Issuu on Google+


DIASABRA 12 APRIL , 2014

4

Posibilidadnan grandi di cooperacion entre Curoil di Corsou y Aruba

Curoil lo suministra fuel pa e diferente barconan crucero na Aruba

Na final di e reunion ambos mandatario, Oduber di Aruba y Jardim di Corsow a intercambia di regalonanan cu ta refleha e bunitesa di tur dos pais.

Minister Otmar Oduber a reuni cu Minister di Finanzas di Corsou Jose Jardim y su delegacion, caminda den un bon ambiente nan a papia riba diferente tema di interes comun. Minister Oduber a conta cu e

mandatario di Corsou a wordo acompaña pa alto ehecutivonan di Curoil y a papia riba e diferente plannan cu nan tin na Corsou y den e region. Tambe a conversa riba e parti cu ya caba pa entre 4 pa 5 luna Curoil ta suministra fuel pa e diferente

Recientemente a tuma lugar un reunion sumamente positivo entre Ministernan Oduber di Aruba y Jardim di Corsou, entre otro nan a papia riba cooperacion entre Curoil di Corsou y nos pais.

barconan crucero na Aruba, cual ta wordo uza como parti di e mercadeo pa barconan bin Aruba, cual tabata hopi positivo. Un otro tema riba cual e mandatarionan a papia ta e posibilidadnan grandi cu tin di coop-

eracion entre Curoil y Aruba. Riba e tema aki nan a reuni cu APA, cu aeropuerto di Aruba, entre otro. Concluyendo Minister Otmar Oduber a indica cu e reunion aki tabata hopi habri, transparente

y den un ambiente tremendo. E ta considera Minister Jardim un persona hopi agradabel pa conversa y ta di opinion cu tanto Corsou como Aruba a sali for di e reunion sumamente satisfecho cu e puntonan cu tabatin riba mesa.

Segun minister Paul Croes

Convenio “Ban traha” ta stimula tur ciudadano cu no tin un trabou Lo acomoda gran parto di 2.900 persona cu ta ricibi bijstand Minister di Asuntonan Social, Hubentud y Labor, drs. Paul Croes a mustra cu e maneho pa re-integra personanan den bijstand riba e mercado laboral ta uno cu ta di un “invalshoek” positivo. “Nos ta convenci cu tin un gran mayoria di personanan den bijstand cu lo desea un trabao”, asina e mandatario a declara. Pa tal motibo minister Croes su ministerio kier apoya nan den e proceso aki. E ta señala cu pa logra esaki ta rekeri apoyo di nos comunidad comercial, recurso humano di sector priva, departamentonan di gobierno,

uitzend bureaus y famia di esnan den bijstand. Comunidad y comercio tambe tin un deber di informa gobierno ora tin mal uzo ta wordo cometi. E convenio “ban traha” firma entre departamento di Labor y Departamento di Asuntonan Social, ta parti di e esfuerso aki. Hunto cu partnernan den comercio y sector hotelero, minister Paul Croes ta convenci cu nos lo logra acomoda un gran parti di e 2900 personanan cu ta ricibi e apoyo financiero di gobierno bek den nos mercado.

Minister Croes ta convenci cu nos Arubianonan ta personanan balente cu kier sali padilanti. Ta personanan capaz pa desplega tur tipo di funcion. “Nos Arubianonan ta keda personanan cu animo y sigur lo tuma pasonan pa por haya un trabao. Esaki lo significa tambe, cu como ciudadano, bo ta contribui aun mas, bo ta mas productivo pa bo pais”, el a señala. “Ban traha” lo ta un di e incentivonan cu Gabinete Mike Eman ll a prepara pa stimula tur ciudadano cu no tin un trabao, pa nan sali busca y cu e apoyo lo yega na un trabao.’

Telefon: 588-1500 Fax: 582-4937 UN CORANT OTRO

Director

Editor-in-Chief Hareld Faro

Assistant Editors Maritza Maduro Benjamin Romero Elizabeth Guanipa

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com


WWW COMERCIO

Maneho cu ta regarda dianan di fiesta a keda adapta

Ta hopi importante pa nos tin bo informacionnan corecto. Yena e formulario cu ta obtenibel na ELMAR of riba www.elmar.aw

CELEBRANDO 33 AÑA CU PUEBLO Aña 36 ▪ No. 9962 • 1,50 Florin

Segun presidente di F.T.A:

Trahadornan na Aruba ta haya cu tin nada mas di celebra riba Dia di Trahador Turistanan no a preocupa cu manifestacion ayera tardi

ORANJESTAD(AAN)-- Riba e foto aki por mira parti di e turistanan cu a keda saca portret ayera tardi di e “I love Aruba” dilanti Bestuurskantoor, mientras cu ni 100 meter mas pariba e manifestacion di “grupo di 7 “ a yega Bestuurskantoor. Na momento di e manifestacion tabata tin den waf dos bapor grandi di turista y un grupo tabata saca potret na e oficina principal di gobierno y cu e cantidad di polis presente nan a sinti nan mes hopi safe y a sigui saca nan portret trankil ora cu e grupo a yega. E manifestacion mes tabata chikito y a termina cu un abrazo.

