Issuu on Google+


DIASABRA 03 MEI , 2014

Enconexion cu prome celebracion di Dia di Rey Presidente di Parlamento ta destaca balor di nos hobennan y trabou boluntario

Presidente di Parlamento di Aruba, drs. Marisol Lopez-Tromp a expresa su mensahe enconexion cu prome celebracion di Dia di Rey, durante un ceremonia protocolario cu a ser celebra riba Wilhelmina Park. E presidente di nos organo legislativo a destaca e balor grandi cu nos hobennan y trabou boluntario tin pa nos comunidad aki na Aruba. El a indica cu e imagen bibo di esaki ta e hobennan presente den e ceremonia cu a ser organisa pa celebra Dia di Rey, y cu nan ta forma un parti grandi di nos comunidad y di nos futuro. Un forma pa stimula nos hobennan ta dor di e Copa Hubenil Filipe Tromp na grupo of hobennan cu a destaca, y residente di Parlamento ta convenci cu nos hobennan ta bay hunga un rol sumamente grandi no solamente na Aru-

ba, pero tambe cu e lasonan den Reino Hulandes. El a referi como ehempel na e hobennan di Parlamento Hubenil di Reino Hulandes cu tambe ta preparando nan mes debatenan riba topiconan cu ta toca e futuro di nos Reino Hulandes. Esaki ta un forma con pa aporta constructivamente y con nan ta mira e futuro y nan nificacion den desaroyo no solamente di nan pais sino den region Caribe y Hulanda. Pero esaki tambe ta un dinamica di estrecha lasonan di colaboracion entre hobennan mes tambe. “Nos hobennan cu t’ey ta haciendo trabou den e grupo hubenil aki lidera pa adultonan cu sa e balor di trabou comunitario, sa di balor di disciplina y di un bon educacion”, asina sra. Lopez-Tromp a bisa den su discurso. El a gradici pa locual nan ta haciendo y e

ta haya cu e trabou cu e adultonan ta haciendo actualmente “lo duna su frutanan den tur e añanan nos dilanti”. Igualmente el a destaca e trabou boluntario di e persona cu a ricibi condecoracion real di parti di Gobernador di Aruba. Nan ta persona cu ta realisa trabou boluntario cu ta duna tempo di nan mes sin ricibi niun pago, y muy particular sin haci propaganda pa nan mes. Nan trabou boluntario ta dedica na tur esnan cu mas mester di dje den comunidad. Na final di su mensahe presidente di Parlamento, drs. Marisol Lopez-Tromp a bisa cu e personanan aki cu a ser condecora ta fungi como un ehemplo pa cada un di nos riba “con nos tur mester ta den tempo bon y den tempo malo, yuda otro, sostene otro y pensa con constructivamente nos cada un por aporta, construi y no destrui...”

Telefon: 588-1500 Fax: 582-4937 UN CORANT OTRO

Director

Editor-in-Chief Hareld Faro

Assistant Editors Maritza Maduro Benjamin Romero Elizabeth Guanipa

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com

4



Social 3514