Issuu on Google+


DIABIERNA 28 MAART, 2014

15

Minister Paul Croes a bishita expo di proyecto di studiantenan di EPI

Hobennan di EPI cu nan proyecto pa examen a scoge e tema “hunto nos por” nan pa haya punto pa nan examen pa salubridad y servicio 3er aña. E grupo di 10 hoben a scoge pa e ‘doelgroep’ di persona cu limitacion mental den nos comunidad durante dos siman nan a haci diferente proyecto cual a cuminsa cu zumba y a caba cu un Expo Talent. Meta ta pa nan por a laga e clientenan participa y integra mas den nos comunidad. Nan a sinti cu esaki no solamente ta conta pa nan ‘eindcijfer’ sino cu el a bira un deseo pa esaki por pasa mas biaha y laga nos hendenan cu limitacion participa mas den comunidad y di otro banda, nos co-

munidad acepta nan manera nan ta tambe. Diamars atardi riba Linear Park, Minister Paul Croes a bishita e expo aki cu a wordo organisa pa hobennan di EPI sector salubridad y servicio unda 10 hoben studiantenan a invita varios Fundacionnan encarga cu personanan special. Minister Croes tabatin palabranan di elogio pa e hoben cu manera cu e mes a expresa “tin nan curason na e luga corecto”. Pa hobennan expresa e deseo di mira personanan cu limitacion intelectual incorpora y acepta den nos comunidad, ta algo hopi importante. E ta mustra cu nos pais ta den man di hobennan cu vision y

cu e curason na e luga corecto. Minister Paul Croes tabata entusiasma pa cu e proyecto di e hobennan aki, y a duna palabra di elogio na cada uno di nan. Tambe Minister a combersa cu e diferente Fundacionnan cu tabata presente entre nan Biba bou Guia, Fundacion Ambiente Feliz, SVGA, Sonrisa y Trampolin pa trabou. Minister lo keda apoya e institutonan aki cual e ta categorisa como instancianan cu ta haci trabounan grandi y noble pa nos personanan cu tin limitacion y tambe pa henter nos comunidad. E hobennan a keda hopi contento cu bishita di Minister Paul Croes na nan proyecto.


DIABIERNA 28 MAART, 2014

3

Autoridadnan di Colombia y Hulanda trahando hunto pa desmantela red di contrabanda di sigaria Aruba su nomber ta ser menciona como trampolin Den su edicion di ayera, ArubAwe a referi na e investigacion periodistico realisa pa e corant Colombiano El Tiempo, y e corant Brasilero Gaceta do Povo tocante un red di contrabanda di sigaria for di Paraguay te cu Colombia, caminda e nomber di Aruba ta ser menciona como trampolin. Segun informacion divulga pa e dos media prestigioso aki, Aruba ta ser señala como e principal pais cu e companianan di tabaco di Paraguay ta exporta nan sigarianan, y despues nan ta ser transporta for di Aruba pa Guajira (Colombia), unda e productonan aki ta ser bendi di contrabanda den e mercado Colombiano. Pero loke ta resulta masha delicado di henter asunto aki cu mientras nos pais a haci un esfuerso grandi pa cumpli cu Financial Action Task Force (FATF), e corant El Tiempo a publica cu solamente na Colombia tur e pakinan di sigaria cu a sali for di e companianan

di tabaco na Paraguay exporando nan pa Aruba pa finalmente transporta nan pa Colombia ta ser laba alrededor di 209 miyon dollar anual, y nan ta señala cu e fortuna aki tin como destino e narcotraficantenan, guerrilla di FARC y e banda criminal di “Los Urabeños”. Pero no solamente Aruba ta ser menciona den e red di trafico di sigaria ilegal pa Colombia sino otro islanan di Reino Hulandes. E corant El Tiempo a revela cu investigacion di Polis di Colombia, y autoridadnan Hulandes ta indica cu e mercancia (sigarianan di Paraguay) ta yega Aruba y Corsou, y despues nan ta exporta nan pa e zona special di Aduana na Guajira, unda e producto ta somenta y ta aparece despues ilegalmente riba mercado na Colombia. A ser informa cu actualmente ta tumando lugar un investigacion pisa na Colombia conhuntamente cu autoridad Hulandes (Special Police Task-

