Page 1


WWW.ARUBAWE.COM

1,50

DIAMARS 08 APRIL , 2014

DIAMARS 08 APRIL, 2014

Florin

HAKEEM Y JOURDÉ DI BRAZIL TAEKWONDO STICHTING A GANA ORO P19 ABONA RIBA

30 fl pa luna DE LA SALLESTRAAT 41 A TEL: 5881500 FAX 5824937

arubawe2012@gmail.com

SOSTENIBILIDAD DI NOS FUTURO GENERACION

Pensionado: 25 fl Tel: 5881500

Chikungunya a bin pa keda den Caribe

P2

Dra. Nuris Lampe no ta candidato pa Parlamento Europeo P2

Ayera un gran cantidad di studiantenan di scolnan secundario a asisti na e Green Education Symposium 2014 cu a tuma lugar den oranan di mainta te merdia na Cas di Cultura tocante importancia di sostenibilidad dunando enfoke riba produccion di alimento sostenibel. Bureau Innovatie a participa activamente den e diseño di e programa caminda nan a enfoca riba innovacion y creatividad. E simposio aunke a presenta algun problemanan tecnico chikito e tabata bon organisa pensando riba nos futuro generacion pa asina nos hobennan por a beneficia di informacion valioso rond di sostenibilidad. Buscando informacion for di otro perspectiva

ArubAwe a papia cu algun studiantenan di Colegio Arubano kendenan a bisa cu realmente e simposio aki tabata interesante ya cu e tabata un serie di charla breve y bon prepara pa diferente oradornan. “Mi por ripara cu nan a pone hopi enfoke riba e hobennan”, un hoben studiante di VWO a bisa. “Pesca Sostenibel”, presenta pa Taino Heinze tabata un topico masha interesante. Heinze ta dedica na e criadero sostenibel di pisca. Actualmente nan ta criando 50 mil pisca un mescla entre tilapia y pargo cora, y nan tin plania di cuminsa abastece e mercado local aki dos luna.

Considera un bon wardado di carne pa Islamita y Cristiannan

Pastoor Jesuita Hulandes P3 asesina


DIAMARS 08 APRIL , 2014

2

SEÑOR TA BISA“GRANDINAN DI MUNDO, LIDERNAN Y ESNAN PODEROSO TA HAYA HONOR, PERO NIUN DI NAN NO TA MAS GRANDI CU ESUN CU TA RESPETA SEÑOR”, SIRAG 10:24

Autoridadnan Europeo di salud a bisa cu Chikungunya lo expande y keda den Caribe Informacion produci na Den Haag ta indica cu autoridadnan Europeo di salud publico a anticipa cu un brote di e malesa produci pa e virus di Chikungunya lo expande y establece di forma permanente den e islanan di Caribe. Debi na e trafico intensivo di personanan entre Caribe y Europa, e autoridadnan Europeo ta insisti pa e dokternan no neglisha e malesa aki den caso cu un pasahero ta mustra sospechoso di mustra e sintomanan di chikungunya. E solicitud aki a sali den un articulo publica den Eurosurveillance diabierna ultimo. E articulo en-

cuestion a ser publica cu ayudo di e instituto Hulandes di salud publico esta RIVM.

Europa a anticipa cu e malesa lo plama mas y el lo bira un malesa permanente.

Nan a mustra cu e prome pashentnan cu chikungunya den Caribe a ser registra luna di december 2013. Nan a referi inicialmente na dos pashent den e parti Frances di St. Maarten. Cuater luna a transcuri caba y e cantidad di caso a multiplica y el a expande den diferente isla di Caribe. Nan ta referi cu teniendo cuenta cu e gran extension di e presencia di e sangura Aedes aegypti cu ta transmiti e virus, autoridadnan di sanidad na

Nan no ta descarta cu e virus di chikungunya lo yega na Europa dor di e pashentnan cu a bira malo durante nan estadia den e islanan di Caribe. Pesey e investigadonan di Eurosurveillance ta conseha pa e dokternan tambe tene cuenta cu e malesa di chikungunya, mescos cu nan a haci cu Dengue ora cu un biahero cu ta bin for di Caribe ta mustra sospechoso di presenta e sintomanan. Chikungunya ta un malesa infeccioso transmiti pa e sangu-

