Issuu on Google+


DEPORTE Awe

DIABIERNA 11 APRIL , 2014

18

Dia Mundial di Salud:

Actividad fisico pa tur trahadonan bou Ministerio di Salubridad Riba Dia Mundial di Salud celebra dialuna 7 di April a organisa un actividad den cual diferente instancia a bini hunto pa asina refleha riba e dia importante aki. E instancianan cu a uni na e evento aki tabata entre otro Departamento di Salud Publico (DESPA), SVb, AZV, y IBiSA y Ministerio di Salud. E vision di Minister di Salud Dr. Alex Schwengle ta hopi cla, e kier pa tin mas movecion y un bida saludabel. Dia 7 di April tabata un bon ehempel ora cu diferente instancia cu ta resorta bao di Ministerio di Salubridad a uni pa move, come fruta y pa pasa un momento ameno. Aunke e tema di aña aki pa loke ta trata Dia Mundial di Salud tabata ‘Vector Borne Diseases”

na cual ta referi specificamente na elimina y preveni malesanan manera entre otro Dengue e mensahe prinicipal ta keda pa sigui promove un estilo di bida saludabel. Aki por haci referencia tambe na cu preveni Dengue taambe ta cay bou di hiba un bida saludabel si nos haci un custumber di tene nos cura y becindario limpi. Tene accion di limpieza den cura y den bario pa elimina criadero ta otro forma di ta activo cu un bon causa. Pa loke ta trata e actividad conhunto dialuna atardi aki tabata un muestra cu no mester worry cu kico ta pasa rond di nos.Nos mester scoge pa nos mes, come saludabel, haci ehercicio, cambia nos estilo di bida y enfoca riba un conviven-

cia saludabel. Minister di Salud, Cuido di Nos Grandinan y Deporte ta boga

pa e tipo di actividadnan manera esaki bira un ehempel pa tur e otro instancianan. Door di

esaki lo por yega na un comunidad mas sano y cu ta biba mas largo.

FEBIAR: Campeonato Gana y Campa mandando un Nacional 8 Ball 2014 Aruba Bank orguyoso sponsor di e weganan di FIFA 2014

SMS na #1313!

E animonan pa e weganan di FIFA 2014 a cuminsa bira mas y mas halto den e dianan aki. Ya caba Tele Aruba a inicia cu un campaña cu cual ta conta cu sosten di Aruba Bank como patrocinador. Aruba Bank conhuntamente cu Tele Aruba a introduci di e manera aki un campaña cu e meta di promove e weganan di FIFA durante nan programa “Destino Brazil 2014”. E campaña ta consisti di lo siguiente: Manda un SMS cu e palabra “FIFA” na #1313 y asina bo lo ta participando den e rifa di un “camping set” di Aruba Bank. E premio ta consisti di dos beach chairs di Aruba Bank, un Cooler Bag y un BBQ gift set. E campaña aki a cuminsa entrante diasabra 5

Otro weekend grand di porta pe wega di Billar mas gusta na Aruba cu ta FEBIAR su Campeonto Nacional di bola 8. E weekend aki April 11, 12,13 Classic Billiards lo ta full house pa e Campeonato Nacional di 8 Ball 2014. Angelo Tromp ganador 2013 lo bin pa defende su titulo. Diabierna lo hunga solamente winners round wega nan ta start pa 6.30 di atardi. Diasabra lo hunga loosers round wega nan ta start pa 3or di atardi. Diadomingo lo ta e gran final nan wega nan ta start 3or di atardi y e gran final lo cuminsa pa 8or di anochi. Ganador lo representa Aruba den e Campeonato Panamericano 2014 na Medellin Colombia na luna di July. Ganador full su ticket y inscripcion lo wordo paga. Drescode: Polo of Camisa, Jeans of Carson, Zapato of Keds. 32 Hungador cu a schrijf in ta: Ransley, Jorge, Richard, Gunnar, Ryan, Fredly, Angelo, Jason, Renesh, Colin, Patrick, Wilfred, Maikel, Alex, Herber, Dito, Armand, Edwin, George, Ivan, Gilbert, Emil, Martin, Ricky, Nathali, Elvis, Josua, Lucas, Sheik, Indjomar, Jeffrey.

di April 2014 y lo caba dia 11 di April 2014. Riba Diasabra 12 di April e fabuloso premio lo wordo entrega (Live) durante e transmision di e programa “Destino Brazil 2014” na Tele Aruba. Riba diabierna 11, e campaña ta sera y e ganador lo wordo saca electronicamente. Un producer di Tele Aruba lo tuma contacto cu e ganador , ken lo wordo invita pa pasa durante e programa “Destino Brazil 2014” na unda un representante di Aruba Bank lo haci e entrega di premio. Participa den e tremendo campaña aki y bira e felis ganador di e “camping set” di Aruba Bank. Gana y Campa!

