Page 1


DIASABRA 08 FEBRUARI , 2014

2

SEÑOR TA BISA:“BENDICIONA SEA SEÑOR, NOS DIOS Y SALBADOR: DIA ADEN DIA AFO E TA CARGA NOS CARGANAN. E DIOS EY TA PA NOS UN DIOS CU TA SALBA, CERCA SEÑOR DIOS TIN SCAPATORIO FOR DI MORTO”, SALMO 68:19,20

TEAM ta adverti trahadonan Westin pa no bira victima

TEAM ta representa interes di tur trahado di Westin, simplemente pasobra e directiva mes ta consisti di trahadonan di e hotel cu ta den e mesun situacion cu tur. Esaki ta locual Katuizka Antersijn, presidente di e sindicato ‘inhouse’ di Westin a laga sa awe, den presencia di

nan abogado David Kock. TEAM cu ta para pa ‘Together Everyone Achieves More,’ a dicidi pa bin dilanti pa adverti coleganan pa no cay pa otro sindicato of abogadonan cu ta pretende di kier yuda den nan situacion awor cu a bende accionnan di Aruba Hotel Enter-

prises. Motibo ta cu particularmente abogadonan cu a pretende di duna asistencia, simplemente kier parti di e placa cu trahadonan lo por haya si nan accepta e pakete social cu e doñonan nobo di Aruba Hotel Enterprises kier ofrece pa medio di nan abogado Ronnie

Wix. Segun e Presidente di TEAM, ta otronan ta treciendo confusion cerca trahadonan, cu consequencia peligroso. Tin un abogado cu a pone trahadonan firma, cu consequencia cu nan lo mester paga 10 porshento di cualkier suma cu nan ta ricibi si nan dicidi pa tuma e pakete social, banda di un pago di honorario di 250 florin. Y si encase cu no sigui cu e abogado, tin un clausula di boet di 1500 florin cu ta ilustra un falta di comprension pa un grupo di hende cu ta pasando den momentonan di insiguridad.

Como tal ta negocia pa mehora e pakete pa esnan cu kier tum’e y ta para tras di e ponencia cu no tin mester di tuma ningun oferta di retiro, pasobra e hecho cu ta bay renoba e hotel no ta motibo pa retiro. Antersijn ta referi na e situacion unda e hotel nobo cu ta bay opera como un all-inclusive, lo mester di hasta mas trahado ainda, como 200 mas. Pues no tin nodi pa laga hende bay. TEAM ta sinti cu ley ta duna e trahadonan cu kier keda traha e proteccion necesario y nan ta conta tambe cu Gobierno lo sigui para nan tras.

Antersijn a sigui bisa cu TEAM ta kere den dialogo y ya caba a logra cu a mehora e pakete social, cu na prome instante no tabata cuadra mes cu locual ley ta prescribi pa paga hendenan pa nan añanan di servicio. Pero asina mes, ta bisa cu ningun momento e sindicato inhouse di Westin ta sinta den scochi di ningun doño nobo of nan abogado, ya cu ta e interes di cada trahado ta bay dilanti.

E directiva ta sigura cu obhetivo di TEAM simplemente ta pa garantiza cu ta tene interes di cada trahado na cuenta. E sindicato no ta opera a base di ganashi. Tur e miembronan di directiva ta voluntario, ta trahadonan di Westin. “Nos ta cobra cinco florin pa quincena di cada trahado. Y e placa aki ta pa paga pa e asistencia huridico di nos abogado cu ta Sr. David Kock,” Antersijn a splica.

haci su refleho den bo salud”.

uno. Nan ta biniendo cu diferente campaña preventivo, y esey pueblo di Aruba ta bay mira durante 2014. Den cuadro di otro campaña cu lo start pa fin di maart pa luna di april, Koningin Wilhelmina Fonds Aruba lo bin cu un rapport mas amplio pa mustra cuanto caso di cancer tin aworaki.