Dra. Nuris Lampe ta sostenedo y no candidato di partido “Ik Kies Voor Eerlijk”

ra Aedes aegypti y Aedes albopictus generalmente durante dia cla. E ta produci keintura halto, dolor di musculo, join,

dolor cabes, dolor patras di wowo, calafriu, y tambe lo por tin rash, y e molester aki lo por dura varios siman te lunanan.

Remedi Parkinson bon pa cura di adiccion cocaine Ayera ArubAwe a tuma contacto cu Dermatologo, Dra. Nuris Lampe pa confirma si e tin aspiracion politico pa bira miembro di Parlamento Europeo riba lista di e partido Ik Kies Voor Eerlijk (Mi Ta Scoge Pa Honestidad). Dra. Lampe a aclaria cu e no ta candidato sino cu e ta un sostenedo di e partido menciona. Ik Kies Voor Eerlijk ta e mesun partido cu e politico Arubiano, Rudy Lampe ta aparece como candidato number 4 riba lista di Ik Kies Voor Eerlijk pa busca un representacion den Parlamento Europeo. Dra. Lampe a laga sa cu e par-

tido “Ik Kies Voor Eerlijk” ta uno nobo y cu ta conta cu sosten no solamente di Arubianonan sino di ciudadanonan di nos region. Igualmente el a declara cu no tur hende por bira candidato pa bay eleccion di Parlamento Europeo, ya cu mester cumpli cu cierto curriculum entre otro e candidato mester domina por lo menos cuater idioma. Igualmente Dra. Nuris Lampe a declara cu famia Lampe ta un famia so na Aruba, pero e ta un sostenedo di partido Ik Kies Voor Eerlijk, ya cu e partido aki ta boga pa honestidad y integridad. E ta considera importante cu como pais chikito nos

mester tin un bos den Parlamento Europeo, ya cu ta existi un globalisacion, y e paisnan grandi kier impone riba e paisnan chikito. Finalmente Dra. Nuris Lampe a bisa cu e ta sostene e partido Ik Kies Voor Eerlijk pa asina combati corupcion cu ta existi internacionalmente. Dra. Lampe a probecha pa haci un yamado en general pa nos ciudadanonan eherce nan derecho di bay vota den eleccion pa Parlamento Europeo. Ainda tin chens pa bo registra te cu dia 10 di april awor na oficina di VNO banda di Juliana School.

Un remedi existente cu ta uza pa tratamento di e malesa di Parkinson posiblemente lo por yuda esnan adicto na cocaina den nan proceso di rehabilitacion. Ya caba a haci experimento cu e remedy cerca djacannan den laboratorio y cerca e animalnan aki a detecta cu e remedy ta evita cu nan ta bira adicto na cocaine. Pero mas importante, nan adiccion ta bira menos fuerte ora cu nan uza e remedi. E investigacion ta tumando luga na Merca, bou guia di Ingo Willuhn di e seccion di psychiatria di Centro Medico di Universidad Amsterdam. E hospital mes a publica e resultadonan di e investigacion aki. E djacanan tabata por a haya cocaine sin restriccion durante algun ora pa dia. Mayoria di e animalnan tabata cada biaha uza mas. Pero esnan cu tabata haya e remedi Levodopa tabata hasta uza menos. Dopamine E remedi, manera tabata conoci caba cerca pacientnan di Parkinson, ta produci mas dopamina den cerebronan, cu ta importante pa e sistema di recompensacion. Cerca e djacanan cu no tabata uza Levodopa, cada biaha tabatin menos produccion natural di dopamine, cu ta pone cu e necesidad na cocaina tabata aumenta. Segun Willuhn, tin interes clinico pa awor experimenta cu e resultadonan aki cerca hendenan cu ta adictonan di cocaine.