Dortmundo a contracta Nuri Sahin bek Real Madrid a cumpr’e for di e club Aleman na 2011 pa 10 miyon. Segun e presidente di Dortmund, Hans-Joachim Watzke. Borussia Dortmund a formalisa un contract cu e internacional Turco Nuri Sahin, cu ta hunga ya den Borussia via prestamo di Real Madrid. Dortmund a paga 7 miyon euro pa e traspaso di e hungado. E propio presidente di Dortmund, Hans-Joachim Watzke, a confirma e compra di e hungado, naci na Alemania aunke di origen Turco. Sahin a hunga anteriormente den e club di Bundesliga, pero den 2011 tabata manda pa Real Madrid pa 10 miyon euro. E hungado no a logra drenta den e wega di e team madridista, pa cual a sufri varios lesion y finalmente a bolbe bek na e club Aleman via prestamo, pa un aña y mei cu opcion di compra.


DIABIERNA 11 APRIL, 2014

7

Green Education Symposium ta clausura awe For di dialuna 7 di april te cu awe, Green Education Symposium ta tumando lugar na Cas di Cultura. Tema di e simposio ta ‘Sustainable Food Supply’ (suministro sostenibel di cuminda). E programa ta den oranan di mainta pa muchanan di scol y anochi pa publico general. Focus di e simposio educativo ta riba e importancia y conscientisacion di un comunidad sostenibel, ‘A sustainable Aruba’. Biblioteca Nacional Aruba ta organisando e di tres edicion

di e Green Education Symposium, specialmente pa di ultimo y penultimo klas di scol secundario, di MAVO, Colegio Arubano Playa y San Nicolas, Schakel College, International School, Ibero American High School, EPI, IPA, Scol di Polis, y Universidad di Aruba. Pa e organisacion biblioteca ta partner up cu Green’s Cool, Bureau Innovatie y Santa Rosa, tambe WEB Aruba N.V., Elmar N.V. y SETAR NV. 2000 studiante a haya informacion tocante sumin-

istro sostenibel di cuminda e siman aki. Esaki pa medio di informacion visual, informacion den buki, charla y un tour den bus cu ta pasa na diferente lugar na Aruba cu ta contribui na agricultura y produccion di mata, fruta, yerba medicinal y berdura. Tambe studiantenan ta siña algo di tecnicanan cu ta wordo usa. Tambe IBISA ta duna informacion tocante estilo di bida y alimentacion, cu enfasis riba guia di nutricion y tambe deporte.

Marocanonan rabia cu investigacion riba fraude

Biblioteca Nacional Aruba ta duna un aporte na e asina yama ‘Green Movement’. Riba potret por wak empleadonan di biblioteca na e stand di biblioteca.

www.dahuasecurity.com Caribbean Distributor Cell: 5932050 info@dahuapro.com

Un grupo di interes pa Marocanonan na Amsterdam kier stroba un investigacion di SVB, Banco di Seguro Social, pa haci un investigacion riba fraude den pago. SVB a pidi Marocanonan di 65 plus cu un asina yama ‘Aanvullende Inkomstenvoorziening Ouderen, AIO, pa nan number di identidad Marocano. Di e forma aki SVB kier controla si nan tin placa riba cuenta di spaar, cas of tereno na Maroco. Pero e grupo di interes ta haci un yamada na e comunidad Marocano pa no duna e datonan aki. “Di adelanta ta acusa caba henter e comunidad Marocano,” segun Presidente Abdou Menebhi di e Centro pa Migracion y Desaroyo Euro Mediteraneo (Emcemo). “Nos no ta para pa promove fraude, pero si ta contra e metodo cu kier uza. Na momento cu ta puntra un number cerca un individuo, ta pa motibo cu tin un sospecho. Esaki no ta un trato normal.” Menebhi ta haya raro cu un instancia Hulandes por bay haci un investigacion riba su mes na Maroco. E como 8 mil recipiente di e AIO como tal ta haya e conseho fuerte pa no presenta nan number di identidad Marocano, cu ta e asina yama carte Idente National. E grupo di interesa ta organisa awe un encuentro na un Moskee na Slotervaart pa duna mas informacion di e decision di SVB. E AIO ta un areglo cu tin como obhetivo pa yuda personanan di edad cu ta ricibi un pensioen cu no ta suficiente pa nan por biba y cu no tin propiedad. E AOW ta suplementa cu e AIO pa por yega na sueldo minimo. Pero e ta un obligacion pa e individuonan, tur cu ta ricibi AIO, pa raporta cualkier propiedad cu nan por tin den exterior, incluso placa gespaar riba cuentanan na banconan den exterior. Segun un vocero di SVB, tur cliente cu ta ricibi AIO a haya un carta. Pero pa motibo cu procesamento di cartanan y eventual investigacionnan ta rekeri tempo y hende, y esaki ta haci cu no tur a ricibi e carta e mesun momento. Y pa e motibo aki e cartanan a bay pa gruponan. Por ehempel na 2013 personanan di descendencia Surnameño a ricibi un carta asina. PVV a haci pregunta den Parlamento riba e asunto.

