Page 1


PAGINA 10

Departamento di Labor y Investigacion (DAO) ta informa riba cambionan den su ‘Retributie- en legesbesluit’ ORANJESTAD (AAN): Cu e introduccion di e Ordenansa Laboral 2013 como tambe e ley riba trahadornan temporal tabata necesario pa haci cierto cambionan den e ‘Retributie en legesbesluit’ di DAO. Entrante 1 april 2014 ta drenta na vigor e ‘Retributie en legesbesluit’ nobo cu ta regla e tarifanan nobo pa cu e gastonan administrativo mara na e peticion pa un ‘uitzendvergunning’ como tambe e peticion pa un permiso pa retiro. Na momento cu ta haci un peticion pa un ‘uitzendvergunning’ DAO lo cobra afl. 250,- como

DIABIERNA 4 APRIL 2014

DIARIO

gastonan administrativo pa cuminsa cu e proceso. Den caso cu e ‘uitzendvergunning’ wordo otorga, lo cobra afl. 2.250,- pa e vergunning mes na momento cu esaki wordo busca na DAO. E ‘uitzendvergunning’ lo tin un validez di 3 aña. Tambe tin cambio den e tarifa pa cu e permiso pa retiro. Pa cada peticion di retiro cu wordo entrega lo cobra afl. 250,- como gastonan administrativo pa cuminsa cu e proceso. DAO ta pidi esnan concerni pa tene cuenta cu e cambionan aki entrante 1 april 2014.

Tin indicacion cu tin un Dermatologo Arubiano nobo wardando riba AZV ORANJESTAD (AAN) – Nos redaccion a ricibi informacion cu tin otro Dermatologo Arubiano cu ta wardando riba AZV pa cuminza traha. Actualmente, segun e informacion, e ta na Hulanda cumpliendo cu un contrato di un luna, mientras tanto e ta warda riba contesta for di AZV. E articulo tocante e Dermatologo Hulandes cu ta na Aruba dunando consulta priva pasobra AZV no kier a renova su contrato, a crea varios reaccion, entre otro e informacion anteriormente relata. No tin duda cu den nos comunidad tin hopi necesidad di mas Dermatologo y cu

tin basta hende cu ta sufri di problemanan di cuero, entre

otro cancer cu ta parce ta den ascenso na nos pais.

Hoben di 19 aña lanta contra su mayornan ORANJESTAD (AAN): Relaciona cu un yiu a lanta contra su grandinan, central di polis a dirigi polis di Santa Cruz na Maria Mai. Na e direccion, e señora mama inicial C. a declara, su yiu homber su comportacion ta hopi agresivo y ademas e no ta mustra ningun clase di respet pa otro. E yiu homber N.L. na e momento ey ta na e direccion y el a comporta su mes sin manera contra e patruya. Pero polis a atende e mucha homber di 19 aña debido riba su forma di proceder y e consecuencia si e no cambia su actitud.

Telefonnan di DIARIO 582-6747 Fax 582-8551


PAGINA 16

DIARIO

DIABIERNA 4 APRIL 2014

cu tabata existi anteriormente. Di awo pa dilanti doño di un negoshi mester entrega anualmente e formulario pa registro di personal na DAO. Si ta necesario, DAO lo por acerca e em-

134, tercer piso, of na e filial na San Nicolas, patras di Arubus. Pa mas informacion tocante e registro di personal, por tuma contacto cu señora Louisetty Croes, na telefon 583-7720 extension 279 of cu un funcionario di Bureau Arbeidsmarktonderzoek, na extension 284 of 223. Orario di DAO ta di dialuna pa diabierna di 8 or pa 12 or y parti atardi di 1 or pa 4 or.

