Page 1


DIASABRA 24 MEI , 2014

4

Minister di Husticia Dowers

Medida disciplinario lo wordo aplica riba presonan pa rebelion Diamars atardi a tuma luga un rebelion den KIA, unda cu algun preso a cende diferente obheto, incluyendo matras, na candela y a causa un risico grandi pa nan mes bida y e bida di demas preso y personal di KIA. Na e momento cu esaki a tuma luga, servicionan di husticia tabata den un reunion tocante e presonan cu a huy dialuna y asina por a planea un strategia y actua di biaha riba e situacion tumando luga den prizon ora KIA a bati alarma. Basa riba e risiconan, a warda pa e diferente servicionan yega pa por a drenta y resolve e situacion. Minister Arthur Dowers a splica cu e personal di KIA mes a logra drenta y resolve e incidente pa loke ta trata e presonan. E titular di husticia a bisa cu afortunadamente esaki tabata posibel y tabata innecesario pa mas

team di pafo bay den accion den KIA. Tabatin un gran cantidad di hende den e area cu a wordo cendi na candela y mester a tuma precaucion maximo pa percura mesora pa tur servicio ta presente. «Nos a pidi tambe asistencia di e militarnan como quiera cu nos a mira cu ultimamente dos persona a huy y bo tin cu tuma e ora ey na cuenta tur sorto di scenario caminda cu nan lo por crea algo ‘akinan pa nan haci cosnan na otro caminda. P’esey tabatin e asistencia aki, pa polis por vigila tur otro areanan tambe y garantisa cu siguridad ta warda maximalmente,” Minister Dowers a splica. “E cos principal ta na momento cu algo asin’aki pasa cu bo kier bay cana cu menos risico posibel pa esunnan cu ta bay para e

situacion, pero tambe pa esunnan cu ta bay comete e discusion den prizon,” el a añadi. Diferente persona a keda deteni pa destruccion, kiebro y pa a cende e candela, Minister Dowers a bisa, expresando cu e ta spera cu Ministerio Publico lo presenta cargonan pisa contra e presonan aki. E dañonan ta considerabel y diaranson caba a cuminsa cu e trabao di ruim op, rista y analisa e luganan unda cu e candelanan a tuma luga. Loke e presonan a haci tin como consecuencia cu lo bay limita e derechonan y privilegionan cu tur preso tin, Minister Dowers a expresa. E presonan cu a rebeldia a trece no solamente nan bida, pero e bida di tur otro preso, como tambe di e personal di KIA den peliger, el a comenta, añadiendo

cu privilegionan manera humamento, pero tambe otro privilegionan lo wordo revisa y unda cu mester nan lo wordo limita. Ta di lamenta cu otro presonan cu si kier resocialisa, cu si ta haci un esfuerso y tin bon conducta lo wordo afecta, segun e mandatario. Pero, e caso ta cu Cuerpo Policial ta actuando cu man duro, tabatin ultimamente hopi investigacion grandi y aresto di personanan cu no ta interesa pa resocialisa of mehora nan conducta. E personanan aki ta e motibo

pakico no por tuma riesgo di laga presonan mas cu tur privilegio cu nan tin actualmente. Na e momentonan aki no por bisa si e dos fugitivonan tin algo di haci cu e incidente di dialuna, Minister Dowers a bisa. Analisando e incidente, el a conclui cu tur servicio haci un trabao sumamente profesional y “tur cos a cana masha ordena mes, y mi tin cu bisa cu e prestacion di e trahadonan y tur hende ta uno di un nivel sumamente halto y cu ta mustra cu nos por atende cu calamidadnan den prizon.”

Minister di Labor drs. Paul Croes a reuni cu Asociacion di Banco Miembronan di directiva di Asociacion di Banconan di Aruba encabesa pa su Presidente sr. Pierre Rafini, sra. Rocila Tromp –Acosta y sr. Javier Wolter a bishita Minister di Asuntonan Social, Hubentud y Labor drs. Paul Croes pa asina conoce mas di su maneho den e area social, laboral y di hubentud. Durante un encuentro ameno a discuti riba varios topico di interes pa e organisacion pero alabes pa e Minister su maneho. Minister a mustra sigur riba e importancia di e sector bancario aki na Aruba pa locual ta empleo y e efecto economico di e sector financiero na Aruba. Banconan ta un dunador di trabao grandi na Aruba y sigur ta un sector pa tene na cuenta na momento di fiha maneho. HUBENTUD Un topico interesante cu a keda discuti tabata e factor cu e sector ta sinti cu hobenan mester mihor preparacion na momento di subi e Mercado laboral. E vision y plan di Minister Croes ta pa prepara hobenan pa ta mas responsabel pa nan escogencianan cu nan ta hasi den nan bida, y mira con gobierno hunto cu sector priva por yega na acuerdonan di cooperacion pa prepara nos hobenan mihor. Minister Croes ta contento di mira e interes di parti di e Asociacion di Banconan (ABA) pa cu e apoyo di nos hubentud. Minister lo inicia

cierto trajectonan unda hobenan ta haya e oportunidad di desaroya diferente talentonan. CREDITORNAN Otro topico cu pa ambos partido ta keda importante ta esun di creditornan cu ta haya nan mes den situacion financiero dificil. “Situacion social por conduci nan situacion financiero dificil, of un situacion financiero dificil tambe por contribui na situacion social dificil”, sr. Rafini a declara. Ta un factor cu clientenan y consumidornan hopi bes mester di mas apoyo den nos sociedad. Tin algun idea cu lo elabora riba dje pa

Telefon: 588-1500 Fax: 582-4937 UN CORANT OTRO

Director

Editor-in-Chief Hareld Faro

Assistant Editors Maritza Maduro Benjamin Romero Elizabeth Guanipa

finalmente yega na legislacion necesario pa registracion di creditonan na Aruba. Un registracion di credito, con por monitoria mihor e personanan cu ta hasi credito den forma central. E topico aki “BKR” ta un punto cu lo wordo realisa. Un proceso cu lo continua bao di Minister Croes. E ta un forma di combati “overspending of overlending”. Tambe mester structura un mihor apoyo con juda persona nan pa maneha nan entrada y gastonan. Minister di Asuntonan Social, Hubentud y Labor drs. Paul Croes a duna di conoce cu e tabata tin un combersacion hopi positivo cu e representantenan di Aruba Bankers Association. Minister drs. Paul Croes ta apoya e idea di Asosacion di Banconan pa e Stichting existente pa apoya esnan cu tin problema financiero, tin un rol mas pro-activo den duna seminarionan con pa dirigi nan administracion personal. Den e combersacion Minister Croes a tuma e oportunidad di intercambia cu e organisacion riba e ehercisio cu Gobierno ta hasi pa asina baha e gastonan di Gobierno pa yega finalmente nan un presupuesto balansa den futuro. E ronda di consulta cu organsacionan relevante pa e Ministerio lo continua e dianan nos dilanti.