Presidente di KWF, sra. Lilian Prince

“Mi tin cu gradici Dios cu e fundacion aki ta existi” Lamentablemente cancer ta sigui aumenta “Na prome lugar mi tin cu gradici Dios cu e fundacion aki ta existi”, asina presidente di fundacion Koninging Wilhelmina Fonds a declara na ArubAwe den cuadro di Dia Mundial di Cancer cu a ser conmemora diamars 4 di februari ultimo. E fundacion aki tin 63 aña di existencia, pero 53 aña cu el a wordo funda oficialmente riba dia 4 di februari 1961. El a menciona cu lamentablemente cancer ta sigui aumenta y e

tendencia aki ta uno mundial. Esaki ta haci cu e gastonan ta sigui bay mas halto. El a bisa cu unabes cu aña 2014 a habri e fundacion aki a confronta hopi caso di cancer na Aruba, ya caba cinco persona a bay exterior pa tratamento cu ayudo y sosten di e fundacion aki. Ademas tin mas pashent cu ta bin ya sea pa peluca of protesis, y cuido na cas, y si luna di januari tabata asina fuerte, con nos ta para pa e

resto di aña. Pesey e ta haya cu tur fundacion y instancia relaciona cu e problematica aki tin cu traha mas fuerte riba prevencion. “Prevencion kiermen cu nos tin cu cambia nos sistema di bida”, segun sra. Prince. E ta haya cu nos sociedad actual ta bibando den un mundo yen di stress y hopi coremento; y tur hende ta biba nervioso pasobra nan kier haci hopi cos den menos tempo, y “esaki ta

Pesey e fundacion aki ta biniendo cu diferente tipo di campaña ariba prevencion na 2014. Un di e campaña ta esun di “Sun guard on duty” enconexion cu temporada di Carnaval. E ta un prevencion contra solo, ya cu cancer di cuero aki na Aruba ta e cancer number


DIASABRA 08 FEBRUARI , 2014

7

Minister Otmar Oduber

Derecho di trahadonan di Westin mester wordo respeta Minister Otmar Oduber durante reunion di Parlamento diaranson a mustra e importancia pa tanto Gobierno como Parlamento manda un mensahe bon cla pa tur esnan cu kier bin inveri den nos pais, esta cu nan mester sa di respeta e leynan cu nos tin den nos pais. El a indica cu awe nos ta den un situacion totalmente diferente cu na momento cu e mesun compania RIU a adkiri Aruba Grand Hotel na 2005/2006. Tambe el a bisa cu for di mas cu un aña caba como Gobierno a bisa cu esnan cu kier bin haci negoshi na Aruba mester sa kico nos leynan t y con ta obedece e leynan aki, incluyendo esunnan cu a conoce cambio aña pasa na beneficio di nos clase trahador. Minister Oduber a bisa claramente cu ta derecho di cada trahador di Westin pa nan mes dicidi si nan kier tuma e pakete ofreci, pero ta trabou di Gobierno y Parlamento pa sigura cu nan derechonan ta wordo respeta y cu nan ta keda cu un trabou. E mandatario a haya informacion cu varios di e trahadornan a opta pa tuma e pakete. Algun di e trahadornan cu tin varios aña cu e compania a haya e pakete interesante y a dicidi di tuma esaki, pero tin otronan cu tin 1 of 2 aña trahando y nan si ta wordo perhudica. Como Gobierno ta deber pa proteha e derecho di e trahadornan cu no a opta pa acepta e pakete. “Mensahe di nos Sra. Presidente ta cu nos leynan mester wordo respeta”. Minister Otmar Oduber a mustra cu e situacion e biaha aki ta completamente diferente na 2005-2006 ora cu RIU a bin Aruba. E tempo ey Promer Minister di Aruba, promer cu

e hotel mes a bin, ya caba a dunanan permiso pa retira tur trahador di Aruba Grand. Ademas a duna permiso pa un cantidad di hende for di exterior bin traha na nos isla durante construccion y despues nan a keda traha den e hotel mes. Ora Minister Oduber a asumi responsabilidad, el a haya su mes ta bay LAR pasobra e no ta considera cu e personanan aki mester keda, e mandatario a gana e caso y e personanan aki mester a bay. Awe e cambio di ley cu ta proteha nos trahadornan ta na vigor y e situacion ta completamente diferente, su colega di Labor Paul Croes y henter Gabinete Mike Eman II a bisa bon cla cu nos leynan mester wordo respeta y nan lo keda para riba esaki tambe. Despues di a debati pa varios ora den Parlamento, tur fraccion a yega na otro y a entrega un mocion unanimemente pa para pa e seguridad laboral y beneficionan di e trahadornan,

pa esaki nan a pidi pa bin cu un comision. Tambe pa no otorga permiso pa trahado for di exterior pa construccion ni pa realiza tra-

