Page 1


PAGINA 4

DIARIO

DIARANZON 5 MAART 2014

Parlamento hubenil por conta cu sosten 100% di Minister drs. Paul Croes Gustavo Flaubert: “E escritor den su obra mester ta mescos cu Dios den Universo: presente den tur parti y visible den ningun”. Un reportero di e revista `Stern’, Gerd Heidemann, a bisa di a descubri diarionan desconoci di Adolf Hitler cu ta cubri e añanan 1932-1945. `Stern’ a paga mas di 3 miyon di dolar pa e bukinan y a bende e derechonan di publicacion na Times of London pa $400,000. A ser descubri despues cu e diarionan tabata falso, basa ariba e hecho cu e papel usa no tabata disponible sino te 1955, 10 aña despues di e morto di Hitler. Leyenda ta bisa cu pushinan a causa e derota di e Ehercito Egipcio na aña 525 Prome cu Cristo, pa motibo di un estrategia di e invasor Persa, Cymbses. E Rey Persa a pone un Rey di pushi, cu e Egipcionan tabata considera sagrado, dilanti di su tropanan y e arkeronan Egipcio a nenga di dispara nan flechanan a traves di e pushinan. Bo tabata sa cua e forzanan Spaño bao mando di Francisco Pizarro, cu a conquista e Incanan di Sur America durante e añanan 1530, tabata consisti di menos di 200 homber? E Imperio Inca na e momentonan ey tabata consisti di un poblacion di mas di 6 miyon! Aspirina ta retene su potencia sin importa cuanto ser tuma, ni tampoco durante cuanto tempo, ya cu e no ta forma habito. Pero un persona den cada 500 ta alergico na e droga, y reaccionnan adverso por ta fatal. Hende a muri di mes poco cu 3 tableta, y a sobrebibi tambe mes hopi cu 430! `Consulado’ (Consulate) tabata e gobierno di Francia bao tres Consul, despues di e `Directoire’, entre Dec. 25, 1799 y Mei 20, 1804. Napoleon a ser nombra Consul pa bida, cu e derecho di nombra su sucesor dia 2 di Augustus 1802. Bo tabata sa cu e muhernan indian Americano tabata ataca e tropanan di Merca na varios ocasion, y cu e hombernan hopi biaha tabata entrega nan prisioneronan di guera na nan muhernan pa esakinan tortura nan? Alexander the Great a spar un cas despues cu el a captura Thebes na aña 335 Prome cu Cristo. E ciudad a nenga di rindi y el a ordena pa pone na ras di suela. Pero, pasobra e tabata stima poesia, el a spar e cas na unda Pindar, e poeta, tabata biba di un siglo prome. Na fin di siglo, casi 8 miyon di mucha tabata yuda tene e industria di Merca funcionando. Algun tabata traha den plantanan kimico 2 or di mainta, completamente sunu. Muhernan di Korea, yama “ama”, cu ta zambuya cocolishi den lamarnan profundo sin equipo di buceo, ta somete nan mes diariamente na un stress di frio mas grandi cu cualquier otro ser humano na mundo. Cicero: “Supersticion ta un miedo sin sentido di Dios”. Na aña 1516, mirando e situacion deplorable cu e indiannan di Aruba tabata aden, y e victima cu nan tabata di e flota di indieronan (cazadornan di esclavo), Juan de Ampies, e benefactor di Aruba, a intercede cu e padernan Jeronimo na fabor di e indiannan di Aruba, pidiendo pa na un trato mas justo y e proteccion di gobierno.

ORANJESTAD(AAN)-Recientemente Minister Paul Croes, Minister di Asuntonan Social, Maneho pa Hubentud y Labor a ricibi bishita di Parlamento Hubenil den persona di e directora, Sra. Vicky Croes y miembro di directiva, Sr. James van der Linde. E representantenan di Parlamento Hubenil a presenta na Minister Paul Croes e diferente proyectonan cu e Fundacion ta organisa durante

aña.  Asina a ilustra e proyecto di Kingdom Youth Parliament, cursonan di formacion na hobennan cu ta tuma lugar den luna di Juli, debatenan cu ta wordo organisa durante aña y e proyecto contra “Bullying”, na cual Minister Paul Croes recientemente a duna su  aporte na dje. E representantenan di Parlamento Hubenil a elabora tambe riba nan miembronan: e 55 hobennan boluntario cu ta

dedica nan tempo liber na nan formacion y na proyectonan pa stimula na Aruba e cultura di debate, e voz di e hoben cu ta resona y e derechonan di mucha y hoben. "Locual ta hasi e organisacion aki asina interesante ta e forma profesional cu e organisacion a bin ta traha e ultimo anjanan. Cu proyectonan pa crea lidernan bou di nos hubentud. E enfoque di PH ta igual y ta cuadra cu esun di nos Ministerio y sigur dirigi riba hubentud. Pa apoya hobennan den desaroya nan talentonan den varios area"tabata expresion di Minister Paul Croes durante e encuentro aki. Minister Paul Croes ta hopi orguyoso di tin un grupo grandi di hoben cu ta contribui positivamente y activamente na e comunidad di Aruba. Minister Paul Croes ta haya cu ainda por bin mas hoben acerca cu ta activo den e comunidad. Esaki ta un meta di su vision y maneho di “Generation of Leaders”.