DIASABRA 12 APRIL 2014

AVIACION

Ministro Otmar Oduber a inaugura prome vuelo di Insel Air pa Miami


PAGINA 2

DIASABRA 12 APRIL 2014

DIARIO

Rudy Geerman president di FTA;

Posibilidad pa haya otro trabao despues di perde trabao a bira dificil na Aruba ORANJESTAD(AAN)-Den conferencia di pensa di FTA, president Sr. Rudy Geerman a menciona cu for di december ultimo te cu april e aña aki mas di mil hende a keda sin trabao.

El a laga sa cu e tin entendi cu desde cu el a menciona esaki, tur caminda nan ta buscando cifra, lubidando cu cifranan di desempleo na Aruba y di cuanto hende ta perde of haya trabao, casi

Voznan ta lanta pa cobra tankeronan pabao di Aruba ORANJESTAD(AAN)-- E ultimo dianan por a tende comentarionan continuo conta di e tankeronan cu ta ancla pabao di Aruba den awanan teritorial di nos isla. Por a ripara cu riba nos islanan hendenan no ta contento cu esaki, den forma cu nan no ta contento cu ta trata di tankeronan cu no tin di haber cu comercio cu Aruba pero mas bien cu ta den nos region pa abastece nan mes cu petroleo di Venezuela pa transporta pa paisnan cu lo ta beneficia di acuerdonan cera cu Venezuela. Na redaccion ultimo dos dianan durante henter dia ta ricibi yamadanan di hendenan cu ta mustra cu ta bira tempo pa gobierno di Aruba pensa na cobra e tankeronan y asina nos isla tambe probecha di entradanan pa e uso di nos awanan teritorial pa nan negoshinan petrolero. Ademas di esey, pa e daño cu e tankeronan aki por causa cu lekmento di petroleo of cu tiramento di nan sushedadnan den lama y cu

coriente di lama, cu cambio di direccion di biento, lo por wordo treci pa nos playanan y perhudica asina nos turismo. Mirando e reaccionnan aki, sigur ta cu lo bay tende mas di e voznan cu ta lanta y cu Aruba mester por para firme contra doñonan di e tankeronan pa salvaguardia nos naturaleza y pabao di Aruba, sigur nos beachnan.

nunca tin. Esaki pasobra poco empresa ta pone su manpower planning na Departamento di Labor, y ta informa nan ken a perde trabao. No ta solamente perdemento di trabao sino cu e posibilidad pa haya otro trabao ta bira dificil. Y na momento cu un persona keda sin trabao y ta perde su entrada, si e haya un trabao mes su entrada ta menos y e inseguridad ta bay di e leu ey cu bao di e capa di reorganiza, esaki a yega te na banconan. Presidente di FTA a subraya cu na Aruba ta masha normal cu un persona ora e drenta traha na un banco, e ta premira su mes te ora e baha cu pension, pero aworaki esey no ta e caso mas. Un persona cu ta traha na banco, por ehemplo, tin su presupuesto basa riba su

salario y asina e ta busca hipoteca, ta cumpra su auto, etc., y na momento cu e perde e entrada aki e por ta sigur, cu e no ta haye back mas y consecuentemente e ta bay cay den un situacion financiero dificil y di parti di gobierno e no ta haya e sosten cu e mester. Otro situacion cu FTA a bin ta constata, y cu cada dia ta bira mas grandi, ta e dificultad pa e trahador organiza su mes. Segun Rudy Geerman tin varios empresa cu den e ultimo seis lunanan a kita trahadornan for di servicio y ofrece nan placa pa termina nan relacion di trabao, y a haci hopi dificil pa e trahadornan, pa e trahador no organiza su mes. German a menciona dos compania specificamente: Oduber Agencies y De Palm

Tours. El a agrega cu e comerciantenan si ta organiza den tur sorto di organizacion manera AHATA, ATIA, MAMBO, San Nicolas Business Ass., y hasta Asociacion di Banco. Nan si tin e libertad di bin hunto, y ta nan derecho, pa salvaguardia bienestar di nan negoshi, mientras cu un trahador cu organiza su mes ta manera e ta haci algo ilegal”, e lider sindical Rudy Geerman a expresa. El a agrega cu e instancianan concerni no ta denuncia realmente con e situacion di nos pais cada dia ta bira mas dificil. E sindicalista a señala cu no por ta asina cu prijs di alimentonan den supermercado nunca ta baha, pero segun cifranan no tin inflacion, y den esaki algo mester ta completamente robes.