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com


PAGINA 28

DIARIO

Booshi Wever:

"Meneer de directeur" ta haci y deshaci, y empleadonan mester sufri ORANJESTAD (AAN): Despues cu Serlimar a anuncia cu lo bai cobra 25 florin pa luna pa recohemento di sushi, aparentemente mester constata cu pueblo lo guli e medida aki tambe manda abow, siendo cu den campaña a fulmina contra Booshi Wever ora cu a propone pa cobra 10 florin pa benta sushi na Dump di Parkietenbos, Booshi Wever a expresa. Pero, "no hay mal que por bien no venga", ya cu nos a cuminza haya hopi reaccion y informacion for di pueblo y tambe for di paden di Serlimar riba maniobranan cu e directeur ta kere di por permiti su mes. Nos kier a pone algun cos riba un rij pa mustra con e "meneer de directeur" aki ta "wheel & deal" contractnan pa su hendenan cerca, y tambe ta funciona na un manera hancho p’e mes, pero smal pa e trahadornan. Ta custumber cu ora un trahador kibra un auto, ta cobra esaki sin misericordia, siendo Serlimar ta paga un capitalazo na seguro. Pero ora cu "meneer de directeur" a kibra auto na dos (2) ocasion, e ora ey SI ta bai seguro y e "meneer de directeur" NO ta paga nada. Esaki a socede cu D-164 y cu un pick-up den cura di Serlimar. Dicon ora ta toka e trahador sí ta kite mesora for di su salario y di e "meneer de directeur", cu un salario barbaro, NO ta kita ningun debchi. Y loke cu ta hasi e asunto mas straño ta e hecho cu "meneer de directeur" ta cobra "benzine-toelage", y ta core ariba abou pa su cosnan personal, y pa ningun hende haya sa unda ela bai, ata ora cu "meneer de directeur" yega Serlimar su GPS-printout ta wordo "deleted"!!! Awor pa colmo dia 12 di mei un memo a sali cu medidanan drastico ta ser tuma riba e trahadornan y cu sancionnan pisa ta cai pa e

homber chikito pa "meneer de directeur" sigui privilegia su mes y otronan cerca di dje. E medidanan, banda cu nan ta ridiculo, nan ta infantil tambe, nan ta e.o: * cu si e belader constata cu e no por hiba e saco pasobra no ta "huisvuil" y e no hiba e saco of bari, y despues otro hende bin huzga cu SI e mester a hibe Serlimar, lo kita 15 minuut for di su salario. * si surpasa e velocidad di 80km, lo cobra 25 florin pa cada biaha cu esaki socede. Esaki lo wordo controla via e sistema di GPS. Aki pa e humilde trahador Serlimar ta intransigente, pero pa e "meneer de directeur" ta "delete" esaki. * si daño wordo hasi na un container y no por saca afo ken a causa e daño, e humilde trahador mester carga e cacho y e mester paga p’e. * e "vuilwerkpremie" no ta wordo paga ora cu un trahador ta malo. Pero e "meneer de directeur" si por cobra su "benzine-toelage", siendo e ta corre ariba abow cu D-164, hasiendo cosnan priva. * ora di overtime lo paga solamente 4 ora na 150% en bez di 8 ora. Ta di spera cu sindicato y trahadornan para duro pa e abuso di poder aki di "meneer de directeur", pasobra pa e trahadornan ta pasa machete, pero pa "SU HENDENAN" tin tur cos. Y nos kier ilustra algun asunto hopi "fishy" al respecto, nos tin mas ainda, pero eseynan nos ta warda pa despues: 1. Pa esun cu a yuda "meneer de directeur" haya e posicion di Directeur, esta Gaby Werleman, el a fix pa huur un casita cu nan ta paga 5000 florin pa luna pa 5 aña largo. Un cas cu a wordo cumpra pa 140.000 florin. Esey kiermeen cu den e 5 añanan ey, Gaby lo strika e suma barbaro di 300.000 florin. Segun informacion cu nos a haya, un

fundacion a wordo lanta cu e meta pa "cover up" henter e fixmento aki, na unda al final Gaby Werleman lo probecha grandemente. 2. Lo bai cobra esnan cu ta paga pa luna 5 florin na administatiekosten, pues Juan Bimba lo bai paga 30 florin pa luna y esnan cu tin e manera di paga e suma den un solo tiro no mester paga nada extra, pues pa e riconan SI ta cobra 25 florin y e pober mester paga 30 florin. Y nos tin informacion cu no ta e departamento di administracion di Serlimar lo bai cobra esaki, NO, aparentemente un compania priva lo bai hasi esaki, di cua e doño supuestamente ta hopi cerca di "meneer de directeur". Pa "meneer de directeur" y su hendenan por sigui biba lekker, e trahadornan y e pueblo mester ser castiga y "LOKE FALTA AINDA"!!", Booshi Wever a finaliza bisando.

DIASABRA 24 MEI 2014

E cacho aki parce ta perdi

ORANJESTAD (AAN): E cacho Maltese blanco aki parce ta perdi. Den e area di Laboratorio Familiar nan a mire. A yama un hende cu pa casualidad ta buscando

esun di dje hopi tempo caba. A resulta cu esaki no ta di dje. Pero asina mes su bo reconoce cu esaki ta bo cacho, djis yama 5935003 y nan tine pa su doño busca su drechi.


PAGINA 31

DIARIO

DIASABRA 24 MEI 2014

No ta bunita ni ta husto:

Atrobe sintomanan di xenofobia riba Latinonan expresa na radio cu palabranan ofensivo ORANJESTAD (AAN) – Den Chinesnan y otronan a tin un tema cu tin di haber cu Pakico lubida cu hopi mester ta mas honesto pa sa di e transcurso di e siman aki por a scucha na un radioemisora, den su programa di opinion unda pueblo ta papia, un polemica tocante e emigrantenan Chines y Latinoamericanonan. Tur cos a surgi ora cu un ciudadano a yama na e programa pa baha riba

contesta defendiendo e Chinesnan, locual berdad ta na su lugar, pero esey a sirbi nan pa compara nan cu esnan Latino cu ta bin biba na Aruba y rebaha nan te na vloer un biaha mas. Un par di residente Latino a tuma contacto cu nos redaccion pasobra cada bez cu

stranheronan biba na Aruba, e Latinoamericanonan ta wordo ataca y ta hopi e expresionnan ofensivo y deningrante cu ta sali for di boca di cierto grupito di hende local cu ta mustra sintomanan di xenofobia, mas tanto riba Latino. Un biaha mas, a wordo comenta na nos redaccion, cu no mester generaliza. Si e personanan cu ta duna nan opinion na radio (un di nan ta un persona cu pa hopi aña a biba den un pais Latino den cual el a wordo hopi bon trata y nunca discrimina) ta referi na un grupo chikito di personanan Latino cu a bin haci daño na Aruba, ningun hende lo a sinti discrimina pasobra nan tambe ta conciente cu, lamentablemente, algun ta bin Aruba haci cosnan cu no ta bon y te hasta comete delito. Pero pakico huzga henter un grupo grandi di residentenan pa un grupito minimal? Pakico no menciona e otro banda di e moneda? Na Aruba tin hopi hende Latino cu a establece nan hogar y cu ta contribui cu nan trabao duro, pagando impuesto, yudando nos economia pasobra aki nan ta cumpra nan alimentonan, ta paga awa y coriente, telefon, cable, transportacion, etc. Hopi ta adapta na Aruba asina bon cu nan por papia Papiamento hopi bon, incluso ta inscribi den cursonan di Ingles y Hulandes na EPE. Pakico no menciona cu hopi yiu di Latino na Aruba cu a lanta aki for di chikito y cu ta wordo conta entre e mehor studiantenan, entre otro di Colegio Arubano?