DH-IPC-HFW3200S/ DH-IPC-HDB3200C

HFW3200S

2MP CMOS Full HD Mini Network Camera Series

HDB3200C

Overview:

Features

DH-IPC-HFW3200SP: 2Mp CMOS, 25fps@1080p, ICR, 6mm

• 1/3” 2Megapixel progressive scan Exmor CMOS

fixed lens (3.6mm,8mm optional), IR LEDs, IP66, PoE

• H.264 & MJPEG dual-stream encoding

DH-IPC-HFW3200SN: 2Mp CMOS, 30fps@1080p, ICR, 6mm

• DWDR, Day/Night, 2DNR, AWB, AGC, BLC

fixed lens (3.6mm,8mm optional), IR LEDs, IP66, PoE

• Multiple network monitoring: Web viewer, CMS(DSS/PSS) & DMSS

NVR6000

128 Channel Super Network Video• 25/30fps@1080p(1920×1080) Recorder

• DH-IPC-HFW3200S: 6mm fixed lens (3.6mm,8mm optional); DH-IPC-HDB3200CP: 2Mp CMOS, 25fps@1080p, 3.6mm

Max. IR LEDs Length 20m; IP66

fixed lens (2.8mm, 6mm, 8mm optional), IP66, IK10, PoE

• DH-IPC-HDB3200C: 3.6mm fixed lens (2.8mm, 6mm, 8mm optional);

DH-IPC-HDB3200CN: 2Mp CMOS, 30fps@1080p, 3.6mm

• Micro SD memory, DC12V, PoE

fixed lens (2.8mm, 6mm, 8mm optional), IP66, IK10, PoE

• Made of metal

IP66, IK10


PAGINA 14

DIABIERNA 11 APRIL 2014

DIARIO

Minister Dr. Alex Schwengle cu interes special pa e topico di Social Media durante E-Seminar:

“Cada bez cyber-media ta hunga un rol mas importante den nos sociedad”

ORANJESTAD (AAN): Renaissance Convention Center tabata sold out diasabra mainta ora cu a tuma luga e prome E-Seminar. Un di e participantenan na e tremendo evento aki tabata Minister di Salud, Cuido di Nos Grandinan y Deporte, Dr. Alex Schwengle. E mandatario a laga sa cu e topico aki di Social Media ta hopi interesante. “Mi mes no a lanta cun’e, pero gradualmente bo tambe ta haya bo confronta cu bo kier of no cu cyber-media, si mi por yam’e asina y tambe vooral si bo ta wordo confronta cu e importancia di dje”. Na aña 2009, su mesun yiu, cu apenas 8 aña, tabata

puntr’e si e tin Facebook ya cu e mes tabatin un caba, “claro bao di nos control. Ata mi awor, ami tambe tin Facebook”. Awendia ni corant ni television no ta suficiente mas pa yega na un audiencia. Bo ta mira cu cada bez cybermedia ta hunga un rol mas importante, el a agrega. E mandatario ta haya cu aunke den e conferencianan aki ta papia hopi di e cosnan positivo di social media tambe mester para keto riba e efectonan negativo

cu e por tin riba riba por ehempel, nos hubentud. Tur cos tin di haber cu balans y informacion. Si duna e hubentud tur e informacion riba e beneficionan di social media y teniendo cuenta cu diferente aspecto, cu tempo e balans lo bin, e mandatario a subraya. Banda di esaki, Mark Benson Denz, organisado di e E-Seminar a duna di conoce cu e idea pa realisa e actividad aki a nace mas o menos dos aña pasa y awor e ta contento di por a mira un publico asina grandi unda cu por a yuda

comparti e conocimento cu e participantenan riba tur parti di e era digital cu nos ta bibando aden. Relaciona cu e aspecto di

salud, e la afirma cu social media tambe ta wordo uza den e parti preventivo pa duna tips ribaFacebook, el a indica. Via di Facebook ta un forma hopi economico pa trece tips riba movecion, con pa come saludabel, pa hiba un bida saludabel y pa preveni malesa pasobra e informacion ta yega na hopi hende. Ademas, Mark Benson Denz a bisa, cu e era digital ta permiti mucho mas interaccion, pues un forma moderno y eficiente pa por haya feedback mesora, pa haci pregunta y ricibi contesta instantaneo, engrandeciendo e conocimento di e seguidornan di social media.


DIABIERNA 11 APRIL 2014

PAGINA 23

DIARIO

Eigenbijdrage ta di mas!

