Issuu on Google+


DIAMARS 11 MAART, 2014

3

Mayan lo trata e ley di Bosman

Pa limita Hulandesnan di Caribe muda pa Hulanda

E proposicion di ley Bosman, cu ta implica cu Hulandesnan for di Corsow, St. Maarten y Aruba mester cumpli cu criteria prome cu por haya permiso pa establece na Hulanda lo keda discuti mayan, 12 di Maart. E ley a keda presenta pa Andre Bosman di VVD y awor lo pasa pa e tratamento plenario. Durante e reunion mayan, Bosman lo por procesa tur e criticanan, pregunta y observacionnan di su coleganan den Tweede Kamer. Despues e por haci cambio den su proposicion pa asina e por haya sosten di mayoria den Tweede Kamer. Despues lo bolbe trata e ley pa finalmente vota riba dje. Segun analisis di Caribisch Netwerk, e probabilidad ta grandi cu VVD, PVV y SGP lo sostene e ley. E partidonan D66, ChristenUnie y Groenlinks ta totalmente contra. PvdA, CDA y SP ta duda ainda. Pa partido di coalicion, e momento no ta oportuno pa sostene e ley. Nan ta mara na e acuerdo di gobernacion unda ta stipula cu mester tin un areglo di establecimento, pero e

partido ta considera cu e ley di Bosman ta bay mucho leu, door di inclui tur hende di e tres islanan. PvdA ta haya cu solamente mester purba tene hobennan sin posibilidad di porvenir pafo di Hulanda. Cambio den e proposicion di ley lo por kita e obhecionnan aki. Si Tweede Kamer vota na fabor di e ley, esaki lo bay pa Eerste Kamer, cu ta Senado di Hulanda. Senadornan tambe por haci nan preguntanan por escrito y despues lo debate riba e proposicion. Pa e ley haya su validez e mester conta cu sosten di mayoria den Senado. Den e fase aki sinembargo no po bin cambio mas den e ley. Y si Senado accepta e ley, no ta keda Rey Willem-Alexander ningun otro opcion cu firma esaki, cu ta haci’e uno formal. Implicacion Si e proposicion ta bira ley e ta nifica cu pa hendenan di Corsow, St. Maarten y Aruba cu kier bay pa mas cu 6 luna Hulanda, mester cumpli cu por lo menos cu un di cuater condicion. Nan mester tin un tra-

Hulandes ilegal castiga na Merca Merca ta expulsa un homber Hulandes di 77 aña. Pero prome e mester sinta cu castigo di prison di tres luna. E homber, cu no a keda identifica, a falsifica un certificado di naturalisacion den decada di 70 y desde e tempo ey ta bibando na Merca ilegalmente. E homber a biaha ma Merca na 1967 y a keda eynan desde 1974 danki na su documentonan falso. Na 2004, e homber a ricibi un sentencia penal su contra pa motibo di abuso di mucha y esey a pon’e den bista di autoridadnan. Trahadonan di e instancia cu ta supervisa expulsion di ilegalnan for di Merca a descubri riba un lista di abusadonan sentencia, cu e homber tabata un stranhero. Pero ora cu a resulta cu su documentonan tambe tabata falsifica a dicidi pa detene. Diabierna pasa el a keda sentencia te cu tres luna di prison y mester paga 50 mil dollar bek na asistencia social. Si e homber lo biaha pa Hulandes despues di sinta su castigo, no ta cla ainda.