force) y autoridadnan hudicial Colombiano pa desmantela e red internacional di contrabanda aki. Nan ta señala cu supuestamente e contrabanda di sigaria na Colombia ta ser realisa via Aruba y Corsou, y e ta un actividad lucrativo cu no ta aporta nada na caha di gobierno Colombiano. “E actividad ilicito aki ta haci cu e departamentonan (districtonan) no ta haya mas cu 67 miyon dollar di entrada fiscal of belasting, asina El Tiempo a publica. A ser informa cu presidente di Paraguay cu a ser señala como doño hunto cu su famia di un compania di tabaco masha importante den su pais a reconoce dos aña pasa cu Aruba y Corsou tabata destinonan fiho di exportacion di nan sigarianan, segun informacion divulga. Den su trabou special di shete pagina e corant Brasileño Gaceta do Povo a relata e rutanan

Minister Dowers ta kere cu:

Importante pa puntra sr. Besaril mes dicon el a bandona e sitio Den un encuentro cu prensa diahuebs mainta Minister di Husticia Arthur Dowers a duna un “briefing” relaciona cu e situacion lamentabel cu miembro di parlamento sr. Besaril ta aden. Manera a wordo informa na prensa algun siman pasa, sr. Besaril a haya su mes envolucra den un accidente. Prome cu polis a yega na e sitio e parlamentario a bandona e sitio. Minister Dowers a ricibi un cantidad di pregunta di miembronan di parlamento relaciona cu e incidente aki, riba cual e mandatario a contesta tur pregunta y a manda esakinan bek pa presidente di parlamento diaranson . “E cos mas importante ta pa puntra sr. Besaril mes dicon el a bandona e sitio,” pasobra segun minister Dowers e no determina dicon un persona cu a haye den un accidente, caminda cu tabatin un persona den un condicion basta serio, toch el a scoge pa bandona e sitio. E titular di husticia a splica cu el a scucha un declaracion cu e parlamentario a duna na prensa, pero locual el a declara na prensa no ta cuadra cu e investigacion. Segun den e declaracion di parlamentario Besaril na prensa, e lo a haye den problema cu hendenan presente y cu esey lo tabata e motibo el a bandona e sitio. Den concepto di mandatario esaki ta algo cu e no por kere. Ta asina cu minister di husticia directamente no tin ningun responsabilidad pa ningun miembro

di parlamento y no ta bai over di comportacion di ningun miembro di parlamento tampoco. Tin persona cu ta pidi pa minister Dowers, fiscal y alto comisario di polis tuma nan retiro paso nan lo a laga sr. Besaril “get-a-way” cu locual e la haci. E mandatario a refuta esaki categoricamente. Na momento cu tin un accidente bo tin departamentonan di gobierno, den e caso aki polis, ta haci investigacion y ley ta stipula hopi cla cu prome cu bo bandona un sitio di accidente, bo identidad mester wordo determina bon y tambe e identidad di e auto en cuestion. Lo ta na un hues na final di dia pa determina si locual sr. Besaril a haci ta conforme cu reglanan y ley. Minister Dowers ta kere cu e intencion di e “wetgever” (den e caso aki parlamento y gobierno) den pasado na momento cu nan a traha e ley aki, no tabata pa hende bandona sitio di accidente serio sin cu polis a yega y determina bo identidad. E risico cu bo ta core ta cu bo por tin un mucha por ehempel di 15 aña ta core auto y na momento cu e haye den un problema, su tata ta yama bisa cu e ta den e accidente y el a bay cu e yiu lagando e auto na e sitio. Y awor con polis sa cu berdad ta e tata tabata core y no e yiu. Locual cu tin tras di e accidente aki nos lo mester tende for di sr. Besaril mes, pakico e la bandona e sitio.