Pensionadonan tambe lo participa den marcha di protesta! ORANJESTAD (AAN) – Un grupo di pensionado lo participa den e marcha di protesta diabierna awor, unda cu hopi ciudadano lo mustra gobierno cu nan ta malcontento cu e medidanan cu nan ta tumando, y cu nan a gaña cu lo no mishi cu cartera di pueblo. Despues di tur e fanfaria cu

lo kita BBO (mitar so nan por a baha) tog e costo di bida a sigui subi ketobay, y no a mira un resultado positivo di esaki. Awor cu gobierno a drenta su di dos periodo contando cu sosten di hopi ciudadano, cu nan a logra 13 asiento, awor si nan a saca huña y ta bin cu medida na granel.

Esun mas reciente cu a keda anuncia ta cu AZV lo impone riba e aseguradonan un eigenbijdrage riba remedi. Pensionadonan di gobierno a mira cu tin reaccion di pueblo mas tanto cordando riba esnan cu ta haya bijstand of salario minimo, pero nan mes como pensionado ta bay haya un gasto

cu ta di mas, pasobra como cu nan no tin doño di trabao nan mes tin cu paga AZV y esaki ta cuenta di como 18 porciento na total, caminda hopi di nan a yega di traha na Curacao tambe y nan ta wordo cobra doble AZV (Aruba y Curacao) loke ta un inhusticia pasobra nan no ta haya ningun beneficio

di AZV Curacao. DIARIO a ricibi reaccion di diferente pensionado. No solamente di gobierno pero di esnan cu banda di un pension di AOV masha abao cu nan ta haya, tur aña tin cu paga entre impuesto y AZV mas cu mil florin, pasobra nan ta wordo castiga pa motibo cu nan ta traha, mientras cu nan no por biba di pension so, cu tin di nan ta cobra 400 florin, algun un tiki mas y algun te menos. No tin di haber cu color politico. Tin hende cu nunca a vota pa MEP y cu si a vota pa AVP, cu tambe lo forma parti di e manifestacion aki. Nan ta decepciona y cansa di politiconan gañado, si no ta geel ta berde. Pa ultimo, un di e pensionadonan a puntra nos si nos sa si e tema di pagamento di AZV doble door di e pensionadonan di gobierno cu a traha na Curacao a wordo trata den e encuentro parlamentario entre Aruba, Curacao y Sint Maarten, manera lider di PDR a priminti. Nan kier lesa informacion tocante esaki den nos corant y si por a yega na algo bon pa nan sikiera un luz chikito riba horizonte.

Yiu a rabia pasobra mama a prohibi’e di huma marihuana den cas ORANJESTAD.(AAN); Den Caya Butishi, dialuna atardi patruya di polis a wordo dirigi pa nan comandante na un cas pa asisti un mama cu ta confronta problem cu su yiu homber. E señora di inicial L. a declara na polis cu su yiu a bira agresivo contra dje, debi cu el a bisa su yiu cu e no mag huma marihuana den cas. L. tambe a declara na polis cu su yiu homber a menaze tambe y ademas e mama preocupa a declara cu posiblemente, sea transcurso di e dia en cuestion of e dia siguiente, e lo bay na warda di polis pa entrega denuncia. Na yegada di polis, e mucha homber no tabata tey pa polisnan atende riba su comportacion y falta di respet pa su mama cu ta cabez di cas.


DIABIERNA 11 APRIL 2014

PAGINA 3

DIARIO

Entre otro e lo ta graba combersacionnan priva di e muchanan

Alumnonan a fada di e trato inhusto y incorecto di cabesante di school

ORANJESTAD(AAN): Recientemente un persona a presenta na DIARIO cu un preocupacion cu e tin y cu alumnonan di un school na Playa tin, cu cabesante di e school. E persona a indica cu durante 3 pa 4 aña caba cosnan na e school no ta bayendo como debe ser. Hopi mucha ta wordo zundra pa e cabesante, tin ta wordo menaza y e ta manda nan bay cas sin realmente bon motibo. En total e cabesante aki lo a kita 8 mucha for di school caba. E persona cu a trece e informacion pa DIARIO a bin tambe cu algun carta firma pa e muchanan, den

cual nan ta skirbi algun di e cosnan cu e cabesante ta hasi cu no ta bon. E persona a hiba copia di e cartanan aki tambe pa Ministerio di Husticia, otro medionan di comunicacion y pa SKOA. Den e carta e muchanan ta skirbi entre otro cu en bez di busca un manera pa yuda e muchanan cu tin cierto problema, e ta trata nan na un manera denigrante. Mester papia cu e muchanan na bon manera pa nan sigui cu amor pa e school y dedica nan mes na nan estudio. E muchanan no gusta cu nan ta wordo prohibi di

sinta cierto lugarnan pafo di school, unda cu te hasta nan ta haya straf pa esaki. Nan a indica cu e meneer aki ta uza un pen special cu cual e ta graba combersacionnan priva di e muchanan. Tambe nan a indica cu e persona aki ta mete den nan asuntonan personal, unda cu e lo ta bisa nan pa nan kibra un relacion cu e no ta haya bon etc. Asina tin mas reclamo cu nan tin y nan ta bisa cu di berdad nan kier wordo yuda cu e situacion aki. Pesey nan representante a bay SKOA tambe, pa wak kico por wordo hasi.