Latinoamericano a bin traha den e sector di construccion na Aruba y a yuda lanta hopi edificio y a yuda traha hopi di nos careteranan for di pasado te awendia? Y asina por sigui menciona otro sectornan laboral unda tin lomba y man di un trahador Latino cu a dobla traha pa yuda hiba dilanti nos pais, te hasta den sector di turismo. Tambe ta un ofensa pa e hendenan muher Latino cu ta pilar di un famia, di un casa y yiunan, pa atacha un y tur como hendenan cu a bin kibra matrimonionan na Aruba. Kizas e gran mayoria di nan ta casa cu hende di nan mesun pais. Pa kibra matrimonio na Aruba of cualkier otro pais semper ta bay tin algun hende muher sin escrupulo y no tin nacionalidad specifico den esaki. E ta sosode dentro di hendenan local tambe y

acepta e realidad aki na luga di cada bez bisa “yo no soy, yo no fui…” Aruba ta un pueblo multicultural, unda a habri espacio pa un cantidad grandi di raza y cultura. Como hende, sea local, Chines, Portugues, Colombiano, Venezolano, etc., nos ni un ta perfecto y no ta algo agradable pa djis tuma un segmento specifico di e sociedad stranhero aki, hala nan un banda comosifuera nan a bin contamina nos Isla y nan ta e culpablenan di tur cos negativo cu ta sosode, y expresa contra nan hasta cu palabranan vulgar y baho. Nos no mester lubida cu nos tur ta yiunan di Dios sin distincion di raza ni nacion. E e ta mirando tur esaki y no ta por nada cu Jesus a bisa cu E ta laga un Mandamento nobo pa nos tur, cual ta “stima otro manera Dios ta stima nos”.

Continuacion investigacion Babel

Schotte a keda interoga ayera ORANJESTAD (AAN): Segun vocero di ministerio publico na corsow, durante e siman tras di lomba, riba peticion di Ministerio Publico Corsow, a tuma luga cu aprobacion di autoridadnan local entradanan hudicial na Italia. Banda di esey a scucha testigonan, tanto na Italia como na Sint Maarten. Tambe na Corsow a scucha awe diferente testigo.

E decision di Huezcomisario, di 22 di mei 2014, pa laga C.R.D. den libertad, ta relaciona cu su detencion basa riba un "miscommunication" den e team investigativo y no tocante e investigacion mes. E investigacion den caso Babel ta continua y C.R.D. ta keda sospechoso den caso Babel. Ayera e team investigativo a sigui c interogacion di G.F.S.


PAGINA 34

DIARIO

Booshi Wever encuanto e culpa cu ATIA kier tira riba empleadonan publico ORANJESTAD (AAN): Recientemente Booshi Wever di Partido UPP a tuma nota di un reaccion di sr. S. Daal di ATIA riba e dialogo cu minister di finansas ta conduciendo cu e sindicatonan riba e inhaalmanoeuvre y edad di pensioen di empleadonan publico. Atrobe e vocero di ATIA ta haya necesario pa trata di ridiculisa e ponencianan di e sindicatonan, y ta hasi comosifuera cu ta e empleadonan publico ta e culpabelnan di e crisis financiero tanto global como local, siendo cu nos tur sa cu e clase trahador no tin arte ni parte den esaki. Pa loke ta trata e crisis mundial, ta e banconan y companianan di seguro haragan pa placa a hinca mundo henter den e crisis cu ta azotando pueblonan rond di mundo. Y e crisis local actual NO por ser poni den zapato ni di obrero den sector priva, ni di e empleado publico. E reaccion aki no ta nada nobo, y ta di spera pa trata di desvia atencion di loke ta pasando na Aruba y ta wordo orkestra door “the master himself” Mike Eman. Permitimi trata di duna un splicacion di e modus operandi aki di e representante di ATIA, cu ta conoci cu SEMPER a sali padilanti na defensa di AVP. Aruba ta den un crisis financiero, y Mike Eman mester di placa lo mas pronto posibel. Pa obtene un prestamo, e mester di aprobacion di Hulanda y ey e zapato ta preta, pasobra Hulanda porfin a bin realisa cu e gabinete Mike Eman ta hibando un maneho financiero desastroso. Pero aki na Aruba ainda nos ta kere den su wega y manipulacionnan, pasobra Mike ta e homber di pueblo, un “bon guy” cu nunca a kibra un kopi. Mike Eman a siña su les hopi bon den e tempo cu e tabata e consehero mas importante di su ruman Henny Eman. Si bo kier poder y mantene poder, anto percura pa bo tin e prensa na bo man y percura pa bo marionetanan wanta e sla pa bo. Su marionetanan ta wordo forma door di un grupo grandi di coordinador cu ta wordo bon paga pa hasi e trabow sushi, pero tambe e representantenan di comercio uni den ATIA y Camara di Comercio.

Mi ta acepta e hecho cu nos ta biba den un sistema capitalista, y cu den e democracia parlamentario tin diferente “politieke stromingen”. UPP ta considera e pensamento social democrata e forma mas adecuado pa dirigi un pais, pero nos conoce tambe e pensamento liberal cu ta pone mas enfasis riba libertad, na unda lo mester tin menos envolvimiento di gobierno. Por lo general un comerciante kier menos reglanan di parti di gobierno y reduccion di impuesto, y ta ferviente fanatico di partidonan liberal. AVP semper a cumpli cu nan deseonan y p’esey por conta riba nan apoyo. Esaki tabata visibel durante e ultimo dos campañanan electoral, na unda AVP a hiba un campaña miyonario. Pero nada ta pornada, y Mike Eman lo percura cu su marionetanan wordo bon recompensa. Juan David Irausquin durante e periodo cu e tabata president di ATIA, a obedece su lider Mike Eman al pie de la letra y a fulmina contra e clase trahador. Ela haya su recompensa door di wordo nombra minister. Awendia atrobe e vocero di ATIA ta sigui cu e mes un formato. E pregunta ta kiko lo ta e recompensa cu representantenan di ATIA lo bay exigi di Mike Eman, y como e bon guy lo duna nan mesora. Mi ta kere cu mi por adelanta algun condicionnan pa e apoyo incondicional di ATIA pa Mike Eman y AVP. 1. Mi punto ta cu ATIA ta lubida cu no ta e clase trahador tin culpa di e desaster financiero. Ta capitalistanan sin gevoel a sacudi mundo henter door di masacra pueblo cu inversion, na unda nan a gana placa usando formanan ilicito. Na Aruba tambe miembronan di ATIA no tin man limpi. Nos por a compronde for di e minister di finansas anterior cu gobierno tin 1000 miyon florin riba caya. Esey por nifica cu un grupo di comerciante ta nenga di paga impuesto debidamente, pero tambe cu no tur comerciante ta hasi entrega di e loonbelasting na caha di gobierno, esta e loonbelasting cu tur luna ta wordo kita for di salario di e obrero. Y hopi miembronan di ATIA ta peca contra esaki; kiko ATIA ta hasi cu e miembronan aki??