Prolongacion di entrega di registro di personal 2013-2014 segun Ordenansa Laboral 2013

ORANJESTAD (AAN): E Ordenansa Laboral 2013 (AB 2013 no. 14) a drenta na vigor dia 1 di april 2013. Ehecucion di articulo 30, inciso 2, di e ley aki ta regla den e Decreto registronan Ordenansa Laboral 2013, cu ta stipula entre otro e modelo di e registro personal y e obligacion di e dunador di trabao pa entrega esaki na Departamento di Labor y Investigacion (DAO). Awor DAO kier a informa cu e dia pa entrega e registro di personal a worde prolonga te cu dia 30 di april 2014. E registro di personal ta consisti di tres parti: personal actual segun 31 di december 2013 (ta cuadra cu e lista bieu di personal), e necesidad pa personal durante 2014 (ta cuadra cu e Manpowerplanning) y e necesidad pa personal segun proyectonan specifica (ta cuadra cu e parti tocante proyectonan den e Manpowerplanning). Hunto cu e formulario lo añadi un splicacion di e definicionnan di e terminologia uza pa e registro di personal 2013-2014. Unda por haya e formulario di e registro di personal 20132014? Por download e registro di personal via e website www.overheid.aw of www.gobierno.aw of por pasa busc’e na e oficinanan di DAO. Tambe por manda un e-mail pa arbeidsmarktonderzoek@hotmail.com y solicita pa e formulario of busca e formulario y e splicacion na oficina principal di DAO na L.G. Smith Boulevard 134 of su filial na San Nicolas. DAO ta recomenda tur dunador di trabao cu si nan tin mas cu un filial den nan negoshi, pa yena un formulario cu tur dato di e trahadonan y pa medio di un circulo rond di e number indica cua trahado ta “rouleer” na e filialnan. Con y na unda por entrega e formulario di registro di personal 2013-2014? Pa e aña aki DAO ta desea pa empresanan manda e formulario den forma digital. Ta pidi tur negoshi pa yena tur dato den un Excel spreadsheet segun e modelo di DAO y pa mand’e pa e e-mail menciona ariba. Ariba e prome pagina di e registro di personal mester pone informacion di e empresa, manera nomber di persona di contacto, telefon, adres, e-mail etc. Por scan e informacion y mand’e via e-mail pa DAO hunto cu e formulario di registro di personal. Via e-mail, DAO lo manda un prueba cu a ricibi e registro di personal pa 2013-2014. Tambe tin e opcion pa entrega e formulario personalmente na oficina di DAO. Tur informacion di e trahadonan

ta yuda DAO formula un imagen di e cantidad di personal y empresanan activo ariba mercado laboral. E formulario pa registro di personal ta reemplasa e formulario di Manpowerplanning

presa pa haci esaki mas biaha. Tene cuenta cu e formulario mester ta yena completamente. E registro di personal mester worde entrega na oficina di DAO na L.G. Smith Boulevard


PAGINA 2

DIABIERNA 4 APRIL 2014

DIARIO

E rol di Aruba, Curacao y St. Maarten ta importante pa islanan BES

A palabra cu tur pais den reunion di Reino lo mester pone atencion special pa haci fuerte e relacion entre pais

ORANJESTAD (AAN): Den Ballroom di Radisson Hotel tabata un dia historico unda cu e di dos reunion di Reino a tuma luga conforme e palabracion cu a wordo haci cu lo ta bay tin conferencia di reino regularmente entre Hulanda y e islanan di Aruba, Curacao y St Maarten. E prome conferencia di Reino a tuma luga na Hulanda e di dos a tuma luga na Aruba y e di tres cu ta otro aña lo tuma luga na Curacao. Otro aña den luna di April na Curaçao e minister president di Aruba , St Maarten hunto cu representante di Reino Hulandes lo uni nan mes na Curacao pa sigui cu e reunion. Den e reunion na Aruba a pone palabracion concreto cu tur pais cu ta den e reunion di Reino lo mester pone atencion special pa haci mas fuerte e relacion entre pais, pero tambe entre mundo social, misa, scol, sport y tur caminda cu por aporta pa asina pone un fundeshi fuerte entre pais den Reino. Segun Prome Minister Mike Eman na momento cu situacion menos facil ta cana na Hulanda unda cu ya caba a pasa den pasado cu tabata tin hopi tension na Hulanda no ta facil. Si e paisnan den Caribe tin un fundeshi fuerte y confiable cu Hulanda na momento cu presenta un situacion di tension toch ta keda diferente parti fuerte cu por bin cu solucion y garantiza y surpasa e momentonan dificil. Segun Mike Eman esaki ta un di e puntonan cu a palabra cu lo sigui traha riba laso nan fuerte. Tambe e parti economico unda cu lo mester bay traha hunto entre pais den Reino tabata tin un poco tension. Tambe e parti cu mester pone atencion riba dje ta e relacion di comercio entre pais mutuamente pa e strategia di gateway. Lo traha riba e necesidad di islanan BES pa logra caminda nobo unda cu e importacion di producto por bira na un miho prijs pa e islanan BES. E rol cu Aruba, Curacao y St Maarten por tin hunto cu e islanan BES ta