DIASABRA 12 APRIL 2014

PAGINA 3

DIARIO

Minister Otmar Oduber:

Prome vuelo di Insel Air pa Miami ta bay ta apertura di cosnan hopi mas grandi

ORANJESTAD (AAN): Diabierna mainta Minister Otmar Oduber tabata presente na e vuelo inaugural di Insel Air rumbo pa Miami, un meta logra cu ta hopi posi-

tivo pa nos turismo y tambe pa nos localnan cu tin un otro opcion awor pa yega Merca, mas ainda mirando cu ta trata di un compania local. Desde diabierna Insel Air

lo bula pa Miami tur diadomingo, dialuna, diahuebs y diabierna y desde luna di juni lo tin 2 vuelo extra pa asina eventualmente nan cuminsa bula diariamente pa e ciudad Mericano aki. Pa Minister Otmar Oduber esaki ta e realisacion di un plan cu a inicia mas o menos 4 aña pasa hunto cu KLM. Un plan pa loke ta bira e ampliacion di Insel Air na Aruba den combinacion cu KLM pa crea e netwerk necesario y haci di Aruba e hub cu tanto

Segun presidente di F.T.A:

Trahadornan na Aruba ta haya cu tin nada mas di celebra riba Dia di Trahador

ORANJESTAD (AAN) – Federacion di Trahadornan di Aruba (FTA) a convoca un conferencia di prensa, cu a tuma lugar diahuebs mainta den e sede di e sindicato, y den cual tabata central e tema “Manifestacion riba 1 di Mei 2014”. E presidente di FTA señor Rudy Geerman a hiba pa-

labra, y el a cuminza pa gradici prensa pa su sosten na momento cu e sindicato ta yama nan. Geerman a señala cu esaki ta e prome rueda di prensa di 2014 pero e ta un necesidad y un urgencia cu el a wordo yama. Sr. Rudy Geerman a subraya cu desde nan ultimo Con-

greso nan a indica cu no por sigui celebra Dia di Trahador manera den e delaster añanan cu nan a pone hasta bandanan musical pa bin toca, pa e trahadornan bin hunto celebra. Pero locual nan a bin nota, ta cu e celebracion no ta mescos pasobra e trahadornan ta bisa cu nan no tin nada mas pa celebra. E motibo ta cu seguridad di trabao, gradualmente ta birando menos. Señor Geerman a subraya cu nan a constata for di mitar di 2013 bin abao y cuminzamento di e aña aki, e cantidad di trahadornan cu a perde trabao. Geerman a subraya cu hasta por menciona cu entre December 2013 y April di e aña aki, mas cu mil persona a keda sin trabao.

a papia di dje. E mandatario a bisa cu e vuelo aki no solamente mester worde mira como un vuelo inicial pa Miami, pero cu e ta bay ta e apertura di cosnan hopi mas grandi cu lo tuma lugar pa Aruba den e añanan venidero. Minister Oduber a informa cu ya caba e di 2 avion ta cla pa worde registra y dentro di poco, e promer Fokker 70 lo yega como muestra di e relacion estrecho cu tin entre Insel Air y KLM pa worde

ubica akinan na Aruba. Minister Otmar Oduber a duna pabien na Insel Air y tambe pabien na e comunidad di Aruba cu ta haya un aerolinea local cu por duna e servicio y tambe a pidi pa tur Arubiano sostene e aerolinea lokal aki, Insel Air. Depues di e parti oficial, Minister Otmar Oduber tabatin e placer di laga e promer pasahero board riba e promer vuelo di Insel Air rumbo pa Miami, cual por cierto tabata completamente yen.

A adapta maneho pa traha riba dianan di fiesta ORANJESTAD (AAN): Departamento di Asuntonan Economico, Comercio y Industria (DAECI) ta anuncia cu entrante 7 di april 2014, Ministro di Asunto Economico, Comunicacion, Energia y Medio Ambiente, a adapta su maneho pa loke ta trata e dianan di fiesta cu e tiendanan por habri conforme e “Landsverordening winkelsluiting” (AB 1988 no. GT 66). Den cuadro di e maneho di gobierno pa stimula inversion y actividadnan economico e tiendanan lo por bin na remarca pa dispensacion pa habri tambe riba “Dia di Himno y Bandera”, “Diabierna Santo” y “Pasco di Nacemento”. Sinembargo pa “Dia di Trahador” no ta duna dispensacion pa un tienda habri pa publico, pues riba e dia aki e tiendanan mester ta cera. Pa haya e dispensacion di e prohibicion pa keda habri mas laat y/of riba diadomingo y dianan di fiesta, mester dirigi un peticion por escrito na DAECI. Pa esnan cu ya caba a ricibi dispensacion di DAECI pa e aña aki, e cambio di maneho ta encera cu e dispensacion ta conta tambe pa “Diabierna Santo” y “Pasco di Nacemento”. DTI no ta duna cita pa keur auto te cu proximo aviso