cu e compania di tabaco Tabacalera del Este y otro companianan di tabaco di Paraguy pa exporta nan productonan entre nan di e marca IBIZA. Nan a publica nuebe rutanan tanto

maritimo como terrestre pa finalmente nan productonan ta ser bendi di contrabanda den paisnan como Bolivia, Argentina, Chile, Brasil, Guatemala, Colombia, México y Ecuador.

Minister di Labor Paul Croes

Desempleo den 2013 a baha te 7.6 % for di 9.6% den 2012 Na november 2013 Departamento di Labor y Investigacion a conduci un encuesta riba e mercado laboral na Aruba. E encuesta aki ta tuma luga anualmente den cuadro di e proyecto cu yama Labor Force Survey of Arbeidskrachtenonderzoek. Na 2013 esaki a tuma luga riba peticion di Minister di Labor, drs. Paul Croes. E resultado mas importante cu a sali afo ta cu na 2013 tabata tin mas hende na Aruba cu trabou cu na 2012. E cifra di desempleo a baha di 9.6 porciento na 2012 te cu 7.6 porciento na 2013. E rason mas importante pa e aumento di trahadonan riba e mercado laboral di Aruba ta e desaroyo continuo den e sector turistico na Aruba. E sector aki ta uno hopi dinamico y danki na inversionnan cu a tuma lugar den e sector turistico na 2013 a logra crea cuponan nobo di trabou. Si compara e cifra di desempleo di 7.6% na 2013 cu otro paisnan den region, por conclui cu Aruba su desempleo ta uno hopi abou. Den Reino Hulandes, Corsou tin un desempleo di 13% y St. Maarten tin esaki na 11%. Otro islanan den nos region ta entre otro Barbados cu 11.7% y Bahamas cu tin un porcentahe di 15.4% . E unico pais cu te awor tin un miho cifra di desempleo ta Trinidad y Tobago cu ta conta c’un promedio di 4.8%. E encuesta aki ta uno hopi importante y necesario, segun Minister Paul Croes, mirando cu asina por haya datonan di e participacion riba e mercado laboral na Aruba, nominalmente cuanto ta e personanan cu y sin trabou na Aruba. E meta di Minister Paul Croes durante su gobernacion ta pa hisa e participacion di hendenan local riba e mercado laboral di Aruba. Asina lo keda trata di baha e porcentahe di desempleo ainda mas. Minister Paul Croes lo uza diferente instrumento pa logra esaki, entre otro un convenio entre diferente departamento pa pone personanan cu ta ricibiendo bijstand na trabou. E encuesta aki a tuma luga durante e periodo di 20 november te cu 6 december 2013. Manera ta sosode durante Censo, encuestadonan ta bishita centenares di cas na Aruba. Den e casnan aki tur miembro di famia cu tin 15 aña y mas ta wordo entrevista. A base di preguntanan haci e Departamento di Labor y Investigacion ta determina e cifra di desempleo, e caracteristicanan di e trahadonan, e caracteristicanan di personanan cu ta buscando trabou y e participacion total riba e mercado laboral.E siguiente encuesta lo tuma luga na fin di 2014. Minister Paul Croes kier gradici tur famianan cu a tuma tempo pa contesta e preguntanan, encuestadonan y instancianan pa nan cooperacion.


PAGINA 14

DIABIERNA 28 MAART 2014

DIARIO

Nos tin cu crea un comunidad cu ta CARE!

