Issuu on Google+


DIAHUEBS 24 APRIL 2014

PAGINA 7

DIARIO

Lider di PDR mr. Andin Bikker:

Gobierno mes ta haci maluso di leynan laboral ORANJESTAD (AAN) – Den conferencia di prensa di fraccion di Partido Democracia Real, su lider mr. Andin Bikker, a haci un critica riba politiconan na mando cu ta reclama cu tin abuso laboral y cu hopi comerciante no ta actua conforme ley, etc. No obstante, mr. Bikker a subraya, gobiernonan di tur signature ta esnan cu hopi biaha ta haci maluso di e leynan laboral. E parlamentario a señala cu PDR a tuma nota cu varios

hende a wordo yama, por ehemplo na Servicio di Impuesto (SIAD), na Departamento di Asunto Social (DAS), entre otro, pa notifica trahadornan verbalmente cu nan ta bay wordo retira door cu nan contrato lo no wordo prolonga. Lider di PDR a subraya cu den sector priva no por haci esaki asina sin mas. E doño di trabao mester bay Direccion di Labor, of bay via Corte, prome cu kita un trahador.

Pero gobierno a “take care” di su mes y e ta absolvi pa ley unda e mag di contrata un trahador y tine la linea pa añanan largo. Tin personanan nan Parlamento mes, cu ta trahando bao contrato di cuater pa seis aña caba, si no ta mas, y cu nan no a bira vast. Nan no por bay banco pidi un fianza pasobra nan no tin garantia laboral. El a expresa cu ironia di bida ta cu gobernantenan ta exclama cu tin abuso laboral, pero ora ta trata di gobierno mes, nan ta laga espacio pa contrata hendenan, hopi biaha bao di promesanan electoral, pero ora campaña pasa of gobierno cambia, nan ta laga nan bay sea pasobra no ta di nan partido, y si no, bao argumento cu e gastonan ta hopi. Tur esaki ta permiti pa ley, cu ta haci un excepcion cu gobierno no tin nodi di bay den un proceso cu pa sector priva si ta conta. Esnan cu ta drenta como ambtenaar ta proteha, pero gobierno ta keda haci uso di contratonan laboral, y den e caso di e gobierno na mando nan mas cu hopi otro a contrata varios persona, y aworaki, lamentablemente por mira con nan ta haya notificacion cu no ta bay prolonga nan contrato. Parlamentario mr. Bikker a agrega cu tin personanan trahando cinco aña, por ehemplo na SIAD, cu a acudi na PDR informa cu verbalmente nan ta bay wordo retira for di trabao, pero cu tin un grupito cu a drenta proteha, den cierto direccion apenas un par di luna pasa, pero nan si no ta bay cas. E lider di PDR ta haya cu no ta corecto cu tin varios centenar di persona, cu constantemente door cu nan no tin proteccion laboral ora cu gobierno ta nan doño di trabao, cu ta wordo tuma cada bez pa un aña riba contrato basico tene nan na linea, laga nan biste flanel pa campaña politicamente, priminti cu nan ta bay traha decreto pa tuma nan vast pero despues cu tur cos pasa, nan ta wordo notifica cu nan ta bay cas.


Social 24414