importante. A wordo palabra den e reunion di Reino cu lo tey pa e islanan BES tambe. Segun Prome Minister di Aruba Mike Eman ta bon cla cu pais nan na mundo tin colaboracion cu e pais nan chikito na momento cu nan

ta para un dia dilanti decision y reto grandi e pais grandi tin cu sostene nan. Na mundo tin 6 pais cu ta wordo reconoci door di nacionnan uni y cu a wordo reconoci specificamente debi cu nan tin un bida social hopi chikito cu hopi biaha ta isola riba mercado. Segun Prome Minister den e statuto a regla cu defensa ta keda pa Reino. E departamento di buitenlandse betrekking y tur e otro embahada cu ta den Reino, nacionalidad etc etc tur ta elementonan cu ta conoci cu pais nan chikito no por carga. Den e conferencia di Reino por a constata proteccion na nos costa por wordo haci na un miho manera y cu hunto nos por logra. Un punto cu tambe a bin padilanti ta proteccion pa nos muchanan den Reino. Den e reunion a palabra cu si tin

punto cu por wordo haci hunto entre pais y comparti esaki, cada un lo duna di nan parti. Ta importante pa cada pais por duna tur mucha e bida social cu e merece. Segun Prome Minister den e reunion a pasa riba diferente werkgroep di diferente topico cu ainda no a palabra puntonan concreto riba nan, pero cu lo atende tur e puntonan den e siguiente conferencia di Reino

cu lo tuma luga na Curacao. Na final di e conferencia Prome Minister di Aruba Mike Eman, Prome Minister di Curaçao Ivar Asjes, Prome Minister di St Maarten Sarah Wescot-Williams y Minister di Asuntonan Interno y Relacionnan di Reino, Dr. Ronald Plasterk a firma e acuerdo nan cu a keda acorda den e di dos conferencia di Reino aki na Aruba.


DIABIERNA 4 APRIL 2014

LIKE

PAGINA 21

DIARIO

SHARE

Y GANA!

Tourism Authority, Subi e pagina di Facebook di Aruba ncia di biahe preferi* Aruba Airport Authority of di bo age a pa gana un biahe pa Colombia!** Adivina nos localidad nobo y particip

*Agencianan cu ta participa: Jasaba Representaciones, Discovery Travel, Maduro Travel Aruba, Ruiz Travel, Aldo Travel Bureau. **Lo rifa pasashi pa Colombia entre clientenan di e agencianan di biahe cu ta participa

Minister Paul Croes

Recomendacionan di UNICEF hayando atencion debido di Gobierno ORANJESTAD (AAN): Drs. Paul Croes Minister di Asuntonan Social, Desaroyo di

Hubentud y Labor a mustra cu pa e Gabinete aki muchanan y hobennan ta haya

nan lugar den e maneho di gobierno. E hecho di a nombra un Minister encarga cu e

maneho pa desaroyo di mucha y hobennan ta muestra cu gobierno ta interesa den un maneho integral. Mester yega na un manera di traha bao di e departamentonan mas integral. Riba nivel Ministerial e acuerdonan mester ta bon regla, como cu derecho y desaroyo di muchanan ta relata na varios ministerio. Ministerionan di Educacion, Husticia, Maneho di Famia, Salud, Social, Labor ta algun pa menciona. E Ministerio pa Desaroyo di Hobennan lo fungi como punto central di coordinacion pa tur e ministerionan cu ta relata na hobennan. Tambe den Reino por yega na mas cooperacion y esaki tabata declaracion di Minister Paul Croes. E forma integral di maneho aki ta cumpli tambe cu recomendacionan di e rapport di Unicef. Diferente recomendacionnan ta mustra, cu un maneho integral, ta e forma pa garantisa cu derechonan di muchanan y hobennan ta mihor sirbi.