Tema di celebracion mundial di trabou social e a単a aki ta crisis social y economico ORANJESTAD(AAN)--Recientemente Parlamentario Mervin Wyatt-Ras tabata presente na un anochi informativo na Universidad di Aruba, organiza door di studiantenan di social work. Esaki en coneccion cu dia mundial di trabou social. E tema di e celebracion mundial di trabou social e a単a aki ta crisis social y economico ta rekeri solucion di trabou social. Aki ta necesario igualdad, haci posibel cu nos poblacion tin un bida sostenible, crea participacion den nos comunidad, facilita un comunidad cu ta CARE, pues cu ta cuida pa otro, respet pa diversidad y pa conecta hende cu otro. Parlamentario Wyatt-Ras a sintie honra di por a ser invita pa e evento y ta mira cu trabou social na Aruba ta hayando atencion ariba un nivel halto di educacion. Un pabien ta bay na e studiantenan, especial Tirzlyn Kolfin cu a organiza e evento. Wyatt-Ras mes cu ta procedente di e area social a admira cada un di e orado nan, esta sr. Winklaar, sra Polo, sr. van Geest y sr. de Rooy. Por constata cu e diferente profesionalnan ariba e tereno social tin curazon pa nan trabou, ta mira cu ta di importancia di acepta hende cu nan diferencia y cu ta necesario pa instancianan ariba diferente tereno social por coopera y traha hunto. Tanto pa loke ta trata nos hende special, nos hende nan cu tin un dificultad emocional-psicologico/psychiatrico tambe na skol. E anochi tabata mas special cu

e mayor cu a conta di su experiencia cu su yiu despues di un accident y cu e tin cu cana diferente caminda pa yudanza pa su yiu y cu esaki no ta facil, pero cu e ta sigui lucha pa su yiu. Aki Mervin Wyatt-Ras ta realiza su mes cu apesar cu nos tin un variacion di instancianan cu ta duna ayudo na personanan cu nan situacion specifico tog ainda nos tin cu orienta riba otro posibilidadnan. Parlamentario Wyatt-Ras ta spera cu lo tin mas actividad

den e mundo social y estudio ariba e nivel aki pa asina por sigui eleva nivel di trabou social y sigui engrandece atencion pa e ser humano den nos pais. Nos mester sigui construi un comunidad cu na un forma structura ta cuida su hende nan den tur sentido di palabra sea e ta hende muher como hende homber, esnan den un situacion menos favorable, nos grandinan, nos muchanan y hobennan, nos personanan cu un of otro limitacion y nos personanan cu un dificultad psicologico-psychoartico. Un pabien ta bay na tur trahador ariba tereno social sea paga of no paga y hopi forza cu e bon trabou y ainda falta. Nos tin cu sigui crea un comunidad cu ta stima y cuida su hende!


DIABIERNA 28 MAART 2014

PAGINA 79

DIARIO

Minister drs. Paul Croes:

Un bon comunicacion ta yuda den un maneho positivo

Awe 28 di maart ta hasi un aña mas di bida Diana Carolina Caseres e ta hanja un sunchi y braza di su mama esperanza. Bendicion di parti su wela personalmente, sigur mas felicitacion ta bin di parti su yiunan Hakim y Bryan su sobrina Candy ruman Jullye y tur su amiganan na Aruba te deseabo lo mejor den un dia tan special.

ORANJESTAD (AAN): Minister di Asuntonan Social, Hubentud y Labor drs. Paul Croes a haci un bishita recientemente na e Stichting Verstandelijke Gehandicapten Aruba (SVGA). Minister Paul Croes ta gradici na sr. Tuyo Werleman pa acepta su peticion pa haci un bishita na e diferente institutonan di SVGA. E bishita di Minister Paul Croes a dura basta largo. Na prome lugar Minister Paul Croes a haya un presentacion riba e maneho, structura y operacion di e diferente institutonan di SVGA. Esaki ta uno hopi importante pa Minister Paul Croes su conocimento di e fundacion. Segun sr. Tuyo Werleman tampoco den comunidad e structura complete di SVGA ta conoci. SVGA ta consisti di un school pa muchanan di 4-18 aña “School Dununman”, un pasadia pa mucha y hobennan di 2-18 aña “Bibito Pin”, un pasadia pa adulto “Briyo di Solo, un centro social di obra “Man na Obra” y un serie di cas cu guia special “Cas Sjabururi” y “Jaburibari”. E punto cu a dialoga mas durante e bishita di Minister Paul Croes ta riba e cortamento di subsidio. Pa esaki no haci un efecto negativo riba e calidad di cuido pa e personanan cu limitacion fisico. Sr. Werleman no ta desea pa esaki baha y net locual a papia cu Miniister Paul