bou of nan mesun negoshi na Hulanda; nan mester percura pa nan mesun entrada for di medionan propio; sigui un estudio reconoci na Hulanda of ta miembro di famia di un Hulandes (Europeo). E ley no ta conta pa esnan cu prome cu e fecha di implementacion ya ta inscribi na Hulanda. Personanan cu no ta cumpli cu un di e exigencianan aki no lo haya un permiso di estadia, y como tal no por haci apelacion na cualkier asistencia financiero. Hopi experto ta preocupa cu e ley aki ta haci distinccion entre Hulandesnan Caribense y esnan di Europa. Nan a ilustra cu e ley ta bay contra di algun tratado internacional cu

ta contra racismo y tambe e ta contra e liña di maneho di Union Europeo. Pero apesar di e preocupacionnan aki, cu ta bin di entre otro Raad van State, Raad van Europa y College voor de Rechten van de Mens, Parlamento di Hulanda por aproba e ley y e ta bira un hecho. E argumento ta e propio leynan local na Corsow, St. Maarten y Aruba cu tambe ta na nan luga pa stroba un fluho grandi di hende, incluso Hulandesnan. VVD como tal no ta mira pakico na Hulanda no por aproba leynan similar (red. Hulanda tambe tin leynan di establecimento pa islanan den e zona di Wadden. Ni Hulandesnan Europeo por bay biba sin mas na Texel of Terschelling, sin cum-

pli cu condicionnan mirando cu e islanan tin un escala chikito). Alternativa Den caso cu Corsow, St. Maarten y Aruba bay de acuerdo cu un Rijkswet riba Trafico di Persona, Bosman lo ta dispuesto pa hala su ley aden. Den un Rijkswet asina e islanan ta haci palabracionnan con hendenan por move entre e islanan y entre Hulanda y ki condicion y reglanan ta conta aki. Asina por determina tambe e reglanan cu ta conta ora cu un persona di Aruba kier establece na St. Eustatius. Hulanda a purba na varios occasion pa bin cu e Rijkswet, pero tur e iniciativanan a keda rechasa pa e tres paisnan autonomo den Caribe.

Prome cu nan ta aterisa

Avionnan di Latino America mester spuit contra sangura ArubAwe por comprende cu Departamento di Salud Publico (DESPA) a bin cu medidanan adicional pa contraresta presencia di e sangura e virus Africano “Chikungunya” den nos isla.

E tres caso di “Chikungunya” cu a ser descubri na luna di januari ultimo tabata casonan importa di personanan cu a bin for di St. Maarten pa Aruba infecta cu e virus aki.

Despues cu e virus aki transmiti pa e sangura “Aedes aegypti” cu ta produci Dengue y Keintura Geel tambe, a ser detecta na Aruba, nos autoridad di salubridad publico, a bin cu medidanan mas stricto pa evita cu e virus aki lo establece riba nos isla mes.

Ayera tardi prome cu avion di Avianca a aterisa na Aruba for di Bogota, stewardess a cuminsa fumiga e avion como medida exigi pa nos autoridad di salubridad publico. Nan a spuit cu un insecticida nada peligroso cu tin aprobacion di organisacion internacional di salud.


Richard Velasco a relata:

Prome Minister y Minister di Labor cu peticion na AHE pa tuma localnan den servicio ORANJESTAD (AAN) – Den entrevista cu señor Richard Velasco, encarga actualmente cu Aruba Hotel Enterprises, el a informa Matutino DIARIO tocante e desaroyonan cu ta sigui despues cu Westin a cera su portanan, y mas cu 300 empleado a haya nan pakete di compensacion. Señor Velasco a menciona cu mayoria di e empleadonan a bay cu un pakete hopi bon, y cu mas of menos setenta no a tume y nan caso ta den man di abogado. Aworaki a cuminza cu e trabaonan di demolicion den e edificio di Westin y prome cos cu nan ta bay haci ta entrega na Gobierno di Aruba di 25 pa 30 meter di beach, unda cu

