Page 1


DIABIERNA 09 MEI, 2014

13

‘Kinderpardon’ na Hulanda bou discusion

Mester pone man na curazon pa muchanan cu ta pidi asilo Lider di PvdA Diederik Samsom ta aproba e maneho di Secretario di Estado Teevens pa revisa bon e casonan hopi serio y tristo cu por bin na remarke pa e pordon di mucha. E pordon di mucha ta pa e muchanan ilegal cu a pidi asilo na Hulanda pero cu e sistema a rechasa nan. Segun Samsom, Tweede Kamer a palabra cu Teeven cu e lo studia bon e casonan individual di cada mucha cu segun e sistema Hulandes no ta bin na remarke pa ricibi permiso pa sigui na Hulanda y cu e Secretario di Estado pa Husticia lo atende cada uno cu hopi atencion. Samsom ta reacciona riba e declaracionn di e Kinderom-

budsman di Hulanda cu ta resisti e forma con Gabinete di Hulanda ta ehecuta e asina yama ‘Kinderpardon.’ E Kinderombudsman ta haya e maneho ‘idioot.’ Muchanan cu pidi asilo mester por keda bou di e ‘kinderpardon’ si nan tin cinco aña bou supervision di e municipio y no por supervision di Reino, esta Gobierno di Hulanda. “E ta ‘idioot’ cu muchanan lo por keda Hulanda unicamente si nan ta minimalmente bou supervision di cinco aña bou supervision di Reino,” segun Kinderombudsman Marc Dullaert. E ehecutivo publico encarga pa bringa pa derecho di mucha a publica ta argumenta su ponencia

Hulanda tin hopi inverti na Rusia Banconan Hulandes, companianan di seguro y fondonan di pensioen tabatin hunto na fin di 2013 un total na 12.3 biyon na prestamonan, inversion y tambe bononan Ruso. Esaki ta locual e cifranan recien di Bank for International Settlements for di Suisa ta ilustra. NOS ademas a haci su propio investigacion. ING cu su portofolio di prestamo pa un balor di 7.5 biyon euro ta e banco Hulandes mas grandi y importante na Rusia, y ta laga otro entidadnan financiero di Hulanda leu atras. ING ta particularmente activo cu prestamo y financiamento di exportacion den e industria di gas y petroleo y tin e companianan Ruso y Hulandes mas grandi como cliente. Rabobank tin algun cien miyon euro na Rusia, particularmente prestamo y financiamento comercial. “Nos inversionnan ta menos cu 0.1 porshento di nos balance total di 647 biyon euro,” segun un vocero. ABN Amro ta e banco cu menos interes Ruso y ta financia unicamente indirectamente algun actividad comercial den e sectornan di petroleo, gas, energia y transporte. Fondonan di pensioen E fondonan di pensioen ABP y PGGM tin ambos como 1.5 biyon euro na Rusia. Ta trata aki di bononan estatal, comercial, accionnan di bolsa di mercado y inversionnan priva. E fondo di pensioen di ambtenaarnan ABP a baha su inversionnan na Rusia un poco. “Nos a inverti un poco di mas segun nos mesun criteria,” un vocero a bisa riba e cantidad di inversion di e fondo na Rusia. “No ta cuestion cu tin un exodo masal of algo asina. Nos, mirando e tensionnan, lo ta mucho mas cauteloso cu inversionnan nobo.” PGGM, e fondo di pensioen pa e sector di cuido y bienestar a netamente hisa su inversionnan den e ultimo lunanan. “Nos a haya cu nos mester a inverti mas den mercadonan cu ta lantando cabez, pues tambe Rusia.” PGGM tin inversion den tereno, pues ‘real estate’ Ruso y den e moneda roebel, pa medio di e Banco di Inversion Europeo. Seguro Di e companianan di seguro, solamente Aegon y Delta Lloyd ta inverti na Rusia. Aegon tin segun un vocero, menos cu 100 miyon euro inverti den bononan estatal y comercial. Delta Lloyd tin menos di un promille di e henter e portofolio inverti d 80 biyon euro na Rusia. Tur e banco y seguronan ta enfatisa cu nan ta sigui e desaroyo na Rusia y Ukraina hopi di cerca y cu nan ta maneha e risiconan den interes di e clientenan, accionistanan y inversionistanan. Sali di Rusia of reduci inversion no ta un discusion mes.

door di pone e casonan individual di muchanan cu Gobierno Hulandes a nenga asilo riba su website. Municipionan tambe ta gobierno, segun Dullaert. El a bisa cu ora di pasa responsabilidadnan di Gobierno pa municipio, e ora si ta mira e ultimonan aki como gobierno decentralisa, pero ora ta trata e pordon pa mucha, esaki no ta e caso. “E muchanan aki ta inscribi na scol normal, nan tabata atende clubnan deportivo, tabata den contacto cu un trahado social. Pues nan tabata masha bon bou bista di Gobierno.”