SVGA ta trahando ariba un base mas moderno cu ta sigui cada paso y cuidonan di e cliente. Tur informacion cu ta worde entrega por medio di un dossier, ta worde digitalisa y na unda por mira tur informacion y desaroyo di e clientenan.

Minister Paul Croes a keda sumamente satisfecho di e bishita. Durante di esaki el a haya hopi idea y informacion pa mira con lo bay trata di subi e participacion di tur esnan envolvi kitando tur descriminacion den nos Mercado laboral.


Diabierna Maart 28 2014

Pagina 13

Drs. Mervin Wyatt-Ras di AVP:

Trabao social ta encera trabao pa e ser humano, nos mester mustra cu nos ta “CARE” R e c i e n t e m e n t e Parlamentario Mervin Wyatt-Ras tabata presente na un anochi informativo na Universidad di Aruba, organiza dior di studiantenan di social work. Esaki en conexion cu dia mundial di trabao social. E tema di e celebracion mundial di trabao social e aña aki ta crisis social y economicio ta rekeri solucionnan di trabao social. Aki ta necesario igualdad, haci posibel cu nos poblacion tin un bida sostenible, crea participacion den nos comunidad, facilita un comunidad cu ta CARE, pues cu ta cuida pa otro, respet pa diversidad y pa conecta hende cu otro. Sra. Wyatt-Ras a sintie honra di por a ser invita pa e evento y ta mira cu trabao social na Aruba ta hayando atencion ariba un nivel halto di educacion. Un pabien ta bay na e studiantenan, especial Tirzlyn Kolfin cu a organiza e evento. Drs. Wyatt-Ras mes cu ta procedente di e area social a admira cada un di e oradornan, esta sr. Winklaar, sra. Polo, sr. van Geest y sr. de Rooy. Por constata cu e diferente profesionalnan ariba e tereno social tin curazon pa nan trabao, ta mira cu ta di importancia di acepta hende cu nan diferencia y cu ta necesario pa instancianan ariba diferente tereno social por coopera y traha hunto. Tanto pa loke ta trata nos henden special, nos hendenan cu tin un dificultad emocionalpsicologico/psychiatrico tambe na school. E anochi tabata mas special cu e mayor cu a conta di su experencia cu su yiu despues di un accident y cu e tin cu cana diferente caminda pa yudanza pa su yiu y cu esaki no ta facil, pero cu e ta sigui lucha pa su yiu. Aki sra. Mervin Wyatt-Ras ta

realiza su mes cu apesar

cu nos tin un variacion di instancianan cu ta duna ayudo na personanan cu nan situacion specifico toch, ainda nos tin cu orienta riba otro posibilidadnan. E ta spera cu lo tin mas actividadnan den e mundo social y estudionan ariba e nivel aki pa asina por sigui eleva nivel di trabao social y sigui engrandece atencion pa e ser humano den nos pais. Nos mester sigui construi un comunidad cu na un forma structura ta cuida su hendenan den tur sentido di palabra sea

e ta hende muher como

hende homber, esnan den un situacion menos favorable, nos grandinan, nos mucha- y hobennan, nos personanan cu un of otro limitacion y nos personanan cu un dificultad psicologicopsico-artico. Un pabien ta bay na tur trahador ariba tereno social sea paga of no paga y hopi forza cu e bon trabao y ainda falta. Nos tin cu sigui crea un comunidad cu ta stima y cuida su hendenan! Nos tin cu crea un comunidad cu ta CARE!