PAGINA 17

DIARIO

DIAMARS 11 MAART 2014

tempo di Concorde nan tabata tin un beach hopi chikito y den e proyecto di remodelacion nan ta bay pone riba mesun linea cu Riu Palace Aruba. Actualmente e demolicion ta tumando lugar den e pool cu tabata tin un parti kibra cu a causa hopi perdemento di awa, y nan ta bay renova e parti paden di e hotel. Señor Velasco a señala cu tabata tin combersacion cu Prome Minister mr. Mike Eman y cu Minister di Labor drs. Paul Croes, kendenan a solicita e compania pa tuma Arubianonan na trabao, y pesey nan a haci un yamada na companianan contratista ya cu nan tin mester di hopi obrero. Esey ta e motibo cu

tabata tin un rij largo di hende pa solicita di cual a entrevista varios caba. El a subraya cu e entrevistanan ta sigui pasobra nan mester tuma 250 persona local, ademas di e empresanan grandi cu tin e makinaria pa realiza e demolicion. Señor Velasco a referi tambe na e sistema di “all inclusive” unda el a haci cierto aclaracion. El a remarca cu “all inclusive” no kiermen cu e huespednan ta keda paden di e hotel y no ta sali, pasobra ningun hende ta bin Aruba pa wak un pool of un beach so. El a menciona un compania grandi di transporte turistico di Aruba, cu e grupo mas grandi cu tin pa gira turistico ta e huespednan

di Riu Palace, mescos cu e agencianan cu ta huur jeep na turistanan. Ademas ta esnan cu mas ta paga taxi y ta bay cena na restaurant. Señor Velasco a subraya cu “all inclusive” ta pa haci

ganashi ora e turistanan ta pafo di e hotel pasobra nan no ta consumi den e hotel. Incluso tin un joyeria cu kier habri un tienda den e hotel pasobra nan ta ricibi hopi cliente cu ta keda hospeda den Riu.

Debe pa cumpra droga awor a bira amargura ORANJESTAD (AAN): Polis a bay diadomingo anochi na Tio Pepe bar restaurant den Botonica straat relaciona cu bringamento. Na yegada polis a wordo acerca pa e homber R.Q. y el a declara, cu algun tempo pasa di a cumpra droga for di e homber T.N. y awor e debe T.N. 70 florin y pa e suma T.N. ta hasi su bida amarga. Tur caminda cu T.N. tope T.N. ta trata di dal R.Q. basha bao y sea e ta destrui su pertenencia nan. R.Q. a pidi polis pa intermedia, polis a splica cla y raspa cu polis

en principio no ta atende intermedia tocante debe nan entre bendedor y cumprador di droga. Nan a conseha T.N. pa laga R.Q. cu tranquilidad y el a priminti di hasi esaki.


PAGINA 19

DIARIO

DIAMARS 11 MAART 2014

Minister Paul Croes:

“Mi ta orguyoso di e hende muhernan fuerte y ta felicita e organisacion bao guia di Minister Hooyboer-Winklaar”

ORANJESTAD (AAN): Diasabra ultimo e hende hombernan tabata den minoria pero a disfruta y a duna honor y respet na e hende muhernan cu a atende e Woman’s International day conference

cu a tuma lugar den Marriott su ballroom. Minister Paul Croes conhuntamente cu Minister Alex Schwengle y Minister Juan David Irausquin tabata presente pa asina scucha y comparti e dia aki cu e ser

femenino. Guest speakernan a presenta un charla cu a duna nan experiencia di nan bida y con nan deal y sali di nan habitonan y a comberti esaki den nan exito. Ta importante pa nos por

yuda nos hende muhernan hoben den nan desaroyo personal, manera sra Parker a bisa, ta importante pa mayornan ta hunto cu nan yiunan encurashando nan den nan metanan y/of hobbynan. Esaki ta yudanan moralmente y ta contribui den mehoracion pa nan auto estima. Ta bon pa di e forma aki tambe mayornan re-educa nan mes den nan responsabilidad y metanan propio. Mester yuda nos hobennan cu afirmacionnan pa nan por kere mas den nan propio capacidad positivamente. Minister Paul Croes a felicita henter e organisacion cu a prepara y a traha pa e exitoso conferencia un biaha mas bao guia di Minister Michelle Hooyboer–Winklaar. Un dia unda a siňa mas di trabaonan di diferente hende muhernan cu ta den e mundo di entre otro banco, cuerpo policial, escritora,

