Issuu on Google+


URATACA CENTER

Special di awe:

Chicken Cutsmall, Fried Rice, Salada & Batata

Dialuna 17 Februari 2014 - Edicion-8 Vol.19331

Sta. Cruz #110 Tel: 585-9500 Fax:585-0951 - E-mail: solodipueblo@gmail.com

1.50

Afl. 10.00 (di 12 pa 3pm) Tel: 585-5212

Situacion ta escala na Venezuela

Green Corridor cancela!!!! Ningun compania kier fia Aruba placa p’e !!

Juan DaviD a anuncia paro Di un cantiDaD Di proyecto Evelyn y Xiomara ta hayando razon.. ata e Mega Debe ta wordo confirma! Atencion tur Dominicano y Oscar!!!

Gobierno di AVP ta maltrata un Dominicano cu cancer di prostaat den Kia Gobierno no kier lague bay Colombia pa tratamento medico!

eleccion reina infantil 2014 canal 22

Diasabra tabata deadline pa empleadonan di Westin firma e pakete ofreci na nan MIGHTY TALENT JR Y MIGHTY TALENT TA E MONARCA-NAN DI CAISO Y SOCA PA 2014


Dialuna Februari 17 2014

Ladronnan a ranca celular for di muher di bar E muher M.M. cu ta traha den un bar na San Nicolas, diabierna pa 23:20 a bay warda di Polis pa haci denuncia di ladronicia di su celular. El’a bisa cu el’a wordo atraca pa dos mucha homber. El’a duna descripcion di nan. Segun e dama, un di e mucha hombernan a ranca su celular Samsun Galaxy S4, for di su man drechi y despues tur dos a core bay direccion panort direccion Village. Polisnan a bay na cas di un di e mucha hombernan den Caya Saba, pero no a haya ningun hende na cas. Un rato despues, e muher a bin warda y Polisnan a bay cune na Caya Saba pa investigacion relaciona cu e atraco. Polisnan a papia cu e ruman homber J.J. y el’a bisa cu e no sa unda su ruman R.J. ta. El’a bisa cu su ruman homber ta bisti cu un camisa cora. Despues J.J. a bula cura y a core bay. Polisnan a bay su tras pero despues a bolbe bek na Caya Saba, unda un bisiña a logra gar’e. J.J. a bisa cu su amigo a horta e celular. Polisnan a bay na cas di e amigo riba indicacion di J.J. Polis a papia cune y el’a bisa cu mucha homber cu tabata tin jas beige ta C.J.E. y a laga e celular na un cas. Polisnan a bay cu tur dos mucha homber na e cas den Caya Martinique unda E.J.E. a bay hunto cu Polis busca e celular tras di e cas. C.J.E. a duna polisnan e celular, pero sin bateria y sin e parti patras di e celular. Polisnan a bay bek na Sportparkstraat pa busca e bateria y e parti patras di e celular. Ora cu C.J.E. a bay na porta, Polisnan a deten’e pa ladronicia. Tur dos a wordo hiba warda di Polis y a keda cera pa investigacion.

Ladronicia den un cas na Palm Beach Central a manda Polisnan diasabrapa 12:12, na un cas na Palm Beach pa un kiebro. Na e sitio e habitantenan a bisa polis cu ora nan a yega cas, nan a haya e cas tur reboltea. Tambe nan a mira cu e porta patras tabata habri. Nan a mira cu ladronnan a bay cu un flatscreen, pero despues a nota cu mas cos a disparce for di e cas, cu ta laptop y tambe joyas .E habitantenan lo traha un lista di locual a wordo horta. Polis a tuma e keho.

Kamber na candela Asistencia di Polis a wordo pidi diasabra pa 12:55 na un cas na Jucuri pa candela. Na e sitio e habitante C. kende a bisa cu su yiu a sali for di cas mas o menos 15.00 y mas o menos 23.30 a bolbe cas bek. Polis a papia cu e yiu homber, kende a bisa cu el’a paga e television,tambe e airco y a laga tur cos na ordo. Ora cu el’a yega cas, el’a haya candela den su kamber y a pagu’e. Bomberonan a bin na e sitio y a haci un investigacion. A resulta cu un lampi di halogen cu tabata riba e stoel di cuero a keda cendi entre algun paña. Y door di e cayente e pañanan a coy candela. Cosnan cu a bay perdi den e candela ta un television di e marca Star, un airco Panasonic inverter, blower, set di sala, cama y matras.

Pagina 5

Diasabra tabata deadline pa empleadonan di Westin firma e pakete ofreci na nan

Diasabra tabata un dia pisa pa cada empleado di Westin, ora cu cada un di nan mester a tuma un decision, sea si ta firma e pakete cu nan a haya of nan lo rechaza esaki. Firmando e pakete lo encera cu lo haya un sakito di placa di compensacion, pero depende di e cantidad di aña cu cada un tin den servicio. Frima e pakete no ta e problema

di mas grandi, pero e dolor lo ta pa haya un trabao nobo. Na unda ta haya un trabao nobo? Bueno, sigur cada empleado di Westin ta pasando den momentonan doloroso y di incertidumbre. Ora cu na 2013 e empleadonan mes a lek e plannan cu tin, mesora Otmar Oduber a sali grita cu no ta berdad, cu ta opositornan ta inventa storia. Sinembargo

tin tur indicacion cu te propio Gobierno a pidi Westin pa wanta cu e anuncio pa asina laga eleccion pasa. Un escenario tristo pa Aruba, ora cu 400 empleado ta perde trabao, pero mas ainda empleadonan di varios tienda cu tin den Westin. Pues e impacto lo ta grandi ariba e economia di Aruba.

Polis a detene homber pa destruccion Asistencia di Polis a wordo pidi diasabra pa 5.45 Pos Chikito, unda un homber tabata kibrando un muraya di su bisiña, cu un mokkel. Na e sitio polisnan a mira e conocido D. St. J. cu un mokkel den su man. Na momento cu el’a mira Polisnan, el’a core drenta su cas. Polisnan a bay su tras pero el’a pusha e porta cera. Mirando cu e porta no tabata na yabi, Polisnan a cana bay paden na un manera tactico. Polisnan no a haya e homber paden. Polisnan a cera e cas. Despues Polisnan a controla paden y pafor di e cas. Un di e polisnan a mira St. J den baño. El ‘a keda cera pa destruccion. E mokkel a keda confisca.

Muher a cay for di bus, como cu chauffeur no a para bon, pa e baha E muher N. naci na Grenada di 48 aña, diasabra a bay Polisnan di Strand y a duna polisnan e siguiente noticia. El’a bisa cu mainta el’a drenta den e bus B-110, pa bay na su trabao na Divi Phoenix. Pa un of otro motibo e chauffeur no kier a hib’e eynan. Un rato despues e chauffeur a para e bus na haltura di Westin Hotel. Na momento cu e kier a baha for di e bus, e bus a bolbe cuminsa core y no a dun’e chens pa baha y el’a cay riba su lomba. El’a bisa cu e chauffeur no a para mes pa yud’e. Polis a bise pa e bay dokter pa busca un declaracion y despues duna keho na Recherche.


Social