Colegio Arubano biedt sinds 1959 als enige school het volledige curriculum van HAVO en VWO dagonderwijs aan op Aruba. Het onderwijs wordt gegeven vanuit een Rooms katholieke basis met respect voor alle overtuigingen. De school bevindt zich in Oranjestad. De circa 1800 leerlingen zijn verdeeld over het hoofdterrein en een aanpalend terrein voor de eerste klassen. Het bestuur, bestaande uit een team van vijf leden met aan het hoofd de rector, is verantwoordelijk voor de leiding van Colegio Arubano. De Stichting Middelbaar Onderwijs Aruba (SMOA) heeft een Raad van Toezicht. Deze raad is het bevoegd gezag en fungeert tevens als hoogste beroepsinstantie. Vanwege pensionering van de huidige rector zijn wij met ingang van 1 januari 2015 op zoek naar een

RECTOR COLEGIO ARUBANO (Voor een periode van ten minste vier jaar)

De komende jaren blijft Colegio Arubano continue werken aan veranderingen om de school op het gewenste kwaliteitsniveau te brengen en te houden. Traditionele structuren worden steeds omgebouwd. De hoofdtaak voor de Rector is het formuleren en implementeren van organisatorische veranderingen in lijn met de verbeterplannen en doelstellingen van de school vervat in het Schoolplan. De Rector voert dit werk uit in samenspraak met de Raad van Toezicht, schoolleiding en docentencorps. Missie en visie dienen actief te worden uitgedragen, waarbij tegenstellingen tussen belanghebbenden op proactieve en tactvolle manier dienen te worden opgelost. Een steeds veranderende omgeving vraagt om een daadkrachtige benadering en het creëren en behouden van een breed draagvlak. De Rector is verantwoordelijk voor het algehele schoolbeleid, het waarborgen van de kwaliteit van het onderwijs, het onderwijskundigen personeelsbeleid, het financieel beleid en de coördinatie van de dagelijkse gang van zaken . Als essentiële verantwoordelijkheid geldt tot slot het relatiemanagement tussen school en studenten, ouders, overheid en andere betrokken instellingen.

Profiel Doctoraal/Master in vakgerichte opleiding en wenselijk in het bezit van 1e graad leraarsbevoegdheid; Kundig manager en inspirerend leidinggevende met ruime ervaring in een integrale managementfunctie binnen onderwijs- Instellingen; Strategisch inzicht en aantoonbare ervaring met het leiden van veranderingsprocessen; Empatische en proactieve netwerker die resultaatgericht uitdagingen het hoofd weet te bieden; Gedegen kennis van relevante wet- en regelgeving, achtergronden en technieken met betrekking tot didactiek, onderwijs, personeel en financiën; Inlevingsvermogen met professionals en tactvolle uitdrukkingsvaardigheid; Wenselijk de beheersing van Papiamento naast de Nederlandse taal.

Aangeboden Prettige en professionele werkomgeving, waar er hard gewerkt wordt aan structuur, effectiviteit en kwaliteit; Salariëring en secundaire arbeidsvoorwaarden conform geldende Arubaanse wet- en regelgeving; Vacature voor 40 uur in de week.

Reacties Schriftelijk solliciteren met motivatiebrief en curriculum vitae uiterlijk 8 weken na verschijnen van deze advertentie. Sluitingsdatum is 31 mei 2014. Sollicitaties richten aan: Raad van Toezicht van SMOA, t.a.v. mevrouw Gilda Kelly per e-mailadres: bestuursmoa@colegioarubano.aw. Op basis van een eerste oriënterend gesprek kunnen nadere afspraken worden gemaakt omtrent de sollicitatieprocedure. Voor een uitgebreide profielschets verwijzen wij u naar onze website: www.colegioarubano.aw


Social 28314