2. Cierto comerciante no ta "draag af " AOV di nan empleadonan debidamente. Y ATIA un biaha mas ta scohe pa keda boca sera riba esaki. 3. Of ke hubo di e comerciante comprometi na gobierno cu no ta caba cu nan projecto, y despues ta bati bancarota, lagando Aruba cu e gasto. Y gobierno no ta hasi nada en contra esaki y NUNCA ATIA ta papia riba esakinan. 4. Tambe lo nos kier sa si ATIA ta na altura di debenan di impuesto cu gobierno a exonera cierto patrocinadornan di campaña. Sumanan di hasta 20 miyon florin ta wordo menciona. Dicon ATIA no a lanta contra esaki?? 5. Ademas kiko ATIA ta pensa di e importacion di stranheronan cu ta willing pa traha pa un salario menos cu e salario minimo (cheap labor), y dicon ta nenga di paga e trahador local un sueldo razonabel? Ta straño cu aki ATIA tambe ta boca callao; of hopi di bo miembronan ta involucra den e bagamunderia aki? Pakico e representante di ATIA no ta hasi mencion di e salario halto, aumenta cu toelagen, cu e coordinadornan di e ministernan ta haña? Y pakiko ATIA no ta papia di e prijsnan cu ta aumenta casi diariamente y sin cu tin un control efectivo di gobierno? Tambe lo ta interesante pa sa e opinion di ATIA riba e forma di malgasta placa di e gobierno actual, y pa finalisa si ATIA lo hasi entrega di informacion riba e cuenta bancario cu posibelmente nan miembronan lo tin den exterior. Hulanda a permiti comercio declara e sumanan warda den cuenta bancario den exterior (zwartgeld) sin cu nan a haña un boet, y e gobierno di Hulanda a acumula sumanan cu ta core den biyones. Por ta cu na Aruba e suma no lo ta di e halto ey, pero sigur lo por yuda evita di kita Tata y Mama di famia for di trabou. By the way, Juan David sa cu gobierno no ta cumpli cu su deber legal y moral di aporta na un fondo di pensioen general pa e arbeidscontreactanten, y “geen haan die ernaar kraait”. Dicon ATIA no ta bisa nada al respecto? Tur hende ta keda den silencio, pasobra na Aruba Mike Eman ainda ta e “braafste jongetje van de klas”.

DIASABRA 24 MEI 2014

Lugbelkis a gradua for di Chadron State College

ORANJETAD (AAN): Dia 10 di Mei, Lugbelkis Wernet a gradua pa su Masters of Science in Organizational Management for di Chadron State College cu un GPA di 4. E ta haya felicitacion di su prins Zayden, su tata

Alberto, su mama Leugia, su pareja Mariano y di Lucia. Tambe e ta haya felicitacion di tur su familianan y tambe di su amiganan y amigonan na Aruba, Hulanda y Merca. Pabien cu e logro grandi aki y hopi exito den bo futuro.


DIASABRA 24 MEI 2014

PAGINA 37

DIARIO

Aruba Human Resources Association a tene nan reunion general di miembronan cu splicacion di proyecto “Ban Traha”

ORANJESTAD (AAN): Tabata cu un sala yen na Holiday Inn Aruba cu e miembronan di Aruba Human

Resources Association a haya e splicacion di e proyecto nobo encabeza pa DPL y DAO cu yama “Ban Traha”. Durante e reunion general di miembro AHRA a invita representantenan di e entidadnan aki pa elabora mas riba e proyecto pa trece back den nos mercado laboral esnan cu ta riba onderstand y bijstand cu capacidad pa traha. E presentador tabata Sr.

Richinel Stamper di DPL, tambe presente tabata Sra. Mirelle Meeuwesse Directora di DPL, Janiro Eisden y Edmar Gietel, y di DOA tabata presente Sra. Judelca Briceño. Ta asina cu tin hopi hende cu tin capacidad y cu pa un of otro motibo a bai den e ciclo di cobra onderstand y bijstand, e programa lo bai den fase y ta concentra riba tur cu ta cla pa bai traha pero mester di entrenamento pa drenta back den e Mercado. Entre otro a toca puntonan manera: E cantidad di personanan cu ta cobrando onderstand y bijstand y cuanto e ta costa. Kico pa hasi pa reduce e indice di desempleo.

companianan pa nan aporta na e proyecto. E aplicantenan lo wordo gescreen, lo wordo yuda cu guia professional y tambe lo haya entrenamento y preparacion pa Sociale Zaken. E trayecto ta di 3 luna, ta spera cu tur cu pasa den e trayecto lo por haya oportunidad pa un trabao. E companianan por yuda den forma di duna training specifico pa e trabaonan cu nan tin disponibel y tambe den forma di un stage pa 3 luna unda por duna e persona guia den trabao. Tur e miembronan tabata hopi interesa y ta duna nan commitment pa yuda unda nan por. AHRA kier ta mas envolvi den reunionnan cu tur e partnernan cu ta envolvi

Kico ta e grupo cu ta wordo atendi cu ne prome, cabez di cas, esnan cu ta mas facil pa yuda den reintegra, y tambe esnan cu ya ta buscando trabao. Tambe con AHRA su miembronan y nan compania por yuda den e proyecto. DAO, DPL y Sociale Zaken ta traha hunto pa e proceso cana bon. Den reunionnan manera esaki ta acerca y ta pidi

pa yuda den guia e proceso di haya trabao of stage den varios sector. AHRA ta aplaudi e decision aki cu lo yuda esnan cu mester di un trabao y tambe lo yuda e companianan pa yena posicionnan cu nan tin habri. AHRA ta gradici tur su miembronan pa nan asistencia na e reunion y tambe DPL y DAO pa nan presentacion.