PDR lo presenta ley iniciativa pa paga number den Supermarket

Via pago di plachi di auto instancianan y deportivo y caritativo por haya fondo ORANJESTAD (AAN) – Ta conoci cu fraccion di Partido Democracia Real a presenta un iniciativa di ley, pa bin cu cierto aspectonan unda cu institucionnan deportivo, caritativo, etc., por haya apoyo pa medio di recaudacion di fondo via numbernan di auto. Den conferencia semanal di prensa, Parlamentario mr. Andin Bikker, lider di e fraccion, a splica cu por ehemplo teamnan cu tin division di honor manera Estrella, La Fama, RCA, etc., si nan por registra e logo di nan team riba e number di auto, y nan ta haya mil hende registra cu e logo di e number aki cu ta paga un suma adicional pa aña di cincuenta of sesenta florin, nan ta haya un contribucion di trinta mil florin, pasobra mitad ta bay pa gobierno y mitad pa e organizacionnan aki. Tin diferente instituto manera Lions, YMCA, entre otronan, cu ta pone e logo riba nan numbernan di auto ta contribui cu e organizacionnan menciona. E lider di PDR a menciona cu recientemente el a bay den un viahe di Parlamento di Reino, na Nevada, un di e Estadonan di Merca cu ta un di e promenan cu tin como trinta aña caba ta aplicando e ley menciona, y mr. Bikker a pidi pa haya

stimula pa na Aruba automatiza e sistema di paga number di auto cu por hacie hasta den supermercado via tecnologia online; tambe cu e teamnan deportivo y organizacionnan caritativo por

genera fondonan via number di auto, manera na Nevada, ademas cu e ley aki ta bay facilita e comunicacion cu gobierno di forma electronico, pa loke ta pagonan di belasting.

Segun reaccion AZV si a corta den servicio:

Remedi pa ambey un problema hopi comun na Aruba, no ta wordo cubri pa AZV!

un presentacion na e agencia concerni, y nan a mustra cu un biaha den cada cinco aña nan ta haya plachi di number, y cada aña nan ta haya un sticker cu nan ta print out, cu ta e prueba cu nan a paga nan number. Esaki ta un sistema electronico cu hasta polis por controla, no solamente visualmente pero via chipnan. Como cu e ta un sticker nan por paga nan number di auto den supermercado sin nodi para den rij. Parlamentario mr. Bikker a bisa na un forma gracioso cu aki na Aruba un hende a perde dos dia, y despues a

resulta cu e tabata para den rij pa paga su number na Ontvanger… E hecho ta cu na Aruba mester bay cu tecnologia y cu e sistema cu el a menciona no solamente por paga number di auto pero otro servicionan cu gobierno ta ofrece, y nan ta mashinnan cu ta den supermercado. E parlamentarionan a bishita varios di e mashinnan aki y a mira con hendenan a caba di paga nan number den un supermercado. E ley cu PDR ta biniendo cune, den e direccion menciona, tin diferente beneficio. Na prome lugar e kier

ORANJESTAD (AAN) – Segun reaccion tocante e declaracion di director di AZV, cu nada a kita for di e pakete di servicio, pa loke ta remedi tin hende cu ta bisa cu esey no ta cuadra cu berdad. Na Aruba tin basta persona cu ta sufri di ambey. Cada bez nan tin cu cumpra sea zeptil y/of crema pa alivia e situacion. Esaki ta un problema hopi dificil pa maneha, y no tur hende kier wordo opera, pasobra tin casonan cu e problema ta bin back of e operacion no ta resulta mes. Ambey ta un condicion cu ta presenta den personanan, entre otro, cu durante nan añanan di trabao a haci hopi esfuerzo fisico, manera lanta of carga cosnan pisa (manera den construccion), of mamanan cu a haya yiu via natural y a pasa hopi ora haciendo esfuerzo pa expulsa e yiu pafo di nan curpa. Hopi biaha e personanan cu tin e problema aki tambe ta sufri di ceramento di barica.

Podise relaciona cu e mesun trabao cu nan tin, nan no por hiba un alimentacion saludable, manera mester ta. Nan ta come kico cu nan por haya, cu nan por consumi den tempo cortico pasobra nan no por para nan trabao ni mey ora. Tempo di SVb nan tabata cubri e remedinan pa ambey, pero poco despues cu a introduci AZV nan a stop cu esaki. E remedi aki no ta di e barata ey. Cada zeptil ta costa un florin, y e crema pa unidad no ta di e caro ey, pero un no ta yega pa un luna, apenas e por wanta un siman y na final di dia ta como 100 florin e pacient tin cu saca di su cartera pa mantene su mes alivia, y evita sangramento cu por hiba nan te hospital. Esaki ta un so di e medicamentonan cu AZV a stop di cubri, pesey hende ta yama DIARIO pa reacciona riba e informacion no corecto cu AZV ta manda pa e pueblo eyfo.