Mas eficiencia, comparti conocimento y expertisio ta e forma di traha. Minister Paul Croes ta kere cu den e arena tin expertonan riba diferente nivel cu mester por traha den un of otro forma hunto. Nos lo uni tur e esfuersonan den crea un ambiente cu mas proteccion y oportunidad di desaroyo pa nos mucha y hobennan. Gobierno, hunto cu comunidad, NGO's y instancianan lo yega na acuerdonan mas eficiente pa asina garantisa proceduranan y acuerdonan entre e organizacionnan pa garantisa proteccion di nos yiunan.


PAGINA 34

DIABIERNA 4 APRIL 2014

DIARIO

Drs. Paul Croes Minister di Asuntonan Social y Hubentud

Derecho di hoben y mucha halto riba agenda den Reino

ORANJESTAD (AAN): E topico Derechonan di Mucha den Reino Hulandes tabata riba e agenda di e Koninkrijks Conferentie y a worde trata na e nivel di mas halto den Reino Hulandes. Prome Ministernan mr Mike Eman (Aruba), sra Wescot-Williams (Sint Maarten), sr I. Asjes (Curacao) y sr Plasterk (Hulanda) a trata e topico aki cu tur seriedad y a yega na acuerdonan di coperacion riba e punto importante aki. Bao di e guia di Sr. Juan Da-

vid Yrausquin e delegacion di Aruba a delibera riba e topico di Derecho di Mucha. Minister Paul Croes a mustra cu e solo hecho cu nos ta tratando e topico aki riba nivelnan mas halto den Reino, ta demostra e balor cu muchanan y hobennan tin pa nos. Minister di asuntonan Social y Hubentud pa Aruba ta encarga cu e aspectonan social di e derechonan di mucha. Minister Croes a mustra cu pa su persona e topico aki lo

ta halto riba su agenda politico. Abuso di mucha, desaroyo di hobennan, fortificacion di situacion social di famianan ta algun di e topiconan importante cu Minister a pone como prioridad. Creando structuranan di trabao eficiente, cumpliendo cu “tratadonan internacional�, creando trajectonan unda hobennan por desaroya nan mes riba diferente tereno y reglamenta por medio di leynan cu derecho di mucha y hobennan ta worde respeta ainda mas. Minister Paul Croes ta convenci cu e inversion den esfuerso, inversion financiero y cu plannan concreto pa motiva hobennan pa kere mas den nan mes nos por yega na un sociedad cu muchanan y hobennan mas participativo. Den e Conferencia di Reino a yega na palabracionnan cu lo institui un grupo di trabao,

pa asina yega na plannan concreto, riba cua topiconan lo traha integralmente riba nivel di Reino. Minister Croes ta elogia cu

e topico di derechonan di mucha ta worde atendi na e nivel di mas halto den Reino Hulandes.


PAGINA 54

Den e trayecto di reintegracion laboral:

Gobierno ta evaluando eventualmente pa bin cu incentivonan fiscal pa dunadornan di trabao ORANJESTAD (AAN) – Den conferencia di prensa, Drs. Paul Croes, Minister di Asunto Social, Maneho di Hubentud, y Labor, relaciona cu e convenio pa reintegracion di personanan cu ta den bijstand, den nos mercado laboral, a referi tambe na e disposicion di sector priva pa tuma personanan di e grupo aki den servicio, entre nan esnan cu tin un limitacion. E mandatario a subraya cu pa esaki bira posible no mester bin solamente di un iniciativa di gobierno, den e caso aki Minister di Labor y di Asunto Social, pero naturalmente e mester wordo carga pa nos comunidad. E mensahe aki ta yegando poco, poco na e diferente organizacionnan relevante cu ta atende na pia di trabao cu personanan cu, por ehemplo, tin un tipo di limitacion, y cu door di concientizacion por mustra cu un persona invi-

dente, por ta un tremendo telefonista, entre otro labornan cu personanan cu cierto limitacion por desplega na un manera excelente. Esaki ta un aspecto di responsabilidad social cu companianan, gobierno y comunidad mester tin, e dignatario a subraya. Den e trayectoria aki, e mandatario a agrega, ta wordo evalua, eventualmente, incentivonan fiscal pa tuma e personanan aki den servicio. Tin diferente forma cu por apoya esnan cu ta mas vulnerable na e momentonan aki, pa bay back riba e mercado laboral.