artista, mama y hende muher cu ta lucha y bringa pa su derechonan di respet y igualdad. “Diferente organisacion a uni hunto pa un dia asina exitoso, y pa stimula e participacion di e hende muher den nos sociedad. Minister Michelle HooyboerWinklaar ta asina determina pa pone e hende muher ariba un plataforma unda nan por expone tur talento di e hende muher exitoso y lider den nos sociedad. E cambio di mentalidad ta importante tanto den e hende homber pa cu derechonan di hende muher, como tambe den hende muher mes pa acepta esaki. Pabien un biaha mas na henter e team cu a traha pa un dia asina exitoso un biaha mas y na Minister Hooyboer –Winklaar cu lo por sigui conta cu e sosten di Minster Paul Croes.


Pickup cu no a regla su velocidad ta dal tras di auto y ta laga 2 persona herida

ORANJESTAD (AAN): Diabierna atardi asistencia di Ambulance a wordo solicita pa un accidente cu a tuma luga ariba caminda di Ponton net dilanti di Lucky Electrical na unda cu un Pickup ariba e ruta cu no a regula su velocidad a bay dal tras di un Toyota Yaris cu un impacto basta fuerte cu a pone cu

PAGINA 21

DIARIO

DIAMARS 11 MAART 2014

2 persona a keda herida. Ambulance a presenta na sitio pa brinda asistencia medico na ambos victima, mientras tanto cu Polis a presenta na sitio pa tuma declaracion di e chauffeur nan envolvi den e accidente. Despues di un rato, Ambulance a transporta ambos victima pa Hospitaal pa tratamento mas avansa.

Trahadornan di WESTIN ta puntra T.E.A.M. unda nos placa di contribucion a keda “Ta calcula cu T.E.A.M. mester a keda cu mas o menos AWG. 80.000, - of mas den pot” ORANJESTAD (AAN): Alrededor di 300 trahador ta puntra nan mes e mesun pregunta tur dia y awo kier puntra T.E.A.M, unda nos placa di contribucion pa afilia na Sindicato ta. Full un aña mayoria trahador di Westin Resort mester a contribui fielmente cu un contribucion pa asina sindicato T.E.A.M por a representa nan dignamente durante cualkier circunstancia cu presenta. Awo cu e Hotel a cera y cu e trahadornan ta den un situacion hopi fastioso pasobra cu nan no a ricibi nan ultimo quincena y mester yudanza di e sindicato T.E.A.M. cu porcierto mester sali na vanguardia pa nan, awo sindicato T.E.A.M ta manera perdi y no kier tende nada mas di e trahadornan. Awo e trahadornan ta puntra T.E.A.M. unda nan placa a keda ya cu T.E.A.M no kier tende nada mas di nan. Kico T.E.A.M. a hasi cu e placa cu

practicamente ta un suma hopi cuantioso. Kico T.E.A.M. ta bay hasi cu e placa? E situacion aki tin e trahadornan hopi indigna disgusta mirando cu ta nan placa y muy en particular cu e sindicato cu mester bringa pa nan, no ta

dunando cara. E trahadornan ta spera cu nan por ricibi un contesta di parti Sindicato T.E.A.M ariba e topico aki y cu nan por yega na otro muy pronto. Un caso cu sigur nos mester sigui di cerca.

