacion. E personanan no a haci empleado di parke caso y a purba di scapa cu nan ‘ hayazgo’ ilegal for di parke. Empleadonan

di parke a actua lihe y a detene e personanan na salida y a confisca e cangreunan pa pone esakinan bek den nan habitat.  Parke frecuentemente ta haya su mes enfrenta cu tipo di acto ilegal asina. Ta di lamenta cu no tur hende tin e mihor interes di Aruba den mente y ta bin un area natural pa haci daño y pa kibra ley A procede di tuma contacto cu polis y registra  nr di auto y typo di auto.     Parke su mision ta pa conserva y proteha naturaleza di Aruba y pa percura cu futuro

generacionnan por disfruta di e rikeza natural y cultural di nos isla. Pa e motibo aki cualkier acto cu ta contra e mision di parke y bienestar di Aruba lo wordo ‘ atendi’ inmediatamente y cu ayudo di polis.   Sinembargo Parke ta agradecido cu mayoria di bishitante ta bin disfruta di manera sano y responsabel di Aruba su rikeza natural.



Vos 12314