DIAMARS 08 APRIL, 2014

3

Considera un bon wardado di carne pa Islamita y Cristiannan

Pastoor Jesuita Hulandes asesina na Syria Ya a dera un un pastoor Jesuita Hulandes asesina na Syria. E pastoor Frans van der Lugt a keda dera na Hom mes, unda el a dedica su bida pa yuda particularmente esnan cu tin limitacion. Hombernan arma a secuestra e Pastoor for di su cas Dialuna mainta y despues a mat’e cu dos tiro den su cabez. E motibo di e atake no ta conoci. E pastoor di 75 aña a pone un video riba YouTube e comienso di aña ainda unda el a enfatisa cu Syrionan mester di ayudo urgente. “Nos ta stima bida, nos no kier hoga den e lama di dolo y morto,” el a bisa den Arabe. Segun instancianan official, e Pastoor Catolico a nenga di bandona e ciudad cu tabata bou atake constante, apesar di peticionnan constante. “Mi ta keda cerca mi hendenan. Mi ta e cuidado di mi carnenan.” Van der Lugt na nace riba 10 di April, 1938 na Den Haag y a bay traha casi 50 aña pasa na Syria. Na Hom, e tabata traha cu hobennan cu limitacion. E Conferencia di Obisponan Hulandes a reaccion cu shock y tristesa riba e noticia di e morto di Van der Lugt. E obisponan den un declaracion a bisa cu nan lo resa pa tur e hendenan cu e Pastoor a laga atras y henter Syria. Na Syria mes tin hopi tristesa pa morto di un pastoor cu realmente a stima e Syrionan. “Su cara tabata ilustra amor. E tabata asina un gran persona,” un ciudadana, Rabia di 45 a bisa yorando. “Mi ta hopi kibra,” el a bisa periodistanan ayera. Su famia a haya e informacion ayera mainta mes di e asesinato di Van der Lugt. “Mi no kier a kere, esaki ta un dia scur.” Rabia y su famia ta na London. Nan a logra hui for di Syria, y pa motibo di siguridad no por uza nan nomber real. Nan conoce e pastoor bon. “Tur Cristiano na Hom conoce Frans bon. E tabata para hopi cerca di hende. Otro pastoornan tin e tendencia pa comberti hendenan den un forma forsa, pero Frans no. E tabata kier djis haci bon, pa tur hende.”

Frans van der Lugt como tal tabata organisa campamento pa hendenan por yega na cerca di otro, tabata educa hende riba e Bijbel, tabata colecta donacion pa hende pober, tabata huur camber barata pa studiantenan di e pueblonan y a lanta un centro di agricultura unda esnan pober por a traha. Y e ultimo proyecto aki tabata un exito. E pastoor a haci ricibi un tereno grandi for di e Gobierno Syrio pa e trabou aki. Van der Lugt a mantene un bon contacto cu Gobierno. Van der Lugt a bay biba den e klooster pa Jesuitanan den e centro di e ciudad bieu di Hom ora cu e guerra civil a inicia. E tabata e luga unda e rebeldenan a confronta e ehercito Syrio cu a laga un destruccion humano y fisico enorme atras. “E no tabata su escohencia pa no bandona e luga. Tabatin hende na Hom cu no kier a lga nan cas, y como tal Frans kier a keda pa yuda nan,” segun Hanan Shamoun un activista di derecho Humano di Syria active na Hulanda kende tabatin contacto regular cu van der Lugt. UN BERDADERO PASTOOR E pastoor tabata percura pa cuminda y sosten psychologico na personanan traumatisa. “E no tabata haci distinccion entre ken tabata Islamita of Cristian. Esey tabata asina special na dje. E tabata diferente cu e pastoornan Syrio. Nan generalmente ta duna ordo, pero no ta haci mucho. Pader Frans tabata un hende cu tabata lora su manga di camisa y tabata traha.”