Homber a hiba colega cas pero el a haye ta trot ORANJESTAD (AAN): Pa motibo di drop colega na cas, e homber a haye den situacion cuestionable. Ta asina cu diadomingo algun minuut pasa di mei anochi, e homber inicial W a presenta na warda y a declara di a baha su colega hende muher inicial A.A. na su cas situa na Bubali pabao di e compania cu ta drecha tire altura di e practica di Dentista. Despues cu e señora a baha for di auto a yega un homber of amigo di e colega den su direccion y a puntra W. tono di menaza, pakico bo ta hunto cu su señora y ki relaciona bo

tin cu e señora. W. a sigui declara na polis, cu e amigo di A.A. tin un piedra teni den su man y despues e explosion chikito, e homber a hisa su man, W a reacciona y cu rapidez el a aleha for di e sitio, pero tog e homber a manda e piedra, consecuentemente e piedra a dal den su auto, baul a sufri poco daño entre otro e verf y sla y e glas patras e haya algun rasca nan, pero debi cu W. mester bay traha, e lo pasa su siguiente dia parti mainta pa entrega denuncia di destruccion na despacho di recherche.

Ladron di celular a sali na careda ORANJESTAD (AAN): Polis a bay den oranan laat di marduga den Bolivia straat altura di Fruteria Virgilio relaciona cu ladronicia. E homber inicial M. cual polis a atende, a declara, di a cana for di Watergate te den La Salle straat pa su cas y den Bolivia

straat, el a wordo para pa un homber scur bisti na preto y cu paña blanco riba cabez. E homber desconoci, a ranca black berry torch for di den man di e denunciante y a core limpi bay direccion pabao, denuncia a wordo entrega,

JE DIOOS CONSTRUCTION TA BUSCA:

un Carpinte y un aarbeide, un señora pa traha pa cas di famia. Por pasa solicita na: Bernadetastraat # 11 Madiki Of yama na telefoon: 566-7478 y 560-8615 Prome cu solicita of yama, mester pasa registra na DPL Seroe Blanco # 4, cu un cedula of papel di Afl.5,= di Registro Civil Entre: 7:30 - 11:00 mainta di Dialuna pa Diabierna.


PAGINA 6

DIARIO

Richard Velasco:

Proyecto nobo di Riu ta genera un inversion grandi pa Aruba

ORANJESTAD (AAN) – Riu ta bin gasta aproximadamente 175 miyon dollar den e proyecto Westin, incluyendo cumpramento di e edificio, entre otro, y e trabaonan di renovacion. Asina señor Richard Velasco a declara den entrevista cu Matutino DIARIO. El a agrega cu esaki ta un inversion enorme, mas cu den Rio Palace Aruba, y sin perde di bista cu e hotel tin un ocupacion di entre 93 pa 94 porciento, durante henter e aña a pesar cu e room tax ta hopi halto. Asina nan ta aporta na Aruba e room tax, e impuestonan manera BBO, AOV, SVb, AZV, etc., cu ta entrada pa nos Isla. Ex -Westin cu lo bira Riu

tambe, lo ta mas caro cu e hotel cu tin banda di dje, y nan intencion ta pa trece famianan, pero e turistanan cu ta bin di Europa, Canada y Inglatera mayoria di nan ta adulto. Tambe tin hopi pareja cu ta bin pasa nan honey moon akinan y esaki ta un mercado hopi grandi. E Mericanonan cu ta bin di New York, tambe ta forma un mercado enorme. Tocante e parti laboral, señor Velasco a expresa cu e lo ta mescos cu tempo di Riu, pa locual ta trata e trabao specializa. E compania mas grandi di Aruba no tabata tin hende pa realiza e trabaonan specializa aki y pesey gobierno a otorga nan permiso pa trece hende for di exterior, y e ta sinti cu lo pasa mescos cu e resort

nobo aki. Tempo di Riu a trece hopi hende, pero den e proyecto nobo no. Nan lo pidi permiso solamente pa tres persona specializa pero mayoria trahador lo ta di Aruba mes. Pa tuma den servicio e personanan cu lo wordo contrata y cu ta solicitando awor y den proceso di entrevista mester warda prome pa tur planning ta cla. Esaki ta un trabao cu ta bay den diferente fase. E ta calcula cu aki dos siman nan ta cuminsa traha y den total pa caba e obra y habri portanan di e hotel lo tuma cerca di un aña.

DIAMARS 11 MAART 2014



Social 11314