Casa Cuna celebrando 57 aña cu Bee Happy Bazaar & Kids Bike Tour

ORANJESTAD (AAN): Fundacion Casa Cuna Progreso ta un internado pa muchanan entre 0-8 aña. Nan meta ta pa cuida y guia muchanan cu pa un of otro motibo no por biba na cas y pa duna sosten den guia di e mayornan. Dia 12 April 2014 for di 12:00 pm te 7:00 pm, Casa Cuna ta organizando un Bee Happy Fundraising event pa celebra nan 57 aña cu e pueblo di Aruba y tambe pa recauda fondo pa nan organizacion, cu ta den un necesidad financiero actualmente. E meta di e bazaar aki ta pa sigui recauda fondo pa mantencion di nan edificio y pa crea un fondo structural pa por cubri mas hopi di nan gastonan mensual. Esaki nan lo haci door di duna oportunidad pa hende por registra nan mes como amigonan di Casa Cuna y compromete pa yuda cu idea, tempo of sosten financiero. E dia aki ta bay tin un 2,5 km kids Bike Tour saliendo for di Casa Cuna pa 5:00 pm. Registracion ta cum-

DIABIERNA 4 APRIL 2014

DIARIO

insa desde 4:00 pm na Casa Cuna. Pa un contribucion di AWG 10,- tur mucha por participa na e Bike Tour y bin na remarke pa premionan fabuloso. E dresscode lo ta “Bee” (bij) (preto cu geel). Caarchinan pa e Bike Tour ta obtenibel na Tribike Aruba y na Casa Cuna mes. E dia lo sigui cu diferente actividad pa tur muchanan y tambe e.o. cos dushi, snacks y un bon cuminda. Pa e cuminda, tin caarchi ariba prebenta pa e suma di AWG 12,50, menu ta consisti di bami, sate den pindasaus, banana hasa y komkommer den zuur. Pa haci e actividad aki posibel tin mester di fondo pa cubri materialnan y productonan pa bende. Tambe bo por scohe pa yuda cu cumpramento di un cantidad di caarchi di Bike Tour of di cuminda ariba prebenta pa bo empleadonan. Casa Cuna ta aprecia tur forma of sorto di cooperacion. Nan ta pidi si pa porfabor laga nan sa pa 8 April 2014.

Elite Productions cu trabaonan intensivo pa e escenario di E-Aruba seminar diasabra awor ORANJESTAD (AAN); Den oranan di diahuebs mainta e ekipo di Elite Productions Aruba a cuminsa cu a trabaonan pa e “E-Aruba Seminar” cu ta tuma lugar diasabra dia 5 di April cu topiconan di Social Media, Digital Marketing y Entrepreneurship. Elite Productions a keda encarga pa diseña un escenario y asina yama “Set” pa e evento unico aki. Despues di diseña mester a traha hunto cu carpintenan pa asina construi e set. Locual e publico ta bay mira diasabra awor lo ta algo na mesun nivel cu un seminario grandi den exterior. Un ekipo grandi di tecnico lo ta trahando pa cu luz, sonido y tambe proyeccion di video. Lo tin un total di tres pantaya grandi den e sala y tres camara. E evento no lo worde transmiti. Tur cos lo cuminsa diasabra mainta pa 8 or di mainta ora portanan di Renaissance Convention habri. Tin algun

carchi ainda disponibel na Office Systems, Write Here y online via www.e-aruba. com mester registra. Tambe por yama 583-2409 pa mas

informacion. Si acaso resta carchi esakinan lo ta na benta for di 8 or di diasabra mainta na Renaissance Convention Center.

En coneccion cu upgrading di nan sistema

Aruba Bank Camacuri lo ta cera diasabra 5 di April ORANJESTAD (AAN): Aruba Bank ta anuncia cu diasabra 5 di April 2014 nan sucursal na Camacuri lo ta cera en coneccion cu upgrading di nan sistema. Aruba Bank kier duna su clientela un mihor servicio y ta pesey semper ta traha riba mehoracion constante di su tecnologia y di su personal. E servicio di Aruba Bank Online (ABO) y Text Banking lo ta for di servicio riba diabierna 4 di April, 2014 for di 4.00pm y lo ta back na bo servicio diasabra 05, April, 2014, 2.00pm.  Aruba Bank Camacuri lo ta habri

back dialuna 7 di April 2014. Gerencia ta gradici pa e com-

prension y ta pidi disculpa pa cualkier inconveniencia.

Social 4414