“E DIFERENCIA DEN RADIO”

Variashon den Programashon Musical, Informativo, Noticiero y Entretenimiento.

bounan na e hotel ora esaki keda finaliza tanten cu tin trahadornan local capacita. Minister Otmar Oduber a keda hopi satisfecho cu e resultado

aki cu a mustra cu a pesar di diferencianan politico, tur fraccion den Parlamento a uni na beneficio di e trahadornan di Westin.


PAGINA 10

DIASABRA 8 FEBRUARI 2014

DIARIO

Abogado mr. David Kock:

Aruba Hotel Enterprises y no TEAM ni e trahadornan Mester tuma paso contra Westin ORANJESTAD (AAN) – Den e conferencia di prensa convoca pa Abogado mr. David Kock y sindicato TEAM cu ta representa e trahadornan di Westin Hotel, a clarifica tambe cu no ta berdad absolutamente, cu e sindicato ta pro pa e trahadornan aki firma pa nan pakete. E abogado a enfatiza cu esaki ta totalmente incorecto y cu e sindicato su punto di bista ta cu tur hende mester keda na trabao, pero mester respeta opinion di tur e miembronan. “Den e sentido ey TEAM ta traha na un forma democratico y no dictatorial pa bay impone un sorto di posicion. Tambe ta wordo bisa cu TEAM no ta tumando ningun paso contra e hotel. Esey tambe ta no solamente incorecto pero totalmente infunda”, Abogado mr. Kock a menciona. El a agrega cu ni antes ni despues di Februari nada ta cambia y cu nan dunador di

trabao ta y ta keda Aruba Hotel Enterprises, y e ta esun cu mester tuma paso, no TEAM y no e trahadornan. “Na e momentonan aki ta wordo bisa pa nan bay cu otro sindicato cu si ta bay tuma paso aworaki contra e hotel of cierto abogadonan, y mi ta kere e ta un campaña pa atrae miembro of clientenan, pero e ta totalmente infunda”, abogado Kock a reitera. E abogado ta descarta otro argumento cu tin, cu e posicion di e trahadornan ta debil. El a subraya cu manera Ministernan di Labor y di Turismo, como tambe Parlamento ta bisa, e posicion di e trahadornan ta fuerte; nan tin nan relacion laboral y te hasta si e compania bay bancarota, e cumprador nobo cu bin tin cu tuma nan tur. “Kiermen nan posicion ta mas fuerte cu loke nan ta kere. Naturalmente, e cumprador nobo ta purbando di logra loke e kier, y esey ta su derecho, pero esey no kier-

men cu e trahadornan mester bay di acuerdo cune. Esaki ta un parti cu mi kier a trece pa dilanti pa kita cualkier duda of mal entendimento cu tin”, abogado mr. Kock a señala. E abogado, contestando un pregunta di prensa tocante sindicato STA cu ta pidiendo un referendum aworaki, a menciona cu e CAO nobo cu e trahadornan aki tin, ta valido te otro aña si e wordo renova. Tambe el a subraya cu un referendum ta sosode pa nombra un sindicato nobo pa negocia un CAO, locual no ta e caso aworaki. TEAM ta keda cu si miembronan y loke den e fase aki ta interesa e sindicato, ta pa conserva mayoria di trahadornan na pia di trabao. E abogado a indica cu e hunto cu e sindicato, tabata tin dos reunion cu e trahadornan na momento cu e pakete cu tin aworaki no tabata riba mesa, pero e tabata pa clarifica un tiki nan posicion y atrobe el a bisa cu awor ni despues di 15 di Februari cu ta e deadline cu tin, no ta na TEAM pa tuma ningun paso ni na ningun trahador, nan tin un trabao y si e hotel kier tuma cierto paso ta keda na dje haci esey.