E siman aki, diferente partido di oposicion y como 30 alcalde kier discuti e asunto di ‘kinderpardon’ cu Tweede Kamer. Nan tambe kier atende e problema di algun cien mucha cu awor ta cay bou supervision di municipionan pero ta faya nan oportunidad pa haya e ‘kinderpardon’ pasobra nan no ta cay bou supervision di Reino. E kinderpardon ta resultado di e acuerdo di gobernio. E medida tabata inicialmente un intercambio entre e partidonan di coalicion VVD y PvdA. A cambio di e kinderpardon, VVD a haya e sosten di PvdA pa criminalisa ilegalidad. E ul-

timo aki a keda elimina riba peticion di PvdA. Y VVD a haya a cambio, mita biyon euro cu lo mester a bay pa ayudo riba gasto di ciudadanonan. Samsom a bisa cu e no ta de acuerdo cu Dullaert ya cu e ta haya cu “cada caso ta diferente, pues mester mira na tur caso individual. Teeven ta haci esaki tambe y como tal ta aplica e ley na un forma mas amplio posibel.” Segun e lider di PvdA, mester mira miho na e ley, “pasobra unda cu hala e liña, semper lo tin casonan cu ta mishi cu esaki y tin biaha mes pasa man na curazon.”


DIABIERNA 09 MEI , 2014

Vacuna contra griep Mexicano a produci malesa serio na Hulanda Cuater mucha Hulandes ta probablemente hopi malo pa motibo cu nan a ricibi vacuna contra e griep Mexicano na 2009. E muchanan tin e malesa di drumimento, conoci como narcolepsie. Pa motibo di e malesa aki, e muchanan aki no por domina nan soño durante dia y no por funcciona, ya cu nan ta haya atakenan di soño. Na e centro Hulandes cu ta midi efectonan di vacuna y otro remedi, esta e Nederlands Bijwerkingencentrum Lareb a haya siete caso di narcolepsia despues cu e pacientnan a ricibi e vacuna. Seis di muchanan tabata bou cinco aña di edad, y e otro tabata un adolecente. Segun Lareb, den cuater di e casonan aki tin un coneccion directo cu e vacuna. Na 2009, hopi mucha Hulandes a haya e vacuna contra e griep Mexicano. Hulanda a manda un cantidad di e vacunanan aki tambe pa Aruba y hopi mucha riba nos isla tambe a ricibi esaki. Pero na 2012, un investigacion Europeo a mustra un coneccion entre e vacuna Pandemrix y e malesa di soño cronico. Segun Lareb mester bin mas investigacion na e relacion. Cinco aña Mayornan di muchanan cu no ta malo, no mester tin miedo cu nan yiunan lo por bira malo awor. Ya a pasa un periodo di cinco aña y cu esey e risico pa desaroya narcolepsia a pasa tambe

6

Sconde di solo por nifica muri mas lihe Hende muhe cu ta evita solo den tur circumstancia, particularmente si nan ta biba den paisnan unda tin e temporadanan, tin dos biaha mas probabilidad di muri mas lihe compara cu hende muhe cu ta diariamente den solo. Esaki ta e resultado yamativo di un estudio grandi Sueco unda a investiga no menos cu 30 mil hende muhe durante 20 aña. Scientificonan di e Instituto Karolinska di Suecia, ta teme cu e liñanan di guia di Gobierno cu ta conseha e pueblo pa evita solo ta haci mas malo cu bon. Ta relata exposicion na e rayonan ultravioleta di solo cu cancer di cuero.

Mayoria Gobiernonan na Europa, particularmente e paisnan den norte ta conseha nan hendenan pa evita solo. Y e investigadonan no ta haya esaki un bon idea. Morto trempan Hende muhe cu ta evita solo ta core un risico mas grandi pa desaroya melanoma maligno, y tin hasta dos biaha mas probabilidad pa muri mas trempan pa motibo di cualkier malesa, incluso cancer, Vitamina D Falta di vitamina D lo ta e problema grandi. Curpa di hende ta traha vitamina D ora cu e ta drenta den contacto cu rayonan di solo. Ya

caba a prueba cu falta di vitamina D ta hisa e risico pa diabetes, tuberculosis y multiple sclerosis. Balance Un conseho mucho restrictivo di Gobierno den paisnan cu nivelnan abou di luz di solo, pues ta un risico pa salud publico. E punto ta segun e investigadonan, ta pa logra un bon balance. Curpa tin necesidad pa por goza de bez en cuando di solo, sin cu mester haya un kima. Personanan cu toch kier evita luz di solo completamente, ta haya e conseho pa tuma suplemento di vitamina D, aunke cu su efecto ta menos.

Hol 9514