E noticia cu a mata Frans van der Lugt a cay manera un bon den e comunidad Syrio. E hecho cu e homber cu a tira e pastoor mata ta pa hopi un señal cu ta trata di un hende cu e pastoor tabata conoce. Aunke cu tur cos ta un speculacion, esnan yega na e pastoor Hulandes ta kere cu e culpabelnan ta rebeldenan radical. “Tin yen di rebeldenan radical bon arma den Hom. No por ta un hende di e ehercito Syrio. Nan no a penetra e centro di Hom durante tur e tres añanan aki di e guera civil.” Rabia a bisa. Shamoun tambe ta kere cu e autornan ta Moslimnan radical. “E por ta un individuo problematico, pasobra e no ta na interes di e oposicion pa mata e pastoor. E ta malo pa nan reputacion. Mi ta kere cu e autor ta convenci cu tur hende mester ta Moslim. E lo a mira e acto di mata e pastoor como un ordo di Dios.” Es mas, Shamoun ta kere cu Van der Lugt ya tabata den bista di e rebeldenan islamista. E grito pa ayudo cu e pastoor a haci na Januari pa medio di YouTube lo a sosode bou presion di e rebeldenan. P’e tabata straño cu e pastoor a papia na Arabe, mientras cu semper e ta manda su mensahenan na Ingles. “ Tambe mi a haya straño di mira yen di borchi cu dichonan Arabe rond di dje. Esey no ta estilo di nos pastoor, sino di oposicion. Mas ainda, e canal di YouTube unda su video ta aparece ta den man di extremistanan.” Rabia no ta exclui e posibilidad cu e morto di Van der Lugt por

tin di haber cu e pastoor tabata hunga un papel importante den e proceso di negociacion entre Gobierno Syrio, oposicion, Nacionnan Uni y Cruz Cora. “Kizas el a dicidi algo cu a cay malo cerca un di e partidonan. Nos lo no haya sa esaki nunca mas.” Pero un cos si mayoria ta hopi sigur, esta cu por lo pronto lo no tin un di dos pastoor manera Frans van der Lugt na Hom. “E tabata un hende excepcional, cu no tabata traha pa enrikese su mes, pero cu tabata

haci tur cos pa yuda otro. E tabata biba un bida simpel. E tabata transporta su mes sea cu bais of na pia.” Minister pa Asuntonan Exterior di Hulanda Frans Timmermans a condena e asesinato. E ultimo informacion cu a sali di Syria ta cu probablemente e asesinonan di Pader van der Lugt port a rebeldenan di e frente extremist al- Nusra cu ta afilia na al-Qaeda. Tin un cantidad di luchadonan jihadista for di Hulanda cu a uni na e frente aki.

Corte di Prome Instancia lo inicia caso Zwarte Piet na Mei Huez Administrativo na Amsterdam lo enfoca riba e polemica di Zwarte Piet probablemente cuminzando 22 di Mei. Corte di Prome Instancia lo inicia e dia ey, segun consehero huridico Frank King. E procedura ta sigui e caso sumario den cua oponentenan di e figura di Zwarte Piet ta protesta e representacion racista di e fenomeno. Nan tabata kier a evita cu e Zwarte Pietnan a drenta hunto cu Sinterklaas na November ultimo ya cu nan ta haya cu e forma con ta ilustra e asistente di Sinterklaas na un forma cu no ta duna respet na personanan di descendencia Africano. E huez e tempo ey a rechasa nan keho, pero a conseha pa e grupo hiba nan caso na Corte di Prome Instante. King a bisa cu e ta importante cu ta bin un decision di Huez cu ta tuma den consideracion e interesnan di tanto esnan cu ta pro y contra di e figura di Zwarte Piet. “E mester duna un sentencia basa riba ley y pone un fin na e discussion pa asina tur hende sa unda cost a para.” E hecho cu na e momentonan aki tin deliberacionnan riba e futuro di Zwarte Piet bou guia di e Centro Hulandes pa Cultura Nacional y Herencia Immaterial no ta motibo pa stop e caso. “Kizas e sentencia por yuda den e deliberacionnan,” King a bisa.


Hol 8414  
Read more
Read more
Similar to
Popular now
Just for you