PAGINA 34

DIARIO

DIABIERNA 11 APRIL 2014

Castigo di 3 aña y 4 aña y mey exigi pa atraco arma O R A N J E S TA D ( A A N ) : Diahuebs e sospechosonan K.T y R.J a presenta na corte di husticia, debi na e hecho cu nan a wordo acusa di ta envolvi den un atraco arma cu a tuma lugar aña pasa September. R.J a wordo acusa di a comete e atraco unda cu el a ranca tas di un señora. Como cu e señora na dado momento a logra ranca e tas bek, e acusacion ta menciona tambe intento di comete atraco. Banda di esaki R.J a wordo acusa di posesion di arma di candela. Pa loke ta K.T, el a wordo acusa di ta complice di e atraco, unda cu e lo a uza su auto pa e y R.J comete e

atraco. Tambe el a wordo acusa di posesion di arma di candela, como cu algun luna despues cu su auto a wordo confisca pa polis, a haya un arma di candela scondi den e auto. Polisnan a haya tambe cocaina y marihuana den e auto, pues el a wordo acusa di posesion di droga. K.T a admiti cu e arma y e droga ta di dje, pero el a nenga di a participa na e atraco. El a indica cu e no tabata sa cu R.J tabata bay comete un atraco. Ademas di e acusacionnan ey, K.T a wordo acusa di a pidi un hende pa gaña pe. E señora kende ta victima den e caso aki a entrega un demanda di 6381 florin, door

cu durante e atraco un di su dedenan a kibra. E señora a indica cu AZV no a cubri gastonan di e operacion, pasobra el a bay afo pa hasi esaki. Algun tempo atras caba e caso a wordo posponi pa algun testigo duna nan declaracion. Un di e testigonan tabata un ex di K.T y kende na prome instancia a declara cu K.T tabata cune, pues cu e no por tabata na e atraco. Despues el a cambia su declaracion, unda cu el a bisa cu e no tabata cu K.T y cu K.T a pidie pa gaña pe. Como cu e testigo a firma e prome declaracion unda cu el a gaña pa K.T, fiscal a considera esaki como falsificacion y pesey el a califica e parti di e

Prome Minister Mike Eman ta reconoce Winston ‘Stankie’ Ashby pa su aporte na deporte den bario di Brasil

ORANJESTAD (AAN): E ‘Accion di Bario’ teni e siman aki na Brasil a sirbi como e momento ideal pa, mescos cu den ocasionnan anterior, duna reconocemento na un habitante cu ta resalta pa su trabou comunitario. Den e caso di Brasil, Departamento Desaroyo Comunitario hunto cu Prome Minister Mike Eman a scoge Sr. Winston Ashby pa e labor haci durante henter su bida na beneficio di deporte. Premier Eman a entrega un plakaat di reconocemento na Ashby, miho conoci manera

‘Stankie’ den presencia di su famia como tambe miembronan di e grupo di BoBario. Na momento di e entrega, prome Minister a hiba dilanti palabranan di elogio. El a splica na esnan presente con Ashby a resalta den su carera pa su dedicacion na aspectonan social y deporte pa nos comunidad. “El a destaca durante hopi anja den baseball, pero tur deporte; a yuda hopi otro den deporte y ta un inspiracion cu tin

un trayecto di tanto exito,” Prome Minister a bisa. El a añadi cu pa “Gobierno ta un honor di por yega na cas di un ciudadano ehemplar asina y dune un reconocemento pa loke e ta nifica pa nos pais y pa e sigui.” E baluarte di Brasil a yega di entrena algun di e miho atletanan na Aruba. Despues di a ricibi aplauso, Sr. Ashby a expresa su gratitud pa e reconocemento ricibi for di Gabinete Mike Eman II. “Mi ta aprecia hopi y ta gradici pa e gesto aki.”