PAGINA 38

DIARIO

Remetido

70 trahador cu a keda na Westin Apreciable Sr. Redactor, Na prome lugar nos kier a agradece bo persona pa duna nos e espacio pa asina aclarea algun asunto cu den nos concepto ta importante pa publico en general ta na altura di dje encuanto e situacion di e trahadornan di loke antes tawata Westin Hotel. Nos ta un grupo di empleado cu, contrario na loke ta wordo implica publicamente, no a nenga di tuma un pakete for di nos dunador di trabao Aruba Hotel Enterprises (nomber oficial di ex-Westin) paso nos ta anhela mas placa, sino paso nos no ta mira e necesidad di termina un relacion di trabao di añanan largo cu un dunador di trabao cu lo no stop di exisiti, sino cu simplemente ta den proceso di renoba e hotel cu nos ta traha aden. Lamentablemente e punto di salida noble aki, pa un of otro motibo, no ta na agrado di nos dunador di trabao, of en todo caso e no ta na agrado di e accionista nobo di Aruba Hotel Enterprises cual ta un compania cu ta pertenece na e grupo hotelero spaño RIU. Desde cu nos a wordo manda cas na fin di februari di e aña aki, nos como trahadornan a cuminsa cana cu un caminda di cruz cu parse di no conoce final. Salarionan no ta wordo paga na tempo, asuntonan di seguro no ta wordo regla manera mester ta, componentenan di salario no ta wordo paga mas, etc. Na mometo cu nos relama tocante e asuntonan aki nos ta wordo manda for di cashi pa muraya door di esnan di RIU. Obviamente esaki ta wordo hasi pa crea frustracion den e empleadonan pa asina nan fada di e situacion y obliganan indirectamente di termina nan relacion di trabao cu AHE tumando e pakte ainda. E modus operandi aki ya ta conoci caba serca nos como cu for di prome cu e hotel a sera su portanan RIU a pone tur tipo di presion riba e trahadornan di Westin pa tuma e paketenan cu nan a hinca den otro. Dianan largo tawatin representatntenan legal di RIU ta campa den oficinanan di Westin ta indoctrina trahadornan cu e supuesto “plan social” cu supuestamente lo ta beneficioso pa nan. Na cierto momento a bai asina leu cu RIU a cuminsa conta storianan di bancarota, pa asina spanta esnan cu tawata insisti pa keda cu nan trabao. Pa no ni papia mes di e “sindicato” in-house di AHE, Team, cu na lugar di a negocia cu RIU pa sikiera tawatin e opcion di mantene trabao den e “plan social” cu a wordo presenta na e

trahadornan, a scohe pa bai den medionan di comunicación y categoriza e “plan social” aki como un “Golden Package” y hiba un campaña motivando e trahadornan pa caba cu nan relacion di trabao a cambio di placa. Tur esaki sin tene na cuenta cu un entrada fiho jamas y nunca por wordo reemplaza door di un saco di placa. Ta hopi ta esnan cu sonrisa riba nan cara a core firma e pakete “di oro” y cu awe cu awa na wowo ta busca deseperadamente pa un trabao cu cada dia cu pasa ta parse di ta birando mas y mas difici pa haya. E grupo di esnan cu ta lamenta di a tira nan añanan di servicio y nan entrada fiho afo ta grandi, pero pa nan ya ta laat. Ta pa e motibonan aki nos como trahadornan ta para duro riba nos empeño pa mantene nos trabao. Locual nos mester ta siguridad di trabao, no promesanan bashi di kisaz wordo tuma den servicio den futuro, sin ningun tipo di garantia di tempo of salario. Nos ta trahador, nos kier traha y nos no tin ningun duda cu una vez e hotel wordo habri den su bachi nobo como RIU Palace Antillas fin di e aña aki (manera cu e ta wordo propaganda riba internet) lo tin mas cu sufiente trabao pa nos. Hopi ta e storianan cu ta wordo conta door di RIU, of mas bien door su abogado cu parse di ta fungi tambe como relacionista publico di e cadena hotelero, tocante eliminacion di posicionnan den e hotel. Pero cualkier hende cu dos placa di sinti sa cu un hotel bo no por maneha sin empleado. Danki na e campañanan baho hiba na pia di trabao hunto cu e aliadonan corrupto cu a promove e plan maligno di elimina trahador, mientras tanto ta un 70 di nos so a resta. RIU kier pone nos kere cu no tin lugar pa 70 hende den un hotel cu antes tawata conta cu mas di 350 empleado? Como si fuera e situacion no ta tristo suficiente, tin tambe e caso penoso di nos compañeronan dealer di e casino, kendenan ta wordo forza door di RIU pa biba cu menos di mitar di nan entrada como cu nan ta nenga di paganan nan tips. Tips cu nan mes tur tempo tawata menciona den cartanan di recomendación na momento cu nos como trahador tawata hasi debenan na diferente instancia financiero. Ta di lamenta cu nos sitema legal, en todo caso den e caso sumario entama recientemente, a dicta den contra di nos dealernan. Lamentabel paso ta trata di mama y tatanan di famia cu

pa via di e falta di e tipnan aki no por cumpli cu nan obligacionnan financiero locual lo tin consequencianan grave pa nan y nan famianan den corto tempo. Lamentabel tambe paso nengando e dealernan nan entrada esaki ta pone un tiki mas presion riba e grupo aki pa hasi locual RIU ta anhela tanto di nan, esta termina nan relacion di trabao. Nos no por perde di bista cu no ta nos a pidi pa wordo manda cas, sino ta e accionistanan nobo a dicidi di sera hotel pa renobacion y asina hasi imposibel pa temporariamente nos hasi nos trabaonan. No ta prome biaha den historia di Aruba y ironicamente no ta prome biaha den historia di e hotel aki mes, cu tin wordo renoba. Sin embargo tur tempo renobacionnan a wordo hasi teniendo e hotel habri of a zorg pa esnan cu no por traha, keda cu nan salario completo of wordo ofreci trabao temporal na otro hotel y/of companianan den horeca pa asina sigura cu nan ta mantene nan entrada durante e periodo di renobacion. Tur esaki sin mester a kibra nan relacion di trabao cu e hotel cu ta wordo renoba. Lamentablemente RIU no a hasi ningun tipo di esfuerzo pa hasi areglonan similar, sino a enfoca unico y exclusivamente riba manda trahadornan cas. Cu renobacion mester a bin RIU tawata sa for di prome cu a dicidi di cumpra e accionnan di e hotel, pues awo nan no por bisa cu nan no por a spera cu lo tin cu keda paga trahador mientras cu ta wordo renoba. Hecho ta cu no ta por nan no por, ta simplemente kièr nan no kièr. Pero a pesar di tur cos, nos como trahador lo sigui cu nos lucha pa keda cu nos trabao. Nos no ta pidiendo nada otro cu respet pa nos derechonan. Den un pais unda cu dia pa dia ta parse di ta reina un cultura di suprimi y intimida trahador, nos kier ta ehempel cu por otro. Ehempel di cu un trahador tin e derecho y deber di para pa locual ta di dje. Ehempel di cu no por ta asina cu un dunador di trabao por forza un trahador pa bai laga tur loke ela acumula durante añanan largo di servicio paso e kièr pa ta asina. Ehempel di cu aunke nos como trahador no tin e forza financiero di e spañonan cu ta doño di e compania pa cual te dia di awe nos ta traha, husticia lo sa di vence y nos como trahadornan lo logra mantene nos trabao cu tanto nos mester. Di parti di 70 trahador di Westin

DIASABRA 24 MEI 2014

Diadomingo tin Fun Walk di DOW ORANJESTAD (AAN): En coneccion cu celebracion di 85 aña di DOW lo bai tin un grandioso caminata fun walk & run. Cual lo tuma lugar dia 25-Mei 2014 na Fisherman Huts. Saliendo pa 5pm , y ya for di 4pm por cuminsa inscribi. E distancia lo ta 5km pa cana y 10 km pa core. Cu ta inclui awa, Gatorade y Patia. Bini

uno bini tur move pa salud pa bo biba mihor. Tur esnan cu ta interesa den tickets por cumpra esaki na salida mes. Dow ta extende un biaha mas un cordial invitacion na e pueblo di Aruba pa bin cana hunto cu nos y celebra conhuntamente nos 85 aña di celebracion. yega bo tin di yega.