Abogado mr. Kock a indica tambe cu den su experiencia como abogado cu ta defende conflictonan laboral, e no ta kere cu un Huez ta bay dicta un sentencia pa kita trahador, y menos cu e hotel ta bay tin mester di mas trahador, y menos den un periodo cortico manera e operadornan mes a laga sa cu ta di seis pa ocho

luna. E no ta mira logica a menos cu nan no kier cuminza cu e mesun trahadornan aki cu e mesun beneficionan, anto ta bira comprendible di con nan kier termina e relacion laboral cu e trahadornan aki, cu conoce e hotel cu sa nan trabao y cu cualkier otro dunador di trabao lo kier a mantene nan den servicio.


PAGINA 16

DIASABRA 8 FEBRUARI 2014

DIARIO

Abogado mr. David Kock ta aclarea:

Solamente pa e trahadornan interesa den un pakete TEAM a sinta cu cumprador di Westin ORANJESTAD (AAN) – Durante un conferencia di prensa den su Bufete, diabierna mainta, abogado mr. David Kock, cu ta representa e sindicato TEAM, a haci algun aclaracion tocante e situacion di e trahadornan na Westin Hotel. Abogado mr. Kock a señala cu tin algun mal informacion relaciona cu e desaroyonan den e hotel menciona. Manera ta conoci e compania Aruba Hotel Enterprises NV (AHE) ta e dunador di trabao di e trahadornan di Westin. “No ta asina cu e hotel ta wordo bendi, pero solamente e accionnan den e compania aki, locual ta nifica cu e dunador di trabao no ta cambia pa e trahadornan aki”, Aboga-

do Kock a indica. Locual si ta asina ta cu pa motibonan cu nan so conoce, cu e cumprador nobo pa su motibonan cu, naturalmente, mester puntra nan kier kita tur hende, sea di forma boluntario of no, usando como motivacion cu e kier renova e compleho hotelero aki. Abogado Kock a subraya cu TEAM, cu ta e unico sindicato legal di Westin Hotel, a wordo acerca pa e dunador nobo di trabao y como sindicato responsable, naturalmente, e ta bay scucha y papia cu e cumprador nobo aki, pa wak kico ta su intencionnan. “ Mester ta tambe sumamente cla cu e posicion di TEAM ta pa tur e trahadornan den e hotel keda cu nan trabao. Por ta

tabata tin un tiki mal entendimento y a saca e conclusion incorecto cu door cu TEAM ta papia cu e cumprador nan ta di acuerdo of dispuesto, pa e trahadornan abandona nan trabao, locual totalmente no ta e caso”, Abogado mr. Kock a subraya. E abogado a reitera cu tur trahador cu ta miembro di TEAM den e resort, y e sindicato internamente por a compronde cu kizas tin algun trahador por ta interesa na retira di trabao si nan pakete, den algun caso specifico, ta suficientemente atractivo. “Nos tin cu corda cu Westin tin cuater cien y pico trahador y ta cuater cien y pico mundo e ora ey cu ta trahando na TEAM”. TEAM, como sindicato responsable, no por bay forza e trahadornan cu por ta, ta interesa den un pakete pa no tume, y contrario e no por forza tampoco e trahadornan cu no ta interesa den un pakete pa bay tuma esaki, e abogado a agrega. “Ta solamente pa e trahadornan cu ta interesa den un pakete TEAM a sinta cu e cumprador nobo, y den un par di reunion caba ya e pakete ey substancialmente a wordo amplia y mehora”, Abogado mr. David Kock a acentua. E abogado a indica cu sinembargo tin suposicion cu tur hende mester keda na trabao, y cu e relacion laboral no ta bay termina. El a agrega cu constantemente ta wordo menciona cu TEAM ta den scochi di e dunador di trabao, locual ta incorecto. “Mester compronde cu si TEAM ta e unico sindicato legalmente na e momentonan aki, ta TEAM ta e sindicato cu ta wordo acerca door di e dunador di trabao y no por ta otro. No por ta asina aki cu

TEAM no ta wordo acerca of un otro sindicato lo wordo acerca door di e dunador di trabao”, mr. Kock a expresa

y a reitera cu TEAM como sindicato responsable a bay sinta scucha y delibera cu e dunador di trabao.


Social 8214  
Read more
Read more
Similar to
Popular now
Just for you