acusacion ey contra K.T como ta complice di falsificacion. Fiscal a trece dilanti cu ta obvio cu K.T mester a participa na e atraco, apesar cu R.J a declara cu tabata un tal Carlos Rangel. Segun fiscal Carlos Rangel no ta existi y un indicacion fuerte cu K.T a yuda cu e atraco ta e hecho cu apenas 20 minuut despues cu e atraco tabata tumando lugar, polis a topa cu R.J y K.T den auto di K.T. Diahuebs na corte K.T a sigui insisti cu e no tabata tin ningun rol den e atraco y cu e no sa dicon e mucha muher a bisa cu el a pidie pa gaña. Fiscal a dicidi di exigi contra R.J un castigo incondicional di 3 aña y contra K.T el a pidi 4 aña y mey. Abogado John Zara representando R.J a indica cu e castigo exigi ta mucho halto. E abogado a splica cu R.J mester ayudo pa e problema

cu e tin cu uso di droga y su problemanan financiero. El a indica cu e merece castigo, pero mas ainda e mester ayudo. Abogado Sven Faarup representando K.T a bisa huez cu e arma cu K.T tabata tin den su auto no tabata pa mata hende. E tabata tin e arma como proteccion, pasobra e tabata wordo menaza. E abogado a bisa huez tambe cu su cliente no por tabata asina bobo di comete un atraco cu su propio auto, den dia cla y sin cambia number di e auto. Esey segun Faarup ta un indicacion cu e no tabata parti di e atraco. Fiscal a indica cu hopi biaha e criminalnan ta comete errornan asina, pues no ta nada inusual. Huez a bisa cu e ta bay pensa riba e caso aki y duna su veredicto dia 30 di April.


PAGINA 50

DIARIO

Hospital nobo lo wordo traha y ekipa ta gasto cu lo core pa AZV

DIABIERNA 11 APRIL 2014

Pronto AZV lo anuncia medida riba receta O R A N J E S TA D ( A A N : Den conferencia di prensa di fraccion di MEP Parlamentario Xiomara Maduro Ruiz ta duna di conoce cu e medida di Algemene Ziektekosten Verzekerin (AZV) ta na caminda y pa juni di e luna aki AZV mester presenta un eigenbijdrage cu pueblo tin cu paga. Segun parlamentario Xiomara Ruiz Maduro e medida aki ta wordo poni banda di e medida cu pueblo ta pagando caba. Tur persona cu tin un receta y cu cada remedi cu wordo receta lo cobra 3 florin pa cada regla di remedi. E situacion aki pa basta dia caba minister Schwengle di salubridad a indica cu e medida aki ta na caminda, pero hopi no a wordo treci padilanti riba e medida aki. Segun Parlamentario Maduro Ruiz awor poco poco ta bin dilanti y na unda cu e director di AZV a anuncia un parti di e subida aki, unda cu a haci e introduccion di e eigenbijdrage cu tin di haber tambe cu hospital. Actualmente e hospital nobo cu tin cu wordo traha y wordo ekipa ta gasto cu lo core pa AZV. Tur esaki ta e motibo dicon lo introduci e parti di eigenbijdrage. Segun parlamentario Maduro Ruiz si ta subi

e prima di AZV mester anuncia na e pueblo prome cu dies yega y subi e prima un dia pa otro. Ta importante pa Minister Alex Shwengle sali afo y papia cu e pueblo di e medida aki. Sinembargo na e momento aki ta trahando riba e medida nan caba y lo wordo reconoci, pesey mes ta importante pa Minister Alex Schwengel antisipa pa pueblo ta prepara. Segun parlamentario Maduro Ruiz na comienso di aĂąa minister Schwengle a sali yen di speed y bisa cu e medida aki ta bin y AZV tin cu subi. Sinembargo despues no a tende nada mas di e minister concerni. Actualmente director di AZV a sali splica riba e situacion cu tin y cu AZV a haci su esfuerso pa purba baha gasto y AZV a logra e parti aki tambe. Sinembargo semper ta keda e parti di deficit cu ta presenta debi cu gobierno no ta cumpli manera mester ta cu AZV. Pesey mes e medida di tres florin riba receta mester bin. Si e situacion di Aruba no ta malo manera cu e ta actualmente awe Aruba no lo mester a wordo confronta cu e situacion aki cu un eigenbijdrage mester tuma luga. Segun Xiomara Maduro Ruiz ta importante cu

       

minister Schwengle sali y duna cara y splica e situacion di e medida y tambe riba e persona nan cu ta mas vunerabel con nan lo por bay paga esaki. Tambe fraccion di MEP ta spera cu minister Paul Croes cu ta minister di Asunto Social tambe por sali dilanti y aclaria con lo bay haci pa e persona nan mas vunerabel den nos comunidad cu no por paga e 3 florin pa nan por haya un receta. Segun parlamentario Maduro Ruiz ya caba tin un medida cu a bin padilanti unda cu lo bay cobra sushi na cada cas y awor AZV tambe ta bin cu su medida di 3 florin. Fraccion di MEP ta na altura cu e hunta di AZV ta deliberando riba e medida di AZV cu ta na caminda pa e pueblo di Aruba.