URATACA CENTER

Hemelvaartsdag

Special di awe:

Zeta Band, TST y Dj Alvin den Club Trappers.

Crab Cakes,Aroz, Salada & Banana

Diasabra Mei 24 2014 - Edicion-8 Vol.19404 Sta. Cruz #110 Tel: 585-9500 Fax:585-0951 - E-mail: solodipueblo@gmail.com

1.50

Afl. 10.00 (di 12 pa 3pm) Tel: 585-5212

feest:

Diarazon, 28 di Mei 2014, 9pm

HULANDA TIN BENNY SEVINGER NA BISTA PA MAL MANEHO DI PERMISO NA DIMAS Na Dimas tin un cash register ta sona: tin tin tin tin tin tin !! Parlamentario Dangui Oduber na Minister Otmar Oduber:

Mi no tin mester di insulta famia di Otmar Oduber pa mustra cu e ta fayando como minister! Mayoria Polis ta riba pia:

Accion riba tera y lama e weekend aki Hopi informacion drentando riba fugitivonan

Mandato a wordo duna na TOPA cu mester bay bek na mesa cu Gobierno Comision Salba Aruba

Esun cu sembra biento, ta cosecha horcan!


Diasabra Mei 24 2014

Pagina 14

Remetido

70 Empleadonan cu keto bay ta na trabao, ta reacciona riba abogado Wix Apreciable sr. Redactor, Na prome lugar nos kier a agradece bo persona pa duna nos e espacio pa asina aclarea algun asunto cu den nos concepto ta importante pa publico en general ta na altura di dje encuanto e situacion di e trahadornan di loke, antes tabata Westin Hotel. Nos ta un grupo di empleado cu, contrario na loke ta wordo implica publicamente, no a nenga di tuma un pakete for di nos dunador di trabao Aruba Hotel Enterprises (nomber oficial di ex-Westin) pasobra nos ta anhela mas placa, sino pasobra nos no ta mira e necesidad di termina un relacion di trabao di añanan largo cu un dunador di trabao cu lo no stop di existi, sino cu simplemente ta den proceso di renoba e hotel cu nos ta traha aden. Lamentablemente e punto di salida noble aki, pa un of otro motibo, no ta na agrado di nos dunador di trabao, of en todo caso e no ta na agrado di e accionista nobo di Aruba Hotel Enterprises cual ta un compania cu ta pertenece na e grupo hotelero Spaño RIU. Desde cu nos a wordo manda cas na fin di Februari di e aña aki, nos como trahadornan a cuminsa cana cu un caminda di cruz cu parce di no conoce final. Salarionan no ta wordo paga na tempo, asuntonan di seguro no ta wordo regla manera mester ta, componentenan di salario no ta wordo paga mas, etc. Na mometo cu nos relama tocante e asuntonan aki nos ta wordo manda for di cashi pa muraya door di esnan di RIU. Obviamente esaki ta wordo haci pa crea frustracion den e empleadonan pa asina nan fada di e situacion y obliganan indirectamente di termina nan relacion di trabao cu AHE tumando e pakete ainda. E modus operandi aki ya ta conoci caba cerca nos como cu for di prome cu e hotel a cera su portanan, RIU a pone tur tipo di presion riba e trahadornan di Westin pa tuma e paketenan cu nan a hinca den otro. Dianan largo tabata tin representatntenan legal di RIU ta campa den oficinanan di Westin ta indoctrina trahadornan cu e supuesto “plan social” cu supuestamente lo ta beneficioso pa nan. Na cierto momento a bay asina leu cu RIU a cuminsa conta storianan di bancarota, pa asina spanta esnan cu tabata insisti pa keda cu nan trabao. Pa no ni papia mes di e “sindicato” in-house di AHE, Team, cu na lugar di a negocia cu RIU pa sikiera tabata tin e opcion di mantene trabao den e “plan social” cu a wordo presenta na e trahadornan, a scoge pa bay den medionan di comunicación y categoriza e “plan social” aki como un “Golden Package” y hiba un campaña motivando e trahadornan pa caba cu nan

relacion di trabao a cambio di placa. Tur esaki sin tene na cuenta cu un entrada fiho hamas y nunca por wordo reemplaza door di un saco di placa. Ta hopi ta esnan cu sonrisa riba nan cara a core firma e pakete “di oro” y cu awe cu awa na wowo ta busca desesperadamente pa un trabao cu cada dia cu pasa ta parce di ta birando mas y mas dificil pa haya. E grupo di esnan cu ta lamenta di a tira nan añanan di servicio y nan entrada fiho afor ta grandi, pero pa nan ya ta laat. Ta pa e motibonan aki nos como trahadornan ta para duro riba nos empeño pa mantene nos trabao. Locual nos mester ta seguridad di trabao, no promesanan bashi di kizas wordo tuma den servicio den futuro, sin ningun tipo di garantia di tempo of salario. Nos ta trahador, nos kier traha y nos no tin ningun duda cu una vez e hotel wordo habri den su bachi nobo como RIU Palace Antiyas fin di e aña aki (manera cu e ta wordo propaganda riba internet) lo tin mas cu sufiente trabao pa nos. Hopi ta e storianan cu ta wordo conta door di RIU, of mas bien door su abogado cu parce di ta fungi tambe como relacionista publico di e cadena hotelero, tocante eliminacion di posicionnan den e hotel. Pero cualkier hende cu dos placa di sinti sa cu un hotel bo no por maneha sin empleado. Danki na e campañanan baho hiba na pia di trabao hunto cu e aliadonan corupto cu a promove e plan maligno di elimina trahador, mientras tanto ta un 70 di nos so a resta. RIU kier pone nos kere cu no tin lugar pa 70 hende den un hotel cu antes tabata conta cu mas di 350 empleado? Como si fuera e situacion no ta tristo suficiente, tin tambe e caso penoso di nos compañeronan dealer di e casino, kendenan ta wordo forza door di RIU pa biba cu menos di mitar di nan entrada como cu nan ta nenga di paganan nan tips. Tips cu nan mes tur tempo tabata menciona den cartanan di recomendación na momento cu nos como trahador tabata haci debenan na diferente instancia financiero. Ta di lamenta cu nos sistema legal, en todo caso den e caso sumario entama recientemente, a dicta den contra di nos dealernan. Lamentabel pasobra ta trata di mama- y tatanan di famia cu pa via di e falta di e tipnan aki, no por cumpli cu nan obligacionnan financiero locual lo tin consecuencianan grave pa nan y nan famianan den corto tempo. Lamentabel tambe pasobra nengando e dealernan nan entrada, esaki ta pone un tiki mas presion riba e grupo aki pa haci locual RIU ta anhela tanto di nan, esta termina nan relacion di trabao. Nos no por perde di