DIARANZON 5 MAART 2014

PAGINA 5

DIARIO

Minister di Asuntonan Social, Hubentud & Labor drs. Paul Croes;

“Parlamento TV ta trece representantenan mas serca di pueblo”

ORANJETAD(AAN)-- Cu e inauguracion di e Canal di Parlamento oficialmente , Presidente di Parlamento anterior y actual Minister sr. Paul Croes a expresa palabranan di gradicimento y felicitacion na Parlamento di Aruba y actual Presidente di Parlamento sra. Marisol Lopez-Tromp pa e inauguracion official. Palabranan di Minister Paul Croes; “Esaki ta un refleho di democracia y madurez, unda un di e pilarnan di nos sistema democratico banda di Gobierno y esun Judicial, esta Parlamento di Aruba, ta wordo fortifica.  Den e forma aki unda transparencia,  informacionnan y comunicacion ta bira mas facil awor pa nos comunidad. Parlamento awor ta mas cerca di comunidad. Debatenan publico ta den bo sala y cada ciudadano por huzga pa su mes e comportacion y preparacion di su representantenan”. Parlamento oficialmente a inaugura su canal di television, tambe otro servicionan manera “extranet” cu ta destina specialmente pa parlamentarionan. Parlamento Online ta destina especialmente pa parlamentario unda nan por busca y ricibi tur documento y informacion pa reunion etc. Sra Mervin Wyatt Ras cu tabata fungi como Presidente di Parlamento na 2006, ta e persona cu a cuminsa cu e proceso aki. A toca sr. Andy Lee pa continua cu esaki. Sr. Paul Croes tabata kere tambe den e vision aki, pa hasi Parlamento uno mas eficiente y mas transparente. Finalmente e actual Presidente di Parlamento sra. LopezTromp a hasi e inauguracion official di esaki. Sra. LopezTromp a mustra riba e direccion cu Parlamento di Aruba ta bayendo y cu esaki ta un

 Awe Parlamento TV (Canal 46) ta un realidad y sra. Marisol Lopez Tromp como presidente di Parlamento a pone oficialmente den aire y a presenta sr Richard Di-

jkhoff y henter e team cu a traha ariba Parlamento TV, Website y tambe e “extranet”. Nos parlamento ta competi cu hopi otro parlamento nan mundo tanto den modernismo como tambe den e forma di entrega informacionnan na comunidad. Parlamentarionan awor ta mas digitalisa pa ricibi of busca nan documentonan y pueblo lo por ricibi mas facil awor tur informacion necesario. Den nomber di Gobierno di Aruba minister Paul Croes ta felicita Presidente di Parlamento cu e lansamento oficial di Parlamento su canal di television y na mes momento a bisa cu e sistema aki ta uno cu sigur Gobierno di Aruba lo por pensa pa traha cu ne, pa hasi e trabounan ainda mas eficiente.

E & E TRADING

Pasa cerca nos of yama nos na 588-2828 pa e miho prijsnan ariba tur producto di “Arvefa”, American Standard toilet seat blanco y color y tambe W.C., Labamano y Karanchi, 12” Peg Board Hooks, punto di hero pa cura, Awning Windows, Sliding + Single Hung Windows,

stap mas den e direccion corecto. Tambe e la mustra riba e comportacion di cada

miembro cu mester conoce nan responsabilidad den e trabou aki.

“Raynor” Garage Doors, Motor y Parts + Fitting Slats 4”, Glas + Spiel, Leishi di Palo pa Plafond y Pleister, Bentana ‘Sunsash + Operators, Rifle + Pistola di Aire “Weihrauch”, Letter y Number di Plastic duro 7”, Nos ta verhuur Stellage, Trapi di 12 y Extencion di 32’ Dialuna - Diabierna 8:30 - 1:00 / 2:30 - 6:00 • Diabierna: 9:00 - 1:00 Sabana Blanco # 1-B (ex-lumber yard di Brenchie’s Dakota na Rondweg) “Servicio V.I.P. cu un toke personal”


Social 5314  
Advertisement
Read more
Read more
Similar to
Popular now
Just for you