PAGINA 56

DIABIERNA 11 APRIL 2014

DIARIO

Brazil Taekwondo ta cla pa e di 6 Ultimate International Taekwondo Cup 2014 ORANJESTAD (AAN)--Brazil Taekwondo Stichting su atletanan a demostra diasabra ultimo cu nan ta cla pa e di 6 Ultimate International Taekwondo Cup 2014. E team di Train Hard Fight Smart a wordo bon getrain mental y fisicamente pa diasabra awor dia 12 di April pa e di 6 Ultimate International Taekwondo Cup cu ta wordo organisa pa Brazil Taekwondo Stichting. Alberto Klabér di Brazil Taekwondo Stichting ta confirmando cu e team di Brazil Taekwondo Stichting ta bay bin duro duro. Brazil Taekwondo Stichting tin cu mantene e lema di Train Hard Fight Smart cu ta bayendo den bon direccion. E forma di e trainingnan cu Brazil Taekwondo Stichting ta hibando ta parti di e preparacionnan pa e International Open na Suriname na luna di Juni 2014 y Brazil Taekwondo Stichting ta bay-

endo cu e B y C team. Clifford Rasmijn kende a yega Aruba bek cu nos dos medayistanan di Oro Hakeem

Lowe y Jourdé Klabér for di Santo Domingo, lo scohe su 7 atletanan pa e Copa di Best Team.


DIABIERNA 11 APRIL 2014

PAGINA 59

DIARIO

Den volleyball y futbol pa Weganan Interinsular:

Aruba ta cla pa Boneiro y Corsou

E ultimo preparacionnan ta wordo haci di parti di IBiSA pa ricibi e hoben atletanan escolar di Boneiro y Corsou e fin di siman aki na Aruba. Delegacion di e respectivo paisnan ta yega diabierna den oranan di mainta y atardi. Tur competencia ta tuma lugar den Compleho Deportivo Frans Figaroa na Noord. E programa oficial ta cuminsa diabierna dia 11 di april 2014 pa 7’or di anochi cu desfile di e schoolnan representando nan pais den e ‘Weganan Interinsular’. Prome cu e desfile, pa 5:30 di atardi tin e prome wega di volleyball entre e team di Aruba 1 y e team di Corsou riba cancha paden. Na mes momento pa 6’or di atardi riba veld pafo, e prome wega di futbol ta tuma lugar entre Aruba 1 y Aruba 2. Volleyball team Aruba: Pa loke ta e representacion di Aruba den e deporte di volleyball, nos ta haya e school campeon di volleyball escolar di Enseñansa Avansa cu ta Colegio San Nicolaas, cu ta bira Aruba 1. E hobennan cu ta forma parti di e team ta: Iraida Dorothal, Julianne Dorothal, Jolaine Briesen, Shari Winterdaal, Leisha Curiel, Nakisha Winklaar, Janella Orman, Itaty de Cuba y Marieleen Thiel. Como coach Aruba 1 tin meneer Johnny Winterdaal y segundo coach Afraina Ammerlaan. Como pais organisador, Aruba ta participa cu su team sub-campeon tambe. Den e caso di volleyball esaki ta Colegio San Antonio, cu ta bira Aruba 2. E hobennan cu ta forma parti di e team ta: Cherelle Tromp, Victoria Croes, Micherlyn Flanegin, Naomi Wernet, Andrea Bravo, Estefany Leon, Pamela

Flanegin, Shakira Ascanio, Chantal Villafane y Sharlene Croes. Mientras cu e coach ta juffrouw Eugemine Ignacio y segundo coach Ruthline Schwengle. Futbol team Aruba: Den futbol di Enseñansa Basico, e school campeon ta Pius X School y nan ta Aruba 1 den futbol. E hobennan cu ta forma parti di e team ta: Sally Alvarez, Shakira Geerman, Shaina Jean Louis, Daveny Rosa, Jasmin Bernier, Joella van der Linde, Jennely Vrolijk, Richanella Orman, Xanthe Piña, Shanilka Gomez y Vanscheska Gomez. Coachnan di e team ta juffrouw Richanella Richardson y juffrouw Jolanda Faro-Arp. E team sub-campeon den futbol ta Colegio Laura Wernet Paskel, pues nan ta Aruba 2 den futbol. E hobennan cu ta forma parti di e team ta: Maribel Vrolijk, Lucienne Morillo, Alisha Croeze, Juella Werleman, Rosenely Flanegin, Solaia Henriquez, Rendelaine Wernet, Shirlynne Maduro, Gerienne Morillo, Gearnice Hatma, Gislene Montsanto, Ranchell Mackintosh y Samira Geerman. Mientras cu e coachnan ta Diandra van der Voort y Eta Figaroa. IBiSA ta desea e hobennan hopi exito den nan weganan y cu nan por disfruta di e competencia y cera amistad nobo cu e hobennan di tanto Boneiro y Corsou. Alabes ta invita pueblo di Aruba pa bin apoya e teamnan di Aruba den nan encuentro y anima nan pa logra e titulo di campeon pa Aruba y nan school.



Vos 11414