bista cu no ta nos a pidi pa wordo manda cas, sino ta e accionistanan nobo a dicidi di cera hotel pa renobacion y asina haci imposibel pa temporariamente nos haci nos trabaonan. No ta prome biaha den historia di Aruba y ironicamente no ta prome biaha den historia di e hotel aki mes, cu tin wordo renoba. Sin embargo tur tempo renobacionnan a wordo haci, teniendo e hotel habri of a zorg pa esnan cu no por traha, keda cu nan salario completo of wordo ofreci trabao temporal na otro hotel y/of companianan den horeca pa asina sigura cu nan ta mantene nan entrada durante e periodo di renobacion. Tur esaki sin mester a kibra nan relacion di trabao cu e hotel cu ta wordo renoba. Lamentablemente RIU no a haci ningun tipo di esfuerzo pa haci areglonan similar, sino a enfoca unico y exclusivamente riba manda trahadornan cas. Cu renobacion mester a bin RIU tabata sa for di prome cu a dicidi di cumpra e accionnan di e hotel, pues awor nan no por bisa cu nan no por a spera cu lo tin cu keda paga trahador mientras cu ta wordo renoba. Hecho ta cu no ta por nan no por, ta simplemente kièr nan no kièr. Pero a pesar di tur cos, nos como trahador lo sigui cu nos lucha pa keda cu nos trabao. Nos no ta pidiendo nada otro cu respet pa nos derechonan. Den un pais unda cu dia pa dia ta parce di ta reina un cultura di suprimi y intimida trahador, nos kier ta ehempel cu por otro. Ehempel di cu un trahador tin e derecho y deber di para pa locual ta di dje. Ehempel di cu no por ta asina cu un dunador di trabao por forza un trahador pa bay laga tur loke el’a acumula durante añanan largo di servicio pasobra e kièr pa ta asina. Ehempel di cu aunke nos como trahador no tin e forza financiero di e Spañonan cu ta doño di e compania pa cual te dia di awe nos ta traha, husticia lo sa di vence y nos como trahadornan lo logra mantene nos trabao cu tanto nos mester.


Diasabra Mei 24 2014

Pagina 6

Drs. Booshi Wever di UPP:

“MENEER DE DIRECTEUR” TA HACI Y DESHACI Y EMPLEADONAN MESTER SUFRI Despues cu Serlimar a anuncia cu lo bay cobra 25 florin pa luna pa recogemento di sushi, aparentemente mester constata cu pueblo lo guli e medida aki tambe manda abao, siendo cu den campaña a fulmina contra Booshi Wever ora cu a propone pa cobra 10 florin pa benta sushi na Dump di Parkietenbos. Pero, “no hay mal que por bien no venga”, ya cu nos a cuminza haya hopi reaccion y informacion for di pueblo y tambe for di paden di Serlimar riba maniobranan cu e directeur ta kere di por permiti su mes. Nos kier a pone algun cos riba un rij pa mustra con e “meneer de directeur” aki ta “wheel & deal” contractnan pa su hendenan cerca y tambe ta funciona na un manera hancho p’e mes, pero smal pa e trahadornan. Ta custumber cu ora un trahador kibra un auto, ta cobra esaki sin misericordia, siendo Serlimar ta paga un capitalazo na seguro. Pero ora cu “meneer de directeur” a kibra auto na dos (2) ocasion, e ora ey SI ta bay seguro y e “meneer de directeur” NO ta paga nada. Esaki a sosode cu D-164 y cu un pick-up den cura di Serlimar. Dicon ora ta toca e trahador sí ta kite mesora for di su salario y di e “meneer de directeur”, cu un salario barbaro, NO ta kita ningun debchi. Y loke cu ta haci e asunto mas straño ta e hecho cu “meneer de directeur” ta cobra “benzine-toelage”, y ta core ariba abao pa su cosnan personal y pa ningun hende haya sa unda el’a bay, ata ora cu “meneer de directeur” yega Serlimar su GPS-printout ta wordo “deleted”!!! Awor pa colmo dia 12 di Mei un memo a sali cu medidanan drastico ta

ser tuma riba e trahadornan y cu sancionnan pisa ta cay pa e homber chikito pa “meneer de directeur” sigui privilegia su mes y otronan cerca di dje. E medidanan, banda cu nan ta ridiculo, nan ta infantil tambe, nan ta e.o: * Cu si e belader constata cu e no por hiba e saco pasobra no ta “huisvuil” y e no hiba e saco of bari, y despues otro hende bin huzga cu SI e mester a hib’e Serlimar, lo kita 15 minuut for di su salario. * Si surpasa e velocidad di 80 km, lo cobra 25 florin pa cada biaha cu esaki sosode. Esaki lo wordo controla via e sistema di GPS. Aki pa e humilde trahador Serlimar ta intransigente, pero pa e “meneer de directeur” ta “delete” esaki. * Si daño wordo hasi na un container y no por saca afor ken a causa e daño, e humilde trahador mester carga e cacho y e mester paga p’e. * E “vuilwerkpremie” no ta wordo paga ora cu un trahador ta malo. Pero e “meneer de directeur” si por cobra su “benzine-toelage”, siendo e ta core ariba abao cu D-164, haciendo cosnan priva. * Ora di overtime lo paga solamente 4 ora na 150% en vez di 8 ora. Ta di spera cu sindicato y trahadornan para duro pa e abuso di poder aki di “meneer de directeur”, pasobra pa e trahadornan ta pasa machete, pero pa “SU HENDENAN” tin tur cos. Y nos kier ilustra a l g u n asunto h o p i “fishy” al respecto, nos tin m a s

MADURO HEAVY

EQUIPMENT N.V.

Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta

Rosa Tereno, Coba Pos y Fundeshi.

ROOI BOSAL 49 TEL.: 585-1708 FAX.:585-6299

ainda, pero eseynan nos ta warda pa despues: 1. Pa esun cu a yuda “meneer de directeur” haya e posicion di Directeur, esta Gaby Werleman, el’a fix pa huur un casita cu nan ta paga 5000 florin pa luna pa 5 aña largo. Un cas cu a wordo cumpra pa 140.000 florin. Esey kier meen cu den e 5 añanan ey, Gaby lo strika e suma barbaro di 300.000 florin. Segun informacion cu nos a haya, un fundacion a wordo lanta cu e meta pa “cover up” henter e fixmento aki, na unda al final Gaby Werleman lo probecha grandemente. 2. Lo bay cobra esnan cu ta paga pa luna 5 florin na administatie- kosten, pues Juan Bimba lo bay paga 30 florin pa luna y esnan cu tin e manera di paga e suma den un solo tiro no mester paga nada extra, pues pa e riconan SI ta cobra 25 florin y e pober mester paga 30 florin. Y nos tin informacion cu no ta e departamento di administracion di Serlimar lo bay cobra esaki, NO, aparentemente un compania priva lo bay hci esaki, di cual e doño supuestamente ta hopi cerca di “meneer de directeur”. Pa “meneer de directeur” y su hendenan por sigui biba lekker, e trahadornan y e pueblo mester ser castiga y “LOKE FALTA AINDA”!!”