Pronto lo mester bay paga di antemano pa keur auto ORANJESTAD (AAN): DTI no ta duna cita pa keur auto te cu proximo aviso. Esaki ta den cuadro cu DTI ta trahando ariba un procedura nobo pa atende cu e clientela pa e cobransa pa e trabao di keur un auto of vehiculo di motor. E cambio ta necesario ya cu 20 pa 25 porciento di e clientela cu a haci cita no ta presenta pa keur nan auto. Den e procedura nobo e cliente mester bin personalmente na DTI pa haci un cita. Lo bay cobra adelanta pa keur auto y e suma cu ta cobra ta coresponde na e tipo di vehiculo cu e cliente tin. Esaki ta pa mehoracion di servicio na e cliente cu kier haya su auto gekeur. No ta tuma peticion pa cita pa keur auto via telefon, fax of e-mail mas.Pronto lo publica den tur medio di comunicacion ki dia DTI lo duna cita atrobe y lo duna mas informacion tocante e procedura nobo.


DIASABRA 12 APRIL 2014

PAGINA 5

DIARIO

Saliendo for di Juliana School pa 4’ or atardi:

F.T.A ta convoca tur trahador y henter pueblo pa un manifestacion riba dia 1 di Mei

ORANJESTAD (AAN) – Den conferencia di prensa di Federacion di Trahadornan di Aruba, FTA, su presidente señor Rudy Geerman a señala cu nan ta constata cu tin cantidad di actividad festivo na Aruba, unda tur hende ta yuda aunke un mas cu otro.

Señor Geerman a expresa cu nos tur gusta fiesta, pero cu no por ta asina cu ningun organizacion of instancia, cu excepcion di Algemene Rekenkamer ta bisa con e situacion financiero di nos pais ta. Rudy Geerman a remarca cu Dia di trahador tambe a bira com-

ercial unda tur hende ta pone fiesta grandi sin pensa di con e dia aki ta un dia liber. E dia aki, el a subraya, a bin door di sacrificionan y hasta hende cu a entrega nan bida, pa por celebra un Dia di Trahador. Segun e sindicalista awendia ta fiesta tin rond di dje, pero ningun hende por para un rato reflexiona kico nan ta haciendo. El a agrega cu fiesta no ta duna e trahador e oportunidad di reflexiona riba kico ta pasando den su pais. Pesey FTA a duna apoyo na e grupo cu a manifesta Diabierna pasobra e ta demostra cu algo no ta bon na Aruba, pasobra e mesun tendencia di bisa cu tur cos ta bin y tin “fiesta

p’aki fiesta p’aya” no ta duna oportunidad di manifesta pasobra tin hendenan ta tuma esaki na malo mesora, y ta pone un color politico riba esnan cu ta pensa otro. Sr. Geerman a subraya cu e tendencia di miedo di expresa nos mes, mester caba na Pais Aruba. Nos ta biba den un pais democratico, e sindicalista a acentua, y ley ta duna e trahadornan nan derecho pa protesta ora e constata cu algo no ta bon den nos pais. E presidente di F.T.A a anuncia cu dia 1 di Mei proximo, despues di basta aña cu nan ta festeha e Dia di Trahador, pone bebida y banda toca, a dicidi cu e aña aki esey no ta tuma lugar pasobra nan a yega na un stage caminda no tin nada pa festeha.Dia 1 di Mei, F.T.A ta organiza un manifestacion y nan ta invita tur trahador, nan famia, amanan di cas, prensa, studiantenan cu ta futuro di nos pais, pa bin demostra si realmente nan ta malcontento cu cosnan cu no ta bay bon.

“Bin pa conhuntamente mustra cu nos no por sigui mas den e direccion aki. Mester tene cuenta cu e clase trahador, pasobra hopi biaha por ripara na Aruba cu nan ta tene cuenta cu tur cos, menos cu e clase trahador”, e sindicalista a expresa. E manifestacion aki ta bay sali for di Juliana School, pa 4’ or di atardi, diahuebs 1 di Mei, lo cana bay ariba pa termina na Plaza Betico Croes. Di akinan lo entrega un manifiesto na Presidente di ATIA, cu ta representa mayoria di doño di trabao na Aruba, y tambe nan ta spera presencia di Minister di Trabao pa e tambe haya un manifiesto unda e malcontento cu tin lo wordo expresa pasobra gradualmente e trahadornan ta wordo kita for di servicio. Semper ta tene cuenta cu e edificio, e cantidad di placa cu lo inverti den dje, pero no ta tene cuenta cu sin e trahador cu ta esun cu ta produci pa e empresario, esaki no por prospera.



Social 12414