Diasabra Mei 24 2014

Pagina 7

Proyecto Auto-Estima Aruba ta pasa den un fase avanza Veronica Quandt:

“E Proyecto AutoEstima a haci mi un mihor persona den tur aspecto”

E Proyecto Auto-Estima (PAEA) a drenta den un fase nobo. Despues di varios luna caminda e participantenan a pasa den un proceso intensivo, awor ta preparando pa sigui cu un otro nivel cu lo yuda nan alcanza e meta desea: bira Asistentenan di e Proyecto. Den entrevista cu Veronica Quandt, un di e participantenan el’a duna di conoce cu su decision di bira parti di e proyecto exitoso aki tin di haber cu e hecho cu e kier a laga atras hopi cos. E kier a mehora hopi como persona, como profesional y den hopi aspecto. Na cuminzamento, ora el’a tende di PAEA e no a duda y a bisa si di biaha. E proyecto tabata loke e tabata spera, el’a enfatiza. “Mi ta hopi contento pasobra door di e proyecto aki mi a siña pordona y awor aki mi por papia y hasta joke di loke mi a pasa aden pasobra e ta un capitulo cera caba”. Ya caba a pasa tres luna for di dia cu e grupo a cuminza cu e sesionnan, cual tabata hopi intensivo y Veronica a ripara hopi cambio den su bida. E ta kere cu e impacto mas grandi te cu awor ta e parti di pordon cu ta hacie un mihor persona, un mihor muher, mihor profesional, mihor den tur aspecto. E cosnan cu el’a siña e ta aplicando nan tur dia y bo ta cuminza mira

e fruto. Awor aki a yega na un otro proceso riba cual e tin hopi expectativa riba dje. “Mi ta kere cu si e proceso uno tabata asina bon, e di dos lo ta hopi mas mihor”, el’ a expresa. Pa cada participante ta un experiencia diferente. Cada un ta siña hopi cos di cada diferente personalidad. Tur hende tin algo cu nan mester traha riba dje y cu por mehora. Bo ta siña comprende e personanan mihor y tambe cosnan cu ta pasa rond di bo, el’a bisa. Finalizando e programa di e Proyecto AutoEstima, e meta di Veronica ta pa yuda hende cu tin e necesidad pa conseho, guia y yude bay dilanti. “Mi ta hopi contento di por a participa y conoce otro hendenan. Mi ta mir’e como un otro capitulo den mi bida cu ta algo hopi positivo”, Veronica Quandt a expresa. E trayecto pa yega na un certificacion ta di un promedio di dos aña intensivo, incluyendo e parti pa ta un lider. Abigael Arends ta un persona certifica pa duna e lesnan aki y ta combina e lesnan cu e parti di conocimento y experiencia, cual ta hopi importante pa yega na e certificacion. Esnan interesa den e proyecto aki por contacta Abigael Arends atraves di info@elka-aruba. com.

Comision Salba Aruba

Esun cu sembra biento, ta cosecha horcan! Sr. redactor masha danki pa e espacio concedi Comision Salba Aruba a tuma nota cu awor diripente sr. Donny Rasmijn di partido A.V.P. kier bini cu un Ley pa trata di regula e maluso di facebook. Sr. Donny Rasmijn, pa añas caba esaki ta e modus operandi di bo partido A.V.P. Bo partido A.V.P. tin un set di coordinador cu ta gana un salario mucho mas halto cu di un Polis. Anto nan trabao ta exclusivamente pa ofende hendenan drechi na radio (Canal 90 y Hit94) y ariba e facebook. Durante campaña, ariba facebook y na cierto radionan, lastra boso a lastra e candidatonan di M.E.P. Anto awor cu oposicion a cuminsa ataca boso cu boso mesun arma back, diripente sr. Donny Rasmijn bo kier bini cu un Ley pa stop e cosnan aki. Sr. Donny Rasmijn wanta duro. Ta apenas e atakenan a cuminsa. Ainda Falta. Ta A.V.P. bo partido, ta tata di e maldadnan aki. Un ta biento bosonan a sembra, wel cosecha orcan awor. Period. Sr.

Donny Rasmijn, Comision Salba Aruba lo a keda hopi contento, si bo a anuncia cu A.V .P. ta bay bini cu e Ley tan importante cu ta regula e FINANCIAMENTO di e partidonan politico. Ta pa motibo cu Pais Aruba NO ta dispone di e Ley tan importante aki, bo partido A.V.P. a gana eleccion mediante KIEZERSBEDROG. Sr. Donny Rasmijn , bo partido A.V.P. tabata dispone di miyones y miyones di florin pa a campaña. Boso a cumpra masha hopi votador, especialmente di esnan cu tabata den necesidad. Sr. Donny Rasmijn, esaki ta pa bo informacion. Nos ta bezig ta acumulando e pruebanan necesario. Ora cu ta asina leu, Comision Salba Aruba, lo zorg pa Ministro Plasterk di Hulanda haya nan. Y nos ta bay exigi pa Hulanda laga convoca eleccion di nobo aki na Aruba. Sr. Donny Rasmijn, tocante e ultimo escandalo, lo siguiente: Comision Salba Aruba ta bay keda cu wowonan vigilante pa

mira ta kico ta bay pasa cu e DIMAS-GATE. Segun Drug Enforcement Agency (D.E.A.) di Merca un narco traficante cu tabata na Aruba y cu awor ta cera na Merca, lo a declara cu un alto funcionaria cu actualmente ta labora na DIMAS conhuntamente cu un alto ehecutivo di Gobierno (muy probabelmente un ministro) lo a fix papelnan (contra pago) pa dicho narco traficante. Comision Salba Aruba ta spera cu no ta solamente e alto funcionaria di Dimas aki, su so tin di bay atende cu Husticia. Si esaki ta e caso, anto e ora ey nos lo bay move cielo y tera. Sr. Donny Rasmijn, na principio tabata Kiko Gomez gate, despues Strawberry gate, despues di esaki Asfalt-gate anto awor e Dimas-gate. Bo Gobierno ta un disaster. Boso ta un decepcion. Boso baha pa caba y laga e partidonan di oposicion cu ta partidonan drechi Goberna Pais Aruba. Period.

INVITACION MDJ ARUBA "DIADOMINGO DI MILAGRO" Tema: Maria modelo di FE Diadomingo awo 25 Mei 2014 Lugar: Jacinta Kleuterschool, Dakota Ora: 9:30 am - 11:30 am Henter Aruba ta keda cordialmente invita pa bini mira e Poder di Dios Manifesta grandemente den tur presente. Misioneronan di Hesus ta reza cu tur esnan presente y tur hende ta bonbini. Si bo tin cualkier problema, of ta den un situashon dificil, por ehempel pa falta di trabao, cu problema di salud, bo tin un vicio cu bo kier pa Dios kite, of bo tin un problema emocional, of financiero. Ruman, sa cu Hesus, ta E Unico solushon, pa bo situashon of e circunstancia dificil cu bo ta den.

Pa mas informacion: 730-2055

Social 24514